လံာ်သိၣ်လီၤသီလီၤတၢ် 5:14 - Sgaw Karen Common Bible

¹⁴ ဘၣ်ဆၣ်ဒီးနွံသီတသီန့ၣ်, မ့ၢ်ဝဲတၢ်အိၣ်ဘှံးအမုၢ်တနံၤလၢတၢ် ကပာ်စီဆှံထီၣ်အီၤလၢယဂီၢ်န့ၣ်လီၤ. လၢမုၢ်နံၤအဝဲန့ၣ်, ပှၤတဘၣ်မၤတၢ်နီတဂၤဘၣ်. သုဝဲမ့ၢ်ဂ့ၤ, သုဖိသုလံၤတဖၣ်မ့ၢ်ဂ့ၤ, သုကုၢ်သုပှၤတဖၣ်မ့ၢ်ဂ့ၤ, သုဆၣ်ဖိကီၢ်ဖိတဖၣ်မ့ၢ်ဂ့ၤ, ပှၤတခီဘီမုၢ်ဖိတဖၣ်လၢအအိၣ်ဆိးလၢသုထံသုကီၢ်ပူၤမ့ၢ်ဂ့ၤ, တဘၣ်မၤတၢ်နီတဂၤဘၣ်. သုကုၢ်တဖၣ်ကဘၣ်အိၣ်ဘှံးဒၣ်ဒ်သုဝဲအသိးလီၤ.

လံာ်သိၣ်လီၤသီလီၤတၢ် 5:14 Iomraidhean Croise

လံာ်တၢ်ကဲထီၣ်အခီၣ်ထံး 2:2

ဒီးလၢမုၢ်နွံနံၤတနံၤန့ၣ်ကစၢ်ယွၤမၤဝံၤတၢ်လၢအမၤတ့ၢ်ဝဲဒီးဆိကတီၢ်လၢအတၢ်မၤန့ၣ်လီၤ.

လံာ်စီၤနဃ့မယၤ 13:15

လၢအကတီၢ်ဖဲန့ၣ်ယထံၣ်တ့ၢ်ပှၤကီၢ်ယူဒၤဖိယီၢ်စပံးသၣ်လၢမုၢ် အိၣ်ဘှံးအနံၤန့ၣ်လီၤ. ပှၤအဂၤတနီၤပဒၢးထီၣ်ဘုဧိၤဟုဧိၤ, စပံးထံ, စပံးသၣ်, ချၢၣ်ဒၢသၣ်ဒီးတၢ်အဂၤတဖၣ်ဆူကသ့ၣ်ယီၤအလိၤ, ဒီးလဲၤစိာ်ဝဲဆူဝ့ၢ်ယရူၤရှလ့ၣ်န့ၣ်လီၤ. ယဟ့ၣ်ပလီၢ်အဝဲသ့ၣ်လၢအသုတဆါတၢ်နီတမံၤလၢမုၢ်အိၣ်ဘှံးအနံၤ တဂ့ၤန့ၣ်လီၤ.

လံာ်စီၤနဃ့မယၤ 13:16

ပှၤဝ့ၢ်ထါယၢၣ်ဖိတနီၤအိၣ်ဝဲလၢဝ့ၢ်ယရူၤရှလ့ၣ်အပူၤဒီးအဝဲ သ့ၣ်ဟဲစိာ်ဝဲညၣ်ဒီးကယဲၢ်တၢ်ဖိတၢ်လံၤအကလုာ်ကလုာ်ဆူဝ့ၢ်ပူၤ လၢကဆါန့ၢ်ပပှၤဂီၢ်မုၢ်လၢမုၢ်အိၣ်ဘှံးအနံၤန့ၣ်လီၤ.

လံာ်စီၤနဃ့မယၤ 13:21

ယဟ့ၣ်ပလီၢ်အဝဲသ့ၣ်လၢ, “သုမံခိးတၢ်ဖဲန့ၣ်လၢမုၢ်ကဆ့ၣ်ထီၣ်အဂီၢ်န့ၣ်အဘျုးတအိၣ်ဘၣ်. သုမ့ၢ်မၤကဒီးတၢ်အံၤတဘျီန့ၣ်, ယကမၤဆူၣ်ထီၣ်ယစုထီဒါသုန့ၣ်လီၤ.” စးထီၣ်ဖဲန့ၣ်အဝဲသ့ၣ်တဟဲကဒီးဝဲလၢမုၢ်အိၣ်ဘှံးအနံၤလၢၤ ဘၣ်န့ၣ်လီၤ.

