လံာ်သိၣ်လီၤသီလီၤတၢ် 7:16 - Sgaw Karen Common Bible

¹⁶ မၤဟးဂီၤကွံာ်ကယဲၢ်ပှၤကိးကလုာ်ဒဲးလၢယွၤ, သုကစၢ်ယွၤဟ့ၣ်လီၤအီၤလၢသုစုပူၤဒီးဒုးနဲၣ်ဖျါထီၣ်သု တၢ်သးကညီၤဘၣ်အဝဲသ့ၣ်နီတမံၤတဂ့ၤ. ဘူၣ်ထီၣ်ဘါထီၣ်အဝဲသ့ၣ်အကစၢ်တဖၣ်တဂ့ၤ. အဂ့ၢ်ဒ်အံၤ, တၢ်န့ၣ်မ့ၢ်တၢ်လၢအမၤသံသုသ့န့ၣ်လီၤ.

လံာ်သိၣ်လီၤသီလီၤတၢ် 7:16 Iomraidhean Croise

စံးထီၣ်ပတြၢၤ 106:34

အဝဲသ့ၣ်တမၤသံကွံာ်ပှၤတဘူၣ်ထီၣ်ဘါထီၣ်ယွၤဒ် ယွၤမၤလိာ်အဝဲသ့ၣ်လၢကမၤဝဲန့ၣ်ဘၣ်.

စံးထီၣ်ပတြၢၤ 106:36

ကစၢ်ယွၤအပှၤဂီၢ်မုၢ်ဘါထီၣ်တၢ်ဂီၤတၢ်ဖီၣ်တဖၣ် ဒီးတၢ်အံၤဒုးအိၣ်ထီၣ်အဝဲသ့ၣ် အတၢ်ဟးဂီၤန့ၣ်လီၤ.

လံာ်တၢ်ဟးထီၣ်ကွံာ် 23:33

ပျဲပှၤတဖၣ်န့ၣ်အိၣ်ဝဲဆိးဝဲလၢသုကီၢ်အပူၤတဂ့ၤ. သုမ့ၢ်ပျဲဒီး, အဝဲသ့ၣ်ကဒုးမၤသုတၢ်ဒဲးဘးထီဒါယၤန့ၣ် လီၤ. သုမ့ၢ်ဘါထီၣ်အကစၢ်တဖၣ်ဒီး, ကမ့ၢ်ဝဲတၢ်သံအပျံၤသကွီၤလၢသုဂီၢ်န့ၣ်လီၤ.”

လံာ်ယံးရမံယၤ 21:7

ဘၣ်ဆၣ်ဒီးမ့မ့ၢ်နဲဒၣ်, နပဒိၣ်ပပှၢ်တဖၣ်ဒီးပှၤဂီၢ်မုၢ်လၢအ အိၣ်လီၤတဲာ်ဒံးလၢတၢ်ဒုးတၢ်ယၤ, တၢ်သၣ်ဝံၤလီၤဒိဒီးတၢ်ဆူးတၢ်ဆါခဲလၢာ်န့ၣ်, ယကပျဲသုဝဲခဲလၢာ်ဘၣ်တၢ်ဖီၣ်န့ၢ်အီၤလၢစီၤပၤနဘူးကးန့စၢ်, ဒီးသုဒုၣ်သုဒါတဖၣ်လၢသးအိၣ်မၤသံသုန့ၣ်လီၤ. စီၤနဘူးကးန့စၢ်ကမၤသံသုန့ၣ်လီၤ. အဝဲတပျၢ်ဖျဲးသုနီတဂၤမ့ၢ်ဂ့ၤ, တဒုးနဲၣ်အတၢ်သးကညီၤလၢသုနီတဂၤမ့ၢ်ဂ့ၤ န့ၣ်ဘၣ်. ယၤ, ယွၤအံၤ, ကတိၤလံတၢ်လံ.”

လံာ်တၢ်ဂံၢ် 33:55

ဘၣ်ဆၣ်ဒီးသုမ့ၢ်တနီၣ်ထီၣ်ကွံာ်ဘၣ်ပှၤအိၣ်ဆိးလၢကီၢ်န့ၣ်အပူၤ ဘၣ်ဒီးပှၤအိၣ်လီၤတဲာ်ဖဲန့ၣ်တဖၣ်ကမၤကိၢ်မၤဂီၤသုဒ်တၢ်ကမှံၤ တဖၣ်လၢသုမဲာ်ချံတဖၣ်အပူၤဒီးတၤဆှုၣ်တဖၣ်လၢသုကပၤတဖၣ်အသိး ဒီးအဝဲသ့ၣ်ကဒုးတၢ်ထီဒါသုန့ၣ်လီၤ.

