လံာ်သိၣ်လီၤသီလီၤတၢ် 6:17 - Sgaw Karen Common Bible

¹⁷ စူၢ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီတဖၣ်လၢအဝဲဟ့ၣ်လီၤတ့ၢ် သုန့ၣ်သပှၢ်ကတၢၢ်တက့ၢ်.

လံာ်သိၣ်လီၤသီလီၤတၢ် 6:17 Iomraidhean Croise

စံးထီၣ်ပတြၢၤ 119:2

ပှၤလၢအတိၢ်န့ၢ်ဖံးဃာ်အတၢ်အုၣ်အသး ဒီးဃုယွၤလၢအသးဒီဖျၢၣ်ညါန့ၣ်, ဘၣ်ဆိၣ်ဂ့ၤဝဲလီၤ.

စံးထီၣ်ပတြၢၤ 119:4

နမၤလိာ်တ့ၢ်ပှၤလၢ ပဘၣ်တိၢ်န့ၢ်ဟံးဃာ် နတၢ်သိၣ်တၢ်သီထံထံဆးဆးလီၤ.

လံာ်တၢ်ဟးထီၣ်ကွံာ် 15:26

ဒီးယွၤစံးဝဲဒၣ်, “သုမ့ၢ်ဒိကနၣ်ယၤလၢလၢပှဲၤပှဲၤ, ခီဖျိမၤတၢ်ဒ်တၢ်ဘၣ်ယသးဒီးတိၢ်န့ၢ်ဖံးဃၣ်ယတၢ်မၤလိာ်တဖၣ် န့ၣ်, ယတစံၣ်ညီၣ်ဘၣ်သုလၢတၢ်ဆါတဖၣ်လၢယဒုးလီၤဘၣ်အီၤ လၢပှၤအဲၤကူပတူးဖိတဖၣ်အလိၤန့ၣ်ဘၣ်. ယမ့ၢ်ယွၤ, ပှၤတဂၤလၢအမၤဘျါသုန့ၣ်လီၤ.”

1 ကရံၣ်သူး 15:58

လၢတၢ်န့ၣ်အဃိ, ယဒီပုၢ်ဝဲၢ်သးဘိသ့ၣ်ဧၢ, အိၣ်ဆၢထၢၣ်ဂၢၢ်ဂၢၢ်ကျၢၤကျၢၤတက့ၢ်. လၢသုတၢ်မၤတၢ်လၢကစၢ်အဂီၢ်အပူၤန့ၣ်, မၤသုဝဲဆူၣ်ဆူၣ်ထီဘိတဘိယူၢ်ဃီတက့ၢ်. အဂ့ၢ်ဒ်အံၤ, သုသ့ၣ်ညါသုဝဲလၢကစၢ်အတၢ်ဖံးတၢ်မၤအပူၤ, သုတၢ်ဖံးတၢ်မၤလၢအဘျုးအဖှိၣ်တအိၣ်န့ၣ်, တအိၣ်ဝဲနီတမံၤဘၣ်န့ၣ်လီၤ.

လံာ်သိၣ်လီၤသီလီၤတၢ် 11:13

ဒီးလၢတၢ်န့ၣ်အဃိ, စူၢ်တၢ်မၤလိာ်တဖၣ်လၢယဟ့ၣ်လီၤသုတနံၤအံၤတက့ၢ်. အဲၣ်ယွၤ, သုကစၢ်ယွၤဒီးမၤအတၢ်လၢသုသးဒီဖျၢၣ်ညါတက့ၢ်.

လံာ်သိၣ်လီၤသီလီၤတၢ် 11:22

စူၢ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီတဖၣ်လၢယဟ့ၣ်လီၤတ့ၢ်သုန့ၣ် လၢတၢ်သူၣ်တီသးရၤအပူၤတက့ၢ်. အဲၣ်ယွၤသုကစၢ်ယွၤ, မၤတၢ်ကိးမံၤဒဲးလၢအဝဲမၤလိာ်ဝဲ, ဒီးအိၣ်ဒီးတၢ်သူၣ်တီသးရၤဒီးအီၤတက့ၢ်.

လံာ်သိၣ်လီၤသီလီၤတၢ် 27:1

အန့ၣ်ဝံၤဒီး, စီၤမိၤၡ့ဃုာ်ဒီးကီၢ်အံၣ်စရ့လးအခိၣ်အနၢ်တဖၣ် စံးဘၣ်ပှၤဂီၢ်မုၢ်, “စူၢ်ကယဲၢ်တၢ်သိၣ်လိနဲၣ်ယုၤတဖၣ်လၢယက ဟ့ၣ်လီၤသုလၢမုၢ်မဆါတနံၤအံၤတက့ၢ်.

