လံာ်သိၣ်လီၤသီလီၤတၢ် 4:4 - Sgaw Karen Common Bible

⁴ မ့မ့ၢ်သုဝဲတဖၣ်လၢအသူၣ်တီသးရၤဒီးယွၤ, သုကစၢ်ယွၤန့ၣ်မူဒံးဝဲတုၤမဆါတနံၤအံၤန့ၣ်လီၤ.

လံာ်သိၣ်လီၤသီလီၤတၢ် 4:4 Iomraidhean Croise

စံးထီၣ်ပတြၢၤ 63:8

ယသးသန့ၤယသးလၢနၤ, နစုထွဲမၤစၢၤယၤလီၤ.

လံာ်ယၡါယၤ 26:20

လဲၤနုာ်ဆူသုဟံၣ်တဖၣ်အပူၤ, ယပှၤဂီၢ်မုၢ်သ့ၣ်ဧၢ, ဒီးကးတံာ်တြဲၤလၢသုလီၢ်ခံတက့ၢ်. ပာ်ခူသူၣ်သုသးတစိၢ် ဖိတုၤကစၢ်ယွၤအတၢ်သးဒိၣ်လဲၤပူၤကွံာ်တက့ၢ်.

လံာ်ယဃ့းစက့လး 9:4

လဲၤခီဖျိဝ့ၢ်ယရူၤၡလ့ၣ်ဒီဝ့ၢ်ညါ, “ဒီးပာ်တၢ်ပနီၣ်တမံၤလၢ ပှၤကိးဂၤဒဲးအခိၣ်တိသၣ်အလိၤ, ပှၤတဖၣ်လၢအဘၣ်တၢ်ကိၢ်တၢ်ဂီၤဒီးဘၣ်ကီဘၣ်ခဲ, မ့ၢ်လၢတၢ်လီၤသးဘၣ်အၢတဖၣ်လၢတၢ်မၤတ့ၢ်အီၤလၢဝ့ၢ်ပူၤအဃိ န့ၣ်တက့ၢ်.”

မၤတၢ် 11:23

ဖဲအဝဲဒၣ်လဲၤတုၤဒီးထံၣ်ကစၢ်ယွၤအတၢ်ဆိၣ်ဂ့ၤဘၣ်ပှၤတဖၣ်အံၤန့ၣ်, အဝဲသူၣ်ခုသးခုဒီးသဆၣ်ထီၣ်အဝဲသ့ၣ်ခဲလၢာ်အခံဒ်သိးအသး ကတီဒီးကစၢ်လၢအသးဒီဖျၢၣ်ညါန့ၣ်လီၤ.

ရိမ့ၤ 12:9

တၢ်အဲၣ်တၢ်ကွံကဘၣ်မ့ၢ်တၢ်လၢအပူၤဖျဲးဒီးတၢ်ပာ်မၤ အသးန့ၣ်လီၤ. သးဟ့တၢ်လၢအအၢ, ဒီးဟံးဃာ်တၢ် လၢအဂ့ၤန့ၣ်တက့ၢ်.

လံာ်သိၣ်လီၤသီလီၤတၢ် 10:20

အိၣ်ဒီးတၢ်ယူးယီၣ်ယွၤ, သုကစၢ်ယွၤဒီးဘူၣ်ထီၣ်ဘါထီၣ်ထဲ အဝဲဒၣ်တဂၤဧိၤန့ၣ်တက့ၢ်. အိၣ်ဒီးတၢ်သူၣ်တီသးရၤဒီးအီၤဒီးမၤသုတၢ်အၢၣ်လီၤအီလီၤ တဖၣ်ထဲလၢအဝဲအမံၤအပူၤန့ၣ်တက့ၢ်.

လံာ်သိၣ်လီၤသီလီၤတၢ် 13:4

ပိာ်ယွၤအခံဒီးအိၣ်ဒီးတၢ်ယူးယီၣ်ပာ်ကဲအီၤတက့ၢ်. စူၢ်အီၤဒီးတိၢ်န့ၢ်ဖံးဃာ်အဝဲအတၢ်မၤလိာ်တဖၣ်တက့ၢ်. ဘူၣ်ထီၣ်ဘါထီၣ်အီၤဒီးသးတီဒီးအီၤတက့ၢ်.

လံာ်သိၣ်လီၤသီလီၤတၢ် 30:20

အဲၣ်ယွၤ, သုကစၢ်ယွၤ, စူၢ်အီၤဒီးအိၣ်ဒီးတၢ်သူၣ်တီသးရၤဒီး အီၤတက့ၢ်. အန့ၣ်ဒီးသုဝဲဒီးသုစၢၤသုသွဲၣ်တဖၣ်ကအိၣ်ကၢအိၣ်ခိးလၢကီၢ် န့ၣ်အပူၤ, လၢအဝဲအၢၣ်လီၤပာ်တ့ၢ်ဝဲလၢကဟ့ၣ်လီၤသုပၢ်ဖးဒိၣ်လၢပျၢၤ တဖၣ်လၢအမ့ၢ်စီၤအၤဘြၤဟၣ်, စီၤအံၤစဲးဒီးစီၤယၤကိာ်န့ၣ်လီၤ.