1 ကရံၣ်သူး 15:33

သုတဘၣ်တၢ်လီန့ၢ်သုတဂ့ၤ. “တံၤသကိးအအၢအသီတဖၣ်န့ၣ်မၤဟးဂီၤလုၢ်လၢ်သကဲာ်ပဝး အဂ့ၤအဝါလီၤ.”

လံာ်သိၣ်လီၤသီလီၤတၢ် 13:8

ဘၣ်ဆၣ်ဒီးပျဲအဝဲကတိၤလွဲန့ၢ်သုတဂ့ၤ. ဒိကနၣ်အီၤဒၣ်လဲာ် တဂ့ၤ. ဒုးနဲၣ်အီၤသုတၢ်သူၣ်ကညီၤသးကညီၤမ့ၢ်ဂ့ၤသုတၢ်သးအိၣ်အီၤမ့ၢ်ဂ့ၤ, န့ၣ်တဂ့ၤ. ဒီးဒီဒၣ်အိၣ်ပှိၤအီၤတဂ့ၤ.

လံာ်သိၣ်လီၤသီလီၤတၢ် 13:9

မၤသံကွံာ်အီၤတက့ၢ်. ကဲထီၣ်ပှၤအဆိကတၢၢ်တဂၤလၢက ကွံာ်အီၤလၢလၢၢ်တက့ၢ်. ဝံၤဒီးပျဲပှၤအဂၤခဲလၢာ်ကွံာ်စ့ၢ် ကီးအီၤလၢလၢၢ်တက့ၢ်.

လံာ်သိၣ်လီၤသီလီၤတၢ် 19:13

ဒုးနဲၣ်တၢ်သးကညီၤလၢအီၤနီတစဲးတဂ့ၤ. ဒုးပူၤဖျဲးကီၢ်အံၣ်စရ့လးဒီးပှၤမၤသံတၢ်အံၤ, ဒ်သိးကယဲၢ်တၢ်ခဲလၢာ်ကလဲၤအသးဂ့ၤဂ့ၤဘၣ်ဘၣ်ဒီးသုတက့ၢ်.

လံာ်သိၣ်လီၤသီလီၤတၢ် 19:21

လၢကွီၢ်ဒ်သိးန့ၣ်တဖၣ်အဂီၢ်န့ၣ်, ဒုးနဲၣ်တၢ်သးကညီၤနီ တစဲးတဂ့ၤ. တၢ်စံၣ်ညီၣ်ကဘၣ်မ့ၢ်ဝဲ, သးသမူတဖျၢၣ်လၢသးသမူ တဖျၢၣ်အဂီၢ်, မဲာ်ချံတတိၣ်လၢမဲာ်ချံတတိၣ်အဂီၢ်, မဲတဘ့ၣ်လၢမဲတဘ့ၣ်အဂီၢ်, စုတခီလၢစုတခီအဂီၢ်ဒီးခီၣ်တခီ လၢခီၣ်တခီအဂီၢ်န့ၣ်လီၤ.

လံာ်သိၣ်လီၤသီလီၤတၢ် 25:12

သးကညီၤအီၤနီတစဲးတဂ့ၤ, ကျီတဲာ်ကွံာ်အစုတက့ၢ်.

လံာ်သိၣ်လီၤသီလီၤတၢ် 7:2

ဖဲယွၤ, သုကစၢ်ယွၤဟ့ၣ်လီၤပှၤဂီၢ်မုၢ်တဖၣ်အံၤလၢသုစုပူၤ ဒီးသုမၤနၢၤကွံာ်အီၤန့ၣ်, သုကဘၣ်မၤသံကွံာ်အီၤခဲလၢာ်န့ၣ်လီၤ. မၤတၢ်ဒီသိၣ်ဒီမှံၤဒီးအဝဲသ့ၣ်မ့ၢ်ဂ့ၤ, ဒုးနဲၣ်အဝဲသ့ၣ်လၢသုတၢ်သးကညီၤမ့ၢ်ဂ့ၤ, န့ၣ်တဂ့ၤ.

လံာ်သိၣ်လီၤသီလီၤတၢ် 7:25

ဒွဲၣ်အူကွံာ်တၢ်ဂီၤတၢ်ဖီၣ်တဖၣ်တက့ၢ်. သးကွံထူမ့ၢ်ဂ့ၤ, စ့မ့ၢ်ဂ့ၤလၢအအိၣ်လၢအဝဲသ့ၣ်အလိၤန့ၣ်တဂ့ၤ, ဒီးဟံးန့ၢ်အီၤလၢသုဂီၢ်တဂ့ၤ. သုမ့ၢ်မၤဒီးတၢ်န့ၣ်မ့ၢ် တၢ်လၢအမၤသံသုသ့န့ၣ်လီၤ. အဂ့ၢ်ဒ်အံၤယွၤသးဟ့တၢ်ဘါထီၣ်တၢ်ဂီၤတၢ်ဖီၣ်န့ၣ်လီၤ.

