လံာ်သိၣ်လီၤသီလီၤတၢ် 5:12 - Sgaw Karen Common Bible

¹² တိၢ်န့ၢ်ဖံးဃာ်မုၢ်အိၣ်ဘှံးအနံၤဒီးပာ်စီဆှံအီၤဒ်ယၤယွၤ, သုကစၢ်ယွၤမၤလိာ်တ့ၢ်သုအသိးန့ၣ်တက့ၢ်.

လံာ်သိၣ်လီၤသီလီၤတၢ် 5:12 Iomraidhean Croise

လံာ်စီၤနဃ့မယၤ 13:15

လၢအကတီၢ်ဖဲန့ၣ်ယထံၣ်တ့ၢ်ပှၤကီၢ်ယူဒၤဖိယီၢ်စပံးသၣ်လၢမုၢ် အိၣ်ဘှံးအနံၤန့ၣ်လီၤ. ပှၤအဂၤတနီၤပဒၢးထီၣ်ဘုဧိၤဟုဧိၤ, စပံးထံ, စပံးသၣ်, ချၢၣ်ဒၢသၣ်ဒီးတၢ်အဂၤတဖၣ်ဆူကသ့ၣ်ယီၤအလိၤ, ဒီးလဲၤစိာ်ဝဲဆူဝ့ၢ်ယရူၤရှလ့ၣ်န့ၣ်လီၤ. ယဟ့ၣ်ပလီၢ်အဝဲသ့ၣ်လၢအသုတဆါတၢ်နီတမံၤလၢမုၢ်အိၣ်ဘှံးအနံၤ တဂ့ၤန့ၣ်လီၤ.

လံာ်တၢ်ဟးထီၣ်ကွံာ် 16:23

ဒီးအဝဲဒၣ်စံးဘၣ်အဝဲသ့ၣ်, “ယွၤမၤလိာ်တ့ၢ်ဝဲလၢခဲမုၢ် ဆ့ၣ်တနံၤန့ၣ်မ့ၢ်မုၢ်အိၣ်ဘှံးအနံၤစီဆှံလၢတၢ်ကဘၣ်ပာ်စီ ဆှံအီၤလၢယွၤအဂီၢ်န့ၣ်လီၤ. တၢ်လၢသုအဲၣ်ဒိးဘၢအီၤန့ၣ်ဘၢအီၤဒီးတၢ်လၢသုအဲၣ်ဒိးချီ အီၤန့ၣ်ချီအီၤတနံၤအံၤတက့ၢ်. တၢ်တမံၤလၢ်လၢ်လၢအအိၣ်လီၤတဲာ်န့ၣ်တၢ်ကဘၣ်ပာ်ကပၤအီၤဒီးပာ် ဃးအီၤလၢခဲမုၢ်ဆ့ၣ်အဂီၢ်လီၤ.”

လံာ်တၢ်ဟးထီၣ်ကွံာ် 16:30

မၤသးဒ်န့ၣ်ဒီးပှၤတမၤတၢ်လၢနွံသီတသီန့ၣ်နီတဂၤဘၣ်.

လံာ်တၢ်ဟးထီၣ်ကွံာ် 31:13

“ပာ်စီဆှံမုၢ်အိၣ်ဘှံးအနံၤစီဆှံ, မုၢ်နံၤလၢယအိၣ်ဘှံး န့ၣ်တက့ၢ်. အဂ့ၢ်ဒ်အံၤ, တၢ်န့ၣ်မ့ၢ်တၢ်ပနီၣ်လၢသုဝဲဒီးယၤအဘၢၣ်စၢၤလၢ တၢ်ကဒုးနဲၣ်ဖျါထီၣ်လၢယၤ, ယွၤအံၤ, ယဒုးကဲထီၣ်သုလၢယပှၤဂီၢ်မုၢ်ခဲအံၤဒီးဆူညါအစိၤစိၤအဃၣ်ဃၣ်န့ၣ်လီၤ.

