လံာ်သိၣ်လီၤသီလီၤတၢ် 5:32 - Sgaw Karen Common Bible

³² ကီၢ်အံၣ်စရ့လးအပှၤဂီၢ်မုၢ်ဧၢ, မၤတၢ်ကိးမံၤလၢယွၤ, သုကစၢ်ယွၤမၤလိာ်တ့ၢ်သုသပှၢ်ကတၢၢ်တက့ၢ်. စူၢ်အဝဲအတၢ်ဘူၣ်တၢ်ဘါအတၢ်သိၣ်တၢ်သီတမံၤလၢ်လၢ်တက့ၢ်.

လံာ်သိၣ်လီၤသီလီၤတၢ် 5:32 Iomraidhean Croise

လံာ်စီၤပၤခံဘ့ၣ်တဘ့ၣ် 17:37

ထီဘိသုကဘၣ်စူၢ်တၢ်ဘူၣ်တၢ်ဘါအတၢ်သိၣ်တၢ်သီတဖၣ်ဒီးတၢ်မၤ လိာ်တဖၣ်လၢယကွဲးန့ၢ်တ့ၢ်သုန့ၣ်လီၤ. သုတဘၣ်စူၢ်ကစၢ်အဂုၤအဂၤတဖၣ်,

လံာ်စီၤပၤခံဘ့ၣ်တဘ့ၣ် 21:8

ဒီးကီၢ်အံၣ်စရ့လးအပှၤဂီၢ်မုၢ်မ့ၢ်စူၢ်ကယဲၢ်ယတၢ်မၤလိာ်တဖၣ် ဒီးတိၢ်န့ၢ်ဖံးဃာ်ယူဒၤအတၢ်သိၣ်တၢ်သီခဲလၢာ်လၢယခ့ယပှၤစီၤ မိၤၡ့ဟ့ၣ်လီၤတ့ၢ်အဝဲသ့ၣ်န့ၣ်, အန့ၣ်တစု, ယတပျဲအဝဲသ့ၣ်ကဘၣ်တၢ်နီၣ်ထီၣ်ဟီထီၣ်ကွံာ်အီၤလၢ ကီၢ်တဘ့ၣ်အပူၤလၢယဟ့ၣ်လီၤတ့ၢ်အဝဲသ့ၣ်အမိၢ်ပၢ်ဖံဖုလၢပျၢၤ တဖၣ်န့ၣ်ဘၣ်.”

လံာ်စီၤပၤခံဘ့ၣ်တဘ့ၣ် 22:2

စီၤယိၤၡံယၤမၤတ့ၢ်တၢ်လၢအဘၣ်ယွၤအသးန့ၣ်လီၤ. အဝဲပိာ်ထွဲအပၢ်ဖးဒိၣ်လၢပျၢၤစီၤပၤစီၤဒၤဝံးအဒိအတဲာ် အခံဒီးစူၢ်ကယဲၢ်ကစၢ်ယွၤအတၢ်ဘူၣ်တၢ်ဘါအတၢ်သိၣ်တၢ်သီတဖၣ်, ဃံးဃံးန့ၣ်လီၤ.

စံးထီၣ်ပတြၢၤ 125:5

မ့မ့ၢ်ပှၤလၢ ပိာ်ကျဲအက့ၣ်အကူတဖၣ်န့ၣ် ယွၤကဟီထီၣ်ကွံာ်အီၤဃုာ်ဒီး ပှၤမၤတၢ်အၢန့ၣ်လီၤ. မ်တၢ်ဃူတၢ်ဖိးအိၣ်လၢအံၣ်စရ့လးအပူၤတက့ၢ်.

စံးထီၣ်ပတြၢၤ 19:12

ပှၤထံၣ်သ့ၣ်ညါအတၢ်ကမၣ်ဒၣ်ဝဲ တသ့နီတဂၤဘၣ်. ယွၤဧၢ, မၤကဆှီယၤလၢ တၢ်ကမၣ်ခူသူၣ်တဖၣ်န့ၣ်တက့ၢ်.

