လံာ်သိၣ်လီၤသီလီၤတၢ် 6:5 - Sgaw Karen Common Bible

⁵ အဲၣ်ယွၤ, နကစၢ်ယွၤလၢနသးဒီဖျၢၣ်ညါဒီးနတၢ်ကူၣ်တၢ်ဆးခဲလၢာ် ဒီးနဂံၢ်နဘါခဲလၢာ်တက့ၢ်.

လံာ်သိၣ်လီၤသီလီၤတၢ် 6:5 Iomraidhean Croise

လံာ်စီၤပၤအခီၣ်ထံးတဘ့ၣ် 3:3

စီၤၡလိၤမိၤအဲၣ်ဘၣ်ယွၤဒီးပိာ်ထွဲတ့ၢ်အပၢ်စီၤဒၤဝံးအတၢ် မၤလိာ်ပိာ်လီၤတဖၣ်အခံန့ၣ်လီၤ. ဘၣ်ဆၣ်အဝဲမၤသံစ့ၢ်ကီးဆၣ်ဖိကီၢ်ဖိတဖၣ်ဒီးလုၢ်ထီၣ်အီၤဒ် တၢ်လုၢ်တၢ်ပာ်တဖၣ်အသိးလၢတၢ်လုၢ်လီၢ်အကလုာ်ကလုာ်အဖီခိၣ်န့ၣ် လီၤ.

လံာ်စီၤပၤခံဘ့ၣ်တဘ့ၣ် 23:25

လၢအဝဲအမဲာ်ညါန့ၣ်, စီၤပၤဒ်သိးအီၤတဂၤလၢအမၤတ့ၢ်ယွၤအတၢ် လၢသူၣ်ကံၢ်သးလဲလၢသးဒီဖျၢၣ်ဒီးလၢာ်ဂံၢ်လၢာ်ဘါ, စူၢ်ကယဲၢ်ယူဒၤအတၢ်သိၣ်တၢ်သီလၢစီၤမိၤၡ့ဟ့ၣ်လီၤတ့ၢ်ဝဲ န့ၣ်တအိၣ်နီတဂၤဘၣ်. လၢအဝဲအလီၢ်ခံစ့ၢ်ကီး, ပှၤဒ်သိးအီၤတအိၣ်ထီၣ်ဘၣ်နီတဂၤဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 15:12

အဝဲသ့ၣ်မၤတ့ၢ်တၢ်အၢၣ်လီၤအီလီၤတမံၤလၢအဝဲသ့ၣ်အၢၣ်လီၤဝဲ လၢအဝဲသ့ၣ်ကဘူၣ်ထီၣ်ဘါထီၣ်ယွၤအဝဲသ့ၣ်အမိၢ်ပၢ်ဖံဖုလၢပျၢၤ တဖၣ်အကစၢ်ယွၤ, လၢအသူၣ်ကံၢ်သးလဲဒီးအသးဒီဖျၢၣ်ညါန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 34:31

အဝဲဂဲၤဆၢထၢၣ်လၢတၢ်လီၢ်ဖဲတၢ်ပာ်လီၤဆီအီၤလၢစီၤပၤအဂီၢ် န့ၣ်, ဒီးမၤတၢ်အၢၣ်လီၤအီလီၤတမံၤဒီးယွၤ, လၢကစူၢ်အီၤ, ကတိၢ်န့ၢ်ဖံးဃာ်အဝဲအတၢ်သိၣ်တၢ်သီတဖၣ်ဒီးအတၢ် မၤလိာ်တဖၣ်လၢအသူၣ်ကံၢ်သးလဲဒီးအသးဒီဖျၢၣ်ညါ, ဒီးမၤထွဲအဝဲအတၢ်အဲၣ်ဒိးလၢအဃ့ဝဲတဖၣ်လၢအအိၣ်စဲဃုာ်အသး ဒီးတၢ်အၢၣ်လီၤအီလီၤန့ၣ်, ဒ်တၢ်ကွဲးလီၤအီၤလၢလံာ်န့ၣ်အပူၤ, အသိးန့ၣ်လီၤ.

