လံာ်သိၣ်လီၤသီလီၤတၢ် 6:23 - Sgaw Karen Common Bible

²³ အဝဲမၤထူၣ်ဖျဲးပှၤလၢကီၢ်အဲၤကူပတူးဒ်သိးကဟဲစိာ်ပှၤဖဲ အံၤဒီးဟ့ၣ်လီၤပှၤလၢကီၢ်အံၤဒ်အဝဲအၢၣ်လီၤတ့ၢ်ပမိၢ်ပၢ်ဖံ ဖုလၢပျၢၤတဖၣ်, လၢအကမၤဝဲအသိးန့ၣ်လီၤ.

လံာ်သိၣ်လီၤသီလီၤတၢ် 6:23 Iomraidhean Croise

လံာ်တၢ်ဟးထီၣ်ကွံာ် 13:5

ယွၤအၢၣ်လီၤအီလီၤတ့ၢ်တၢ်လီၤတံၢ်လီၤဆဲးဒီးသုမိၢ်ပၢ်ဖံ ဖုလၢပျၢၤတဖၣ်လၢအကဟ့ၣ်သုလၢပှၤကနၤဧၣ်ဖိ, ပှၤဃ့ၤသးဖိ, ပှၤအမိၢ်ဖိ, ပှၤဃ့ၤဝံဖိဒီးပှၤယဘူၣ်ဖိတဖၣ်အကီၢ်န့ၣ်လီၤ. တုၤအဝဲဆှၢသုဆူကီၢ်လၢအထူးဝဲတီၤဝဲဒီးဟီၣ်ခိၣ်ညၣ်ထ့ၣ် ဂ့ၤဝဲတဘ့ၣ်အပူၤန့ၣ်သုကဘၣ်မၤဘူၣ်အံၤလၢလါအခီၣ်ထံး ကတၢၢ်တလါအပူၤကိးနံၣ်ဒဲးန့ၣ်လီၤ.

လံာ်သိၣ်လီၤသီလီၤတၢ် 1:35

လၢပှၤအၢပှၤသီတစိၤအံၤအကျါန့ၣ်, ပှၤတနုာ်လီၤဘၣ်နီ တဂၤဆူကီၢ်လၢအပှဲၤဒီးဟီၣ်ခိၣ်ညၣ်ထ့ၣ်လၢယအၢၣ်လီၤတ့ၢ်လၢ ယကဟ့ၣ်သုမိၢ်ပၢ်ဖံဖုလၢပျၢၤန့ၣ်ဘၣ်.

လံာ်သိၣ်လီၤသီလီၤတၢ် 1:8

ကယဲၢ်တၢ်ခဲလၢာ်အံၤမ့ၢ်ကီၢ်လၢယၤ, ယွၤ, အၢၣ်လီၤတ့ၢ်လၢကဟ့ၣ် အီၤဆူသုမိၢ်ပၢ်ဖံဖုလၢပျၢၤတဖၣ်လၢအမ့ၢ်စီၤအၤဘြၤဟၣ်, စီၤအံၤစဲးဒီးစီၤယၤကိာ်ဒီးဆူအဝဲသ့ၣ်အစၢၤအသွဲၣ်တဖၣ် အအိၣ်န့ၣ်လီၤ. လဲၤဒီးမၤန့ၢ်အီၤတက့ၢ်.”

လံာ်သိၣ်လီၤသီလီၤတၢ် 6:10

ဒ်ယွၤ, သုကစၢ်ယွၤအၢၣ်လီၤတ့ၢ်သုပၢ်ဖးဒိၣ်လၢပျၢၤတဖၣ်လၢ အမ့ၢ်စီၤအၤဘြၤဟၣ်, စီၤအံၤစဲးဒီးစီၤယၤကိာ်အသိး, အဝဲကဟ့ၣ်လီၤသုလၢကီၢ်တဘ့ၣ်လၢအအိၣ်ဒီးဝ့ၢ်ဖးဒိၣ်လၢအထူး အတီၤတဖၣ်, လၢသုတသူၣ်ထီၣ်ဘှီထီၣ်တ့ၢ်အီၤဘၣ်န့ၣ်လီၤ.

လံာ်သိၣ်လီၤသီလီၤတၢ် 6:18

တၢ်လၢယွၤစံးဝဲလၢအမ့ၢ်အတီဒီးဂ့ၤန့ၣ်မၤအီၤတက့ၢ်. ဒီးတၢ်ခဲလၢာ်ကလဲၤအသးဂ့ၤဂ့ၤဘၣ်ဘၣ်လၢသုဂီၢ်လီၤ. ကီၢ်လၢအပှဲၤဒီးဟီၣ်ခိၣ်ညၣ်ထ့ၣ်အဂ့ၤလၢယွၤအၢၣ်လီၤတ့ၢ်သု မိၢ်ပၢ်ဖံဖုလၢပျၢၤတဖၣ်န့ၣ်, သုလဲၤနုာ်မၤန့ၢ်ကသ့ဝဲ,

လံာ်သိၣ်လီၤသီလီၤတၢ် 6:22

လၢပမဲာ်ချံဒၣ်ဝဲန့ၣ်ပထံၣ်ဘၣ်အဝဲမၤတၢ်လီၤလးတဖၣ်ဒီးမၤ ပျံၤမၤဖုးပှၤအဲၤကူပတူးဖိတဖၣ်, ဒီးအဝဲသ့ၣ်အစီၤပၤဒီးကယဲၢ်အပဒိၣ်ပပှၢ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 6:24

အန့ၣ်ဝံၤဒီး, ယွၤပကစၢ်ယွၤ, မၤလိာ်ပှၤလၢပကစူၢ်ကယဲၢ်အဝဲအတၢ် ဘူၣ်တၢ်ဘါအတၢ်သိၣ်တၢ်သီတဖၣ်အံၤဒီးအိၣ်ဒီးတၢ်ယူးယီၣ်အီၤ န့ၣ်လီၤ. ပမ့ၢ်မၤအီၤဒီးအဝဲကအံးထွဲကွၢ်ထွဲပပှၤကလုာ်ထီဘိဒီးဒုး ဘီၣ်ထီၣ်ညီထီၣ်အီၤန့ၣ်လီၤ.