လံာ်သိၣ်လီၤသီလီၤတၢ် 6:15 - Sgaw Karen Common Bible

¹⁵ သုမ့ၢ်ဘူၣ်ထီၣ်ဘါထီၣ်ကစၢ်အဂၤတဖၣ်ဒီး, ယွၤအတၢ်သးဒိၣ်ကဟဲထီ ဒါသုဒ်မ့ၣ်အူအသိး, ဒီးကမၤဟးဂီၤကွံာ်သုလၢာ်လၢာ်ဆ့ဆ့မ့ၢ်လၢယွၤ, သုကစၢ်ယွၤလၢအအိၣ်ဒီးသုအံၤမ့ၢ်ကစၢ်တဂၤလၢအသးက့ၣ်တၢ်အဃိ န့ၣ်လီၤ.

လံာ်သိၣ်လီၤသီလီၤတၢ် 6:15 Iomraidhean Croise

လံာ်တၢ်ကဲထီၣ်အခီၣ်ထံး 7:4

စးထီၣ်ခဲအံၤဒီးဆူညါနွံနံၤန့ၣ်ယကဒုးစူၤလီၤမူခိၣ်ဒီး ကစူၤဝဲအနံၤလွံၢ်ဆံဒီးအနၤလွံၢ်ဆံလၢကမၤဟးဂီၤကွံာ်ကယဲၢ် တၢ်လၢအမူအသါတဖၣ်လၢယတ့တ့ၢ်အီၤခဲလၢာ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 13:34

တၢ်ဒဲးဘးလၢအဝဲမၤအံၤ, ဟဲစိာ်တၢ်ဟးဂူာ်ဟးဂီၤဒီးတၢ်မၤ ကတၢၢ်ကွံာ်လၢာ်လၢာ်ဆ့ဆ့လၢအဝဲအစီၤပၤအစၢၤအသွဲၣ်အစိၤအဂီၢ် န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 36:16

ဘၣ်ဆၣ်အဝဲသ့ၣ်မၤကလိာ်ကလာ်ကစၢ်ယွၤအပှၤစိာ်တၢ်ကစီၣ်တဖၣ်, တပာ်လ့ၣ်ပာ်ကါအဝဲသ့ၣ်အတၢ်ကတိၤတဖၣ်ဒီးနံၤဘၣ်ကစၢ်ယွၤအဝံတ ဖၣ်, တုၤလၢလၢခံကတၢၢ်ယွၤအတၢ်သးထီၣ်ထီဒါအပှၤဂီၢ်မုၢ်န့ၣ်ဒိၣ် ဝဲတုၤဒၣ်လဲာ်တၢ်ထူၣ်ဖျဲးတအိၣ်ဝဲလၢၤဘၣ်.

စံးထီၣ်ပတြၢၤ 90:11

မ့ၢ်မတၤဆိကမိၣ်ထီၣ်နတၢ်သးထီၣ်အစိအကမီၤ ဒီးသ့ၣ်ညါတၢ်ပျံၤလၢနတၢ်သးကဲၤထီၣ် ဟဲစိာ်ဝဲသ့န့ၣ်တဂၤလဲၣ်.

စံးထီၣ်ပတြၢၤ 90:7

ပဘၣ်တၢ်မၤဟးဂီၤတ့ၢ်လံပှၤလၢနတၢ်သးထီၣ် ဒီးပဘၣ်တၢ်မၤပျံၤမၤဖုးပှၤလၢနတၢ်သးဒိၣ်လီၤ.

လံာ်တၢ်ဟးထီၣ်ကွံာ် 20:5

သကူးလီၤလၢတၢ်ဂီၤတၢ်ဖီၣ်တမံၤမံၤအမဲာ်ညါဒီးဘါထီၣ်အီၤတဂ့ၤ. အဂ့ၢ်ဒ်အံၤယမ့ၢ်ယွၤ, သုကစၢ်ယွၤလၢဝံသးစူၤပှၤပြၢလိာ်အသးဒီးအီၤတဖၣ်န့ၣ်တကဲဘၣ်န့ၣ်လီၤ. ယဒုးလီၤဘၣ်တၢ်စံၣ်ညီၣ်လၢပှၤတဖၣ်လၢအသးဟ့ယၤအလိၤဒီးလၢအစၢၤ အသွဲၣ်တဖၣ်အလိၤတုၤလၢပှၤသၢစိၤဒီးလွံၢ်စိၤတစိၤန့ၣ်လီၤ.

