လံာ်သိၣ်လီၤသီလီၤတၢ် 4:33 - Sgaw Karen Common Bible

³³ ပှၤဂီၢ်မုၢ်လၢအနၢ်ဟူဘၣ်ယွၤကတိၤတၢ်ဒီးအီၤလၢမ့ၣ်အူအပူၤ ဒီးအိၣ်မူဘၣ်ဒံးဝဲဒ်သုအသိးန့ၣ်မ့ၢ်အအိၣ်ဧါ.

လံာ်သိၣ်လီၤသီလီၤတၢ် 4:33 Iomraidhean Croise

လံာ်တၢ်ဟးထီၣ်ကွံာ် 20:22

ဒီးယွၤမၤလိာ်စီၤမိၤၡ့လၢကစံးဘၣ်ပှၤအံၣ်စရ့လးဖိတဖၣ်, “သုထံၣ်တ့ၢ်ယၤ, ယွၤ, ကတိၤတၢ်ဒီးသုလၢမူခိၣ်ဒ်လဲၣ်န့ၣ်လီၤ.

လံာ်တၢ်ဟးထီၣ်ကွံာ် 24:11

ကစၢ်ယွၤတမၤဘၣ်ဒိဆါဘၣ်ပှၤအံၣ်စရ့လးဖိအခိၣ်အနၢ်တဖၣ်အံၤ ဘၣ်. အဝဲသ့ၣ်ထံၣ်ဘၣ်ကစၢ်ယွၤဒီးအီၣ်သကိးအီသကိးတၢ်န့ၣ်လီၤ.

လံာ်တၢ်ဟးထီၣ်ကွံာ် 33:20

ယတပျဲလၢနကထံၣ်ဘၣ်ယမဲာ်ဘၣ်. အဂ့ၢ်ဒ်အံၤ, ပှၤထံၣ်ဘၣ်ယမဲာ်ဒီးအိၣ်မူဒံးဝဲန့ၣ်တသ့ဘၣ်နီတဂၤဘၣ်.

လံာ်သိၣ်လီၤသီလီၤတၢ် 4:36

အဝဲပျဲသုနၢ်ဟူဘၣ်အကလုၢ်လၢမူခိၣ်ဒ်သိးအဝဲသိၣ်သီနဲၣ်ယုၤ သုကသ့ဝဲန့ၣ်လီၤ. ဒီးဖဲအံၤလၢဟီၣ်ခိၣ်ချၢအံၤန့ၣ်အဝဲပျဲသုထံၣ်ဘၣ်အမ့ၣ်အူ စီဆှံ, ဒီးအဝဲကတိၤတၢ်ဒီးသုလၢတၢ်န့ၣ်အပူၤလီၤ.

လံာ်သိၣ်လီၤသီလီၤတၢ် 5:22

တၢ်တဖၣ်အံၤမ့ၢ်တၢ်မၤလိာ်တဖၣ်လၢယွၤဟ့ၣ်လီၤသုဝဲကိးဂၤဒဲး, ဖဲသုပာ်ဖှိၣ်ထီၣ်သုသးလၢကစၢၢ်အခါန့ၣ်လီၤ. ဖဲအဝဲကတိၤတၢ်လၢအကလုၢ်ဖးဒိၣ်လၢမ့ၣ်အူအကျါဒီးလၢတၢ်အၢၣ် အတီၢ်အကျါန့ၣ်, အဝဲဟ့ၣ်လီၤတၢ်မၤလိာ်တဖၣ်အံၤဒီးအဂၤတအိၣ်ဘၣ်. အန့ၣ်ဝံၤဒီးအဝဲကွဲးလီၤဝဲလၢလၢၢ်ဘ့ၣ်ဘၣ်ခံဘ့ၣ်အလိၤ, ဒီးဟ့ၣ်လီၤအီၤလၢယၤန့ၣ်လီၤ.

လံာ်သိၣ်လီၤသီလီၤတၢ် 5:24

ယွၤ, ပကစၢ်ယွၤဒုးနဲၣ်ပှၤလၢအတၢ်ဒိၣ်တၢ်မုၢ်ဒီးအလၤကပီၤ, ဖဲပနၢ်ဟူဘၣ်အဝဲကတိၤတၢ်ဒီးပှၤလၢမ့ၣ်အူအကျါန့ၣ်လီၤ. တနံၤအံၤပထံၣ်ဘၣ်လံလၢ, ကစၢ်ယွၤမ့ၢ်ကတိၤတ့ၢ်တၢ်ဒီးပှၤတဂၤ ဒၣ်လဲာ်န့ၣ်, အဝဲအိၣ်မူဝဲဆူညါသ့ဒံးကစီဒီန့ၣ်လီၤ.

လံာ်သိၣ်လီၤသီလီၤတၢ် 5:26

မ့ၢ်ပှၤတဂၤဂၤအိၣ်မူဒံးဝဲ, ဖဲအနၢ်ဟူဘၣ်ကစၢ်ယွၤလၢအမူဝဲ ကတိၤတၢ်လၢမ့ၣ်အူအကျါဝံၤအလီၢ်ခံန့ၣ်ဧါ.

လံာ်သိၣ်လီၤသီလီၤတၢ် 5:4

ဖဲန့ၣ်လၢကစၢၢ်ဒီခိၣ်န့ၣ်, ယွၤကတိၤတၢ်ဒီးသုမဲာ်သကိးမဲာ် လၢမ့ၣ်အူအကျါလီၤ.

လံာ်သိၣ်လီၤသီလီၤတၢ် 9:10

တုၤနုၤတစု, ယွၤဟ့ၣ်လီၤယၤလၢလၢၢ်ဘ့ၣ်ဘၣ်ခံဘ့ၣ်, ဒီးလၢအလိၤန့ၣ်အဝဲကွဲးလီၤတၢ်လၢအစုဒၣ်ဝဲ, တၢ်တဖၣ်လၢအဝဲစံးဘၣ်တ့ၢ်သုလၢမ့ၣ်အူအပူၤဖဲမုၢ်တနံၤလၢသု ပာ်ဖှိၣ်ထီၣ်တ့ၢ်သုသးဖဲန့ၣ်လၢကစၢၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 6:22

တုၤနုၤတစု, စီၤကံးဒဧိၣ်သ့ၣ်ညါလီၤတံၢ်ဝဲလၢအထံၣ်ဘၣ်လံယွၤအကလူးန့ၣ်ဒီး စံးဝဲဒၣ်လၢတၢ်ပျံၤတၢ်ဖုးဖးဒိၣ်အပူၤ, “သ့တၢ်လၢာ်ကစၢ်, ယွၤဧၢ, ယထံၣ်ဘၣ်လံနကလူးမဲာ်သကိးမဲာ်လံ.”