လံာ်သိၣ်လီၤသီလီၤတၢ် 4:31 - Sgaw Karen Common Bible

³¹ အဝဲမ့ၢ်ကစၢ်ယွၤတဂၤလၢအသူၣ်ကညီၤသးကညီၤတၢ်လီၤ. အဝဲတပာ်လီၤတဲာ်ကွံာ်သုမ့ၢ်ဂ့ၤ, မၤဟးဂီၤသုမ့ၢ်ဂ့ၤဘၣ်. ဒီးအဝဲတသးပ့ၤနီၣ်တၢ်အၢၣ်လီၤအီလီၤလၢအနီၢ်ကစၢ်ဒၣ်ဝဲ မၤတ့ၢ်ဒီးသုမိၢ်ပၢ်ဖံဖုလၢပျၢၤတဖၣ်န့ၣ်ဘၣ်.

လံာ်သိၣ်လီၤသီလီၤတၢ် 4:31 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 28:20

စီၤပၤစီၤဒၤဝံးစံးဘၣ်အဖိခွါစီၤၡလိၤမိၤ, “နာ်န့ၢ်လီၤနသးဒီးပာ်နသးကျၢၤမုဆှုတက့ၢ်. စးထီၣ်နတၢ်မၤဒီးပျဲတၢ်နီတမံၤဒုးဆိကတီၢ်နၤတဂ့ၤ. ယွၤ, ကစၢ်ယွၤလၢယမၤအတၢ်ကအိၣ်ဒီးနၤလီၤ. အဝဲတပာ်လီၤတဲာ်နၤဘၣ်. မ့မ့ၢ်အဝဲကအိၣ်ဒီးနၤတုၤနသူၣ်ထီၣ်ယွၤအတၢ်လုၢ်ဟံၣ်ဝံၤဝဲ တစုန့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 30:9

သုမ့ၢ်ဃၣ်က့ၤသုသးဆူယွၤအအိၣ်ဒီး, ပှၤတဖၣ်လၢအစိာ်ထီၣ်ကွံာ် သုဘူးသုတံၢ်သ့ၣ်တဖၣ်ဒ်ပှၤဘၣ်တၢ်စၢဃာ်တဖၣ်အသိးန့ၣ်, ကသးကညီၤဘၣ်အဝဲသ့ၣ်ဒီးကပျဲအဝဲသ့ၣ်ဟဲက့ၤကဒါက့ၤဆူ ဟံၣ်န့ၣ်လီၤ. ယွၤသုကစၢ်ယွၤန့ၣ်အသးအိၣ်တၢ်ဒီးသူၣ်ကညီၤသးကညီၤ တၢ်လီၤ. ဒီးသုမ့ၢ်ဃၣ်က့ၤသုသးဆူအအိၣ်ဒီးအဝဲကတူၢ်လိာ်သုန့ၣ် လီၤ.”

လံာ်စီၤနဃ့မယၤ 1:5

ဒီးယစံး, ယွၤ, မူခိၣ်အကစၢ်ယွၤဧၢ, နဒိၣ်ဝဲနီၢ်မးလီၤ. ဒီးပဆၢထၢၣ်လၢတၢ်ပျံၤတၢ်ဖုးအပူၤလၢနခီၣ်ထံးမဲာ်ညါလီၤ. နဟံးဃာ်ဂၢၢ်ကျၢၤနတၢ်အၢၣ်ဒီးလၢပှၤလၢအအဲၣ်နၤဒီးပှၤလၢအလူၤ ထွဲနတၢ်မၤလိာ်န့ၣ်လီၤ.

လံာ်စီၤနဃ့မယၤ 9:31

ဘၣ်ဆၣ်ဒီးလၢနတၢ်သးကညီၤဒိၣ်ဝဲအဃိ, နတလဲၤသဒၣ်အဝဲသ့ၣ်မ့ၢ်ဂ့ၤ, မၤဟးဂီၤကွံာ်အဝဲသ့ၣ်မ့ၢ်ဂ့ၤဘၣ်. နမ့ၢ်ကစၢ်ယွၤတဂၤလၢအသးအိၣ်တၢ်ဒီး အသးကညီၤတၢ်န့ၣ်လီၤ.

စံးထီၣ်ပတြၢၤ 103:8

ယွၤသူၣ်ကညီၤသးကညီၤတၢ်ဒီး သူၣ်အိၣ်သးအိၣ်တၢ်, အသးထီၣ်ကီဒီးအတၢ်အဲၣ်ဂၢၢ်ကျၢၤ အိၣ်ဝဲအါမးလီၤ.

