လံာ်သိၣ်လီၤသီလီၤတၢ် 7:14 - Sgaw Karen Common Bible

¹⁴ ပှၤဂီၢ်မုၢ်လၢဟီၣ်ခိၣ်ချၢလၢကဘၣ်တၢ်ဆိၣ်ဂ့ၤထူးထူးတီၤတီၤ ထဲသိးဒီးသုတအိၣ်ဘၣ်နီတကလုာ်ဘၣ်. ပိာ်ခွါမ့တမ့ၢ်ပိာ်မုၣ်လၢသုကျါမ့ၢ်ဂ့ၤ, သုဆၣ်ဖိကီၢ်ဖိလၢသုဘုၣ်အီၤအဖါမ့တမ့ၢ်အမိၢ်မ့ၢ်ဂ့ၤန့ၣ်, အတူာ်ဖိတအိၣ်ဘၣ်.

လံာ်သိၣ်လီၤသီလီၤတၢ် 7:14 Iomraidhean Croise

စံးထီၣ်ပတြၢၤ 107:38

မ့ၢ်လၢအတၢ်ဆိၣ်ဂ့ၤဆိၣ်ဝါအဃိ, အပှၤဂီၢ်မုၢ်အါထီၣ်ဂီၢ်ထီၣ်ဒိၣ်မး, ဒီးအဝဲတပျဲအဝဲသ့ၣ်အဆၣ်ဖိကီၢ်ဖိ ဆံးလီၤစှၤလီၤန့ၣ်ဘၣ်.

စံးထီၣ်ပတြၢၤ 115:15

မ်သုဘၣ်ဆိၣ်ဂ့ၤလၢယွၤ, လၢအတ့လီၤမူခိၣ်ဒီးဟီၣ်ခိၣ်န့ၣ်တက့ၢ်.

စံးထီၣ်ပတြၢၤ 127:3

ကွၢ်ကွၢ်, ပဖိပလံၤန့ၣ်မ့ၢ်တၢ်န့ၢ်သါဟဲလၢယွၤလီၤ. ဒီးပှၤဒၢလီၢ်အတၤသၣ်န့ၣ် မ့ၢ်တၢ်အဘူးအလဲလီၤ.

လံာ်တၢ်ဘူၣ်ထီၣ်ဘါထီၣ် 26:9

ဒီးယကဆိၣ်ဂ့ၤသုဒီးဟ့ၣ်သုလၢဖိတဖၣ်အါအါဂီၢ်ဂီၢ်လီၤ. ယကဟံးဃာ်ယတၢ်အၢၣ်လီၤအီလီၤလၢယမၤဒီးသုန့ၣ်လီၤ.

လံာ်တၢ်ဂံၢ် 22:12

ကစၢ်ယွၤစံးဘၣ်စီၤဘံးလၣ်, “လဲၤဃုာ်တၢ်ဒီးပှၤတဖၣ်အံၤတ ဂ့ၤ. ဒီးပာ်တၢ်ဆိၣ်အၢတမံၤလၢကီၢ်အံၣ်စရ့လးအပှၤဂီၢ်မုၢ်အလိၤန့ၣ် တဂ့ၤ. အဂ့ၢ်ဒ်အံၤ, အဝဲသ့ၣ်အိၣ်ဒီးယတၢ်ဆိၣ်ဂ့ၤလီၤ.”

လံာ်သိၣ်လီၤသီလီၤတၢ် 28:11

ယွၤကဟ့ၣ်သုလၢဖိတဖၣ်အါအါဂီၢ်ဂီၢ်, ဂီၤဘုၣ်ဂီၤဖံးအါအါ ဂီၢ်ဂီၢ်, ဒီးတၢ်မုၢ်တၢ်ဘိတၤသူတၤသၣ်အါအါကလဲာ်လၢကီၢ် တဘ့ၣ်လၢအဝဲအၢၣ်လီၤတ့ၢ်သုမိၢ်ပၢ်ဖံဖုလၢပျၢၤတဖၣ်လၢ ကဟ့ၣ်လီၤသု, အပူၤန့ၣ်လီၤ.

လံာ်သိၣ်လီၤသီလီၤတၢ် 28:4

ယွၤကဆိၣ်ဂ့ၤသုလၢဖိတဖၣ်အါအါဂီၢ်ဂီၢ်, ဒီးတၢ်မုၢ်တၢ်ဘိ တၤသူတၤသၣ်အါအါဂီၢ်ဂီၢ်, ဒီးဂီၤဘုၣ်ဂီၤဖံးဒီးသိဂီၢ် မုၢ်ဂီၢ်ပၤန့ၣ်လီၤ.

လံာ်သိၣ်လီၤသီလီၤတၢ် 30:9

ယွၤကမၤဘီၣ်ထီၣ်ညီထီၣ်သုလၢကယဲၢ်တၢ်လၢသုမၤအီၤအပူၤ, သုကအိၣ်ဒီးဖိတဖၣ်အါအါဂီၢ်ဂီၢ်ဒီးဆၣ်ဖိကီၢ်ဖိလၢသုဘုၣ်အီၤဂီၢ်မုၢ်ဂီၢ်ပၤ, ဒီးသုစံာ်ဧိၤပှဲၤဧိၤတဖၣ်ကဟ့ၣ်ထီၣ်တၤသူတၤသၣ်တဖၣ်အါအါကလဲာ်န့ၣ်လီၤ. အဝဲကသးခုဒုးဘီၣ်ထီၣ်ညီထီၣ်သုဒ်အမၤဘၣ်တ့ၢ်သုမိၢ်ပၢ်ဖံဖု လၢပျၢၤတဖၣ်အသိး,

လံာ်သိၣ်လီၤသီလီၤတၢ် 33:29

အံၣ်စရ့လးဧၢ, နဘၣ်ဆိၣ်ဂ့ၤနဲဆံးဒိၣ်လဲၣ်. ပှၤဒ်သိးသု, ပှၤတကလုာ်လၢအဘၣ်တၢ်အုၣ်က့ၤခီၣ်က့ၤအီၤလၢယွၤ န့ၣ်, တအိၣ်ဝဲဒၣ်ဘၣ်. ယွၤအနီၢ်ကစၢ်ဒၣ်ဝဲမ့ၢ်သုကတီၤဒီးသုနးလၢအကဒီသဒၢသုဒီး ဟ့ၣ်သုတၢ်မၤနၢၤန့ၣ်လီၤ. သုဒုၣ်သုဒါတဖၣ်ကဟဲဃ့ကညးသုလၢတၢ်မၤစၢၤအဂီၢ် ဒီးသုကယီၢ်တံၢ်လီၤကွံာ်အဝဲသ့ၣ်န့ၣ်လီၤ.