လံာ်သိၣ်လီၤသီလီၤတၢ် 5:25 - Sgaw Karen Common Bible

²⁵ ဘၣ်ဆၣ်ဒီး, ဘၣ်မနုၤလၢပကဘၣ်မၤကဒီးတၢ်သံခ့သံပှၤအတၢ်မၤန့ၣ်လဲၣ်. မ့ၣ်အူလီၤပျံၤလီၤဖုးန့ၣ်ကမၤဟးဂီၤကွံာ်ပှၤလီၤ. ပမ့ၢ်နၢ်ဟူဘၣ်ကစၢ်ယွၤကတိၤကဒီးတၢ်န့ၣ်, ပကသံသပှၢ်ကတၢၢ်န့ၣ်လီၤ.

လံာ်သိၣ်လီၤသီလီၤတၢ် 5:25 Iomraidhean Croise

လံာ်တၢ်ကဲထီၣ်အခီၣ်ထံး 3:10

ဒီးအဝဲဒၣ်စံးဆၢအီၤ, “ယနၢ်ဟူနကလုၢ်လၢတၤသၣ်အလီၢ်ပူၤ လီၤ. ယပျံၤနၤဒီးပာ်တဒၢယသးလၢနၤလီၤ. အဂ့ၢ်ဒ်အံၤ, ယအိၣ်ဘ့ၣ်ဆ့လီၤ.”

လံာ်တၢ်ဟးထီၣ်ကွံာ် 20:18

တုၤပှၤဂီၢ်မုၢ်နၢ်ဟူဘၣ်လီသီၣ်ဒီးကွဲၤသီၣ်ထီၣ်ဖးဒိၣ်သတူၢ် ကလာ်, ဒီးထံၣ်ဘၣ်လီဝၢ်ဒံး, ဒီးမ့ၣ်အူလုၣ်ထီၣ်လၢကစၢၢ်အလိၤန့ၣ် အဝဲသ့ၣ်ကနိးကစုာ်လၢအတၢ်ပျံၤတၢ်ဖုးအဃိဒီးအိၣ်ဆၢထၢၣ်ဝဲ ဖးယံၤန့ၣ်လီၤ.

လံာ်တၢ်ဟးထီၣ်ကွံာ် 20:19

ဒီးအဝဲသ့ၣ်စံးဘၣ်စီၤမိၤၡ့, “နမ့ၢ်ကတိၤတၢ်ဒီးပှၤဒီးပကဒိကနၣ်လီၤ. ဘၣ်ဆၣ်ဒီးပပျံၤတၢ်လၢကစၢ်ယွၤမ့ၢ်ကတိၤတၢ်ဆူပအိၣ်န့ၣ်ပကသံ ဘၣ်ဖုးန့ၣ်လီၤ.”

ကလၤတံ 3:10

ပှၤတဖၣ်လၢအသန့ၤအသးလၢတၢ်ဒိကနၣ်တၢ်သိၣ်တၢ်သီန့ၣ်, အိၣ်မူလၢတၢ်ဆိၣ်အၢအဖီလာ်န့ၣ်လီၤ. အဂ့ၢ်ဒ်အံၤတၢ်ကွဲးအသးစံးဝဲ, “ပှၤတဂၤဂၤမ့ၢ်တအိၣ်မူပိာ်ထွဲတၢ်သိၣ်တၢ်သီ လၢတၢ်ကွဲးဃာ်အီၤကိးထံၣ်ဒဲးန့ၣ်, ကတူၢ်ဘၣ်ကစၢ်ယွၤ အတၢ်စံၣ်ညီၣ်လီၤ” (သိၣ်သီ ၂၇:၂၆).

လံာ်သိၣ်လီၤသီလီၤတၢ် 18:16

လၢမုၢ်တနံၤဖဲသုပာ်ဖှိၣ်တ့ၢ်သုသးလၢကစၢၢ်စံၤနါန့ၣ်, သုဃ့ကညးတ့ၢ်ဒ်သိးသုသုတနၢ်ဟူဘၣ်လၢၤယွၤကတိၤကဒီးတၢ်မ့တမ့ၢ်, ထံၣ်ဘၣ်ကဒီးအတၢ်သးကဲၤထီၣ်အိၣ်ဖျါဝဲန့ၣ်တဂ့ၤ. မ့ၢ်လၢသုပျံၤတၢ်လၢသုကသံဘၣ်ဖုးအဃိန့ၣ်လီၤ.

လံာ်သိၣ်လီၤသီလီၤတၢ် 18:17

လၢတၢ်န့ၣ်အဃိ, ယွၤစံးဘၣ်ယၤဒ်အံၤ, အဝဲသ့ၣ်မၤတ့ၢ်တၢ်ကူၣ်သ့အတၢ်ဃ့သကွံၢ်ကညးတမံၤလီၤ.

လံာ်သိၣ်လီၤသီလီၤတၢ် 33:2

ယွၤဟဲဝဲလၢကစၢၢ်စံၣ်နါတခီ, အဝဲဟဲထီၣ်ဝဲဒ်မုၢ်အသိးလၢ ကီၢ်အဒိၣ်အဖီခိၣ်, ဒီးကပီၤထီၣ်ဝဲလၢအပှၤဂီၢ်မုၢ်အလိၤလၢကစၢၢ်ပၤရၣ်အဒီခိၣ် န့ၣ်လီၤ. ကလူးအဂၤတကလးအိၣ်ဒီးအီၤလၢအစုထွဲတကပၤ ဒ်မ့ၣ်အူလၣ်လၢအကဲၤကပီၤဝဲတခါအသိးန့ၣ်လီၤ.

လံာ်သိၣ်လီၤသီလီၤတၢ် 5:24

ယွၤ, ပကစၢ်ယွၤဒုးနဲၣ်ပှၤလၢအတၢ်ဒိၣ်တၢ်မုၢ်ဒီးအလၤကပီၤ, ဖဲပနၢ်ဟူဘၣ်အဝဲကတိၤတၢ်ဒီးပှၤလၢမ့ၣ်အူအကျါန့ၣ်လီၤ. တနံၤအံၤပထံၣ်ဘၣ်လံလၢ, ကစၢ်ယွၤမ့ၢ်ကတိၤတ့ၢ်တၢ်ဒီးပှၤတဂၤ ဒၣ်လဲာ်န့ၣ်, အဝဲအိၣ်မူဝဲဆူညါသ့ဒံးကစီဒီန့ၣ်လီၤ.

ဧ့ၤဘြံၤ 12:19

ဒီးကွဲၤအသီၣ်ဒီးတၢ်ကတိၤအသီၣ်န့ၣ်ဘၣ်. တၢ်အသီၣ်အံၤဖဲပှၤနၢ်ဟူ အီၤန့ၣ်, ပှၤဃ့ကညးဝဲလၢအသုတနၢ်ဟူဘၣ်လၢၤဝဲတဂ့ၤန့ၣ်လီၤ.

ဧ့ၤဘြံၤ 12:29

အဂ့ၢ်ဒ်အံၤ, ပကစၢ်ယွၤမ့ၢ်မ့ၣ်အူလၢအအီၣ်ကွံာ်တၢ်လီၤ.