စံးထီၣ်ပတြၢၤ 80:19

ယွၤ, သ့တၢ်လၢာ်အကစၢ်ဧၢ, ဒုးဟဲက့ၤပှၤတက့ၢ်. ဒုးထံၣ်ပှၤလၢနတၢ်သးကညီၤ, ဒီးပကဘၣ်တၢ်အုၣ်က့ၤခီၣ်က့ၤပှၤလီၤ.

တၢ်ကတိၤဒိ. 3:2

ယတၢ်သိၣ်က့ၤသီက့ၤကဟ့ၣ်နၤတၢ်အိၣ်ကၢအိၣ်ခိးဒီးတၢ်အိၣ်မူ လၢအဘီၣ်ထီၣ်ညီထီၣ်ဝဲန့ၣ်လီၤ.

တၢ်ကတိၤဒိ. 4:27

ဟးဆှဲးတၢ်အၢတၢ်သီဒီးလဲၤတၢ်ဆူညါလိၤလိၤတက့ၢ်. သုးကွံာ်နခီၣ်ခါတကါဒၣ်လဲာ်လၢကျဲအဘၣ်တဂ့ၤ.

လံာ်ယၡါယၤ 30:21

သုမ့ၢ်ဟးဖျိးကွံာ်လၢကျဲဒီးဟးဆူစုထွဲမ့ၢ်ဂ့ၤ, ဆူစုစ့ၣ်မ့ၢ်ဂ့ၤ ဘၣ်ဆၣ်ဒီး, သုကနၢ်ဟူဘၣ်အကလုၢ်လၢသုလီၢ်ခံလၢအစံးဝဲ, “ကျဲအိၣ်ဖဲအံၤလီၤ. ပိာ်ထွဲအီၤတက့ၢ်,” န့ၣ်လီၤ.

လံာ်ယဃ့းစက့လး 20:19

ယမ့ၢ်ယွၤသုကစၢ်ယွၤန့ၣ်လီၤ. စူၢ်ယတၢ်ဘူၣ်တၢ်ဘါအတၢ်သိၣ်တၢ် သီတဖၣ်ဒီးယတၢ်မၤလိာ်တဖၣ်န့ၣ်တက့ၢ်.

လံာ်ယဃ့းစက့လး 37:24

စီၤပၤတဂၤလၢအလီၤဂာ်ဒီးယခ့ယပှၤစီၤဒၤဝံးကမ့ၢ်အဝဲသ့ၣ် အစီၤပၤန့ၣ်လီၤ. အဝဲသ့ၣ်ကအိၣ်ဃူအိၣ်ဖိးလၢ ပှၤပၢတၢ်တဂၤဃီအဖီလာ်ဒီးကစူၢ်ယတၢ်ဘူၣ်တၢ်ဘါအတၢ် သိၣ်တၢ်သီတဖၣ်လၢတၢ်သးတီအပူၤန့ၣ်လီၤ.

လံာ်သိၣ်လီၤသီလီၤတၢ် 11:32

မၤလီၤတံၢ်လၢသုကစူၢ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီတဖၣ်လၢ ယဟ့ၣ်လီၤသုတနံၤအံၤန့ၣ်တက့ၢ်.

လံာ်သိၣ်လီၤသီလီၤတၢ် 12:32

ကယဲၢ်တၢ်လၢယမၤလိာ်တ့ၢ်သုခဲလၢာ်န့ၣ်မၤအီၤတက့ၢ်. ဒီးမၤအါထီၣ်အီၤနီတမံၤတဂ့ၤ. ဒီးထုးကွံာ်တၢ်လၢအီၤနီတမံၤတဂ့ၤ.

