လံာ်သိၣ်လီၤသီလီၤတၢ် 4:36 - Sgaw Karen Common Bible

³⁶ အဝဲပျဲသုနၢ်ဟူဘၣ်အကလုၢ်လၢမူခိၣ်ဒ်သိးအဝဲသိၣ်သီနဲၣ်ယုၤ သုကသ့ဝဲန့ၣ်လီၤ. ဒီးဖဲအံၤလၢဟီၣ်ခိၣ်ချၢအံၤန့ၣ်အဝဲပျဲသုထံၣ်ဘၣ်အမ့ၣ်အူ စီဆှံ, ဒီးအဝဲကတိၤတၢ်ဒီးသုလၢတၢ်န့ၣ်အပူၤလီၤ.

လံာ်သိၣ်လီၤသီလီၤတၢ် 4:36 Iomraidhean Croise

လံာ်စီၤနဃ့မယၤ 9:13

နဟဲလီၤလၢမူခိၣ်ဖဲကစၢၢ်စံၤနါအလိၤ, နကတိၤတ့ၢ်တၢ်ဒီးနပှၤဂီၢ်မုၢ် ဒီးဟ့ၣ်အဝဲသ့ၣ်လၢတၢ်သိၣ်တၢ်သီအဂ့ၤတဖၣ်ဒီးတၢ်သိၣ်လိလၢအ ကြၢးဝဲဘၣ်ဝဲတဖၣ်န့ၣ်လီၤ.

လံာ်တၢ်ဟးထီၣ်ကွံာ် 19:18

ကစၢၢ်စံၤနါဒီဖျၢၣ်ညါဘၣ်တၢ်ကးဘၢအီၤလၢမ့ၣ်အူလုၣ်န့ၣ် လီၤ. အဂ့ၢ်ဒ်အံၤယွၤဟဲလီၤလၢအဒီခိၣ်လၢမ့ၣ်အူအပူၤန့ၣ်လီၤ. မ့ၣ်အူလုၣ်ခုၣ်ထီၣ်ဝဲဒ်မ့ၣ်အူလုၣ်လၢဖၣ်ကပူၤအသိးဒီးပှၤဂီၢ် မုၢ်ကနိးကစုာ်ဒိၣ်ဒိၣ်ကလဲာ်လီၤ.

လံာ်တၢ်ဟးထီၣ်ကွံာ် 19:19

ကွဲၤအကလုၢ်သီၣ်ဒိၣ်ထီၣ်ကွ့ၢ်ကွ့ၢ်လီၤ. ဒီးစီၤမိၤၡ့ကတိၤတၢ်ဒီးယွၤစံးဆၢအီၤလၢလီသီၣ်န့ၣ်လီၤ.

လံာ်တၢ်ဟးထီၣ်ကွံာ် 19:9

ဒီးယွၤစံးဘၣ်စီၤမိၤၡ့, “ယကဟဲဆူနအိၣ်လၢတၢ်အၢၣ်လၢအတီၣ် တလိၣ်အပူၤဒ်သိးပှၤဂီၢ်မုၢ်ကနၢ်ဟူဘၣ်ယကတိၤတၢ်ဒီးနၤဒီးကနာ် နၤစးထီၣ်ခဲအံၤဒီးဆူညါန့ၣ်လီၤ.” ဒီးစီၤမိၤၡ့တဲဘၣ်ယွၤတၢ်လၢပှၤဂီၢ်မုၢ်စံးဆၢဝဲန့ၣ်လီၤ.

လံာ်တၢ်ဟးထီၣ်ကွံာ် 24:16

ယွၤအိၣ်ဝဲဆိးဝဲအတၢ်ကပီၤကပြုၢ်ကပြီၤန့ၣ်ဟဲလီၤဝဲလၢကစၢၢ်အလိၤန့ၣ်လီၤ. လၢပှၤအံၣ်စရ့လးဖိတဖၣ်အဂီၢ်, တၢ်ကပီၤအံၤဖျါလီၤဂာ်ဒ်မ့ၣ်အူအီၣ်တၢ်လၢကစၢၢ်ဒီခိၣ်အသိးန့ၣ်လီၤ.

