လံာ်သိၣ်လီၤသီလီၤတၢ် 6:2 - Sgaw Karen Common Bible

² ဖဲသုအိၣ်မူဒံးအဖၢမုၢ်န့ၣ်သုဝဲဒီးသုစၢၤသုသွဲၣ်တဖၣ် ကဘၣ်ယူးယီၣ်ယွၤ, သုကစၢ်ယွၤ, ဒီးစူၢ်ကယဲၢ်အဝဲအတၢ်ဘူၣ်တၢ်ဘါအတၢ်သိၣ်တၢ်သီတဖၣ် လၢယဟ့ၣ်လီၤသုဒ်သိးသုကအိၣ်ဆိးဒီးမူဘၣ်လၢကီၢ်န့ၣ်အပူၤ ယံာ်ယံာ်ထၢထၢအဂီၢ်န့ၣ်လီၤ.

လံာ်သိၣ်လီၤသီလီၤတၢ် 6:2 Iomraidhean Croise

လံာ်တၢ်ကဲထီၣ်အခီၣ်ထံး 18:19

ယဃုထၢတ့ၢ်လံအီၤလၢကမၤလိာ်အဖိခွါတဖၣ်ဒီးအစၢၤအသွဲၣ်တဖၣ် လၢအကစူၢ်ယၤ, ဒီးကမၤတၢ်အဘၣ်ဒီးတၢ်အတီန့ၣ်လီၤ. အဝဲသ့ၣ်မ့ၢ်မၤဝဲဒီးယကမၤကယဲၢ်တၢ်ခဲလၢာ်လၢအဂီၢ်ဒ်ယအၢၣ်လီၤ တ့ၢ်အသိးန့ၣ်လီၤ.”

လံာ်တၢ်ကဲထီၣ်အခီၣ်ထံး 22:12

ဒီးကလူးန့ၣ်စံးဘၣ်အီၤ, “မၤဆါဖိသၣ်အံၤတဂ့ၤ. မၤအီၤတၢ်နီတမံၤတဂ့ၤ. ဒီးခဲကနံၣ်အံၤယသ့ၣ်ညါလၢနယူးယီၣ် ဒီးစူၢ်ကစၢ်ယွၤန့ၣ်လီၤ. အဂ့ၢ်ဒ်အံၤ, နဖိခွါထဲတဂၤဧိၤဒၣ်လဲာ်, နကလုၢ်ထီၣ်အီၤဆူယအိၣ် န့ၣ်နတလိးကီနဲဘၣ်.”

လံာ်စီၤပၤအခီၣ်ထံးတဘ့ၣ် 8:40

ဒ်သိးနပှၤဂီၢ်မုၢ်ကစူၢ်နၤတစိၤသးဖဲအဝဲသ့ၣ်အိၣ်ဝဲဆိးဝဲ လၢကီၢ်လၢနဟ့ၣ်တ့ၢ်ပမိၢ်ပၢ်ဖံဖုလၢပျၢၤတဖၣ်, အပူၤန့ၣ်တက့ၢ်.

လံာ်စီၤယိၤဘး 28:28

ဒီးကစၢ်ယွၤစံးဘၣ်ပှၤကညီ, ကွၢ်ကွၢ်တၢ်ပျံၤယွၤန့ၣ်မ့ၢ်တၢ် ကူၣ်သ့ဒီးတၢ်ဟးဆှဲးကွံာ်လၢတၢ်အၢန့ၣ်မ့ၢ်တၢ်သ့ၣ်ညါနၢ်ပၢၢ် န့ၣ်လီၤ.

စံးထီၣ်ပတြၢၤ 111:10

တၢ်ကူၣ်သ့အခီၣ်ထံးန့ၣ် မ့ၢ်တၢ်ပျံၤယွၤလီၤ. ကယဲၢ်ပှၤလၢအတိၢ်န့ၢ်ဝဲခဲလၢာ်န့ၣ် အိၣ်ဒီးအသးလၢအနၢ်ပၢၢ်တၢ်ဂ့ၤဂ့ၤလီၤ. အတၢ်စံးထီၣ်ပတြၢၤန့ၣ် အိၣ်ဂၢၢ်ဆိးကျၢၤ လီၤစိၤလီၤထီလီၤ.

