လံာ်သိၣ်လီၤသီလီၤတၢ် 6:11 - Sgaw Karen Common Bible

¹¹ ဟံၣ်တဖၣ်ကပှဲၤဝဲဒီးတၢ်အပီးအလီအဂ့ၤတဖၣ်လၢသုတဒၢနုာ်တ့ၢ် အီၤဘၣ်, ဒီးထံပူၤတဖၣ်လၢသုတခူၣ်လီၤဘၣ်အီၤန့ၣ်ကအိၣ်ဝဲ, ဒီးစပံးလီၢ်တဖၣ်, သ့ၣ်စၤယံးအတၤသၣ်လီၢ်တဖၣ်, လၢသုတသူၣ်လီၤဘၣ်အီၤန့ၣ်လီၤ. ဖဲယွၤဆှၢသုဆူကီၢ်အံၤအ ပူၤ, ဒီးသုအိၣ်ဒီးကယဲၢ်တၢ်လၢသုအဲၣ်ဒိးအီၣ်အီၤန့ၣ်,

လံာ်သိၣ်လီၤသီလီၤတၢ် 6:11 Iomraidhean Croise

လံာ်စီၤနဃ့မယၤ 9:25

နပှၤဂီၢ်မုၢ်မၤနၢၤကွံာ်ဝ့ၢ်အိၣ်ဒီးတိာ်ဧိၤတာ်ဧိၤတဖၣ်, ကီၢ်လၢဟီၣ်ခိၣ်ညၣ်ထ့ၣ်ဂ့ၤဝဲ, ဟံၣ်တဖၣ်လၢအပှဲၤဒီးတၢ်ထူးတၢ် တီၤ, ထံကမါအိၣ်ခူၣ်လီၤပာ်စၢၤအသးတဖၣ်, သ့ၣ်စၤယံးတဖၣ်သ့ၣ်အိၣ်ဒီးအသၣ်တဖၣ်ဒီးစပံးမုၢ်အလီၢ်တဖၣ်န့ၣ်လီၤ. အဝဲသ့ၣ်အီၣ်တၢ်လၢအအဲၣ်ဒိးအီၣ်ဝဲဒီးဘီၣ်ထီၣ်ညီထီၣ်မုာ်လၤ သးခုဒီးကယဲၢ်တၢ်ဂ့ၤတဖၣ်လၢနဟ့ၣ်အဝဲသ့ၣ်န့ၣ်လီၤ.

စံးထီၣ်ပတြၢၤ 105:44

အဝဲဒၣ်ဟ့ၣ်အဝဲသ့ၣ်လၢ ပှၤဂီၢ်မုၢ်အဂၤအထံအကီၢ်တဖၣ်, ဒီးပျဲအဟံးန့ၢ်ကွံာ်အစံာ်ဧိၤပှဲၤဧိၤတဖၣ်,

လံာ်သိၣ်လီၤသီလီၤတၢ် 11:15

ဒီးတပံၢ်တမါလၢဆၣ်ဖိကီၢ်ဖိလၢသုဘုၣ်အီၤတဖၣ်အဂီၢ်န့ၣ်လီၤ. သုကအိၣ်ဒီးကယဲၢ်တၢ်အီၣ်တၢ်အီလၢသုအဲၣ်ဒိးအီၤန့ၣ်လီၤ.

လံာ်သိၣ်လီၤသီလီၤတၢ် 14:29

တၢ်အီၣ်အံၤမ့ၢ်လၢပှၤလ့ၤဝံဖိတဖၣ်အဂီၢ်မ့ၢ်လၢအဝဲသ့ၣ်တအိၣ် ဒီးအတၢ်ဖိတၢ်လံၤဒၣ်ဝဲဘၣ်, ဒီးမ့ၢ်လၢပှၤတခီဘီမုၢ်ဖိတဖၣ်ပှၤဖိၣ်ဃဲတဖၣ်ဒီးပှၤမုၣ်ကမဲ တဖၣ်လၢအအိၣ်ဆိးလၢသုဝ့ၢ်တဖၣ်အပူၤအဂီၢ်န့ၣ်လီၤ. အဝဲသ့ၣ်ကဘၣ်ဟဲဒီးဟံးန့ၢ်ကယဲၢ်တၢ်လၢအလိၣ်ဘၣ်ဝဲန့ၣ်လီၤ. မၤတၢ်အံၤ, ဒီးယွၤသုကစၢ်ယွၤကဆိၣ်ဂ့ၤသုလၢကယဲၢ်တၢ်လၢသု မၤအီၤတမံၤလၢ်လၢ်အပူၤန့ၣ်လီၤ.

လံာ်သိၣ်လီၤသီလီၤတၢ် 19:1

ဖဲယွၤ, သုကစၢ်ယွၤမၤဟးဂီၤကွံာ်ပှၤဂီၢ်မုၢ်တဖၣ်လၢအဝဲဟ့ၣ် လီၤသုလၢအဝဲသ့ၣ်အထံအကီၢ်ဝံၤ, ဒီးဖဲသုဟံးန့ၢ်ကွံာ်အဝဲ သ့ၣ်အဝ့ၢ်တဖၣ်ဒီးအဟံၣ်အဃီတဖၣ်ဒီးသူၣ်လီၤသုအိၣ်သုဆိးအလီၢ် ဖဲန့ၣ်ဝံၤအလီၢ်ခံန့ၣ်,

လံာ်သိၣ်လီၤသီလီၤတၢ် 32:15

ယွၤအပှၤဂီၢ်မုၢ်ထူးထီၣ်တီၤထီၣ်ဝဲ, ဘၣ်ဆၣ်ထီဒုၣ်ထီဒါတၢ်, အဝဲသ့ၣ်ဘီၣ်ထီၣ်သိထီၣ်ဒီးပှဲၤလုာ်ကွံာ်ဒီးတၢ်အီၣ်တၢ်အီ လီၤ. အဝဲသ့ၣ်လဲၤသဒၣ်ကွံာ်ကစၢ်ယွၤအဝဲသ့ၣ်အတၢ်ဘၣ်တ့အကစၢ် ဒီးစူးကွံာ်ညိကွံာ်အတၢ်အုၣ်က့ၤခီၣ်က့ၤကစၢ်လၢအဒိၣ်ဝဲမုၢ်ဝဲန့ၣ်လီၤ.

လံာ်စီၤယိၤၡူ 24:13

ယဟ့ၣ်လီၤသုကီၢ်လၢသုတမၤဘၣ်တၢ်လၢအဂီၢ်, ဒီးဝ့ၢ်တဖၣ်လၢသုတတ့ထီၣ်ဘှီထီၣ်အီၤဘၣ်န့ၣ်လီၤ. ဒီးအခဲအံၤသုအိၣ်သုဆိးလၢအပူၤဒီးသုအီၣ်စပံးသၣ်လၢ စပံးမုၢ်လၢသုတသူၣ်လီၤဖျးလီၤအီၤဘၣ်, ဒီးသ့ၣ်စၤယံးအထူၣ်တဖၣ်လၢသုတသူၣ်လီၤဖျးလီၤအီၤဘၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 3:7

ကီၢ်အံၣ်စရ့လးအပှၤဂီၢ်မုၢ်သးပ့ၤနီၣ်ကွံာ်အကစၢ်ယွၤ, ဒီးမၤတၢ်ဒဲးဘးထီဒါအီၤ, ဒီးဘူၣ်ထီၣ်ဘါထီၣ်ဘဧၤလးဒီး အၡ့ရၤအတၢ်ဂီၤတၢ်ဖီၣ်တဖၣ်လီၤ.