လံာ်သိၣ်လီၤသီလီၤတၢ် 6:7 - Sgaw Karen Common Bible

⁷ သိၣ်လိသီလိသုဖိသုလံၤတဖၣ်န့ၣ်တက့ၢ်. ဖဲသုအိၣ်လၢဟံၣ် ဒီးဖဲသုအိၣ်လၢတၢ်လီၢ်အယံၤ, ဖဲသုအိၣ်ဘှံးဒီးဖဲသုမၤ တၢ်အခါန့ၣ်, ယၢၤထီၣ်ကဒါက့ၤအီၤတက့ၢ်.

လံာ်သိၣ်လီၤသီလီၤတၢ် 6:7 Iomraidhean Croise

လံာ်တၢ်ကဲထီၣ်အခီၣ်ထံး 18:19

ယဃုထၢတ့ၢ်လံအီၤလၢကမၤလိာ်အဖိခွါတဖၣ်ဒီးအစၢၤအသွဲၣ်တဖၣ် လၢအကစူၢ်ယၤ, ဒီးကမၤတၢ်အဘၣ်ဒီးတၢ်အတီန့ၣ်လီၤ. အဝဲသ့ၣ်မ့ၢ်မၤဝဲဒီးယကမၤကယဲၢ်တၢ်ခဲလၢာ်လၢအဂီၢ်ဒ်ယအၢၣ်လီၤ တ့ၢ်အသိးန့ၣ်လီၤ.”

လံာ်စီၤယိၤဘး 8:10

ဘၣ်ဆၣ်ဒီးပျဲပှၤကူၣ်ဘၣ်ကူၣ်သ့လၢပျၢၤသိၣ်လိနၤ, ဒီးဒိကနၣ်တၢ်လၢအဝဲသ့ၣ်ကစံးဘၣ်နၤန့ၣ်တက့ၢ်.

စံးထီၣ်ပတြၢၤ 119:13

ယကတဲကဒါက့ၤ တၢ်သိၣ်တၢ်သီခဲလၢာ် လၢနဟ့ၣ်လီၤန့ၣ်, လၢယကလုၢ်ဖးဒိၣ်လီၤ.

စံးထီၣ်ပတြၢၤ 119:46

ယကကတိၤတၢ်လၢနတၢ်အုၣ်နသးအဂ့ၢ်တဖၣ် လၢစီၤပၤတဖၣ်အမဲာ်ညါ ဒီးယတဘၣ်တၢ်မၤမဲာ်ဆှးယၤဘၣ်.

စံးထီၣ်ပတြၢၤ 129:8

ပှၤလၢအလဲၤခီဂာ်တၢ်လၢကျဲတဖၣ်တစံးဝဲနီတဂၤလၢ, “မ်ယွၤကဆိၣ်ဂ့ၤသုတက့ၢ်, ပဆိၣ်ဂ့ၤသုလၢယွၤအမံၤလီၤ.” န့ၣ်ဘၣ်.

စံးထီၣ်ပတြၢၤ 37:30

ပှၤအဂ့ၤအဝါအတၢ်ကတိၤန့ၣ်မ့ၢ်တၢ်ကူၣ်သ့ ဒီးအဝဲသ့ၣ်ထီဘိစံးကတိၤတၢ်အမ့ၢ်အတီလီၤ.

စံးထီၣ်ပတြၢၤ 71:17

ကစၢ်ဧၢ, လၢယသးစၢ်လံၤလံၤနသိၣ်လိတ့ၢ်ယၤလံ, ဒီးယဒုးနဲၣ်နမၤတၢ်လီၤလးတဖၣ် တုၤခဲကနံၣ်အံၤလီၤ.

တၢ်ကတိၤဒိ. 10:21

ပှၤအဂ့ၤတဂၤအတၢ်ကတိၤတဖၣ်ဒုးဘၣ်ဘျုးပှၤအါဂၤလီၤ. ဘၣ်ဆၣ်ဒီးနမၤသံလီၤနသးလၢတၢ်သူၣ်တထံသးတဆးသ့ဝဲလီၤ.

တၢ်ကတိၤဒိ. 15:2

ဖဲပှၤကူၣ်သ့ကတိၤတၢ်န့ၣ်, ဒုးကဲထီၣ်တၢ်သ့ၣ်ညါလၢတၢ်ထုးန့ၢ် ပှၤအသးလီၤ. မ့မ့ၢ်ပှၤဟးဂီၤဖိအထးခိၣ်ဖျိးထီၣ်လၢတၢ်တဂီာ်တသီၣ်ဘၣ်န့ၣ်လီၤ.

တၢ်ကတိၤဒိ. 15:7

တၢ်သ့ၣ်ညါန့ၣ်ဘၣ်တၢ်ရၤလီၤအီၤလၢပှၤလၢအကူၣ်တၢ်သ့တဖၣ်ဒီး တမ့ၢ်ဘၣ်လၢပှၤဟးဂီၤဖိတဖၣ်န့ၣ်ဘၣ်.

