လံာ်သိၣ်လီၤသီလီၤတၢ် 6:10 - Sgaw Karen Common Bible

¹⁰ ဒ်ယွၤ, သုကစၢ်ယွၤအၢၣ်လီၤတ့ၢ်သုပၢ်ဖးဒိၣ်လၢပျၢၤတဖၣ်လၢ အမ့ၢ်စီၤအၤဘြၤဟၣ်, စီၤအံၤစဲးဒီးစီၤယၤကိာ်အသိး, အဝဲကဟ့ၣ်လီၤသုလၢကီၢ်တဘ့ၣ်လၢအအိၣ်ဒီးဝ့ၢ်ဖးဒိၣ်လၢအထူး အတီၤတဖၣ်, လၢသုတသူၣ်ထီၣ်ဘှီထီၣ်တ့ၢ်အီၤဘၣ်န့ၣ်လီၤ.

လံာ်သိၣ်လီၤသီလီၤတၢ် 6:10 Iomraidhean Croise

လံာ်တၢ်ကဲထီၣ်အခီၣ်ထံး 15:18

တုၤနုၤတစု, ယွၤမၤတၢ်အၢၣ်လီၤအီလီၤဒီးစီၤအၤဘြၣ်ဖဲန့ၣ် လီၤ. ဒီးယွၤစံးဘၣ်စီၤအၤဘြၣ်, “ယအၢၣ်လီၤလၢယကဟ့ၣ်လီၤနစၢၤနသွဲၣ် တဖၣ်လၢထံကီၢ်ဒီဘ့ၣ်အံၤစးထီၣ်လၢကီၢ်အဲၤကူပတူးအဆၢဒီး တုၤလီၤဆူထံကျိဖရၤသး,

လံာ်တၢ်ကဲထီၣ်အခီၣ်ထံး 26:3

အိၣ်ဖဲအံၤဒီးယကအိၣ်ဒီးနၤဒီးယကဆိၣ်ဂ့ၤနၤလီၤ. ယကဟ့ၣ်လီၤတၢ်လီၢ်ခဲလၢာ်အံၤလၢနၤဒီးနစၢၤနသွဲၣ်တဖၣ်န့ၣ် လီၤ. ယကဟံးဃာ်ယတၢ်အၢၣ်လီၤလၢယမၤတ့ၢ်ဒီးနပၢ်စီၤအၤဘြၤဟၣ်န့ၣ် လီၤ.

လံာ်တၢ်ကဲထီၣ်အခီၣ်ထံး 28:13

ဒီးယွၤအိၣ်ဆၢထၢၣ်လၢအကပၤဒီးစံးဝဲ, “ယမ့ၢ်ယွၤ, စီၤအၤဘြၤဟၣ်ဒီးစီၤအံၤစဲးအကစၢ်ယွၤန့ၣ်လီၤ. ယကဟ့ၣ်နၤဒီးနစၢၤနသွဲၣ်တဖၣ်လၢကီၢ်အံၤလၢနမံလီၤလၢအဖီခိၣ် အံၤန့ၣ်လီၤ.

လံာ်စီၤနဃ့မယၤ 9:25

နပှၤဂီၢ်မုၢ်မၤနၢၤကွံာ်ဝ့ၢ်အိၣ်ဒီးတိာ်ဧိၤတာ်ဧိၤတဖၣ်, ကီၢ်လၢဟီၣ်ခိၣ်ညၣ်ထ့ၣ်ဂ့ၤဝဲ, ဟံၣ်တဖၣ်လၢအပှဲၤဒီးတၢ်ထူးတၢ် တီၤ, ထံကမါအိၣ်ခူၣ်လီၤပာ်စၢၤအသးတဖၣ်, သ့ၣ်စၤယံးတဖၣ်သ့ၣ်အိၣ်ဒီးအသၣ်တဖၣ်ဒီးစပံးမုၢ်အလီၢ်တဖၣ်န့ၣ်လီၤ. အဝဲသ့ၣ်အီၣ်တၢ်လၢအအဲၣ်ဒိးအီၣ်ဝဲဒီးဘီၣ်ထီၣ်ညီထီၣ်မုာ်လၤ သးခုဒီးကယဲၢ်တၢ်ဂ့ၤတဖၣ်လၢနဟ့ၣ်အဝဲသ့ၣ်န့ၣ်လီၤ.