စံးထီၣ်ပတြၢၤ 119:2

ပှၤလၢအတိၢ်န့ၢ်ဖံးဃာ်အတၢ်အုၣ်အသး ဒီးဃုယွၤလၢအသးဒီဖျၢၣ်ညါန့ၣ်, ဘၣ်ဆိၣ်ဂ့ၤဝဲလီၤ.

စံးထီၣ်ပတြၢၤ 31:24

ကယဲၢ်ပှၤလၢအမုၢ်လၢ်တၢ်လၢယွၤအပူၤ ခဲလၢာ်သ့ၣ်ဧၢ, ပာ်ဆူၣ်သုသး, ဒီးအိၣ်ဒီးတၢ်သူၣ်ဒူသးဒူတက့ၢ်.

လံာ်မးသဲ 10:37

ပှၤတဂၤလၢ်လၢ်လၢအအဲၣ်အမိၢ်မ့တမ့ၢ်အပၢ်အါန့ၢ်အအဲၣ်ယၤန့ၣ်, တကြၢးဘၣ်ဒီးယၤဘၣ်. ဒီးပှၤလၢအအဲၣ်အဖိခွါမ့တမ့ၢ်အဖိမုၣ်အါန့ၢ်အအဲၣ်ယၤန့ၣ်, တကြၢးဘၣ်ဒီးယၤဘၣ်.

လံာ်မးသဲ 22:37

ယ့ၣ်ၡူးစံးဆၢအီၤ, “ ‘အဲၣ်ယွၤနကစၢ်ယွၤလၢနသူၣ်ကံၢ်သးလဲဒီးနသးဒီဖျၢၣ်ညါ, ဒီးနတၢ်ကူၣ်တၢ်ဆးတုၤအလၢာ်တက့ၢ်’ (သိၣ်သီ. ၆:၅).

လံာ်မၢ်ကူး 12:30

ဒီးသုဘၣ်အဲၣ်သုယွၤသုကစၢ်ယွၤလၢသုသးဒီဖျၢၣ်ညါ, လၢသုသူၣ်ကံၢ်သးလဲ, လၢသုတၢ်ကူၣ်တၢ်ဆးတုၤအလၢာ်, ဒီးသုဂံၢ်သုဘါခဲလၢာ်လီၤ.’

လံာ်မၢ်ကူး 12:33

ပှၤကညီတဂၤမ့ၢ်အဲၣ်ကစၢ်ယွၤလၢအသးဒီဖျၢၣ်ညါ, လၢအတၢ်ကူၣ်တၢ်ဆးတုၤအလၢာ်, ဒီးလၢအတၢ်ဂံၢ်တၢ်ဘါခဲလၢာ်, ဒီးမ့ၢ်အဲၣ်ပှၤကညီကဒဲကဒဲဒီးအီၤဒ်အအဲၣ်လီၤအသးဒၣ်ဝဲန့ၣ်, မ့ၢ်တၢ်အဂ့ၤဒိၣ်န့ၢ်ဒံးတၢ်လုၢ်မ့ၣ်အူလၢအမ့ၢ်တၢ်လုၢ်ဆၣ်ဖိကီၢ်ဖိဒီဒု, ဒီးတၢ်လုၢ်အဂၤတဖၣ်ခဲလၢာ်တက့ၢ်လီၤ.”

လံာ်လူၤကၣ် 10:27

ပှၤတဂၤန့ၣ်စံးဆၢတၢ်ဒီးစံးဝဲ, “နကဘၣ်အဲၣ်ကစၢ်ယွၤနကစၢ်လၢနသူၣ်ကံၢ်သးလဲ, လၢနသးဒီဖျၢၣ်, လၢနဂံၢ်နဘါခဲလၢာ်, ဒီးလၢနတၢ်ကူၣ်တၢ်ဆးခဲလၢာ်, ဒီးနကဘၣ်အဲၣ်ပှၤလၢနဃၢၤဒ်နအဲၣ်လီၤနသးဒၣ်နဲအသိးလီၤ.”

