လံာ်သိၣ်လီၤသီလီၤတၢ် 4:38 - Sgaw Karen Common Bible

³⁸ တုၤသုလဲၤထီၣ်ဒုးတၢ်န့ၣ်အဝဲနီၣ်ထီၣ်ကွံာ်ပှၤကလုာ်တဖၣ်လၢ အဒိၣ်န့ၢ်သု, ဒီးအဂံၢ်အဘါဆူၣ်န့ၢ်သုဒ်သိးအဝဲကဟဲကိးနုာ်သုဒီးဟ့ၣ်လီၤ သုလၢအဝဲသ့ၣ်အထံအကီၢ်, ကီၢ်တဘ့ၣ်လၢအမ့ၢ်ဒၣ်သုတၢ်ဒ်တနံၤအံၤအသိးန့ၣ်လီၤ.

လံာ်သိၣ်လီၤသီလီၤတၢ် 4:38 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 20:11

အအံၤမ့ၢ်တၢ်လၢအဝဲသ့ၣ်မၤဆၢက့ၤပှၤန့ၣ်လီၤ. အဝဲသ့ၣ်ဟဲထီၣ်ဒ်သိးကဟီထီၣ်ကွံာ်ပှၤလၢထံကီၢ်လၢနဟ့ၣ်ပှၤ အပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:7

နမ့ၢ်ပကစၢ်ယွၤလီၤ. ဖဲနပှၤဂီၢ်မုၢ်အံၣ်စရ့လးဟဲနုာ်ဆူကီၢ် အံၤအပူၤန့ၣ်, နဟီထီၣ်ကွံာ်ပှၤဂီၢ်မုၢ်လၢအအိၣ်ဆိးဖဲအံၤဒီးဟ့ၣ်လီၤထံ ဧိၤကီၢ်ဧိၤဆူနတံၤသကိးအစၢၤအသွဲၣ်တဖၣ်ဒ်သိးကမ့ၢ်အဝဲသ့ၣ် အတၢ်လီၤစိၤလီၤထီန့ၣ်လီၤ.

လံာ်တၢ်ဂံၢ် 32:4

လီၢ်ကဝီၤအံၤလၢယွၤမၤစၢၤတ့ၢ်ပှၤအံၣ်စရ့လးဖိလၢကမၤန့ၢ် ဝဲန့ၣ်, မ့ၢ်တၢ်လီၢ်ဂ့ၤဝဲလၢဂီၤဘုၣ်ဂီၤဖံးအဂီၢ်, ဒီးပအိၣ်ဒီးဂီၤဘုၣ်ဂီၤဖံးအါအါဂီၢ်ဂီၢ်လီၤ.

လံာ်တၢ်ဂံၢ် 34:14

ဒူၣ်တဖၣ်လၢအမ့ၢ်, ရူၤဘ့ၣ်, ကးဒီးမနၤၡ့ၣ်အဒူၣ်တဝာ်လၢမုၢ် ထီၣ်တခီန့ၣ်, ဒိးန့ၢ်လံအဝဲသ့ၣ်အတၢ်စုလီၢ်ခီၣ်ခိၣ်, နီၤဖးလီၤအသး, ဒ်အဟံၣ်ဒူၣ်ဃီထၢဒၣ်ဝဲအိၣ်အသိး,

လံာ်တၢ်ဂံၢ် 34:15

လၢထံကျိယၢ်ဒ့ၣ်အမုၢ်ထီၣ်တကပၤသဃီၤဒီးဝ့ၢ်ယရံၤဃိန့ၣ်လီၤ.”

လံာ်သိၣ်လီၤသီလီၤတၢ် 11:23

အန့ၣ်တစု, တုၤသုလဲၤထီၣ်ဒုးတၢ်ဒီး, အဝဲကဟီထီၣ်ကွံာ်ကယဲၢ် ပှၤကလုာ်တဖၣ်န့ၣ်ခဲလၢာ်, ဒီးသုကလဲၤနုာ်လီၤမၤန့ၢ်ကီၢ်န့ၣ်လၢအဘၣ်ဃးဒီးပှၤကလုာ်တဖၣ် လၢအဒိၣ်န့ၢ်သုဒီးအစိအကမီၤအါန့ၢ်သုတက့ၢ်န့ၣ်လီၤ.