လံာ်သိၣ်လီၤသီလီၤတၢ် 5:1

စီၤမိၤၡ့ကိးဖှိၣ်ကယဲၢ်ကီၢ်အံၣ်စရ့လးအပှၤဂီၢ်မုၢ်ခဲလၢာ် ဒီးစံးဘၣ်အဝဲသ့ၣ်, ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ဒိကနၣ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီခဲလၢာ်လၢယဟ့ၣ်လီၤသု တနံၤအံၤန့ၣ်တက့ၢ်. မၤလိအီၤဒီးစူၢ်အီၤသပှၢ်ကတၢၢ်တက့ၢ်.

လံာ်သိၣ်လီၤသီလီၤတၢ် 5:29

ထီဘိအဝဲသ့ၣ်မ့ၢ်ပာ်သူၣ်ပာ်သးဒၣ်ဒ်သိးအံၤဧိၤ, အဝဲသ့ၣ်မ့ၢ်မၤလၤကပီၤဒၣ်ထဲယၤတဂၤအံၤဧိၤ, ဒီးစူၢ်ကယဲၢ်ယတၢ်မၤလိာ်တဖၣ်န့ၣ်, တၢ်ကိးမံၤဒဲးကမၤအသးဂ့ၤ ဂ့ၤဘၣ်ဘၣ်လၢအဝဲသ့ၣ်အဂီၢ်ဒီးလၢအဝဲသ့ၣ်အစၢၤအသွဲၣ်တဖၣ်အဂီၢ် လီၤထူလီၤယိာ်န့ၣ်လီၤ.

လံာ်သိၣ်လီၤသီလီၤတၢ် 5:32

ကီၢ်အံၣ်စရ့လးအပှၤဂီၢ်မုၢ်ဧၢ, မၤတၢ်ကိးမံၤလၢယွၤ, သုကစၢ်ယွၤမၤလိာ်တ့ၢ်သုသပှၢ်ကတၢၢ်တက့ၢ်. စူၢ်အဝဲအတၢ်ဘူၣ်တၢ်ဘါအတၢ်သိၣ်တၢ်သီတမံၤလၢ်လၢ်တက့ၢ်.

တံတူး 3:8

တၢ်အံၤမ့ၢ်တၢ်ကတိၤအမ့ၢ်အတီလီၤ. ယသးအိၣ်လၢနကတိာ်သူၣ်ပာ်သးလီၤဆီဒၣ်တၢ်လၢတၢ်ဂ့ၢ် တဖၣ်အံၤ, ဒ်သိးဒီးပှၤလၢအစူၢ်က့ၤနာ်က့ၤကစၢ်ယွၤတဖၣ် ကပာ်သူၣ်ပာ်သးဘၣ်ဃးတၢ်ဟ့ၣ်လီၤအသးလၢတၢ်မၤဂ့ၤ တဖၣ်, လၢအဂ့ၤဒီးကဲဘျုးလၢပှၤကိးဂၤဒဲးအဂီၢ်န့ၣ်လီၤ.

ဧ့ၤဘြံၤ 6:11

ပတၢ်ဆၢမုၢ်လၢ်ဒိၣ်ဒိၣ်အါအါမ့ၢ်ဝဲဒၣ်လၢသုဝဲကိးဂၤဒဲး ကလီၣ်ဖျါထီၣ်သုတၢ်သူၣ်ဆူၣ်သးဂဲၤတမံၤဃီတုၤ အကတၢၢ်ဒ်သိးတၢ်လၢသုမုၢ်လၢ်န့ၣ်ကလၢထီၣ်ပှဲၤထီၣ်ဒီး ကမ့ၢ်တၢ်နီၢ်နီၢ်န့ၣ်လီၤ.

၂ ပ့းတရူး 3:14

လၢတၢ်န့ၣ်အဃိယတံၤသကိးသ့ၣ်ဧၢ, ဖဲသုအိၣ်ခိးကွၢ်လၢ် မုၢ်နံၤအဝဲန့ၣ်န့ၣ်, ကျဲးစၢးအဂ့ၤကတၢၢ်ဒ်သိးလၢကစၢ်ယွၤ အမဲာ်ညါန့ၣ်, သုကစီဆှံဒီးတၢ်ပာ်တၢ်ကမၣ်လၢသုလိၤအလီၢ် တအိၣ်ဘၣ်ဒီး, သုကအိၣ်ဃူအိၣ်ဖိးဒီးအီၤအဂီၢ်န့ၣ်တက့ၢ်.