စံးထီၣ်ပတြၢၤ 105:8

အဝဲသ့ၣ်နီၣ်ထီၣ်က့ၤ အတၢ်အၢၣ်လီၤအီလီၤအထူအယိာ်, အတၢ်ကတိၤလၢအမၤလိာ်ဝဲအစိၤတကထိလီၤ.

စံးထီၣ်ပတြၢၤ 111:4

ယွၤတပျဲပသးပ့ၤနီၣ်အတၢ်မၤလီၤလးတဖၣ်န့ၣ်ဘၣ်. အဝဲဒၣ်န့ၣ်သးကညီၤတၢ်ဒီးသးအိၣ်တၢ်လီၤ.

စံးထီၣ်ပတြၢၤ 111:5

အဝဲဒၣ်ဟ့ၣ်လီၤဝဲတၢ်အီၣ်တၢ်အီလၢ ပှၤလၢအမၤလၤကပီၤအီၤအဂီၢ်န့ၣ်လီၤ. တသးပ့ၤနီၣ်အတၢ်အၢၣ်လီၤအီလီၤနီတဘျီဘၣ်.

စံးထီၣ်ပတြၢၤ 111:9

အဝဲမၤထူၣ်ဖျဲးအပှၤဂီၢ်မုၢ်, ဒီးမၤတၢ်အၢၣ်လီၤအီလီၤအထူအယိာ်တမံၤဒီး အဝဲသ့ၣ်န့ၣ်လီၤ. အမံၤန့ၣ်မ့ၢ်ဝဲတၢ်စီဆှံ ဒီးတၢ်လီၤပျံၤအလီၢ်န့ၣ်လီၤ.

စံးထီၣ်ပတြၢၤ 116:5

ယွၤမ့ၢ်တၢ်သးကညီၤဒီးတၢ်တီတၢ်လိၤန့ၣ်လီၤ. ပကစၢ်ယွၤန့ၣ်မ့ၢ်တၢ်သးကညီၤလီၤ.

စံးထီၣ်ပတြၢၤ 86:15

ဘၣ်ဆၣ်ဒီး, နဲဒၣ်ကစၢ်ယွၤဧၢ, နမ့ၢ်ကစၢ်တဂၤလၢ အသးကညီၤတၢ်ဒီးသးအိၣ်တၢ်, သးထီၣ်ကီဒီးအိၣ်ဒီးတၢ်အဲၣ်ဂၢၢ်ကျၢၤလၢအအါ, ဒီးအသူၣ်တီသးလိၤန့ၣ်လီၤ.

စံးထီၣ်ပတြၢၤ 86:5

ယွၤဧၢ, နဲဒၣ်အံၤနမ့ၢ်တၢ်ဂ့ၤ, ဒီးနပျၢ်ကွံာ်ပတၢ်ကမၣ်, ဒီးနတၢ်အဲၣ်ဂၢၢ်ကျၢၤအိၣ်အါဝဲလၢ ကယဲၢ်ပှၤလၢအကိးထီၣ်နၤခဲလၢာ်အဂီၢ်လီၤ.

လံာ်တၢ်ဟးထီၣ်ကွံာ် 6:8

ဒီးယကဒုးလဲၤနုာ်သုဆူကီၢ်တဘ့ၣ်လၢယအၢၣ်အီလီၤလၢ ယကဟ့ၣ်စီၤအၤဘြၤဟၣ်, စီၤအံၤစဲးဒီးစီၤယၤကိာ်, ဒီးယကဟ့ၣ်လီၤသုဒ်သုတၢ်န့ၢ်သါအသိးန့ၣ်လီၤ. ယဲဒၣ်အံၤယမ့ၢ်ယွၤလီၤ.’ ”

လံာ်ယံးရမံယၤ 14:21

သ့ၣ်နီၣ်ထီၣ်က့ၤနတၢ်အၢၣ်လီၤအီလီၤတဖၣ်ဒီးသးဘၣ်အၢပှၤတဂ့ၤ. ဟဲစိာ်တၢ်မဲာ်ဆှးဆူဝ့ၢ်ယရူၤၡလ့ၣ်, တၢ်လီၢ်လၢအမ့ၢ်နတၢ်လၤကပီၤအလီၢ်ပစိာ် အဖီခိၣ်တဂ့ၤ. မၤဟးဂီၤကွံာ်တၢ်အၢၣ်လီၤအီလီၤလၢနမၤတ့ၢ်ဒီး ပှၤန့ၣ်တဂ့ၤ.