လံာ်တၢ်ဟးထီၣ်ကွံာ် 32:12

ဘၣ်မနုၤလၢပှၤအဲၤကူပတူးဖိတဖၣ်စံးဝဲကသ့လၢနဆှၢထီၣ်နပှၤ ဂီၢ်မုၢ်လၢကီၢ်အဲၤကူပတူးဒီးကူၣ်ထီၣ်လၢနကမၤသံကွံာ်အီၤ လၢကစၢၢ်တဖၣ်အကျါဒီးမၤဟးဂီၤကွံာ်အီၤလၢာ်လၢာ်ဆ့ဆ့ အဂီၢ်န့ၣ်လဲၣ်. ဆိကတီၢ်တၢ်သးထီၣ်တက့ၢ်. လဲလိာ်ကွံာ်နတၢ်ပာ်လီၤသးဒီးဒုးလီၤဘၣ်တၢ်တတၢးတနါအံၤလၢ နပှၤဂီၢ်မုၢ်အလိၤတဂ့ၤ.

လံာ်ယံးရမံယၤ 28:16

လၢတၢ်န့ၣ်အဃိ, ယွၤအကစၢ်ဒၣ်ဝဲစံးဝဲလၢ အဝဲကသုး ကွံာ်နၤန့ၣ်လီၤ. တချုးလၢနံၣ်တနံၣ်အံၤလၢာ်ဒံးန့ၣ်, နကသံနဲ, မ့ၢ်လၢနတဲဘၣ်ပှၤဂီၢ်မုၢ်လၢ ကပူထီၣ်တၢ်ထီဒါယွၤအဃိ န့ၣ်လီၤ.”

လံာ်ယံးရမံယၤ 7:6

ဆိကတီၢ်သုတၢ်ဃုဘၣ်ဘျုးလၢပှၤတခီဘီမုၢ်ဖိတဖၣ်, ပှၤဖိၣ်ဃဲတဖၣ်, ဒီးမုၣ်ကမဲတဖၣ်အဖီခိၣ်တက့ၢ်. ဆိကတီၢ်မၤသံပှၤလၢအတၢ်ကမၣ်တအိၣ်တဖၣ်လၢထံကီၢ် တဘ့ၣ်အံၤအပူၤတက့ၢ်. ဆိကတီၢ်တၢ်ဘူၣ်ထီၣ်ဘါထီၣ်ကစၢ် အဂၤတဖၣ်တက့ၢ်. တၢ်န့ၣ်တဖၣ်ကမၤဟးဂီၤသုလီၤ.

လံာ်ဧၤမိၣ် 3:2

“လၢပှၤကလုာ်ခဲလၢာ်လၢဟီၣ်ခိၣ်ချၢအကျါန့ၣ်, သုမ့ၢ်ပှၤထဲတကလုာ်ဧိၤလၢယသ့ၣ်ညါတ့ၢ်ယဲဒီးအံးထွဲကွၢ်ထွဲ တ့ၢ်န့ၣ်လီၤ. တၢ်န့ၣ်မ့ၢ်တၢ်လၢအဒုးကဲထီၣ်သုတၢ်ကမၣ်လၢတၢ် လီၤပျံၤလီၤဖုးဖးဒိၣ်ဒီးလၢတၢ်န့ၣ်အဃိယဘၣ်စံၣ်ညီၣ်သုလၢ တၢ်န့ၣ်တဖၣ်အဂ့ၢ်လီၤ.”

လံာ်ဧၤမိၣ် 9:8

ကွၢ်ကွၢ်ယၤ, တၢ်စိတၢ်ကမီၤခဲလၢာ်အယွၤဒိးအမဲာ်ကွၢ်တၢ်ဆူတၢ် ဒဲးဘးအဘီအမုၢ်, ကီၢ်အံၣ်စရ့လးအအိၣ်ဒီးစံးဝဲဒၣ်, ယကမၤဟးဂီၤကွံာ်အီၤလၢဟီၣ်ခိၣ်ချၢလီၤ. ဘၣ်ဆၣ်ဒီးစီၤယၤကိာ်အဟံၣ်န့ၣ်, ယတမၤဟးဂီၤဘၣ်အီၤခဲလၢာ်ဘၣ်.

လံာ်တၢ်ဂံၢ် 35:34

မၤဘၣ်အၢကီၢ်လၢသုအိၣ်လၢအပူၤန့ၣ်တဂ့ၤ. အဂ့ၢ်ဒ်အံၤ, ယမ့ၢ်ယွၤဒီးယအိၣ်ဆိးလၢကီၢ်အံၣ်စရ့လးအပှၤဂီၢ်မုၢ်အကျါန့ၣ်လီၤ.”

1 ကရံၣ်သူး 10:22

မ့တမ့ၢ်ဘၣ်ဒီး, မ့ၢ်ပအဲၣ်ဒိးမၤသးက့ၣ်ကစၢ်ဧါ. မ့ၢ်ပဆိကမိၣ်လၢပဂံၢ်ပဘါဆူၣ်န့ၢ်ဒံးအီၤတက့ၢ်ဧါ.