လံာ်စီၤနဃ့မယၤ 5:5

ပမ့ၢ်ပှၤတကလုာ်ဃီဒီးပဒီပုၢ်ဝဲၢ်ပှၤယူဒၤဖိသ့ၣ်တဖၣ်န့ၣ် လီၤ. မ့ၢ်ပဖိပလံၤသ့ၣ်တဖၣ်တဂ့ၤထဲသိးအဝဲသ့ၣ်န့ၣ်ဘၣ်ဧါ. ဘၣ်ဆၣ်ပဘၣ်ဒုးကဲကုၢ်ပဖိပလံၤသ့ၣ်တဖၣ်န့ၣ်လီၤ. ပဖိမုၣ်တနီၤဘၣ်တၢ်ဆါတ့ၢ်လံအီၤလၢကုၢ်အလီၢ်န့ၣ်လီၤ. မ့ၢ်လၢပစံာ်ပျီတဖၣ်ဒီးပစပံးလီၢ်သ့ၣ်တဖၣ်ဘၣ်တၢ်ဟံးထီၣ်ကွံာ် လၢပအိၣ်အဃိတၢ်မၤစၢၤပှၤတအိၣ်ဘၣ်န့ၣ်လီၤ.”

လံာ်တၢ်ဟးထီၣ်ကွံာ် 23:12

တနွံန့ၣ်မၤတၢ်ဃုသီတက့ၢ်. မ့မ့ၢ်လၢနွံသီတသီန့ၣ်မၤတၢ် နီတမံၤတဂ့ၤ. အန့ၣ်ဒီး, သုကုၢ်သုပှၤ, ဒီးပှၤတခီဘီမုၢ်ဖိလၢအမၤတၢ်လၢသု ဂီၢ်, ဒီးသုဆၣ်ဖိကီၢ်ဖိတဖၣ်ဒၣ်လဲာ်ကအိၣ်ဘှံးဘၣ်ဝဲလီၤ.

လံာ်တၢ်ဘူၣ်ထီၣ်ဘါထီၣ် 23:3

သုအိၣ်ဒီးမုၢ်နံၤဃုနံၤလၢသုကမၤသုတၢ်မၤအဂီၢ်လီၤ. ဘၣ်ဆၣ်ဒီးသ့ၣ်နီၣ်ထီၣ်က့ၤလၢနွံနံၤတနံၤန့ၣ်မ့ၢ်မုၢ် အိၣ်ဘှံးအနံၤတနံၤလၢသုကဘၣ်အိၣ်ဘှံးန့ၣ်လီၤ. သုတဘၣ်မၤတၢ်လၢမုၢ်နံၤအဝဲန့ၣ်ဘၣ်. မ့မ့ၢ်ပာ်ဖှိၣ်ထီၣ်သုသးလၢတၢ်ဘူၣ်တၢ်ဘါအဂီၢ်တက့ၢ်. မုၢ်အိၣ်ဘှံးနံၤန့ၣ်ဘၣ်ဃးဒီးယွၤဖဲသုအိၣ်တပူၤလၢ်လၢ်န့ၣ်လီၤ.

လံာ်မၢ်ကူး 2:27

လၢအကတၢၢ်ယ့ၣ်ၡူးစံးဘၣ်အဝဲသ့ၣ်, “တၢ်လၢမုၢ်အိၣ်ဘှံးနံၤန့ၣ် တၢ်မၤအီၤလၢပှၤကညီအတၢ်ဂ့ၤအဂီၢ်လီၤ. ဒီးတမ့ၢ်တၢ်တ့လီၤပှၤကညီလၢမုၢ်အိၣ်ဘှံးနံၤအဂီၢ်န့ၣ်ဘၣ်.

လံာ်လူၤကၣ် 23:56

အန့ၣ်ဝံၤအလီၢ်ခံ, အဝဲသ့ၣ်က့ၤက့ၤဆူဟံၣ်ဒီးအိၣ်ကတဲာ်ကတီၤပာ်တၢ်နၢမူဒီးမူရၣ် လၢအကဖှူအစိၣ်အဂီၢ်န့ၣ်လီၤ. ဖဲမုၢ်အိၣ်ဘှံးနံၤန့ၣ်, အဝဲသ့ၣ်အိၣ်ဘှံးဝဲဒ်တၢ်သိၣ်တၢ်သီအိၣ်ဝဲအသိးန့ၣ်လီၤ.

လံာ်သိၣ်လီၤသီလီၤတၢ် 5:13

သုအိၣ်ဒီးမုၢ်နံၤဃုနံၤဃုသီလၢသုကမၤသုတၢ်မၤအဂီၢ်,

ဧ့ၤဘြံၤ 4:4

အဂ့ၢ်ဒ်အံၤတၢ်ကွဲးအသးစီဆှံအိၣ်ဝဲတတီၤလၢအကတိၤ တၢ်ဘၣ်ဃးဒီးမုၢ်နွံနံၤတနံၤဒ်အံၤ, “ကစၢ်ယွၤအိၣ်ဘှံးတ့ၢ်ဝဲလၢမုၢ်နွံနံၤတနံၤလၢအတၢ်ဖံးတၢ် မၤခဲလၢာ်န့ၣ်လီၤ.”