လံာ်သိၣ်လီၤသီလီၤတၢ် 5:6 - Sgaw Karen Common Bible

⁶ ယမ့ၢ်ယွၤ, သုကစၢ်ယွၤ, ပှၤတဂၤလၢအအုၣ်က့ၤခီၣ်က့ၤသုလၢ ကီၢ်အဲၤကူပတူးဖဲသုမ့ၢ်တ့ၢ်ကုၢ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 5:6 Iomraidhean Croise

စံးထီၣ်ပတြၢၤ 81:11

“ဘၣ်ဆၣ်ယပှၤဂီၢ်မုၢ်တဒိကနၣ်ယကလုၢ်ဘၣ်. အံၣ်စရ့လးတစူၢ်ယၤဘၣ်.

လံာ်တၢ်ဟးထီၣ်ကွံာ် 13:14

ဒီးခါဆူညါန့ၣ်တုၤသုဖိခွါတဖၣ်သံကွၢ်သုလၢတၢ်အလုၢ်အလၢ် အံၤအခီပညီမ့ၢ်တၢ်မနုၤလဲၣ်န့ၣ်ဒီးသုကဘၣ်စံးဆၢအီၤ, ယွၤသူအစိကမီၤဖးဒိၣ်ဒီးထုးထီၣ်ကွံာ်ပှၤလၢကီၢ်အဲၤကူပတူး, ဖဲတၢ်လီၢ်လၢပကဲတ့ၢ်ကုၢ်န့ၣ်လီၤ.

လံာ်တၢ်ဟးထီၣ်ကွံာ် 13:3

ဒီးစီၤမိၤၡ့စံးဘၣ်ပှၤဂီၢ်မုၢ်, “သ့ၣ်နီၣ်ထီၣ်မုၢ်တနံၤအံၤ, မုၢ်တနံၤလၢသုဟးထီၣ်လၢကီၢ်အဲၤကူပတူး, တၢ်လီၢ်လၢသုကဲတ့ၢ်ကုၢ်န့ၣ်တက့ၢ်. တၢ်အံၤမ့ၢ်မုၢ်တနံၤလၢယွၤထုးထီၣ်ကွံာ်သုလၢအစိကမီၤဖးဒိၣ်န့ၣ်လီၤ. ကိၣ်လၢတၢ်မၤအီၤလၢကိၣ်မံၣ်န့ၣ်အီၣ်အီၤတဂ့ၤ.

လံာ်တၢ်ဟးထီၣ်ကွံာ် 20:1

ဒီးကစၢ်ယွၤကတိၤတၢ်ဒီးစံးဝဲဒၣ်, “ယမ့ၢ်ယွၤ, သုကစၢ်ယွၤလၢအထုးထီၣ်ကွံာ်သုလၢကီၢ်အဲၤကူပတူးအပူၤဖဲသုမ့ၢ်ကုၢ်တဖၣ်အလီၢ်န့ၣ်လီၤ.

လံာ်ယံးရမံယၤ 11:4

တၢ်န့ၣ်မ့ၢ်တၢ်အၢၣ်လီၤအီလီၤလၢယမၤ တ့ၢ်ဒီးအဝဲသ့ၣ်အမိၢ်ပၢ်ဖံဖုလၢပျၢၤတဖၣ်ဖဲယဒုးဟးထီၣ်ကွံာ်အဝဲ သ့ၣ်လၢကီၢ်အဲၤကူပတူးအပူၤ, ကီၢ်တဘ့ၣ်လၢအလီၤဂာ်ဒီးမ့ၣ် အူကဲၤအဖၣ်ကပူၤလၢအဝဲသ့ၣ်အဂီၢ်အခါန့ၣ်လီၤ. ယတဲဘၣ်အဝဲသ့ၣ်လၢကစူၢ်ယၤဒီး ကမၤကယဲၢ်တၢ်လၢယမၤလိာ်တ့ၢ်အီၤန့ၣ်လီၤ. ယတဲဘၣ်အဝဲသ့ၣ်လၢ အဝဲသ့ၣ်မ့ၢ်စူၢ်ယၤဒီး, အဝဲသ့ၣ်ကမ့ၢ်ယပှၤဂီၢ်မုၢ်ဒီးယကမ့ၢ် အဝဲသ့ၣ်အကစၢ်န့ၣ်လီၤ.

လံာ်မံကၤ 6:4

ယထုးထီၣ်ကွံာ်သုလၢကီၢ်အဲၤကူပတူးအပူၤဒီးပှ့ၤက့ၤသုလၢတၢ်မၢကဲကုၢ်, ယမၢလီၤစီၤမိၤၡ့, စီၤအၤဟရိၣ်ဒီးနီၢ်မံးရယၣ်လၢကဆှၢသုလီၤ.

လံာ်သိၣ်လီၤသီလီၤတၢ် 4:4

မ့မ့ၢ်သုဝဲတဖၣ်လၢအသူၣ်တီသးရၤဒီးယွၤ, သုကစၢ်ယွၤန့ၣ်မူဒံးဝဲတုၤမဆါတနံၤအံၤန့ၣ်လီၤ.

လံာ်သိၣ်လီၤသီလီၤတၢ် 6:4

ကီၢ်အံၣ်စရ့လးဧၢ, သ့ၣ်နီၣ်ထီၣ်တၢ်အံၤတက့ၢ်. ယွၤ, ဒီးထဲယွၤတဂၤဧိၤမ့ၢ်ပကစၢ်ယွၤန့ၣ်လီၤ.

လံာ်သိၣ်လီၤသီလီၤတၢ် 7:8

မ့မ့ၢ်ယွၤအဲၣ်သုဒီးသးအိၣ်ဟံးဃာ်တၢ်အၢၣ်လီၤအီလီၤလၢအဝဲ မၤတ့ၢ်ဝဲဒီးသုမိၢ်ပၢ်ဖံဖုလၢပျၢၤတဖၣ်န့ၣ်လီၤ. လၢတၢ်န့ၣ်အဃိအဝဲအုၣ်က့ၤခီၣ်က့ၤသုခီဖျိအတၢ်ဒိၣ်တၢ်မုၢ် ဒီးမၤထူၣ်ဖျဲးသုလၢကုၢ်အလီၢ်လၢကီၢ်အဲၤကူပတူးအစီၤပၤ အစုပူၤန့ၣ်လီၤ.

လံာ်သိၣ်လီၤသီလီၤတၢ် 8:14

ဒ်သိးသုသုတပာ်ထီၣ်ထီသုသးတဂ့ၤ, ဒီးသုတသးပ့ၤနီၣ်ကွံာ် ယွၤသုကစၢ်ယွၤလၢအမၤပူၤမၤဖျဲးသုလၢကီၢ်အဲၤကူပတူးဖဲ သုမ့ၢ်ကုၢ်တဖၣ်တဂ့ၤအဂီၢ်န့ၣ်မၤလီၤတံၢ်သုသးတက့ၢ်.