စံးထီၣ်ပတြၢၤ 128:1

ကယဲၢ်ပှၤလၢအပျံၤယွၤ, ဒီးပိာ်အကျဲတဖၣ်န့ၣ်ဘၣ်ဆိၣ်ဂ့ၤဝဲလီၤ.

စံးထီၣ်ပတြၢၤ 91:16

ယကဒုးမံသူၣ်မံသးအီၤလၢတၢ်အိၣ်ကၢအိၣ်ခိး, ဒီးဒုးနဲၣ်အီၤယတၢ်အုၣ်က့ၤခီၣ်က့ၤလီၤ.”

လံာ်တၢ်ဟးထီၣ်ကွံာ် 20:12

ယူးယီၣ်ပာ်ကဲသုပၢ်ဒီးသုမိၢ်, ဒ်သိးသုကအိၣ်ကၢအိၣ်ခိးလၢ ကီၢ်တဘ့ၣ်လၢကယဟ့ၣ်လီၤသုအပူၤန့ၣ်တက့ၢ်.

လံာ်တၢ်ဟးထီၣ်ကွံာ် 20:20

ဒီးစီၤမိၤၡ့စံးဆၢဝဲ, “ပျံၤတၢ်တဂ့ၤ. ကစၢ်ယွၤဟဲဒၣ်လၢကမၤကွၢ်သုဒီးပာ်တၢ်ပျံၤဘၣ်အီၤအသးလၢသု ပူၤဒ်သိးသုသုတမၤဒဲးဘးတၢ်တဂ့ၤအဂီၢ်ဧိၤန့ၣ်လီၤ.”

တၢ်ကတိၤဒိ. 16:6

သးတီဒီးကလုၢ်တီဒီးယွၤတက့ၢ်. ဒီးကစၢ်ယွၤကပျၢ်ကွံာ်နတၢ် ဒဲးဘးလီၤ. စူၢ်ယွၤတက့ၢ်, ဒီးတၢ်အၢတၢ်သီတဘၣ်ဘၣ်နၤနီတမံၤဘၣ်.

တၢ်ကတိၤဒိ. 3:16

တၢ်ကူၣ်သ့ဟ့ၣ်နၤတၢ်အိၣ်ကၢအိၣ်ခိး, ဃုာ်ဒီးတၢ်ထူးတၢ်တီၤ ဒီးတၢ်လၤကပီၤစ့ၢ်ကီးလီၤ.

တၢ်ကတိၤဒိ. 9:11

တၢ်ကူၣ်သ့ကဂံၢ်အါထီၣ်နတၢ်အိၣ်မူအနံၣ်အလါလီၤ.

လံာ်ပှၤစံၣ်တဲၤတဲလီၤတၢ် 12:13

တၢ်ခဲလၢာ်ဝံၤအလီၢ်ခံန့ၣ်, တၢ်အိၣ်တီၢ်ဒၣ်ထဲတမံၤလၢတၢ်က စံးကတိၤအီၤအဂီၢ်လီၤ. အိၣ်ဒီးတၢ်ယူးယီၣ်ကစၢ်ယွၤတက့ၢ်. ဒီးစူၢ်အတၢ်မၤလိာ်တဖၣ်တက့ၢ်. အဂ့ၢ်ဒ်အံၤ, တၢ်တ့လီၤပှၤကညီလၢတၢ်အံၤအဂီၢ်လီၤ.

လံာ်ယံးရမံယၤ 32:39

ယကဟ့ၣ်အဝဲသ့ၣ်လၢ တၢ်အိၣ်မူအတၢ်တိာ်ထဲတမံၤဧိၤ ဒ်သိးကအိၣ်ဒီးတၢ်သးတဖျၢၣ်ဃီ, လၢအကမၤလၤ ကပီၤယၤကိးဆၢကတီၢ်ဒဲး, လၢအဝဲသ့ၣ်အကစၢ်ဒၣ်ဝဲ အတၢ်ဂ့ၤအဂီၢ်ဒီး လၢအစၢၤအသွဲၣ်တဖၣ် အတၢ်ဂ့ၤအဂီၢ်န့ၣ်လီၤ.