လံာ်သိၣ်လီၤသီလီၤတၢ် 4:12

တဲဘၣ်အဝဲသ့ၣ်လၢယွၤကတိၤတ့ၢ်တၢ်ဒီးသုလၢမ့ၣ်အူအကျါဒ်လဲၣ်, သုနၢ်ဟူဘၣ်အဝဲကတိၤတၢ်ဒ်လဲၣ်, ဘၣ်ဆၣ်ဒီးသုတထံၣ်ဘၣ်အက့ၢ် အဂီၤနီတမံၤဘၣ်အဂ့ၢ်န့ၣ်တက့ၢ်.

လံာ်သိၣ်လီၤသီလီၤတၢ် 4:15

ဖဲယွၤကတိၤတ့ၢ်တၢ်ဒီးသုလၢမ့ၣ်အူအကျါလၢကစၢၢ်စံၤနါအလိၤ န့ၣ်, သုတထံၣ်အဝဲအက့ၢ်အဂီၤနီတမံၤဘၣ်. လၢသုတၢ်ဂ့ၤဒၣ်သုဝဲအဂီၢ်န့ၣ်, အန့ၣ်တစုမၤလီၤတံၢ်လၢ,

လံာ်သိၣ်လီၤသီလီၤတၢ် 4:33

ပှၤဂီၢ်မုၢ်လၢအနၢ်ဟူဘၣ်ယွၤကတိၤတၢ်ဒီးအီၤလၢမ့ၣ်အူအပူၤ ဒီးအိၣ်မူဘၣ်ဒံးဝဲဒ်သုအသိးန့ၣ်မ့ၢ်အအိၣ်ဧါ.

လံာ်သိၣ်လီၤသီလီၤတၢ် 8:5

သ့ၣ်နီၣ်လၢယွၤ, သုကစၢ်ယွၤဘှီက့ၤဒီးစံၣ်ညီၣ်သုဒ်ပၢ်တဂၤ သိၣ်သီကတိၤအဖိတဖၣ်အသိးန့ၣ်တက့ၢ်.

ဧ့ၤဘြံၤ 12:18

အဂ့ၢ်ဒ်အံၤ, သုတဟဲဘၣ်သုဝဲဒ်ပှၤအံၣ်စရ့လးဖိတဖၣ်ဟဲဝဲဆူ ကစၢၢ်လၢတၢ်ထိးအီၤသ့, ဆူကစၢၢ်စံၤနါလၢအအိၣ်ဒီးမ့ၣ်အူလၢအကဲၤကပျီၤဒီးတၢ် အၢၣ်သူဒီးတၢ်ခံးဒီးကလံၤမုၢ်,

ဧ့ၤဘြံၤ 12:25

ပလီၢ်သုသးဒ်သိးသုသုတဂ့ၢ်လိာ်ဘှီလိာ်ဘၣ်ပှၤလၢအကတိၤ တၢ်တဂၤန့ၣ်တဂ့ၤ. အဂ့ၢ်ဒ်အံၤ, ပှၤလၢအဂ့ၢ်လိာ်ဘှီလိာ်ပှၤလၢအဟ့ၣ်ထီၣ်ကစၢ်ယွၤ အတၢ်ကစီၣ်လၢဟီၣ်ခိၣ်ချၢတဂၤအံၤ, ဃ့ၢ်ပူၤကွံာ်အသးတန့ၢ်ဘၣ်. မ့မ့ၢ်ဒ်န့ၣ်ဒီး, ပှၤလၢအဂ့ၢ်လိာ်ပှၤလၢအကတိၤတၢ်လၢမူခိၣ် တဂၤန့ၣ်, ဃ့ၢ်ပူၤဖျဲးအသးတသ့ဘၣ်ဒိၣ်ဒၣ်တၢ်တက့ၢ်လီၤ.