လံာ်တၢ်ဟးထီၣ်ကွံာ် 31:15

သုအိၣ်ဒီးမုၢ်နံၤဃုနံၤဃုသီလၢသုကမၤသုတၢ်မၤအဂီၢ်လီၤ. မ့မ့ၢ်နွံသီတသီန့ၣ်, မ့ၢ်သပှၢ်ကတၢၢ်နံၤအိၣ်ဘှံးလၢတၢ်ပာ်စီဆှံအီၤဆူယအိၣ်လီၤ. ပှၤတဂၤလၢ်လၢ်လၢအမၤတၢ်တမံၤဂ့ၤတမံၤဂ့ၤလၢမုၢ်တနံၤန့ၣ်ကဘၣ်တၢ်မၤသံအီၤလီၤ.

လံာ်ယၡါယၤ 56:6

ဒီးယွၤစံးဘၣ်ပှၤတခီဘီမုၢ်ဖိတဖၣ်န့ၣ်လၢအကဲထီၣ်ပှၤဘၣ်ဃး ဒီးအပှၤဂီၢ်မုၢ်, ပှၤလၢအအဲၣ်အီၤဒီးမၤအတၢ်မၤ, ပှၤလၢအတိၢ်န့ၢ်မုၢ်အိၣ်ဘှံးနံၤဒီးဟံးဃာ်အတၢ်အၢၣ်လီၤ အီလီၤလၢတၢ်သူၣ်တီသးရၤအပူၤ,

လံာ်ယၡါယၤ 58:13

ယွၤစံးဝဲ, “သုမ့ၢ်ပာ်မုၢ်အိၣ်ဘှံးနံၤလၢတၢ်စီဆှံဒီးတလူၤထွဲ သုတၢ်သးစဲဒၣ်ဝဲလၢမုၢ်နံၤအဝဲန့ၣ်, သုမ့ၢ်ပာ်လုၢ်ပာ်ပှ့ၤ ယမုၢ်နံၤစီဆှံဒီးယူးယီၣ်အီၤခီဖျိတၢ်တလဲၤတၢ်က့ၤတၢ်, တဖံးတၢ်မၤတၢ်မ့ၢ်ဂ့ၤ, တကတိၤဘၣ်တၢ်ကလီကလီလၢ မုၢ်နံၤန့ၣ်မ့ၢ်ဂ့ၤဘၣ်ဒီး,

လံာ်ယံးရမံယၤ 17:22

ဒီးလၢမုၢ်အိၣ်ဘှံးနံၤန့ၣ်အဝဲသ့ၣ်တဘၣ်စိာ်ထီၣ်ကွံာ်တၢ်တမံၤမံၤ လၢအဟံၣ်တဖၣ်အပူၤဘၣ်. အဝဲသ့ၣ်တဘၣ်မၤတၢ်နီတမံၤလၢ မုၢ်အိၣ်ဘှံးနံၤဘၣ်. အဝဲသ့ၣ်ကဘၣ်ပာ်အီၤဒ်မုၢ်နံၤစီဆှံ တနံၤအသိးဒ်ယမၤလိာ်တ့ၢ်အဝဲသ့ၣ်အမိၢ်ပၢ်ဖံဖုလၢပျၢၤန့ၣ်လီၤ.

လံာ်မၢ်ကူး 2:27

လၢအကတၢၢ်ယ့ၣ်ၡူးစံးဘၣ်အဝဲသ့ၣ်, “တၢ်လၢမုၢ်အိၣ်ဘှံးနံၤန့ၣ် တၢ်မၤအီၤလၢပှၤကညီအတၢ်ဂ့ၤအဂီၢ်လီၤ. ဒီးတမ့ၢ်တၢ်တ့လီၤပှၤကညီလၢမုၢ်အိၣ်ဘှံးနံၤအဂီၢ်န့ၣ်ဘၣ်.

လံာ်သိၣ်လီၤသီလီၤတၢ် 5:13

သုအိၣ်ဒီးမုၢ်နံၤဃုနံၤဃုသီလၢသုကမၤသုတၢ်မၤအဂီၢ်,