လံာ်သိၣ်လီၤသီလီၤတၢ် 4:3

သုနီၢ်ကစၢ်ဒၣ်သုဝဲထံၣ်ဘၣ်တ့ၢ်တၢ်တဖၣ်လၢယွၤမၤတ့ၢ်ဝဲလၢ ကစၢၢ်ပဧိၢ်အဒီခိၣ်န့ၣ်လီၤ. ဖဲန့ၣ်အဝဲမၤဟးဂီၤကွံာ်ပှၤကိးဂၤဒဲးလၢအဘူၣ်ထီၣ်ဘါထီၣ် ဘဧၤလး,

လံာ်သိၣ်လီၤသီလီၤတၢ် 4:5

ယသိၣ်လိတ့ၢ်သုလၢကယဲၢ်တၢ်ဘူၣ်တၢ်ဘါအတၢ်သိၣ်တၢ်သီ ခဲလၢာ်, ဒ်ယွၤ, ပကစၢ်ယွၤတဲဘၣ်ယၤလၢယကဘၣ်မၤအီၤအသိးန့ၣ် လီၤ. စူၢ်အီၤလၢကီၢ်တဘ့ၣ်လၢသုကလဲၤနုာ်ဒုးဒီးမၤန့ၢ်အီၤအပူၤ န့ၣ်တက့ၢ်.

လံာ်စီၤယိၤၡူ 22:5

ပာ်သူၣ်ပာ်သးလီၤတံၢ်လီၤဆဲးလၢသုကဒိကနၣ် တၢ်သိၣ်တၢ်သီလၢယွၤအခ့အပှၤစီၤမိၤၡ့မၤလိာ်တ့ၢ်သုလၢအမ့ၢ်ဝဲ, အဲၣ်ယွၤသုကစၢ်, မၤအတၢ်ဘၣ်အသး, ဒိကနၣ်အတၢ်မၤလိာ်တဖၣ်, တီဒီးအီၤ, ဒီးမၤအတၢ်လၢသုသးဒီဖျၢၣ်ညါဒီးသုသူၣ်ကံၢ်သးလဲန့ၣ်တက့ၢ်.”

လံာ်စီၤယိၤၡူ 23:8

မ့မ့ၢ်, အိၣ်စဲဘူးဒီးယွၤသုကစၢ်ယွၤဒ်သုမၤတ့ၢ် တုၤမုၢ်မဆါတနံၤအံၤအသိးန့ၣ်တက့ၢ်.

လံာ်လီၣ်ဖျါ 14:4

အဝဲသ့ၣ်မ့ၢ်ပှၤပိာ်ခွါတဖၣ်လၢအပာ်ကဆှီဃာ်အသး ခီဖျိအဟးဆှဲးတၢ်အိၣ်ဃုာ်ဒီးပိာ်မုၣ်ပိာ်မၢၤန့ၣ်လီၤ. အဝဲသ့ၣ်မ့ၢ်ပှၤဖိၣ်သၣ်ခွါဆှံဆှံတဖၣ်လီၤ. အဝဲသ့ၣ်ပိာ်သိဖိအခံဖဲအလဲၤဝဲတပူၤလၢ်လၢ်လီၤ. အဝဲသ့ၣ်ဘၣ်တၢ်ပှ့ၤက့ၤတ့ၢ်အီၤလၢပှၤကညီအဂၤ တဖၣ်အကျါဒီးမ့ၢ်ပှၤအဆိကတၢၢ်တဖၣ်လၢအဘၣ် တၢ်လုၢ်ထီၣ်အီၤဆူကစၢ်ယွၤဒီးဆူသိဖိအအိၣ်န့ၣ်လီၤ.

လံာ်လီၣ်ဖျါ 20:4

အန့ၣ်ဝံၤဒီးယထံၣ်လီၢ်ပစိာ်တဖၣ်, ဒီးပှၤတဖၣ်လၢအဆ့ၣ်နီၤလၢ အလိၤန့ၣ်ဘၣ်တၢ်ဟ့ၣ်အီၤတၢ်စိကမီၤလၢအကစံၣ်ညီၣ်တၢ် လီၤ. ယထံၣ်ဘၣ်စ့ၢ်ကီးယဲပှၤအသးသမူတဖၣ်လၢအဘၣ် တၢ်မၤသံတ့ၢ်အီၤလၢအအုၣ်အသးလၢယ့ၣ်ၡူးအဂ့ၢ်ဒီး စံၣ်တဲၤတဲလီၤကစၢ်ယွၤအကလုၢ်ကထါတဖၣ်အဃိ န့ၣ်လီၤ. အဝဲသ့ၣ်တဘါထီၣ်တ့ၢ်တၢ်ဒူတၢ်ဃိၤတဒု န့ၣ်မ့ၢ်ဂ့ၤ, အက့ၢ်အဂီၤမ့ၢ်ဂ့ၤန့ၣ်ဘၣ်. ဒ်န့ၣ်အသိး, အဝဲသ့ၣ်တဒိးန့ၢ်တၢ်ဒူတၢ်ဃိၤတဒုန့ၣ်အတၢ်ပနီၣ် လၢအဝဲသ့ၣ်အခိၣ်တိသၣ်အလိၤမ့ၢ်ဂ့ၤ, လၢအစု လိၤမ့ၢ်ဂ့ၤန့ၣ်ဘၣ်. အဝဲသ့ၣ်ဂဲၤဆၢထၢၣ်သမူထီၣ်က့ၤ, ဒီးပၢတၢ်ဒ်စီၤပၤတဖၣ်အသိးတပူၤဃီဒီးခရံာ်လၢအနံၣ် တကထိအတီၢ်ပူၤလီၤ.