လံာ်သိၣ်လီၤသီလီၤတၢ် 2:31

အန့ၣ်ဝံၤဒီးယွၤစံးဘၣ်ယၤ, ကွၢ်တက့ၢ်. လၢသုမဲာ်ညါန့ၣ် ယဒုးကဲထီၣ်တ့ၢ်စီၤပၤစံဃိၣ်ဒီး အကီၢ်လၢ ပှၤမၤစၢၤလီၤအသး တသ့ဘၣ်န့ၣ်လံ. ဟံးန့ၢ်ကွံာ်အထံအကီၢ်ဒီးအိၣ်ဆိးလၢအပူၤ တက့ၢ်.

လံာ်သိၣ်လီၤသီလီၤတၢ် 7:1

ယွၤ, သုကစၢ်ယွၤကဆှၢနုာ်သုဆူကီၢ်လၢသုကလဲၤနုာ်မၤန့ၢ် အီၤအပူၤ, ဒီးအဝဲဒၣ်ကနီၣ်ထီၣ်ကွံာ်ပှၤအါကလုာ်လၢကီၢ်န့ၣ်အပူၤလီၤ. တုၤသုလဲၤထီၣ်ဒုးတၢ်န့ၣ်, အဝဲကနီၣ်ထီၣ်ကွံာ်ပှၤကလုာ်နွံ ကလုာ်လၢအဒိၣ်န့ၢ်သုဒီးအဂံၢ်အဘါဆူၣ်န့ၢ်သုလၢအမ့ၢ်ပှၤဃ့ၤ သးဖိတဖၣ်, ပှၤကံၣ်ကၣ်ဖိတဖၣ်, ပှၤအမိၢ်ဖိတဖၣ်, ပှၤကနၤဧၣ်ဖိတဖၣ်, ပှၤပရးစၤဖိတဖၣ်, ပှၤဃံၤဝံဖိတဖၣ်ဒီး ပှၤယဘူၣ်ဖိတဖၣ်န့ၣ်လီၤ.

လံာ်သိၣ်လီၤသီလီၤတၢ် 8:18

သ့ၣ်နီၣ်ထီၣ်က့ၤလၢပှၤလၢအဟ့ၣ်လီၤသုတၢ်စိတၢ်ကမီၤလၢသု ကထူးထီၣ်တီၤထီၣ်န့ၣ်မ့ၢ်ယွၤ, သုကစၢ်ယွၤန့ၣ်တက့ၢ်. အဝဲမၤတၢ်အံၤမ့ၢ်လၢအဝဲအသူၣ်တီသးရၤဒံးဝဲဒီး အတၢ်အၢၣ်လီၤအီလီၤလၢအမၤတ့ၢ်ဝဲဒီးသုမိၢ်ပၢ်ဖံဖုလၢပျၢၤတဖၣ်တုၤ မုၢ်မဆါတနံၤအံၤအဃိန့ၣ်လီၤ.

လံာ်စီၤယိၤၡူ 3:10

ဖဲသုလဲၤထီၣ်ဆူညါဒီး, အဝဲကနီၣ်ထီၣ်ကွံာ်ပှၤကနၤဧၣ်ဖိ, ပှၤဃ့ၤသးဖိ, ပှၤဃံၤဝံဖိ, ပှၤပရးစၤဖိ, ပှၤကံၢ်ကၣ်ဖိ, ပှၤအမိၢ်ဖိ, ဒီးပှၤယဘူၣ်ဖိတဖၣ်သပှၢ်ကတၢၢ်န့ၣ်လီၤ. ဒီးသုကသ့ၣ်ညါလၢကစၢ်ယွၤလၢအမူဝဲတဂၤအိၣ်လၢသုကျါ,