လံာ်ယဃ့းစက့လး 20:19

ယမ့ၢ်ယွၤသုကစၢ်ယွၤန့ၣ်လီၤ. စူၢ်ယတၢ်ဘူၣ်တၢ်ဘါအတၢ်သိၣ်တၢ် သီတဖၣ်ဒီးယတၢ်မၤလိာ်တဖၣ်န့ၣ်တက့ၢ်.

လံာ်လူၤကၣ် 12:5

ယကဒုးနဲၣ်သုပှၤလၢသုကဘၣ်ပျံၤအီၤန့ၣ်လီၤ. ပျံၤကစၢ်ယွၤလၢအမၤသံပှၤဝံၤအလီၢ်ခံအိၣ်ဒီးတၢ်စိတၢ် ကမီၤလၢအကတ့ၢ်လီၤပှၤဆူလရာ်အပူၤတဂၤန့ၣ်တက့ၢ်. မ့ၢ်လီၤ. ယစံးဘၣ်တဲဘၣ်သု, ပျံၤအဝဲဒၣ်န့ၣ်တက့ၢ်.

လံာ်သိၣ်လီၤသီလီၤတၢ် 10:20

အိၣ်ဒီးတၢ်ယူးယီၣ်ယွၤ, သုကစၢ်ယွၤဒီးဘူၣ်ထီၣ်ဘါထီၣ်ထဲ အဝဲဒၣ်တဂၤဧိၤန့ၣ်တက့ၢ်. အိၣ်ဒီးတၢ်သူၣ်တီသးရၤဒီးအီၤဒီးမၤသုတၢ်အၢၣ်လီၤအီလီၤ တဖၣ်ထဲလၢအဝဲအမံၤအပူၤန့ၣ်တက့ၢ်.

လံာ်သိၣ်လီၤသီလီၤတၢ် 11:9

ဒီးသုကအိၣ်မူဘၣ်ယံာ်ယံာ်ထၢထၢလၢကီၢ်တဘ့ၣ်လၢအထူးဝဲတီၤ ဝဲဒီးဟီၣ်ခိၣ်ညၣ်ထ့ၣ်ဂ့ၤဝဲအပူၤ, လၢယွၤအၢၣ်လီၤတ့ၢ်လၢအကဟ့ၣ်သုမိၢ်ပၢ်ဖံဖုလၢပျၢၤတဖၣ်ဒီး အဝဲသ့ၣ်အစၢၤအသွဲၣ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 13:4

ပိာ်ယွၤအခံဒီးအိၣ်ဒီးတၢ်ယူးယီၣ်ပာ်ကဲအီၤတက့ၢ်. စူၢ်အီၤဒီးတိၢ်န့ၢ်ဖံးဃာ်အဝဲအတၢ်မၤလိာ်တဖၣ်တက့ၢ်. ဘူၣ်ထီၣ်ဘါထီၣ်အီၤဒီးသးတီဒီးအီၤတက့ၢ်.

လံာ်သိၣ်လီၤသီလီၤတၢ် 15:5

စူၢ်အီၤဒီးမၤကယဲၢ်တၢ်ခဲလၢာ်လၢယမၤလိာ်တ့ၢ်သုလၢမုၢ်မဆါ တနံၤအံၤန့ၣ်တက့ၢ်.

လံာ်သိၣ်လီၤသီလီၤတၢ် 22:7

သုဖီၣ်န့ၢ်ထိၣ်ဖိတဖၣ်သ့ဝဲ, မ့မ့ၢ်သုကဘၣ်ပျဲဟးကွံာ်ထိၣ်မိၢ်န့ၣ်, ဒ်သိးသုတၢ်အိၣ်မူကအိၣ်ကၢအိၣ်ခိးဒီးဘီၣ်ထီၣ်ညီထီၣ်အဂီၢ် န့ၣ်လီၤ.

လံာ်သိၣ်လီၤသီလီၤတၢ် 30:19

ခဲကနံၣ်အံၤယဟ့ၣ်လီၤသုတၢ်ဃုထၢလၢတၢ်မူဒီးတၢ်သံ အဘၢၣ်စၢၤဒီးကိးထီၣ်မူခိၣ်ဒီးဟီၣ်ခိၣ်လၢကကဲထီၣ်တၢ်အုၣ် အသးလၢတၢ်ဃုထၢလၢသုမၤအီၤအဂီၢ်န့ၣ်လီၤ. ဃုထၢတၢ်မူတက့ၢ်.

