လံာ်သိၣ်လီၤသီလီၤတၢ် 4:44 - Sgaw Karen Common Bible

⁴⁴ စီၤမိၤၡ့ဟ့ၣ်လီၤကစၢ်ယွၤအတၢ်ဘူၣ်တၢ်ဘါအတၢ်သိၣ်တၢ်သီ တဖၣ်ဒီးတၢ်သိၣ်လိသီလိတဖၣ်ဆူကီၢ်အံၣ်စရ့လးအပှၤဂီၢ်မုၢ် အအိၣ်န့ၣ်လီၤ.

လံာ်သိၣ်လီၤသီလီၤတၢ် 4:44 Iomraidhean Croise

လံာ်စီၤပၤခံဘ့ၣ်တဘ့ၣ် 17:37

ထီဘိသုကဘၣ်စူၢ်တၢ်ဘူၣ်တၢ်ဘါအတၢ်သိၣ်တၢ်သီတဖၣ်ဒီးတၢ်မၤ လိာ်တဖၣ်လၢယကွဲးန့ၢ်တ့ၢ်သုန့ၣ်လီၤ. သုတဘၣ်စူၢ်ကစၢ်အဂုၤအဂၤတဖၣ်,

လံာ်တၢ်ဘူၣ်ထီၣ်ဘါထီၣ် 27:34

တၢ်မၤလိာ်တဖၣ်အံၤမ့ၢ်တၢ်မၤလိာ်တဖၣ်လၢယွၤဟ့ၣ်လီၤစီၤမိၤၡ့ လၢပှၤအံၣ်စရ့လးဖိအဂီၢ်လၢကစၢၢ်စံၤနါအလိၤန့ၣ်လီၤ.

လံာ်မၤလကံ 4:4

“သ့ၣ်နီၣ်ထီၣ်က့ၤယခ့ယပှၤစီၤမိၤၡ့အတၢ်သိၣ်လိ, တၢ်သိၣ်တၢ်သီဒီးတၢ်မၤလိာ်လၢယဟ့ၣ်တ့ၢ်အီၤလၢကစၢၢ်စံၤနါလၢ ပှၤအံၣ်စရ့လးဖိခဲလၢာ်ကစူၢ်ဝဲအဂီၢ်န့ၣ်တက့ၢ်.

လံာ်တၢ်ဂံၢ် 36:13

တၢ်တဖၣ်အံၤမ့ၢ်တၢ်သိၣ်တၢ်သီတဖၣ်ဒီးတၢ်သိၣ်တၢ်ဘျၢတဖၣ်လၢ ယွၤဟ့ၣ်လီၤပှၤအံၣ်စရ့လးဖိတဖၣ်ခီဖျိစီၤမိၤၡ့လၢကီၢ်မိၤအး အတၢ်ပျီပူၤတဖၣ်လၢအအိၣ်သဃီၤဒီးဝ့ၢ်ယရံၤဃိလၢထံ ကျိယၢ်ဒ့ၣ်အဘးခီန့ၣ်လီၤ.

လံာ်ယိၤဟၣ် 1:17

ကစၢ်ယွၤဟ့ၣ်လီၤတၢ်သိၣ်တၢ်သီခီဖျိစီၤမိၤၡ့, မ့မ့ၢ်တၢ်ဘျုးတၢ်ဖှိၣ်ဒီးတၢ်မ့ၢ်တၢ်တီန့ၣ် ဟဲခီဖျိယ့ၣ်ၡူးခရံာ်န့ၣ်လီၤ.

လံာ်သိၣ်လီၤသီလီၤတၢ် 1:5

စီၤမိၤၡ့စးထီၣ်တဲနၢ်ပၢၢ်ကစၢ်ယွၤအတၢ်ဘူၣ်တၢ်ဘါအတၢ်သိၣ်တၢ် သီတဖၣ်ဒီးတၢ်သိၣ်လိတဖၣ်, ဖဲတၢ်ဆၢကတီၢ်လၢပှၤဂီၢ်မုၢ်အိၣ်ဝဲလၢထံကျိယၢ်ဒ့ၣ်အမုၢ်ထီၣ် လၢကီၢ်မိၤအးအလီၢ်ကဝီၤပူၤအခါန့ၣ်လီၤ.

လံာ်သိၣ်လီၤသီလီၤတၢ် 27:26

“ကစၢ်ယွၤအတၢ်ဆိၣ်အၢအိၣ်ဝဲလၢပှၤတဂၤလၢ်လၢ်အလိၤ, ပှၤလၢတစူၢ်ဘၣ်ကယဲၢ်ကစၢ်ယွၤအတၢ်ဘူၣ်တၢ်ဘါအတၢ်သိၣ်တၢ်သီတဖၣ် ဒီးတၢ်သိၣ်လိတဖၣ်န့ၣ်လီၤ.” ဒီးကယဲၢ်ပှၤဂီၢ်မုၢ်ခဲလၢာ်ကစံးဆၢဝဲ, “မ်အလၢထီၣ်ပှဲၤထီၣ် တက့ၢ်.”