လံာ်စီၤယိၤၡူ 11:20

အဂ့ၢ်မ့ၢ်လၢယွၤမၤကိၤထီၣ်အဝဲသ့ၣ်အသးတဖၣ်လၢကဟဲ ထီဒါအံၣ်စရ့လးလၢတၢ်ဒုးအပူၤ, ဒ်သိးအဝဲသ့ၣ်ကဘၣ်တၢ်မၤဟးဂီၤကွံာ်အီၤခဲလၢာ်ဒီးတဒိးန့ၢ်တၢ်သးကညီၤဘၣ်ဒီးကဘၣ်တၢ်မၤ သံကွံာ်အီၤခဲလၢာ်ဒ်ယွၤမၤလိာ်တ့ၢ်စီၤမိၤၡ့အသိးအဃိန့ၣ်လီၤ.

လံာ်ပှၤစံၣ်ညီၣ်ကွီၢ် 2:12

အဝဲသ့ၣ်ဆိတ့ၢ်ဘူၣ်ထီၣ်ဘါထီၣ်ယွၤ, လၢအမ့ၢ်အဝဲသ့ၣ် အမိၢ်ပၢ်ဖံဖုလၢပျၢၤတဖၣ်အကစၢ်ယွၤလၢအထုးထီၣ်အဝဲသ့ၣ် လၢကီၢ်အဲၤကူပတူးအပူၤ, ဒီးအဝဲသ့ၣ်စးထီၣ်ဘူၣ်ထီၣ်ဘါထီၣ်ကစၢ်အဂၤတဖၣ်, လၢအမ့ၢ်ပှၤဂီၢ်မုၢ်လၢအခိၣ်အဃၢၤတဖၣ်အကစၢ်တဖၣ်န့ၣ်လီၤ. အဝဲသ့ၣ်တီၤလီၤလၢကစၢ်တဖၣ်န့ၣ်အမဲာ်ညါဒီးမၤသးဒိၣ်ထီၣ် ကစၢ်ယွၤန့ၣ်လီၤ.

လံာ်ပှၤစံၣ်ညီၣ်ကွီၢ် 2:3

မၤသးဒ်န့ၣ်ဒီးယစံးဘၣ်သုခဲအံၤလၢယတဟီထီၣ်ကွံာ်ဘၣ်ပှၤ ကလုာ်တဖၣ်အံၤလၢသုမဲာ်ညါဘၣ်. အဝဲသ့ၣ်ကကဲထီၣ်သုဒုၣ် သုဒါန့ၣ်လီၤ. ဒီးတၢ်ဘူၣ်ထီၣ်ဘါထီၣ်အဝဲသ့ၣ် အကစၢ်တဖၣ်န့ၣ်ကကဲထီၣ်ပျံၤသကွီၤလၢသုဂီၢ်လီၤ.”

လံာ်ပှၤစံၣ်ညီၣ်ကွီၢ် 3:6

ဒီးအဝဲသ့ၣ်ထီၣ်ဖိန့ၢ်မါလိာ်အသးဒီးပှၤကလုာ်တဖၣ်န့ၣ်, ဒီးဘူၣ်ထီၣ်ဘါထီၣ်အဝဲသ့ၣ်အကစၢ်တဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 8:27

စီၤကံးဒဧိၣ်သိထီၣ်တၢ်ဂီၤတခါလၢထူဒီးပာ်အီၤလၢအဝ့ၢ်ဒၣ်ဝဲ, ဝ့ၢ်ဧိးဖြၤအပူၤန့ၣ်လီၤ. ဒီးပှၤအံၣ်စရ့လးဖိခဲလၢာ်ညိကွံာ်ကစၢ်ယွၤဒီးလဲၤဖဲန့ၣ်ဒ်သိး အကဘူၣ်ထီၣ်ဘါထီၣ်ဝဲတၢ်ဂီၤသိအသးန့ၣ်လီၤ. တၢ်န့ၣ်ကဲထီၣ်ပျံၤသကွီၤလၢစီၤကံးဒဧိၣ်ဒီးအပှၤဟံၣ်ဖိအဂီၢ်န့ၣ်လီၤ.