လံာ်သိၣ်လီၤသီလီၤတၢ် 30:20

အဲၣ်ယွၤ, သုကစၢ်ယွၤ, စူၢ်အီၤဒီးအိၣ်ဒီးတၢ်သူၣ်တီသးရၤဒီး အီၤတက့ၢ်. အန့ၣ်ဒီးသုဝဲဒီးသုစၢၤသုသွဲၣ်တဖၣ်ကအိၣ်ကၢအိၣ်ခိးလၢကီၢ် န့ၣ်အပူၤ, လၢအဝဲအၢၣ်လီၤပာ်တ့ၢ်ဝဲလၢကဟ့ၣ်လီၤသုပၢ်ဖးဒိၣ်လၢပျၢၤ တဖၣ်လၢအမ့ၢ်စီၤအၤဘြၤဟၣ်, စီၤအံၤစဲးဒီးစီၤယၤကိာ်န့ၣ်လီၤ.

လံာ်သိၣ်လီၤသီလီၤတၢ် 4:10

ဘၣ်ဃးဒီးမုၢ်တနံၤလၢသုဆၢထၢၣ်လၢယွၤကစၢ်ယွၤအမဲာ်ညါလၢ ကစၢၢ်စံၤနါအဂ့ၢ်, ဖဲအဝဲဒၣ်စံးဘၣ်ယၤ, ကိးဖှိၣ်ပှၤဂီၢ်မုၢ်တက့ၢ်. ယအဲၣ်ဒိးလၢအဝဲသ့ၣ်ကနၢ်ဟူဘၣ်တၢ်လၢယကစံးယဲ, ဒ်သိးအဝဲသ့ၣ်ကမၤလိစူၢ်ယၤလၢအသးသမူဒီတစိၤညါ, ဒီးဒ်သိးအဝဲသ့ၣ်ကသိၣ်လိတၢ်တမံၤဃီဒ်န့ၣ်အသိးဆူအဖိအလံၤ တဖၣ်န့ၣ်လီၤ.

လံာ်သိၣ်လီၤသီလီၤတၢ် 4:40

စူၢ်ကယဲၢ်အဝဲအတၢ်ဘူၣ်တၢ်ဘါအတၢ်သိၣ်တၢ်သီခဲလၢာ်လၢယဟ့ၣ်လီၤ သုတနံၤအံၤ, ဒီးတၢ်ကိးမံၤဒဲးကလဲၤအသးဂ့ၤဂ့ၤဘၣ်ဘၣ်လၢသုဒီးသုစၢၤ သုသွဲၣ်တဖၣ်အဂီၢ်န့ၣ်လီၤ. သုကအိၣ်ဆိးဘၣ်ဒံးဆူညါလၢကီၢ်တဘ့ၣ်အံၤအပူၤလၢယွၤ, သုကစၢ်ယွၤဟ့ၣ်လီၤသုဒ်သိးကမ့ၢ်သုတၢ်အစိၤစိၤအဃၣ်ဃၣ်အဂီၢ် န့ၣ်လီၤ.”

လံာ်သိၣ်လီၤသီလီၤတၢ် 4:9

အိၣ်ဒီးတၢ်ပလီၢ်သူၣ်ပလီၢ်သးတက့ၢ်. လၢသးသမူဒီတစိၤညါ န့ၣ်, တၢ်လၢသုထံၣ်ဘၣ်အီၤလၢသုမဲာ်ချံဒၣ်သုအံၤမၤလီၤတံၢ်လၢသု တသးပ့ၤနီၣ်ကွံာ်အီၤဘၣ်န့ၣ်တက့ၢ်. တဲဘၣ်သုဖိသုလံၤတဖၣ်,

လံာ်သိၣ်လီၤသီလီၤတၢ် 5:16

ယူးယီၣ်သုပၢ်ဒီးသုမိၢ်, ဒ်ယၤ, ယွၤ, သုကစၢ်ယွၤမၤလိာ်သု, ဒ်သိးတၢ်ကိးမံၤဒဲးကလဲၤအသးဂ့ၤဂ့ၤဘၣ်ဘၣ်လၢသုဂီၢ်, ဒီးဒ်သိးသုကအိၣ်မူယံာ်ယံာ်ထၢထၢလၢကီၢ်တဘ့ၣ်လၢယဟ့ၣ် လီၤသုအပူၤန့ၣ်တက့ၢ်.

