လံာ်သိၣ်လီၤသီလီၤတၢ် 4:8 - Sgaw Karen Common Bible

⁸ ပှၤကလုာ်ဂၤကဒိၣ်ထဲလဲၣ်ထဲလဲၣ်န့ၣ်, တအိၣ်ဘၣ်ဒီးတၢ်ဘူၣ်တၢ်ဘါ အတၢ်သိၣ်တၢ်သီတဖၣ်လၢအတီဝဲဘၣ်ဝဲဒ်တၢ်သိၣ်တၢ်သီ တဖၣ်လၢယသိၣ်လိတ့ၢ်သုတနံၤအံၤန့ၣ်ဘၣ်.

လံာ်သိၣ်လီၤသီလီၤတၢ် 4:8 Iomraidhean Croise

လံာ်စီၤနဃ့မယၤ 9:13

နဟဲလီၤလၢမူခိၣ်ဖဲကစၢၢ်စံၤနါအလိၤ, နကတိၤတ့ၢ်တၢ်ဒီးနပှၤဂီၢ်မုၢ် ဒီးဟ့ၣ်အဝဲသ့ၣ်လၢတၢ်သိၣ်တၢ်သီအဂ့ၤတဖၣ်ဒီးတၢ်သိၣ်လိလၢအ ကြၢးဝဲဘၣ်ဝဲတဖၣ်န့ၣ်လီၤ.

စံးထီၣ်ပတြၢၤ 119:138

နဟ့ၣ်တ့ၢ်လံနတၢ်သိၣ်တၢ်သီတဖၣ် လၢအတီဝဲလိၤဝဲလၢလၢပှဲၤပှဲၤန့ၣ်လီၤ.

စံးထီၣ်ပတြၢၤ 119:144

နတၢ်အုၣ်နသးတဖၣ်န့ၣ် မ့ၢ်တၢ်တီတၢ်လိၤထီဘိလီၤ. ဒုးနၢ်ပၢၢ်ယၤတက့ၢ်, ဒီးယကမူလီၤ.

စံးထီၣ်ပတြၢၤ 119:160

နကလုၢ်ကထါအကံၢ်အလဲန့ၣ် မ့ၢ်တၢ်တီတၢ်လိၤလီၤ. ဒီးနတၢ်တီတၢ်လိၤအတၢ်စံၣ်ညီၣ်တဖၣ်န့ၣ် အိၣ်ဝဲလီၤစိၤလီၤထီကိးထံၣ်ဒဲးလီၤ.

စံးထီၣ်ပတြၢၤ 119:86

နတၢ်မၤလိာ်ခဲလၢာ်တဖၣ်န့ၣ်မ့ၢ်အမ့ၢ်အတီလီၤ. ပှၤမၤအၢမၤသီယၤလၢတၢ်ကဘျံးကဘျၣ်လီၤ. မၤစၢၤယၤတက့ၢ်.

စံးထီၣ်ပတြၢၤ 119:96

ယထံၣ်န့ၢ်တ့ၢ်လံလၢ တၢ်ခဲလၢာ်အိၣ်ဒီးအကတၢၢ်န့ၣ်လီၤ. မ့မ့ၢ်နတၢ်မၤလိာ်န့ၣ် အကတၢၢ်တအိၣ်ဘၣ်န့ၣ်လီၤ.

စံးထီၣ်ပတြၢၤ 89:14

တၢ်တီတၢ်လိၤဒီးတၢ်စံၣ်ညီၣ်တီန့ၣ် မ့ၢ်နလီၢ်ပစိာ်အခီၣ်ထံးလီၤ. တၢ်အဲၣ်ဂၢၢ်ကျၢၤဒီးတၢ်သူၣ်တီသးလိၤ လဲၤတၢ်လၢနမဲာ်ညါလီၤ.

စံးထီၣ်ပတြၢၤ 97:2

တၢ်အၢၣ်တဖၣ်ဒီးတၢ်ခံးတၢ်နၤအိၣ်ဝးတရံးအီၤ, အဝဲပၢတၢ်လၢတၢ်တီတၢ်လိၤဒီး တၢ်စံၣ်ညီၣ်တီန့ၣ်လီၤ.

လံာ်ယၡါယၤ 42:21

ယွၤမ့ၢ်ကစၢ်ယွၤတဂၤလၢအသူၣ်ဆူၣ်သးဂဲၤဒ်သိးအကအုၣ်က့ၤခီၣ် က့ၤတၢ်န့ၣ်လီၤ. သတးဒီး, အဝဲယူာ်ထီၣ်ထီအတၢ်သိၣ်တၢ်သီဒီးအတၢ်သိၣ်လိတဖၣ်, ဒီးအဲၣ်ဒိးဝဲလၢအပှၤဂီၢ်မုၢ်ကယူးယီၣ်ပာ်ကဲတၢ်သ့ၣ်တဖၣ်န့ၣ်လီၤ.

လံာ်ဟိၤၡ့ 8:12

ယကွဲးလီၤတၢ်သိၣ်လိတဖၣ်လၢပှၤဂံၢ်အီၤတသ့ဘၣ်လၢပှၤဂီၢ်မုၢ်အံၤ အဂီၢ်, ဘၣ်ဆၣ်အဝဲသ့ၣ်စူးကွံာ်ညိကွံာ်ဝဲဒ် တၢ်လၢအတညီနုၢ်ဒီးအီၤဒီးတသ့ၣ်ညါဘၣ်ဝဲတမံၤအသိးန့ၣ်လီၤ.

ရိမ့ၤ 3:2

အိၣ်အါဝဲနီၢ်နီၢ်လၢကျဲကိးဘိဒဲးန့ၣ်လီၤ. အခီၣ်ထံးကတၢၢ်တမံၤန့ၣ်, ကစၢ်ယွၤဟ့ၣ်လီၤအးလီၤအတၢ်ကစီၣ်လၢပှၤယူဒၤဖိတဖၣ်န့ၣ်လီၤ.

လံာ်သိၣ်လီၤသီလီၤတၢ် 26:19

ယွၤကမၤဒိၣ်ထီၣ်သုဒိၣ်န့ၢ်ဒံးပှၤကလုာ်ဂၤတဖၣ်လၢအတ့လီၤဝဲခဲလၢာ်, ဒီးသုကဟဲစိာ်တၢ်စံးထီၣ်ပတြၢၤဒီးတၢ်ယူးယီၣ်အမံၤန့ၣ်လီၤ. သုကမ့ၢ်အဝဲအပှၤဂီၢ်မုၢ်ဒၣ်ဝဲဒ်အဝဲအၢၣ်လီၤတ့ၢ်ဝဲအသိးန့ၣ်လီၤ.”