လံာ်သိၣ်လီၤသီလီၤတၢ် 27:3

ဒီးလၢအဝဲသ့ၣ်အလိၤန့ၣ်ကွဲးလီၤကယဲၢ်တၢ်ဘူၣ်တၢ်ဘါအတၢ်သိၣ် တၢ်သီတဖၣ်အံၤဒီးတၢ်သိၣ်လိတဖၣ်အံၤတက့ၢ်. ဖဲသုလဲၤနုာ်ဃီၤဆူထံကီၢ်လၢအထူးအတီၤဒီးအဟီၣ်ခိၣ်ညၣ်ထ့ၣ် ဂ့ၤဝဲလၢယွၤ, သုမိၢ်ပၢ်ဖံဖုလၢပျၢၤအကစၢ်ယွၤအၢၣ်လီၤတ့ၢ်သု,

လံာ်သိၣ်လီၤသီလီၤတၢ် 27:8

လၢလၢၢ်တဖၣ်လၢတၢ်ဖှူဘၢအီၤဒီးအီကတ့ၣ်အလိၤန့ၣ်ကွဲးလီၤ ကစၢ်ယွၤအတၢ်ဘူၣ်တၢ်ဘါအတၢ်သိၣ်တၢ်သီတဖၣ်အတၢ်ကတိၤ အဖျၢၣ်ခဲလၢာ်အိၣ်ဖျါတြၢၢ်ကလာ်တက့ၢ်.”

လံာ်သိၣ်လီၤသီလီၤတၢ် 33:4

ပစူၢ်ယူဒၤအတၢ်သိၣ်တၢ်သီလၢစီၤမိၤၡ့ဟ့ၣ်လီၤပှၤ, လၢအမ့ၢ်ပပှၤကလုာ်အတၢ်စုလီၢ်ခီၣ်ခိၣ်အထူးအတီၤကတၢၢ်န့ၣ်လီၤ.

လံာ်သိၣ်လီၤသီလီၤတၢ် 4:43

လၢပှၤရူၤဘ့ၣ်ဖိအဒူၣ်အဂီၢ်န့ၣ်, ဝ့ၢ်ဘ့စ့ၢ်လၢအမ့ၢ်ဝ့ၢ်အိၣ် လၢပှၢ်မုၢ်ကနၢ, လၢတၢ်လူၢ်ခိၣ်ထိးန့ၣ်လီၤ. လၢပှၤကးဖိအဒူၣ်အဂီၢ်န့ၣ်, ဝ့ၢ်ရၤမိးမ့ၢ်ဝ့ၢ်လၢအအိၣ်လၢကီၢ် ကံးလဧးလီၢ်ကဝီၤအပူၤန့ၣ်လီၤ. ဒီးလၢပှၤမနၤၡ့ၤဖိအဒူၣ်အဂီၢ်, မ့ၢ်ဝ့ၢ်ကိလၣ်အိၣ်ဝဲလၢကီၢ် ဘၤၡၣ်အလီၢ်ကဝီၤအပူၤန့ၣ်လီၤ.

လံာ်သိၣ်လီၤသီလီၤတၢ် 4:45

အဝဲဟ့ၣ်လီၤအဝဲသ့ၣ်လၢတၢ်ဘူၣ်တၢ်ဘါအတၢ်သိၣ်တၢ်သီ တဖၣ်အံၤဖဲအဝဲသ့ၣ်ဟးထီၣ်လၢကီၢ်အဲၤကူပတူးဝံၤအလီၢ်ခံ, ဒီးအဝဲသ့ၣ်အိၣ်လၢထံကျိယၢ်ဒ့ၣ်အမုၢ်ထီၣ်တၢ်တြီၤပူၤ, လၢအအိၣ်ကွၢ်ဆၢညါလိာ်သးဒီးဝ့ၢ်ဘ့ၤသပဧိၢ်အကတီၢ်န့ၣ်လီၤ.

လံာ်စီၤယိၤၡူ 12:1

အအံၤမ့ၢ်ထံကီၢ်အစီၤပၤတဖၣ်လၢ ပှၤအံၣ်စရ့လးဖိတဖၣ်မၤနၢၤတ့ၢ်ဒီးဟံးန့ၢ်လံအကီၢ်လၢထံကျိယၢ်ဒ့ၣ်အမုၢ်ထီၣ်တကပၤ စးထီၣ်လၢအၢ်နိၣ်တၢ်ပၢၤခိၣ် ထီၣ်ဆူထံကျိယၢ်ဒ့ၣ်တၢ်ပၢၤခိၣ်တုၤလၢကစၢၢ်ဃ့ရမိၣ်လၢကလံၤ စိးန့ၣ်လီၤ. အဝဲသ့ၣ်မၤနၢၤစီၤပၤခံဂၤန့ၣ်လီၤ.