လံာ်ယံးရမံယၤ 30:11

ယကဟဲဆူသုအိၣ်ဒီး အုၣ်က့ၤခီၣ်က့ၤသုန့ၣ်လီၤ. ယတမၤဟးဂီၤကွံာ်သုဘၣ်. ယတပျဲပူၤသုလၢ တၢ်စံၣ်ညီၣ်ဘၣ်. ဘၣ်ဆၣ်ဖဲယစံၣ်ညီၣ်သုန့ၣ်, ယကမၤအီၤဖဲ အတီအဘၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်တၢ်ဘူၣ်ထီၣ်ဘါထီၣ် 26:42

ယကသ့ၣ်နီၣ်ထီၣ်က့ၤယတၢ်အၢၣ်လီၤဒီးစီၤယၤကိာ်, ဒီးစီၤအံၤစဲးဒီးစီၤအၤဘြၤဟၣ်, ဒီးယကမၤသီထီၣ်က့ၤယတၢ်အၢၣ်လီၤလၢယကဟ့ၣ်ယပှၤဂီၢ်မုၢ်လၢထံဧိၤကီၢ်ဧိၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:44

ဘၣ်ဆၣ်ဒီး, အန့ၣ်ဒၣ်လဲာ်, ဖဲအဝဲသ့ၣ်အိၣ်ဒံးလၢအဒုၣ်အဒါတဖၣ် အကီၢ်ပူၤအခါန့ၣ်, ယတညိကွံာ်ဒီးမၤဟးဂီၤအဝဲသ့ၣ်လၢာ်လၢာ်ဆ့ဆ့ဘၣ်. တၢ်န့ၣ်ကမၤကတၢၢ်ကွံာ်ယတၢ်အၢၣ်လီၤအီလီၤဒီးအဝဲသ့ၣ်ဒီးယတၢ်မ့ၢ်ယွၤ, အဝဲသ့ၣ်အကစၢ်ယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:45

ယကမၤသီထီၣ်က့ၤယတၢ်အၢၣ်လီၤအီလီၤလၢယမၤတ့ၢ်ဒီးအဝဲသ့ၣ် အမိၢ်ပၢ်ဖံဖုလၢပျၢၤတဖၣ်ဖဲယဒုးနဲၣ် ကယဲၢ်ပှၤကလုာ်တဖၣ်လၢယစိကမီၤခီဖျိတၢ်ထုးထီၣ်ယပှၤ ဂီၢ်မုၢ်လၢကီၢ်အဲၤကူပတူးအပူၤ, ဒ်သိးယၤ, ယွၤအံၤ ကမ့ၢ်အဝဲသ့ၣ်အကစၢ်ယွၤန့ၣ်လီၤ.”

လံာ်ယိၤနါ 4:2

အဝဲဘါထုကဖၣ်တၢ်ဆူယွၤအအိၣ်ဒီးစံးဝဲ, “ယွၤဧၢ, အဝဲအံၤတမ့ၢ်ဘၣ်တၢ်လၢယစံးတ့ၢ်ဖဲယအိၣ်လၢယကီၢ် အပူၤဘၣ်န့ၣ်ဧါ. လၢတၢ်န့ၣ်အဃိဒီးလၢအခီၣ်ထံးန့ၣ်ယဃ့ၢ်ကွံာ်ဆူဝ့ၢ်တၢ်ၡံၣ်, အဂ့ၢ်ဒ်အံၤ, ယသ့ၣ်ညါလၢနမ့ၢ်ကစၢ်ယွၤလၢအသးအိၣ်တၢ်ဒီးသးကညီၤတၢ်, သးထီၣ်ကီဒီးလၢဝဲပှဲၤဝဲဒီးတၢ်အဲၣ်ဂၢၢ်ကျၢၤဒီးနပာ်နသးလၢ နကသးကညီၤက့ၤတၢ်ဒီးတသိၣ်ဃီၣ်ဘၣ်တၢ်ဘၣ်န့ၣ်လီၤ.

လံာ်မံကၤ 7:18

ယွၤဧၢ, ကစၢ်လၢအဒ်သိးဒီးနၤတအိၣ်ဘၣ်နီတဂၤဘၣ်. နပျၢ်ကွံာ်နပှၤဂီၢ်မုၢ်လၢအအိၣ်မူတ့ၢ်တဖၣ်အတၢ်ဒဲးဘးတဖၣ်လီၤ. နသးတဒိၣ်တထံၣ်ဃီဘၣ်. မ့မ့ၢ်နသးမုာ်လၢတၢ်ဒုးနဲၣ်ပှၤနတၢ်အဲၣ်တပယူာ်ဃီန့ၣ်လီၤ.