တၢ်ကတိၤဒိ. 6:22

တုၤနလဲၤတၢ်ဒီးကဆှၢနၤ, တုၤနမံလီၤဒီးကပၢၤနၤ, ဒီးကဟ့ၣ်ကူၣ်ဟ့ၣ်ဖးနၤလၢမုၢ်ဆါအကတီၢ်လီၤ.

လံာ်ယၡါယၤ 38:19

ဒ်ယစံးထီၣ်ပတြၢၤနၤခဲအံၤအသိး, ပှၤလၢအစံးထီၣ်ပတြၢၤနၤမ့ၢ်ပှၤအမူန့ၣ်လီၤ. ပၢ်တဖၣ်စံးဘၣ်တဲဘၣ်အဖိတဖၣ်လၢနသူၣ်တီသးရၤထဲလဲၣ်အဂ့ၢ် န့ၣ်လီၤ.

လံာ်မၤလကံ 3:16

တုၤနုၤတစု, ပှၤလၢအပျံၤယွၤန့ၣ်စံးလိာ်အသးတဂၤဒီးတဂၤ, ဒီးယွၤဒိကနၣ်, ဒီးနၢ်ဟူတၢ်လၢအဝဲသ့ၣ်စံးဝဲဒၣ်န့ၣ်လီၤ. လၢအဝဲအမဲာ်ညါန့ၣ်, တၢ်ကွဲးနီၣ်အိၣ်ကွဲးလီၤအသးလၢလံာ်တဘ့ၣ် အပူၤဘၣ်ထွဲဒီးပှၤလၢအပျံၤယွၤဒီးယူးယီၣ်ပာ်ကဲအီၤန့ၣ်လီၤ.

လံာ်မးသဲ 12:35

ပှၤအဂ့ၤန့ၣ်ဟံးထီၣ်ဟ့ၣ်ထီၣ်တၢ်အဂ့ၤလၢအဝဲအတၢ်ဂ့ၤအတၢ်ပာ် ဖှိၣ်လီၢ်အပူၤန့ၣ်လီၤ. ဒီးပှၤအအၢန့ၣ်လၢအဝဲအတၢ်အၢအတၢ်ပာ်ဖှိၣ်လီၢ်အပူၤန့ၣ်ဟံး ထီၣ်ဟ့ၣ်ထီၣ်တၢ်အၢလီၤ.

လံာ်လူၤကၣ် 6:45

ပှၤဂ့ၤပှၤဝါတဂၤန့ၣ်, ထုးထီၣ်တၢ်အဂ့ၤအဝါလၢတၢ်ဂ့ၤတၢ်ဝါ တဖၣ်အိၣ်ပာ်ဖှိၣ်အသးအလီၢ်, လၢအသးပူၤလီၤ. ပှၤအၢပှၤသီတဂၤန့ၣ်, ထုးထီၣ်တၢ်အၢတၢ်သီလၢအဝဲအတၢ်ပာ်ဖှိၣ်ဃာ်တၢ်အၢတၢ်သီတဖၣ် အလီၢ်အပူၤလီၤ. အဂ့ၢ်ဒ်အံၤ, ပှၤကညီတဂၤအထးခိၣ်ကတိၤတၢ်ဒ် တၢ်လၢအအိၣ်ပှဲၤဝဲလၢအသးပူၤအသိးန့ၣ်လီၤ.

အ့းဖ့းစူး 4:29

တၢ်ကတိၤအအၢအသီန့ၣ်ဒုးထီၣ်ဖျဲးအီၤလၢသုထးခိၣ် တဂ့ၤ. ကတိၤထဲတၢ်ကတိၤအဂ့ၤလၢအမၤထီၣ်မၤထီတၢ်, လၢအဘၣ်ဘျီးဘၣ်ဒါတဖၣ်, ဒ်သိးဒီးပှၤလၢအနၢ်ဟူအီၤတဖၣ်ကန့ၢ်ဘျုးန့ၢ်ဖှိၣ်အဂီၢ်န့ၣ်တက့ၢ်.

အ့းဖ့းစူး 6:4

မိၢ်ပၢ်သ့ၣ်ဧၢ, တဘၣ်မၤတုၤဒၣ်လဲာ်သုဖိကသးဒိၣ်ထီၣ်တဂ့ၤ. မ့မ့ၢ်လုၢ်ဒိၣ်ထီၣ်အဝဲသ့ၣ်လၢကစၢ်အတၢ်သိၣ်တၢ်သီဒီးအကျဲ အကပိၤအပူၤန့ၣ်တက့ၢ်.

လံာ်သိၣ်လီၤသီလီၤတၢ် 11:19

သိၣ်လိန့ၢ်သုဖိတဖၣ်တက့ၢ်. ကတိၤတၢ်လၢအဂ့ၢ်ဖဲ သုအိၣ်လၢဟံၣ်ဒီးဖဲသုလဲၤတၢ်က့ၤတၢ်, ဖဲသုအိၣ်ဘှံးအိၣ်သါ ဒီးဖဲသုဖံးတၢ်မၤတၢ်အခါန့ၣ်တက့ၢ်.