လံာ်သိၣ်လီၤသီလီၤတၢ် 11:17

သုမ့ၢ်မၤအီၤဒီး, ယွၤကသးထီၣ်ဘၣ်သုန့ၣ်လီၤ. အဝဲကတြီဃာ်တၢ်စူၤအံၤ, ဒီးသုဟီၣ်ခိၣ်ကဃ့ထီကဲာ်ဆိးလၢတၢ် မုၢ်တၢ်ဘိတဖၣ်ကမဲထီၣ်အဂီၢ်န့ၣ်လီၤ. အန့ၣ်တစု, ကီၢ်န့ၣ်မ့မ့ၢ်ဒၣ်လဲာ်ကီၢ်အဂ့ၤတဘ့ၣ်လၢ အဝဲဟ့ၣ်လီၤသုဘၣ်ဆၣ်, တယံာ်ဘၣ်ဒီးသုကသံကွံာ်ဖဲန့ၣ်လီၤ.

လံာ်သိၣ်လီၤသီလီၤတၢ် 4:24

မ့ၢ်လၢ, ယွၤ, သုကစၢ်ယွၤန့ၣ်မၤအသးဒ်မ့ၣ်အူလၢအကဲၤကပျီၤ အသိးအဃိန့ၣ်လီၤ. အဝဲမ့ၢ်ကစၢ်ယွၤတဂၤလၢအသးက့ၣ်တၢ်န့ၣ်လီၤ.

လံာ်သိၣ်လီၤသီလီၤတၢ် 5:9

တီၤလီၤလၢတၢ်ဂီၤတၢ်ဖီၣ်တမံၤမံၤအမဲာ်ညါမ့ၢ်ဂ့ၤ, ဘါထီၣ်အီၤမ့ၢ်ဂ့ၤန့ၣ်တဂ့ၤ. အဂ့ၢ်ဒ်အံၤ, ယမ့ၢ်ယွၤ, သုကစၢ်ယွၤလၢအသးက့ၣ်တၢ်န့ၣ်လီၤ. ယဟဲစိာ်တၢ်စံၣ်ညီၣ်လၢကယဲၢ်ပှၤတဖၣ်လၢအသးဟ့ယၤအလိၤဒီးလၢ အဝဲသ့ၣ်အစၢၤအသွဲၣ်တဖၣ်အလိၤတုၤလီၤလၢပှၤသၢစိၤတစိၤဒီး လွံၢ်စိၤတစိၤန့ၣ်လီၤ.

လံာ်သိၣ်လီၤသီလီၤတၢ် 7:4

အဂ့ၢ်ဒ်အံၤ, သုမ့ၢ်မၤဒ်န့ၣ်ဒီးအဝဲသ့ၣ်ကဆှၢယံၤကွံာ်သုဖိ တဖၣ်ဒီးယွၤဒ်သိးကဘူၣ်ထီၣ်ဘါထီၣ်ကစၢ်အဂၤတဖၣ်အဂီၢ်န့ၣ်လီၤ. တၢ်န့ၣ်မ့ၢ်မၤအသးဒ်န့ၣ်ဒီး, ယွၤကသးဒိၣ်ထီၣ်ဘၣ်သုဒီးမၤဟး ဂီၤကွံာ်သုတဘျီဃီန့ၣ်လီၤ.

လံာ်စီၤယိၤၡူ 23:12

သုမ့ၢ်ဃၣ်ကွံၢ်သုသးဒီးအိၣ်စဲဘူးဒီးပှၤကလုာ် လၢအအိၣ်လီၤတဲာ်လၢသုကျါတဖၣ်ဒီးဖျီလိာ်သုသးဒီးအဝဲသ့ၣ်န့ၣ်,

လံာ်စီၤယိၤၡူ 23:16

သုမ့ၢ်လုၣ်သ့ၣ်ခါပတာ်ယွၤသုကစၢ်ယွၤအတၢ် အၢၣ်လီၤအီလီၤလၢအမၤလိာ်တ့ၢ်သုဒီးလဲၤ ဘူၣ်ထီၣ်ဘါထီၣ်ဒီးမၤကစၢ်အဂၤတဖၣ်အတၢ်န့ၣ်, လၢအတၢ်သးဒိၣ်အပူၤကစံၣ်ညီၣ်သု, ဒီးတယံာ်ဘၣ်ဒီးလၢကီၢ်အဂ့ၤလၢအဟ့ၣ်လီၤ တ့ၢ်သုတဘ့ၣ်အံၤအပူၤန့ၣ်, သုကဟးဂီၤကွံာ်ကိးဂၤန့ၣ်လီၤ.