စံးထီၣ်ပတြၢၤ 105:44

အဝဲဒၣ်ဟ့ၣ်အဝဲသ့ၣ်လၢ ပှၤဂီၢ်မုၢ်အဂၤအထံအကီၢ်တဖၣ်, ဒီးပျဲအဟံးန့ၢ်ကွံာ်အစံာ်ဧိၤပှဲၤဧိၤတဖၣ်,

စံးထီၣ်ပတြၢၤ 78:55

အဝဲဟီထီၣ်ကွံာ်ပှၤကလုာ်တဖၣ်လၢအပှၤဂီၢ်မုၢ် အမဲာ်ညါ ဒီးနီၤလီၤအထံအကီၢ်ဆူ အပှၤဂီၢ်မုၢ်ဒ် တၢ်န့ၢ်သါအသိးလၢအဝဲသ့ၣ်အဂီၢ်, ဒီးဒုးအိၣ်ဒုးဆိးအံၣ်စရ့လးအဒူၣ်တဖၣ် လၢအဝဲသ့ၣ်အဟံၣ်ပူၤန့ၣ်လီၤ.

လံာ်သိၣ်လီၤသီလီၤတၢ် 1:8

ကယဲၢ်တၢ်ခဲလၢာ်အံၤမ့ၢ်ကီၢ်လၢယၤ, ယွၤ, အၢၣ်လီၤတ့ၢ်လၢကဟ့ၣ် အီၤဆူသုမိၢ်ပၢ်ဖံဖုလၢပျၢၤတဖၣ်လၢအမ့ၢ်စီၤအၤဘြၤဟၣ်, စီၤအံၤစဲးဒီးစီၤယၤကိာ်ဒီးဆူအဝဲသ့ၣ်အစၢၤအသွဲၣ်တဖၣ် အအိၣ်န့ၣ်လီၤ. လဲၤဒီးမၤန့ၢ်အီၤတက့ၢ်.”

လံာ်သိၣ်လီၤသီလီၤတၢ် 19:1

ဖဲယွၤ, သုကစၢ်ယွၤမၤဟးဂီၤကွံာ်ပှၤဂီၢ်မုၢ်တဖၣ်လၢအဝဲဟ့ၣ် လီၤသုလၢအဝဲသ့ၣ်အထံအကီၢ်ဝံၤ, ဒီးဖဲသုဟံးန့ၢ်ကွံာ်အဝဲ သ့ၣ်အဝ့ၢ်တဖၣ်ဒီးအဟံၣ်အဃီတဖၣ်ဒီးသူၣ်လီၤသုအိၣ်သုဆိးအလီၢ် ဖဲန့ၣ်ဝံၤအလီၢ်ခံန့ၣ်,

လံာ်သိၣ်လီၤသီလီၤတၢ် 31:20

ယကဆှၢနုာ်အဝဲသ့ၣ်ဆူကီၢ်လၢအထူးဝဲတီၤဝဲဒီးအဟီၣ်ခိၣ်ညၣ် ထ့ၣ်ဂ့ၤတဘ့ၣ်အံၤအပူၤ, ဒ်ယအၢၣ်လီၤတ့ၢ်အဝဲသ့ၣ်အမိၢ်ပၢ်ဖံဖုလၢပျၢၤတဖၣ်အသိးန့ၣ် လီၤ. ဖဲန့ၣ်အဝဲသ့ၣ်ကအိၣ်ဒီး ကယဲၢ်တၢ်အီၣ်လၢအအဲၣ်ဒိးအီၣ်ဝဲ, အဝဲ သ့ၣ်ကအိၣ်ဘၣ်ဆိးဘၣ်ဘီၣ်ဘီၣ်ညီညီန့ၣ်လီၤ. ဘၣ်ဆၣ်အဝဲသ့ၣ်ကဃၣ်ကွံာ်အသးဒီးဘူၣ်ထီၣ်ဘါထီၣ်ကစၢ်အဂၤတဖၣ် န့ၣ်လီၤ. အဝဲသ့ၣ်ကစူးကွံာ်ညိကွံာ်ယၤဒီးမၤဟးဂီၤကွံာ်ယတၢ်အၢၣ်လီၤ အီလီၤ,