လံာ်သိၣ်လီၤသီလီၤတၢ် 10:12

ခဲကနံၣ်အံၤ, ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ဒိကနၣ်တၢ်လၢယွၤ, သုကစၢ်ယွၤဃ့ဝဲလၢသုအိၣ်န့ၣ်တက့ၢ်. အိၣ်ဒီးတၢ်ယူးယီၣ်ယွၤ, ဒီးမၤကယဲၢ်တၢ်လၢအဝဲမၤလိာ်ဝဲတဖၣ် န့ၣ်တက့ၢ်. အဲၣ်အီၤ, မၤအတၢ်မၤလၢသုသးဒီဖျၢၣ်ညါ,

လံာ်သိၣ်လီၤသီလီၤတၢ် 11:1

အဲၣ်ယွၤ, နကစၢ်ယွၤဒီးစူၢ်အဝဲအတၢ်ဘူၣ်တၢ်ဘါအတၢ်သိၣ်တၢ်သီ တဖၣ်ထီဘိတက့ၢ်.

လံာ်သိၣ်လီၤသီလီၤတၢ် 11:13

ဒီးလၢတၢ်န့ၣ်အဃိ, စူၢ်တၢ်မၤလိာ်တဖၣ်လၢယဟ့ၣ်လီၤသုတနံၤအံၤတက့ၢ်. အဲၣ်ယွၤ, သုကစၢ်ယွၤဒီးမၤအတၢ်လၢသုသးဒီဖျၢၣ်ညါတက့ၢ်.

လံာ်သိၣ်လီၤသီလီၤတၢ် 13:3

ကနၣ်ဃုာ်အီၤနီတစဲးတဂ့ၤ. ယွၤသုကစၢ်ယွၤသူအီၤလၢကမၤကွၢ် သုအဂီၢ်, ဒ်သိးကထံၣ်သ့ၣ်ညါဘၣ်ဝဲလၢမ့ၢ်သုအဲၣ်ယွၤလၢသုသးဒီဖျၢၣ် ညါကစီဒီဧါ, န့ၣ်လီၤ.

လံာ်သိၣ်လီၤသီလီၤတၢ် 13:4

ပိာ်ယွၤအခံဒီးအိၣ်ဒီးတၢ်ယူးယီၣ်ပာ်ကဲအီၤတက့ၢ်. စူၢ်အီၤဒီးတိၢ်န့ၢ်ဖံးဃာ်အဝဲအတၢ်မၤလိာ်တဖၣ်တက့ၢ်. ဘူၣ်ထီၣ်ဘါထီၣ်အီၤဒီးသးတီဒီးအီၤတက့ၢ်.

လံာ်သိၣ်လီၤသီလီၤတၢ် 19:9

အန့ၣ်တစုသုကဘၣ်ဃုထၢအါထီၣ်ဝ့ၢ်သၢဝ့ၢ်လီၤ. (အဝဲကဟ့ၣ်သုထံကီၢ်အံၤ, ဖဲသုမၤတၢ်ခဲလၢာ်လၢယမၤလိာ်သု တနံၤအံၤဒီးဖဲသုအဲၣ်ယွၤ, သုကစၢ်ယွၤဒီးအိၣ်မူဒ်အဝဲအတၢ် သိၣ်လိတဖၣ်အိၣ်ဝဲအသိးန့ၣ်လီၤ.)

လံာ်သိၣ်လီၤသီလီၤတၢ် 30:10

ဘၣ်ဆၣ်သုကဘၣ်စူၢ်အီၤဒီးတိၢ်န့ၢ်ဖံးဃာ်ကယဲၢ်အဝဲအတၢ်ဘူၣ်တၢ် ဘါအတၢ်သိၣ်တၢ်သီတဖၣ်လၢအအိၣ်ကွဲးလီၤပာ်အသးလၢ အဝဲအတၢ်သိၣ်တၢ်သီတဖၣ်အလံာ်အံၤအပူၤန့ၣ်လီၤ. သုကဘၣ်ဃၣ်ဃီၤသုသးဆူအဝဲအအိၣ်လၢသုသးဒီဖျၢၣ်ညါန့ၣ်လီၤ.