လံာ်သိၣ်လီၤသီလီၤတၢ် 6:2

ဖဲသုအိၣ်မူဒံးအဖၢမုၢ်န့ၣ်သုဝဲဒီးသုစၢၤသုသွဲၣ်တဖၣ် ကဘၣ်ယူးယီၣ်ယွၤ, သုကစၢ်ယွၤ, ဒီးစူၢ်ကယဲၢ်အဝဲအတၢ်ဘူၣ်တၢ်ဘါအတၢ်သိၣ်တၢ်သီတဖၣ် လၢယဟ့ၣ်လီၤသုဒ်သိးသုကအိၣ်ဆိးဒီးမူဘၣ်လၢကီၢ်န့ၣ်အပူၤ ယံာ်ယံာ်ထၢထၢအဂီၢ်န့ၣ်လီၤ.

ကလီးစဲ 4:6

သုတၢ်စံးတၢ်ကတိၤန့ၣ်, မ်အကမ့ၢ်တၢ်လၢအမုာ်ဝဲဒီးထုးန့ၢ် ပှၤအသးဒီးသုကြၢးသ့ၣ်ညါစံးဆၢက့ၤပှၤကိးဂၤဒဲးသ့သ့ ဘၣ်ဘၣ်န့ၣ်လီၤ.

၁ ပ့းတရူး 3:15

မ့မ့ၢ်, အိၣ်ဒီးတၢ်ယူးယီၣ်ပာ်ကဲခရံာ်ဒ်ကစၢ်အသိးလၢသုသးကံၢ်ပူၤ န့ၣ်တက့ၢ် (ၡါ ၈:၁၂-၁၃). အိၣ်ကတဲာ်ကတီၤသုသးထီဘိလၢ သုကစံးဆၢပှၤတဂၤဂ့ၤတဂၤဂ့ၤလၢအသံကွၢ်သုတၢ်မုၢ်လၢ်လၢ အအိၣ်လၢသုပူၤအဂ့ၢ်အကျိၤန့ၣ်တက့ၢ်.

လံာ်နီၢ်ရူၤသး 2:12

မ်ယွၤဟ့ၣ်ဘျုးက့ၤနၤလၢတၢ်လၢနမၤတ့ၢ်တဖၣ်အဃိန့ၣ်တက့ၢ်. မ်အံၣ်စရ့လးအကစၢ်ယွၤလၢနဟဲဃုတၢ်အိၣ်သဒၢလၢအဒံးဆ့ဖီလာ် တဂၤန့ၣ်ဟ့ၣ်ဘျုးက့ၤနၤလၢလၢပှဲၤပှဲၤတက့ၢ်.”

လံာ်နီၢ်ရူၤသး 2:4

တယံာ်ဘၣ်ဒီး, စီၤဘိၤဧးအနီၢ်ကစၢ်ဒၣ်ဝဲဟဲတုၤဝဲ, လၢဝ့ၢ်ဘ့ၤသလ့ဃ့ၣ်ဒီးကတိၤဆၢဂ့ၤဆၢဝါပှၤကူးဘုဖိတဖၣ် ဒီးစံးဝဲ, “မ်ယွၤအိၣ်ဒီးသုတက့ၢ်.” ဒီးအဝဲသ့ၣ်စံးဆၢဝဲ, “မ်ယွၤဆိၣ်ဂ့ၤနၤတက့ၢ်.”

လံာ်နီၢ်ရူၤသး 4:11

တုၤနုၤတစု, ပှၤအခိၣ်အနၢ်တဖၣ်ဒီးပှၤအဂၤလၢအအိၣ်ဖဲ ဝ့ၢ်အပဲတရီခဲလၢာ်န့ၣ်စံးဝဲ, “ပမ့ၢ်ပှၤအုၣ်အသးတဖၣ်လီၤ. မ်ယွၤဒုးကဲထီၣ်ပိာ်မုၣ်လၢအကဟဲနုာ်လၢနဟံၣ်ပူၤတဂၤအံၤဒ် သိးအကလီၤဂာ်ဒီးနီၢ်ရၤဃ့လးဒီးနီၢ်လ့အၤခံဂၤလၢအဆံးစၢ် န့ၢ်ဖိလံၤအါဂၤလၢစီၤယၤကိာ်အဂီၢ်န့ၣ်တက့ၢ်. မ်နကဘီၣ်ထီၣ်ညီထီၣ်လၢအ့ဖရးသးအဒူၣ်အထၢပူၤဒီးနမံၤဟူ ထီၣ်သါလီၤလၢဝ့ၢ်ဘ့ၤသလ့ဃ့ၣ်အပူၤန့ၣ်တက့ၢ်.