လံာ်သိၣ်လီၤသီလီၤတၢ် 17:11

တူၢ်လိာ်အဝဲသ့ၣ်အတၢ်စံၣ်ညီၣ်ဒီးပိာ်ထွဲ အဝဲသ့ၣ်အတၢ်သိၣ်လိနဲၣ်ယုၤကိးမံၤဒဲးလီၤတံၢ်လီၤဆဲးတက့ၢ်.

လံာ်သိၣ်လီၤသီလီၤတၢ် 17:20

တၢ်အံၤကပၢၤအီၤဒ်သိးသုတဆိကမိၣ်လီၤအသးလၢအဂ့ၤန့ၢ်ဒံးပှၤ အံၣ်စရ့လးဖိကဒဲကဒဲဒီးအီၤတဂ့ၤဒီးကပၢၤအီၤလၢအသု တလဲၤသဒၣ်ယွၤအတၢ်မၤလိာ်တဖၣ်လၢကျဲနီတဘိတဂ့ၤအဂီၢ်န့ၣ်လီၤ. အန့ၣ်ဒီးအဝဲကပၢတၢ်လၢအါနံၣ်အါလါအတီၢ်ပူၤဒီးအဝဲအစၢၤ အသွဲၣ်တဖၣ်ကပၢဘၣ်ကီၢ်အံၣ်စရ့လးအါစိၤန့ၣ်လီၤ.

လံာ်သိၣ်လီၤသီလီၤတၢ် 24:8

ဖဲသုဘၣ်တၢ်ဆါအၢလီၤပျံၤတမံၤအခါန့ၣ်, မၤလီၤတံၢ်လၢသု ကမၤတၢ်လီၤတံၢ်လီၤဆဲးဒ်တၢ်လၢပှၤလ့ၤဝံဖိအပှၤလုၢ်တၢ်အခိၣ် တဖၣ်တဲဘၣ်သုန့ၣ်တက့ၢ်. ဒီးပိာ်ထွဲတၢ်သိၣ်လိနဲၣ်ယုၤတဖၣ် လၢယဟ့ၣ်လီၤတ့ၢ်အဝဲသ့ၣ်န့ၣ်တက့ၢ်.

လံာ်သိၣ်လီၤသီလီၤတၢ် 28:14

ဘၣ်ဆၣ်သုတဘၣ်လဲၤကပာ်ကွံာ်အီၤလၢကျဲနီတဘိမ့ၢ်ဂ့ၤ, ဘူၣ်ထီၣ်ဘါထီၣ်ဒီးမၤကစၢ်အဂၤတဖၣ်အတၢ်မ့ၢ်ဂ့ၤ, နီတစုဘၣ်.

လံာ်သိၣ်လီၤသီလီၤတၢ် 29:8

ဟံးန့ၢ်ကွံာ်အဝဲသ့ၣ်အထံအကီၢ်, ဒီးနီၤဖးလီၤအီၤဆူဒူၣ် တဖၣ်လၢအမ့ၢ်ရူၤဘ့ၣ်အဒူၣ်, ကးအဒူၣ်ဒီးမနၤၡ့ၣ်အဒူၣ်တဝာ်အအိၣ်န့ၣ်လီၤ.

လံာ်သိၣ်လီၤသီလီၤတၢ် 6:17

စူၢ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီတဖၣ်လၢအဝဲဟ့ၣ်လီၤတ့ၢ် သုန့ၣ်သပှၢ်ကတၢၢ်တက့ၢ်.

လံာ်သိၣ်လီၤသီလီၤတၢ် 6:25

ပမ့ၢ်စူၢ်တၢ်ကိးမံၤဒဲးလၢယွၤမၤလိာ်တ့ၢ်ပှၤတဖၣ်လၢတၢ်သူၣ် တီသးရၤအပူၤန့ၣ်ဒီးအဝဲကဘၣ်သူၣ်ဘၣ်သးပှၤန့ၣ်လီၤ.