လံာ်သိၣ်လီၤသီလီၤတၢ် 30:16

သုမ့ၢ်စူၢ်ယွၤ, သုကစၢ်ယွၤအတၢ်မၤလိာ်လၢယဟ့ၣ်လီၤသု တနံၤအံၤ, သုမ့ၢ်အဲၣ်အီၤ, စူၢ်အီၤ, ဒီးတိၢ်န့ၢ်ဖံးဃာ်ကယဲၢ် အဝဲအတၢ်ဘူၣ်တၢ်ဘါအတၢ်သိၣ်တၢ်သီတဖၣ်န့ၣ်ဒီး, အန့ၣ်တစုသုကဘီၣ်ထီၣ်ညီထီၣ်ဒီးကဲထီၣ်ပှၤဂီၢ်မုၢ်ဖးဒိၣ်အပှၤ ကလုာ်န့ၣ်လီၤ. ယွၤ, သုကစၢ်ယွၤကဆိၣ်ဂ့ၤသုလၢကီၢ်လၢသုကဘၣ်မၤန့ၢ်အီၤအပူၤ န့ၣ်လီၤ.

လံာ်သိၣ်လီၤသီလီၤတၢ် 30:20

အဲၣ်ယွၤ, သုကစၢ်ယွၤ, စူၢ်အီၤဒီးအိၣ်ဒီးတၢ်သူၣ်တီသးရၤဒီး အီၤတက့ၢ်. အန့ၣ်ဒီးသုဝဲဒီးသုစၢၤသုသွဲၣ်တဖၣ်ကအိၣ်ကၢအိၣ်ခိးလၢကီၢ် န့ၣ်အပူၤ, လၢအဝဲအၢၣ်လီၤပာ်တ့ၢ်ဝဲလၢကဟ့ၣ်လီၤသုပၢ်ဖးဒိၣ်လၢပျၢၤ တဖၣ်လၢအမ့ၢ်စီၤအၤဘြၤဟၣ်, စီၤအံၤစဲးဒီးစီၤယၤကိာ်န့ၣ်လီၤ.

လံာ်သိၣ်လီၤသီလီၤတၢ် 30:6

ယွၤ, သုကစၢ်ယွၤကဟ့ၣ်လီၤသုဝဲဒီးသုစၢၤသုသွဲၣ်တဖၣ်လၢ တၢ်စူၢ်တၢ်အကလုၢ်အသးတဖၣ်, ဒ်သိးသုကအဲၣ်အီၤလၢသုသးဒီဖျၢၣ်ညါဒီးသုကအိၣ်ဆိးထွဲဘၣ်ဒံးလၢ ထံကီၢ်န့ၣ်အပူၤန့ၣ်လီၤ.

လံာ်သိၣ်လီၤသီလီၤတၢ် 4:29

ဖဲန့ၣ်သုကဃုယွၤ, သုကစၢ်ယွၤ, ဒီးသုမ့ၢ်ဃုအီၤလၢသုသးဒီဖျၢၣ်န့ၣ်သုကထံၣ်န့ၢ်အီၤလီၤ.

လံာ်စီၤယိၤၡူ 22:5

ပာ်သူၣ်ပာ်သးလီၤတံၢ်လီၤဆဲးလၢသုကဒိကနၣ် တၢ်သိၣ်တၢ်သီလၢယွၤအခ့အပှၤစီၤမိၤၡ့မၤလိာ်တ့ၢ်သုလၢအမ့ၢ်ဝဲ, အဲၣ်ယွၤသုကစၢ်, မၤအတၢ်ဘၣ်အသး, ဒိကနၣ်အတၢ်မၤလိာ်တဖၣ်, တီဒီးအီၤ, ဒီးမၤအတၢ်လၢသုသးဒီဖျၢၣ်ညါဒီးသုသူၣ်ကံၢ်သးလဲန့ၣ်တက့ၢ်.”

၁ ယိၤဟၣ် 5:3

အဂ့ၢ်ဒ်လဲၣ်န့ၣ်, ပတၢ်အဲၣ်ကစၢ်ယွၤအခီပညီမ့ၢ်ဝဲပစူၢ် အတၢ်မၤလိာ်တဖၣ်န့ၣ်လီၤ. ဒီးအတၢ်မၤလိာ်တဖၣ်တမ့ၢ်တၢ်ကီတၢ်ခဲကဲၣ်ဆိးလၢပဂီၢ်ဘၣ်.