လံာ်သိၣ်လီၤသီလီၤတၢ် 5:21 - Sgaw Karen Common Bible

²¹ သးကွံပှၤအဂၤတဂၤအမါတဂ့ၤ. သးကွံအဟံၣ်, အဝဲအဟီၣ်ခိၣ်, အဝဲအကုၢ်တဖၣ်, အဝဲအဂီၤဘုၣ်ဂီၤဖံး, အဝဲအကသ့ၣ်ယီၤတဖၣ်မ့ၢ်ဂ့ၤ, တၢ်အဂၤတမံၤဂ့ၤတမံၤဂ့ၤလၢအမ့ၢ် အဝဲအတၢ်န့ၣ်တဂ့ၤ.”

လံာ်သိၣ်လီၤသီလီၤတၢ် 5:21 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 11:2

ဘၣ်မုၢ်တနံၤ, ဖဲမုၢ်ဃ့ၢ်လီၤလၢဟါခီအကတီၢ်န့ၣ်, စီၤဒၤဝံးဂဲၤဆၢထၢၣ်ဝဲလၢအတၢ်မံတရ့ဝံၤဒီးလဲၤထီၣ်ဝဲဆူ အနူၢ်အစီၤအခိၣ်ဒုးလီၤ. ဖဲအဝဲဟးဝ့ၤဝီၤဖဲတၢ်ဖီခိၣ်အ ခါ, အဝဲထံၣ်ဘၣ်ပိာ်မုၣ်တဂၤလုၣ်ထံလၢအဟံၣ်ပူၤန့ၣ်လီၤ. ပိာ်မုၣ်န့ၣ်ဒိၣ်တၢ်ဃံလၤဒိၣ်မးလီၤ.

လံာ်စီၤယိၤဘး 31:9

ယသးမ့ၢ်ဘၣ်တၢ်ကလံာ်န့ၢ်အီၤလၢပှၤလၢယဃၢၤအမါဒီး ယမ့ၢ်ခိးခူသူၣ်တၢ်လၢအတြဲၤခီၣ်ထံးန့ၣ်ဒီး,

လံာ်တၢ်ဟးထီၣ်ကွံာ် 20:17

သးကွံပှၤဂၤတဂၤအဟံၣ်တဂ့ၤ. သးကွံအမါ, အကုၢ်တဖၣ်, အဂီၤဘုၣ်ဂီၤဖံး, အကသ့ၣ်ယီၤတဖၣ်, ဒီးတၢ်တမံၤလၢ်လၢ်လၢအဘၣ် ဃးဒီးအီၤန့ၣ်တဂ့ၤ.”

တၢ်ကတိၤဒိ. 6:25

ပျဲအဝဲသ့ၣ်အတၢ်ဃံတၢ်လၤလ့ပစီန့ၢ်နၤတဂ့ၤ. ပျဲအမဲာ်ချံလၢအကလံာ်လွဲတၢ်အပျံၤသကွီၤန့ၣ်ဖီၣ်န့ၢ်နၤတ ဂ့ၤ.

လံာ်မံကၤ 2:2

ဖဲအသးလီစံာ်ဧိၤပှဲၤဧိၤတဖၣ်န့ၣ်, ဂုာ်န့ၢ်ဆူၣ်ဝဲလီၤ. ဖဲအသးလီဟံၣ်ဧိၤဃီဧိၤတဖၣ်န့ၣ်ဟံးန့ၢ်ကွံာ်ဝဲလီၤ. တပျဲပူၤဘၣ်ပှၤအဟံၣ်အဃီဒီးအစုလီၢ်ခီၣ်ခိၣ်နီတဂၤဘၣ်.

လံာ်ဃဘးကူာ် 2:9

ပှၤလၢအမၤထူးထီၣ်တီၤထီၣ်အဟံၣ်ဖိဃီဖိ, ဒီးကျဲးစၢးမၤပူၤ ဖျဲးအဟံၣ်ဒၣ်ဝဲလၢတၢ်မၤအၢမၤသီဒီးတၢ်လီၤပျံၤလီၤ ဖုးခီဖျိတၢ်ဂုာ်ဆူၣ်ပျီဆူၣ်န့ၣ်, ကဘၣ်တၢ်စံၣ်ညီၣ်ဃါမနၤလီၤ.

လံာ်လူၤကၣ် 12:15

ဒီးအဝဲဒၣ်ကတိၤတၢ်ဒီးစံးဘၣ်အဝဲသ့ၣ်ကိးဂၤဒဲး, “ပလီၢ်သူၣ်ပလီၢ်သး, ဒီးဟးဆှဲးတၢ်သးကွံကိးကလုာ်ဒဲးတက့ၢ်. အဂ့ၢ်ဒ်အံၤ, ပှၤကညီတဂၤမ့ၢ်ထူးဝဲတီၤဝဲဆံးအါဆံးအါသနာ်က့ အဝဲအတၢ်အိၣ်မူနီၢ်နီၢ်န့ၣ်, တဘၣ်ဃးဘၣ်ဒီးတၢ်လၢအအိၣ်ဒီးအီၤသ့ၣ်တဖၣ်န့ၣ်ဘၣ်.”

ရိမ့ၤ 13:9

တၢ်မၤလိာ်တဖၣ်လၢအမ့ၢ်, “အဲၣ်ဘၢမါအဲၣ်ဘၢဝၤတဂ့ၤ, မၤသံပှၤကညီတဂ့ၤ, ဟုၣ်တၢ်တဂ့ၤ, သးကွံတၢ်တဂ့ၤ” တၢ်သ့ၣ်တဖၣ်အံၤခဲလၢာ်, ဒီးတၢ်မၤလိာ်အဂၤတဖၣ်ပာ်ဖှိၣ်အသးလၢတၢ်မၤလိာ်တထံၣ် လၢအစံးဝဲ, “အဲၣ်ပှၤလၢနဃၢၤဒ်နအဲၣ်လီၤနသးဒၣ်နဲအသိး တက့ၢ်” န့ၣ်အပူၤလီၤ.

ဧ့ၤဘြံၤ 13:5

လၢတၢ်အိၣ်မူအပူၤန့ၣ်အိၣ်သဘျ့ဒီးတၢ်အဲၣ်ကျိၣ်အဲၣ်စ့တ က့ၢ်. သးမံနဲဒီးတၢ်လၢအအိၣ်ဒီးနၤတက့ၢ်. အဂ့ၢ်ဒ်အံၤ အဝဲဒၣ်စံးတ့ၢ်လံဝဲ, “ယတညိကွံာ်ဘၣ်နၤဘၣ် ယတလဲၤ သဒၣ်ဘၣ်နၤဘၣ်.”