လံာ်သိၣ်လီၤသီလီၤတၢ် 6:16 - Sgaw Karen Common Bible

¹⁶ သုတလ့ပစီယွၤ, သုကစၢ်ယွၤဒ်သုမၤတ့ၢ်အီၤလၢဝ့ၢ်မးစၤအပူၤ အသိးန့ၣ်တဂ့ၤ.

လံာ်သိၣ်လီၤသီလီၤတၢ် 6:16 Iomraidhean Croise

စံးထီၣ်ပတြၢၤ 78:18

အဝဲသ့ၣ်မၤကွၢ်ကစၢ်ယွၤလၢအသးကံၢ်ပူၤ ခီဖျိဃ့တၢ်အီၣ်လၢအသးကွံဝဲဒၣ်န့ၣ်လီၤ.

လံာ်တၢ်ဟးထီၣ်ကွံာ် 17:2

ဒီးအဝဲသ့ၣ်ကဒူးကဒ့ၣ်တၢ်လၢစီၤမိၤၡ့အလိၤဒီးစံးဝဲ, “ဟ့ၣ်ပှၤထံလၢပကအီအဂီၢ်တက့ၢ်.” စီၤမိၤၡ့စံးဆၢဝဲ, “ဘၣ်မနုၤလၢသုကဒူးကဒ့ၣ်တၢ်ဒီးလ့ပစီယွၤန့ၣ်လဲၣ်.”

လံာ်တၢ်ဟးထီၣ်ကွံာ် 17:7

တၢ်လီၢ်န့ၣ်ဘၣ်တၢ်ယုၢ်အမံၤလၢမးစၤ, ဒီးမရံၤဘါလီၤ. အဂ့ၢ်ဒ်အံၤ, ပှၤအံၣ်စရ့လးဖိတဖၣ်ကဒူးကဒ့ၣ်တၢ်ဒီးလ့ပစီ ယွၤဖဲအဝဲသ့ၣ်စံးဝဲ, “မ့ၢ်ယွၤအိၣ်ဒီးပှၤဧါ, မ့တမ့ၢ်တအိၣ်ဘၣ်ဧါ,” အဃိန့ၣ်လီၤ.

လံာ်တၢ်ဂံၢ် 20:13

တၢ်အံၤမၤတ့ၢ်အသးဖဲမရံၤဘါ, တၢ်လီၢ်ဖဲကီၢ်အံၣ်စရ့လးအပှၤ ဂီၢ်မုၢ်ကဒူးကဒ့ၣ်တၢ်ထီဒါယွၤဒီးဖဲယွၤဒုးနဲၣ်တ့ၢ်အဝဲသ့ၣ်လၢ အဝဲမ့ၢ်တၢ်စီဆှံန့ၣ်လီၤ.

လံာ်မးသဲ 4:7

ယ့ၣ်ၡူးကတိၤဆၢအီၤ, “တၢ်ကွဲးအသးစံးစ့ၢ်ကီးဝဲ, ‘သုတလ့ပစီယွၤနကစၢ်ယွၤတဂ့ၤ’ ” (သိၣ်သီ. ၆:၁၆).

လံာ်လူၤကၣ် 4:12

ယ့ၣ်ၡူးစံးဆၢအီၤ, “တၢ်ကွဲးအသးစံးဝဲ, ‘တဘၣ်လ့ပစီယွၤနကစၢ်ယွၤန့ၣ်တဂ့ၤ.’ ”

1 ကရံၣ်သူး 10:9

ပတဘၣ်လ့ပစီကစၢ် ဒ်အဝဲသ့ၣ်တနီၤမၤဝဲအသိးန့ၣ် ဘၣ်. ဒီးအဝဲသ့ၣ်ဘၣ်တၢ်မၤသံအီၤလၢဂုၢ်သ့ၣ်လီၤ.

လံာ်သိၣ်လီၤသီလီၤတၢ် 33:8

ဘၣ်ဃးဒီးလ့ၤဝံအဒူၣ်အဂ့ၢ်န့ၣ်, အဝဲစံးဝဲ, “နဲဒၣ်, ယွၤဧၢ, လီၣ်ဖျါထီၣ်နတၢ်ဘၣ်နသးလၢအူရံၣ်ဒီးတူမံၣ်, ခီဖျိပှၤလ့ၤဝံဖိတဖၣ်လၢအမ့ၢ်နခ့နပှၤတဖၣ်လၢအသူၣ်တီသးရၤ န့ၣ်တက့ၢ်. နဒုးလီၤဘၣ်အဝဲသ့ၣ်လၢတၢ်မၤကွၢ်အပူၤဖဲမးစၤ ဒီးအုၣ်တ့ၢ်နသးလၢအဝဲသ့ၣ်အဂီၢ်ဒ်ပှၤတဖၣ်အသိးဖဲထံမရံၤဘါ န့ၣ်လီၤ.