လံာ်သိၣ်လီၤသီလီၤတၢ် 5:33

စူၢ်အီၤကိးထံၣ်ဒဲး, ဒ်သိးတၢ်ကိးမံၤဒဲးကလဲၤအသးဂ့ၤဂ့ၤ ဘၣ်ဘၣ်လၢသုဂီၢ်ဒီးဒ်သိးသုကအိၣ်ဆိးဘၣ်ဒံးဆူညါလၢကီၢ် တဘ့ၣ်လၢသုကလဲၤနုာ်လီၤမၤန့ၢ်အီၤအပူၤအဂီၢ်န့ၣ်တက့ၢ်.

လံာ်သိၣ်လီၤသီလီၤတၢ် 6:1

တၢ်တဖၣ်အံၤမ့ၢ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီတဖၣ်လၢယွၤ, သုကစၢ်ယွၤမၤလိာ်ယၤဒ်သိးယကသိၣ်လိသီလိန့ၣ်လီၤ. စူၢ်အီၤလၢကီၢ်တဘ့ၣ်လၢသုကလဲၤနုာ်လီၤဒီး မၤန့ၢ်အီၤအပူၤန့ၣ်တက့ၢ်.

လံာ်သိၣ်လီၤသီလီၤတၢ် 6:24

အန့ၣ်ဝံၤဒီး, ယွၤပကစၢ်ယွၤ, မၤလိာ်ပှၤလၢပကစူၢ်ကယဲၢ်အဝဲအတၢ် ဘူၣ်တၢ်ဘါအတၢ်သိၣ်တၢ်သီတဖၣ်အံၤဒီးအိၣ်ဒီးတၢ်ယူးယီၣ်အီၤ န့ၣ်လီၤ. ပမ့ၢ်မၤအီၤဒီးအဝဲကအံးထွဲကွၢ်ထွဲပပှၤကလုာ်ထီဘိဒီးဒုး ဘီၣ်ထီၣ်ညီထီၣ်အီၤန့ၣ်လီၤ.

လံာ်သိၣ်လီၤသီလီၤတၢ် 6:7

သိၣ်လိသီလိသုဖိသုလံၤတဖၣ်န့ၣ်တက့ၢ်. ဖဲသုအိၣ်လၢဟံၣ် ဒီးဖဲသုအိၣ်လၢတၢ်လီၢ်အယံၤ, ဖဲသုအိၣ်ဘှံးဒီးဖဲသုမၤ တၢ်အခါန့ၣ်, ယၢၤထီၣ်ကဒါက့ၤအီၤတက့ၢ်.

လံာ်စီၤယိၤၡူ 4:24

လၢတၢ်ဂ့ၢ်အံၤအဃိ, ပှၤအိၣ်လၢဟီၣ်ခိၣ်ချၢခဲလၢာ်ကသ့ၣ် ညါလၢယွၤအစိကမီၤဒိၣ်ဝဲထဲလဲၣ်, ဒီးသုကမၤလၤကပီၤယွၤ သုကစၢ်ယွၤအစိၤစိၤအဃၣ်ဃၣ်န့ၣ်လီၤ.”

၁ ပ့းတရူး 1:17

ဖဲသုဘါထုကဖၣ်ကစၢ်ယွၤဒီး, သုကိးအီၤလၢပၢ်လၢအစံၣ်ညီၣ်ပှၤခဲလၢာ်လၢနီၣ်ထိၣ်တမံၤ ဃီဒ်ပှၤတဂၤဒီးတဂၤမၤတၢ်အသိးန့ၣ်လီၤ. လၢတၢ်န့ၣ်အဃိ, မၤလၢာ်ကွံာ်သုတၢ်အိၣ်မူလၢအအိၣ်လီၤတဲာ်လၢဟီၣ်ခိၣ် ချၢအံၤလၢတၢ်ယူးယီၣ်ပာ်ကဲကစၢ်ယွၤအပူၤန့ၣ်တက့ၢ်.