လံာ်သိၣ်လီၤသီလီၤတၢ် 4:49 - Sgaw Karen Common Bible

⁴⁹ ကီၢ်န့ၣ်အိၣ်စ့ၢ်ကီးဒီးကယဲၢ်လီၢ်ကဝီၤလၢထံကျိယၢ်ဒ့ၣ် အမုၢ်ထီၣ်တခီ, ယံၤဝဲလၢကလံၤထံးတခီတုၤဆူပီၣ်လဲၣ်သံ, ဒီးလၢမုၢ်ထီၣ်တကပၤန့ၣ်တုၤဆူကစၢၢ်ပံးစကၤအခီၣ်ထံးန့ၣ်လီၤ.

လံာ်သိၣ်လီၤသီလီၤတၢ် 4:49 Iomraidhean Croise

လံာ်ယဃ့းစက့လး 47:8

အဝဲစံးဘၣ်ယၤ, “ထံအံၤယွၤလီၤခီဖျိတၢ်လီၢ်တၢ်ကျဲဆူမုၢ်ထီၣ်တကပၤဒီး ဆူယၢ်ဒ့ၣ်အတၢ်တြီၤပူၤ, ဒီးဆူပီၣ်လဲၣ်သံအပူၤန့ၣ်လီၤ. တုၤအယွၤနုာ်လီၤဆူပီၣ်လဲၣ်သံအပူၤန့ၣ်မၤပှဲၤ က့ၤပီၣ်လဲၣ်န့ၣ်အအံသၣ်ထံအလီၢ်ဒီးထံအဘျါန့ၣ်လီၤ.

လံာ်သိၣ်လီၤသီလီၤတၢ် 3:17

လၢမုၢ်နုာ်တခီန့ၣ်အဝဲသ့ၣ်အလီၢ်ကဝီၤလဲၤတုၤဝဲတုၤဆူ ထံကျိယၢ်ဒ့ၣ်စးထီၣ်လၢပီၣ်လဲၣ်ကၤလံၤလါလၢကလံၤစိးတခီ, တုၤလီၤဆူပီၣ်လဲၣ်သံလၢကလံၤထံးတခီ, ဒီးဆူကစၢၢ်ပံးစကၤ အခီၣ်ထံးလၢမုၢ်ထီၣ်တခီန့ၣ်လီၤ.

လံာ်သိၣ်လီၤသီလီၤတၢ် 34:1

စီၤမိၤၡ့လဲၤထီၣ်လၢကီၢ်မိၤအးအတၢ်ပၢၤခိၣ်ဆူကစၢၢ်နဘိ အလိၤလၢကစၢၢ်ပံးစကၤအဒီခိၣ်, လၢဝ့ၢ်ယရံၤဃိအမုၢ်ထီၣ်, ဒီးဖဲန့ၣ်ယွၤဒုးနဲၣ်ဃီၤအီၤလၢကီၢ်ဒီတဘ့ၣ်ညါန့ၣ်လီၤ. ကီၢ်ကံးလဧးအလီၢ်ကဝီၤလၢအလဲၤယံၤဝဲလၢကလံၤစိးတကပၤတုၤ ဆူဝ့ၢ်ဒၣ်,

လံာ်သိၣ်လီၤသီလီၤတၢ် 4:48

ကီၢ်အံၤလဲၢ်ဝဲစးထီၣ်လၢဝ့ၢ်ဧရိၤဧ့ၢ်, လၢအအိၣ်လၢထံကျိ အၤနိၣ်ကၢၢ်နံၤဒီးလဲၤဆူကလံၤစိးတခီဒီတကျိၤတုၤဆူကစၢၢ် စံရယိၣ်လၢအမ့ၢ်ဃ့ရမိၣ်န့ၣ်လီၤ.

လံာ်သိၣ်လီၤသီလီၤတၢ် 5:1

စီၤမိၤၡ့ကိးဖှိၣ်ကယဲၢ်ကီၢ်အံၣ်စရ့လးအပှၤဂီၢ်မုၢ်ခဲလၢာ် ဒီးစံးဘၣ်အဝဲသ့ၣ်, ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ဒိကနၣ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီခဲလၢာ်လၢယဟ့ၣ်လီၤသု တနံၤအံၤန့ၣ်တက့ၢ်. မၤလိအီၤဒီးစူၢ်အီၤသပှၢ်ကတၢၢ်တက့ၢ်.

လံာ်စီၤယိၤၡူ 13:20

ဘ့ၤသပဧိၢ်, ကစၢၢ်ပံးစကၤအတၢ်ပၤလီၤတဖၣ်, ဒီးဘ့ၤသၤယၡံမိးန့ၣ်လီၤ.