လံာ်သိၣ်လီၤသီလီၤတၢ် 4:6 - Sgaw Karen Common Bible

⁶ စူၢ်အီၤလၢတၢ်သူၣ်တီသးရၤအပူၤ, ဒီးတၢ်အံၤကဒုးနဲၣ်ပှၤ ကလုာ်ဂၤအပှၤဂီၢ်မုၢ်တဖၣ်လၢသုကူၣ်တၢ်သ့ဆံးအါလဲၣ်န့ၣ်လီၤ. ဖဲအဝဲသ့ၣ်နၢ်ဟူဘၣ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီ တဖၣ်အံၤအဂ့ၢ်န့ၣ်အဝဲသ့ၣ်ကစံးဝဲ, (တၢ်ကူၣ်သ့ဒီးတၢ်သ့ၣ်ညါ နၢ်ပၢၢ်လၢအအိၣ်ဒီးပှၤကလုာ်ဖးဒိၣ်တကလုာ်အံၤ, မ့ၢ်တၢ်လၢအဒိၣ်နီၢ်မးလဲၣ်.)

လံာ်သိၣ်လီၤသီလီၤတၢ် 4:6 Iomraidhean Croise

လံာ်စီၤပၤအခီၣ်ထံးတဘ့ၣ် 4:34

စီၤပၤတဖၣ်လၢဟီၣ်ခိၣ်ဒီဘ့ၣ်ညါနၢ်ဟူတ့ၢ်အဝဲအတၢ်ကူၣ်သ့ အဂ့ၢ်ဒီးဆှၢလီၤပှၤဂီၢ်မုၢ်လၢကလဲၤဒိကနၣ်အီၤအဂီၢ်န့ၣ်လီၤ.

လံာ်စီၤယိၤဘး 28:28

ဒီးကစၢ်ယွၤစံးဘၣ်ပှၤကညီ, ကွၢ်ကွၢ်တၢ်ပျံၤယွၤန့ၣ်မ့ၢ်တၢ် ကူၣ်သ့ဒီးတၢ်ဟးဆှဲးကွံာ်လၢတၢ်အၢန့ၣ်မ့ၢ်တၢ်သ့ၣ်ညါနၢ်ပၢၢ် န့ၣ်လီၤ.

စံးထီၣ်ပတြၢၤ 111:10

တၢ်ကူၣ်သ့အခီၣ်ထံးန့ၣ် မ့ၢ်တၢ်ပျံၤယွၤလီၤ. ကယဲၢ်ပှၤလၢအတိၢ်န့ၢ်ဝဲခဲလၢာ်န့ၣ် အိၣ်ဒီးအသးလၢအနၢ်ပၢၢ်တၢ်ဂ့ၤဂ့ၤလီၤ. အတၢ်စံးထီၣ်ပတြၢၤန့ၣ် အိၣ်ဂၢၢ်ဆိးကျၢၤ လီၤစိၤလီၤထီလီၤ.

စံးထီၣ်ပတြၢၤ 19:7

ယွၤအတၢ်သိၣ်တၢ်သီလၢဝဲပှဲၤဝဲ ဒီးမၤကျၢၤထီၣ်က့ၤပသးလီၤ. ယွၤအတၢ်အုၣ်အသးန့ၣ်မ့ၢ်ဝဲတီဝဲ, ဒီးဒုးကူၣ်သ့ပှၤလၢအတမၤလိဘၣ်တၢ်ဘၣ်လီၤ.

စံးထီၣ်ပတြၢၤ 19:8

ယွၤအကလုၢ်ကထါန့ၣ်တီဝဲလိၤဝဲ, ဒီးမၤခုထီၣ်က့ၤပသးလီၤ. ယွၤအတၢ်မၤလိာ်န့ၣ်ကဆှီဝဲ ဒီးမၤကပီၤထီၣ်က့ၤပမဲာ်လီၤ.

တၢ်ကတိၤဒိ. 1:4

တၢ်န့ၣ်တဖၣ်ဒုးကဲထီၣ်ပှၤလၢအတၢ်လဲၤခီဖျိစှၤတဂၤလၢပှၤကူၣ်သ့ဒီးသိၣ်လိပှၤသးစၢ်တဖၣ် ဒ်သိးကဘၣ်အိၣ်လၢအိၣ်ပှဲၤဒီး တၤလၣ်တဖၣ်ဒ်လဲၣ်ဒ်လဲၣ်သ့ဝဲန့ၣ်လီၤ.

တၢ်ကတိၤဒိ. 1:5

တၢ်ကူၣ်သ့အတၢ်ကတိၤတဖၣ်အံၤမၤအါထီၣ်ပှၤကူၣ်သ့တဖၣ် အတၢ်သ့ၣ်ညါဒီးဟ့ၣ်တၢ်နဲၣ်ကျဲဆူပှၤမၤလိမၤဒိးဘၣ်တၢ်တဖၣ် သ့ဝဲ,

တၢ်ကတိၤဒိ. 1:7

ဒ်သိးသုကအိၣ်ဒီးတၢ်ကူၣ်သ့ဒီးအဆိကတၢၢ်သုကဘၣ်ယူးယီၣ် ယွၤန့ၣ်လီၤ. ပှၤဟးဂီၤဖိတဖၣ်တပာ်ကဲတၢ်ကူၣ်သ့ဒီးဂ့ၢ်လိာ် ကမၤလိတၢ်န့ၣ်လီၤ.