လံာ်သိၣ်လီၤသီလီၤတၢ် 6:3

ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ဒိကနၣ်တၢ်တဖၣ်န့ၣ်, ဒီးစူၢ်အီၤတက့ၢ်. အန့ၣ်တစု, တၢ်ခဲလၢာ်ကလဲၤအသးဂ့ၤဂ့ၤဘၣ် ဘၣ်လၢသုဂီၢ်, ဒီးသုကကဲထီၣ်ပှၤတကလုာ်ဖးဒိၣ်ဒီးအိၣ်ဆိးလၢကီၢ်တဘ့ၣ်အပူၤ လၢအထူးအတီၤဒီးပှဲၤဝဲဒီးဟီၣ်ခိၣ်ညၣ်ထ့ၣ်အဂ့ၤ, ဒ်ယွၤ, ပမိၢ်ပၢ်ဖံဖုလၢပျၢၤတဖၣ်အကစၢ်ယွၤအၢၣ်လီၤတ့ၢ်ဝဲ အသိးန့ၣ်လီၤ.

လံာ်သိၣ်လီၤသီလီၤတၢ် 8:1

စူၢ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီတဖၣ်လၢယဟ့ၣ်လီၤသုတနံၤ အံၤလၢတၢ်သူၣ်တီသးရၤအပူၤဒ်သိးသုကမူ, အါထီၣ်လၢနီၣ်ဂံၢ်ဒီးမၤန့ၢ်ကီၢ်တဘ့ၣ်လၢယွၤအၢၣ်လီၤတ့ၢ်လၢ ကဟ့ၣ်လီၤဝဲဆူသုမိၢ်ပၢ်ဖံဖုလၢပျၢၤတဖၣ်န့ၣ်တက့ၢ်.

လံာ်စီၤယိၤၡူ 1:7

ထဲပာ်ဆူၣ်နသးဒီးအိၣ်ဒီးတၢ်သးဒူတက့ၢ်. ဒီးမၤလီၤတံၢ်နသးလၢနစူၢ်တၢ်သိၣ်တၢ်သီခဲလၢာ်လၢယခ့ယပှၤစီၤမိၤၡ့ ဟ့ၣ်လီၤနၤန့ၣ်တက့ၢ်. ဆူစုထွဲမ့ၢ်ဂ့ၤ, စုစ့ၣ်မ့ၢ်ဂ့ၤတဘၣ်ဃၣ်ကပၤကွံာ်နသးလၢအီၤ တဂ့ၤ. ဒီးဖဲနလဲၤတၢ်တပူၤလၢ်လၢ်န့ၣ်နကဘီၣ်ထီၣ်ညီထီၣ်လီၤ.

လံာ်စီၤယိၤၡူ 23:6

လၢတၢ်န့ၣ်အဃိဒီး, အိၣ်ဂၢၢ်ကျၢၤလၢသုကဟံးဃာ်ဒီး မၤကယဲၢ်တၢ်ကွဲးအသးလၢစီၤမိၤၡ့အလံာ်တၢ်သိၣ်တၢ်သီအပူၤ, ဒီးဆူစုထွဲမ့ၢ်ဂ့ၤ, စုစ့ၣ်မ့ၢ်ဂ့ၤသုသုတဃၣ်ကွံာ်သုသးတဂ့ၤ.

၂ ပ့းတရူး 2:21

လၢအဝဲသ့ၣ်အဂီၢ်န့ၣ်, မ့ၢ်တသ့ၣ်ညါဘၣ်တ့ၢ်လံတၢ်တီတၢ်လိၤအကျဲနီတဘျီဘၣ်ဒီး ကဂ့ၤဒိၣ်န့ၢ်ဒံးအသ့ၣ်ညါဝဲဝံၤအလီၢ်ခံဃၣ်ဒူချၢကွံာ် အသးလၢတၢ်မၤလိာ်စီဆှံလၢတၢ်ဟ့ၣ်လီၤအဝဲသ့ၣ်, တက့ၢ်န့ၣ်လီၤ.