လံာ်သိၣ်လီၤသီလီၤတၢ် 6:18

တၢ်လၢယွၤစံးဝဲလၢအမ့ၢ်အတီဒီးဂ့ၤန့ၣ်မၤအီၤတက့ၢ်. ဒီးတၢ်ခဲလၢာ်ကလဲၤအသးဂ့ၤဂ့ၤဘၣ်ဘၣ်လၢသုဂီၢ်လီၤ. ကီၢ်လၢအပှဲၤဒီးဟီၣ်ခိၣ်ညၣ်ထ့ၣ်အဂ့ၤလၢယွၤအၢၣ်လီၤတ့ၢ်သု မိၢ်ပၢ်ဖံဖုလၢပျၢၤတဖၣ်န့ၣ်, သုလဲၤနုာ်မၤန့ၢ်ကသ့ဝဲ,

လံာ်သိၣ်လီၤသီလီၤတၢ် 6:23

အဝဲမၤထူၣ်ဖျဲးပှၤလၢကီၢ်အဲၤကူပတူးဒ်သိးကဟဲစိာ်ပှၤဖဲ အံၤဒီးဟ့ၣ်လီၤပှၤလၢကီၢ်အံၤဒ်အဝဲအၢၣ်လီၤတ့ၢ်ပမိၢ်ပၢ်ဖံ ဖုလၢပျၢၤတဖၣ်, လၢအကမၤဝဲအသိးန့ၣ်လီၤ.

လံာ်သိၣ်လီၤသီလီၤတၢ် 8:12

ဖဲသုအိၣ်ဒီးကယဲၢ်တၢ်လၢသုအဲၣ်ဒိးအီၣ်အီၤ, ဒီးသူၣ်ထီၣ်လံ ဟံၣ်ဂ့ၤဃီဘၣ်တဖၣ်လၢသုကအိၣ်ဆိးလၢအပူၤအဂီၢ်,

လံာ်သိၣ်လီၤသီလီၤတၢ် 9:1

ဒိကနၣ်တက့ၢ်. ကီၢ်အံၣ်စရ့လးအပှၤဂီၢ်မုၢ်ဧၢ, ဒိကနၣ်တက့ၢ်. တနံၤအံၤဘူးထီၣ်လၢသုကခီဂာ်ဘၣ်ထံကျိ ယၢ်ဒ့ၣ်ဒီးမၤန့ၢ်ကီၢ်လၢအဘၣ်ဃးဒီးပှၤကလုာ်တဖၣ်လၢအဒိၣ်န့ၢ် သုဒီးအစိကမီၤအါန့ၢ်သုန့ၣ်လီၤ. အဝဲသ့ၣ်အဝ့ၢ်တဖၣ်န့ၣ်ဒိၣ်ဝဲဒီးအိၣ်ဒီးအခိၣ်ဒူတဖၣ်လၢအကစီၤ ထီၣ်ထီဝဲတုၤဆူမူကပိာ်လိၤန့ၣ်လီၤ.

လံာ်စီၤယိၤၡူ 24:13

ယဟ့ၣ်လီၤသုကီၢ်လၢသုတမၤဘၣ်တၢ်လၢအဂီၢ်, ဒီးဝ့ၢ်တဖၣ်လၢသုတတ့ထီၣ်ဘှီထီၣ်အီၤဘၣ်န့ၣ်လီၤ. ဒီးအခဲအံၤသုအိၣ်သုဆိးလၢအပူၤဒီးသုအီၣ်စပံးသၣ်လၢ စပံးမုၢ်လၢသုတသူၣ်လီၤဖျးလီၤအီၤဘၣ်, ဒီးသ့ၣ်စၤယံးအထူၣ်တဖၣ်လၢသုတသူၣ်လီၤဖျးလီၤအီၤဘၣ်န့ၣ်လီၤ.