တၢ်ကတိၤဒိ. 14:34

တၢ်တီတၢ်လိၤန့ၣ်မၤဒိၣ်ထီၣ်ထီထီၣ်ပှၤတကလုာ်လီၤ. တၢ်ဒဲးဘးန့ၣ်မ့ၢ်တၢ်မဲာ်ဆှးတမံၤလၢပှၤတကလုာ်လၢ်လၢ်အဂီၢ်လီၤ.

တၢ်ကတိၤဒိ. 14:8

ဘၣ်မနုၤအဃိပှၤလၢအသူၣ်ပ့ၢ်သးဆှါတဂၤကူၣ်တၢ်သ့လဲၣ်. အဂ့ၢ်ဒ်အံၤ, သ့ၣ်ညါတၢ်လၢအဘၣ်မၤဝဲအဃိလီၤ. ဘၣ်မနုၤအဃိပှၤဟးဂီၤဖိတဂၤအသးတဆးလဲၣ်. အဂ့ၢ်ဒ်အံၤ, ဆိကမိၣ်ဝဲထဲအသ့ၣ်ညါတၢ်အဃိလီၤ.

လံာ်ယၡါယၤ 42:21

ယွၤမ့ၢ်ကစၢ်ယွၤတဂၤလၢအသူၣ်ဆူၣ်သးဂဲၤဒ်သိးအကအုၣ်က့ၤခီၣ် က့ၤတၢ်န့ၣ်လီၤ. သတးဒီး, အဝဲယူာ်ထီၣ်ထီအတၢ်သိၣ်တၢ်သီဒီးအတၢ်သိၣ်လိတဖၣ်, ဒီးအဲၣ်ဒိးဝဲလၢအပှၤဂီၢ်မုၢ်ကယူးယီၣ်ပာ်ကဲတၢ်သ့ၣ်တဖၣ်န့ၣ်လီၤ.

လံာ်ယံးရမံယၤ 8:9

သုပှၤကူၣ်သ့တဖၣ်ဘၣ်တၢ်မၤမဲာ်ဆှးအီၤလီၤ. အဝဲသ့ၣ်အသးကဒံကဒါဒီးလီၤကွံာ်ဆူပျံၤသ ကွီၤအပူၤန့ၣ်လီၤ. အဝဲသ့ၣ်ညိကွံာ်ယကလုၢ်ကထါတဖၣ်လီၤ. ခဲအံၤတၢ်ကူၣ်သ့မနုၤအိၣ်ဒံးဒီးအဝဲသ့ၣ်န့ၣ်လဲၣ်.

လံာ်ယဃ့းစက့လး 5:5

ယွၤပၢဘၣ်တၢ်ခဲလၢာ်ကစၢ်စံးဝဲဒၣ်, ကွၢ်ဃီၤတၢ်ဆူဝ့ၢ်ယရူၤရှလ့ၣ်တက့ၢ်. ယပာ်အီၤလၢဟီၣ်ခိၣ်ဒီဘ့ၣ်အသးကံၢ်ပူၤ, အိၣ်ဒီးထံကီၢ်အဂၤတဖၣ်ဝးတရံးအီၤန့ၣ်လီၤ.

လံာ်ဒၤနံးယ့လး 1:20

ဒီးကယဲၢ်တၢ်ဂ့ၢ်တမံၤလၢ်လၢ်ဘၣ်ဃးတၢ်ကူၣ်သ့ဒီးတၢ်သ့ၣ် ညါနၢ်ပၢၢ်လၢစီၤပၤသံကွၢ်အီၤန့ၣ်ထံၣ်ဘၣ်ဝဲလၢပှၤလွံၢ်ဂၤအံၤ နၢ်ပၢၢ်ဝဲဂ့ၤန့ၢ်ဒံးပှၤဖးတၢ်ဟဲဝံဟဲစိာ်ဒီးပှၤသ့တၢ်အူတၢ် သမူတဂၤလၢ်လၢ်လၢအထံအကီၢ်ဒီဘ့ၣ်ညါအပူၤန့ၣ်, အစးတဆံဒၣ်လဲာ်လီၤ.

လံာ်ဒၤနံးယ့လး 4:9

ယစံးဘၣ်အီၤ, ပှၤဟ့ၣ်ကူၣ်တၢ်တဖၣ်အခိၣ်အဒိၣ်ကတၢၢ် စီၤဘ့ၤလးတၡါစၢ်ဧၢ, ယသ့ၣ်ညါလၢကစၢ်ယွၤလၢအစီဆှံ တဂၤအသးအိၣ်လၢနပူၤဒီးနနၢ်ပၢၢ်တၢ်ခူသူၣ်အဒိၣ်အယိာ် ခဲလၢာ်န့ၣ်လီၤ. အအံၤ, မ့ၢ်ယတၢ်မံမီၢ်န့ၣ်လီၤ. ဖးန့ၢ်ယၤလၢအခီပညီန့ၣ်တက့ၢ်.