လံာ်တၢ်ဂံၢ် 14:18

‘ယၤ, ယွၤအံၤသးဒိၣ်ထီၣ်ကီ, ဒီးယဒုးနဲၣ်တၢ်အဲၣ်တၢ်ကွံ အဒိၣ်အမုၢ်ဒီးတၢ်သူၣ်တီသးလိၤဒီးပျၢ်တၢ်ဒဲးဘးဒီးတၢ်ပူ ထီၣ်န့ၣ်လီၤ. အန့ၣ်ဒၣ်လဲာ်, ယတလီၤတူာ်လီၤကာ်ဘၣ်ဒ်သိးယကစံၣ်ညီၣ်ဖိတဖၣ်ဒီး လံၤတဖၣ်တုၤပှၤသၢစိၤတစိၤဒီးလွံၢ်စိၤတစိၤလၢအမိၢ်အပၢ် တဖၣ်အတၢ်ဒဲးဘးတဖၣ်အဃိန့ၣ်ဘၣ်.

လံာ်လူၤကၣ် 1:72

အဝဲဒၣ်စံးဝဲလၢအကဒုးနဲၣ်တၢ်သးကညီၤလၢ မိၢ်ပၢ်ဖံဖုလၢပျၢၤတဖၣ် ဒီးသ့ၣ်နီၣ်ထီၣ်အတၢ်အၢၣ်လီၤစီဆှံန့ၣ်လီၤ.

လံာ်သိၣ်လီၤသီလီၤတၢ် 31:6

ပာ်လီၤသုသးလီၤတံၢ်လီၤဆဲးသပှၢ်တၢၢ်ဒီးအိၣ်ဒီးတၢ်နာ်အဂၢၢ် အကျၢၤတက့ၢ်. ပျံၤဘၣ်အဝဲသ့ၣ်တဂ့ၤ, ယွၤ, သုကစၢ်ယွၤအနီၢ်ကစၢ်ဒၣ်ဝဲကအိၣ်ဒီးသုလီၤ. အဝဲတလီၤတိၢ်ကွံာ်ဘၣ်လၢသုဂီၢ်မ့ၢ်ဂ့ၤ, ပာ်လီၤတဲာ်တ့ၢ်ကွံာ် သုမ့ၢ်ဂ့ၤန့ၣ်ဘၣ်.”

လံာ်သိၣ်လီၤသီလီၤတၢ် 31:8

ယွၤအကစၢ်ဒၣ်ဝဲကဆှၢနၤဒီးကအိၣ်ဒီးနၤန့ၣ်လီၤ. အဝဲတလီၤတိၢ်ကွံာ်ဘၣ်လၢနဂီၢ်မ့ၢ်ဂ့ၤပာ်လီၤတဲာ်တ့ၢ်ကွံာ်နၤ မ့ၢ်ဂ့ၤဘၣ်. အဃိတ့ၢ်စၢ်လီၤနဂံၢ်နဘါဒီးပျံၤတၢ်ဖုးတၢ်တဂ့ၤ.”

ဧ့ၤဘြံၤ 13:5

လၢတၢ်အိၣ်မူအပူၤန့ၣ်အိၣ်သဘျ့ဒီးတၢ်အဲၣ်ကျိၣ်အဲၣ်စ့တ က့ၢ်. သးမံနဲဒီးတၢ်လၢအအိၣ်ဒီးနၤတက့ၢ်. အဂ့ၢ်ဒ်အံၤ အဝဲဒၣ်စံးတ့ၢ်လံဝဲ, “ယတညိကွံာ်ဘၣ်နၤဘၣ် ယတလဲၤ သဒၣ်ဘၣ်နၤဘၣ်.”

လံာ်စီၤယိၤၡူ 1:5

စီၤယိၤၡူဧၢ, လၢနတၢ်အိၣ်မူဒီတစိၤန့ၣ်, ပှၤထီဒါနၤတသ့ နီတဂၤဘၣ်. ဒ်ယအိၣ်တ့ၢ်ဒီးစီၤမိၤၡ့အသိးန့ၣ်, ယကအိၣ်ဒီးနၤလီၤ. ယကအိၣ်ဒီးနၤထီဘိတထံၣ်ဃီလီၤ. ယတလဲၤသ ဒၣ်နၤနီတစုဘၣ်.