လံာ်ဟိၤၡ့ 8:12

ယကွဲးလီၤတၢ်သိၣ်လိတဖၣ်လၢပှၤဂံၢ်အီၤတသ့ဘၣ်လၢပှၤဂီၢ်မုၢ်အံၤ အဂီၢ်, ဘၣ်ဆၣ်အဝဲသ့ၣ်စူးကွံာ်ညိကွံာ်ဝဲဒ် တၢ်လၢအတညီနုၢ်ဒီးအီၤဒီးတသ့ၣ်ညါဘၣ်ဝဲတမံၤအသိးန့ၣ်လီၤ.

လံာ်မၤလကံ 3:12

တုၤနုၤတစု, ကယဲၢ်ပှၤကလုာ်ခဲလၢာ်ကကိးသုလၢပှၤဘၣ်ဆိၣ်ဂ့ၤ, မ့ၢ်လၢသုထံသုကီၢ်ကမ့ၢ်တၢ်လီၢ် အမုာ်လၢတၢ်အိၣ်တၢ်ဆိးအဂီၢ်အဃိန့ၣ်လီၤ.”

လံာ်သိၣ်လီၤသီလီၤတၢ် 29:9

စူၢ်ကယဲၢ်တၢ်အၢၣ်လီၤအီလီၤအံၤအတၢ်ဂ့ၢ်တၢ်ကျိၤတဖၣ်လၢ တၢ်ပာ်လီၤအီၤန့ၣ်လၢတၢ်သူၣ်တီသးရၤအပူၤဒ်သိးသုကအိၣ်ဒီးတၢ်ကဲ ထီၣ်လိၣ်ထီၣ်လၢတၢ်ခဲလၢာ်လၢသုမၤအီၤအပူၤန့ၣ်တက့ၢ်.

လံာ်သိၣ်လီၤသီလီၤတၢ် 32:46

အဝဲစံးဝဲ, “မၤလီၤတံၢ်လၢသုကစူၢ်ကယဲၢ်တၢ်မၤလိာ်တဖၣ်အံၤ လၢယဟ့ၣ်လီၤသုတနံၤအံၤန့ၣ်တက့ၢ်. တဲကဒါက့ၤအီၤဆူသုဖိတဖၣ်, ဒ်သိးအဝဲသ့ၣ်ကစူၢ်ကယဲၢ်ကစၢ် ယွၤအတၢ်သိၣ်လိတဖၣ်လၢတၢ်သူၣ်တီသးရၤအပူၤတက့ၢ်.

လံာ်သိၣ်လီၤသီလီၤတၢ် 32:47

တၢ်သိၣ်လိတဖၣ်အံၤတမ့ၢ်ဘၣ်တၢ်ကတိၤကလီကလီတဖၣ်ဘၣ်. အဝဲသ့ၣ်မ့ၢ်သုတၢ်မူနီၢ်နီၢ်န့ၣ်လီၤ. စူၢ်အီၤဒီးသုသးသမူကအိၣ်ကၢအိၣ်ခိးလၢကီၢ်တဘ့ၣ်လၢအအိၣ်လၢ ထံကျိယၢ်ဒ့ၣ်အဝၢ်ဘးခီလၢသုကမၤန့ၢ်အီၤအပူၤန့ၣ်လီၤ.”

၂ တံၤမသ့း 3:15

ဒီးလၢနမ့ၢ်ဖိသၣ်လံၤလံၤန့ၣ်, နသ့ၣ်ညါတ့ၢ်တၢ်ကွဲးအသးစီဆှံ တဖၣ်လၢအဟ့ၣ်နၤတၢ်ကူၣ်တၢ်ဆးလၢအဆှၢနၤဆူတၢ်အုၣ်က့ၤ ခီၣ်က့ၤခီဖျိတၢ်စူၢ်က့ၤနာ်က့ၤယ့ၣ်ၡူးခရံာ်န့ၣ်လီၤ.

ယၤကိာ် 3:13

ပှၤလၢသုကျါအိၣ်ဝဲတဂၤဂၤလၢအကူၣ်သ့ဒီးသ့ၣ်ညါနၢ် ပၢၢ်တၢ်န့ၣ်ဧါ. အဝဲကဘၣ်ဒုးနဲၣ်တၢ်အံၤခီဖျိအတၢ်အိၣ်မူလၢ အဂ့ၤ, ဒီးခီဖျိအတၢ်မၤအဂ့ၤတဖၣ်လၢအမၤဝဲအိၣ်ဒီး တၢ်ဆီၣ်လီၤသးဒီးတၢ်ကူၣ်သ့န့ၣ်လီၤ.