လံာ်သိၣ်လီၤသီလီၤတၢ် 4:28 - Sgaw Karen Common Bible

²⁸ ဖဲန့ၣ်သုကမၤကစၢ်တဖၣ်, လၢအဘၣ်တၢ်တ့အီၤလၢပှၤကညီအစုတဖၣ်အတၢ်, ကစၢ်တဖၣ်လၢအဘၣ်တၢ်မၤအီၤလၢသ့ၣ်ဒီးလၢၢ်, ကစၢ်တဖၣ်လၢအထံၣ်တၢ် မ့ၢ်ဂ့ၤ, နၢ်ဟူတၢ်မ့ၢ်ဂ့ၤ, အီၣ်တၢ်အီတၢ်မ့ၢ်ဂ့ၤတသ့ဘၣ်. အီၣ်တၢ်မ့ၢ်ဂ့ၤ, နၢတၢ်မ့ၢ်ဂ့ၤ, တသ့ဘၣ်န့ၣ်လီၤ.

လံာ်သိၣ်လီၤသီလီၤတၢ် 4:28 Iomraidhean Croise

လံာ်စီၤပၤခံဘ့ၣ်တဘ့ၣ် 17:40

ဘၣ်ဆၣ်ပှၤဂီၢ်မုၢ်သ့ၣ်တဖၣ်န့ၣ်တဒိကနၣ်အီၤဘၣ်. ဒီးအဝဲသ့ၣ်မၤထွဲဒံးဒၣ်အဝဲသ့ၣ်အလုၢ်အလၢ်အလီၢ်လံၤတဖၣ်န့ၣ်လီၤ.

လံာ်ယၡါယၤ 26:14

ခဲအံၤအဝဲသ့ၣ်သံလံဒီးတမူကဒီးလၢၤဘၣ်. အတဃၣ်တဖၣ်တဂဲၤဆၢထၢၣ်လၢၤဘၣ်. မ့ၢ်လၢနစံၣ်ညီၣ်ဒီးမၤဟးဂီၤအဝဲသ့ၣ်အဃိလီၤ. ပှၤတသ့ၣ်နီၣ်လၢၤအဝဲသ့ၣ်နီတဂၤနီတစုဘၣ်.

လံာ်ယၡါယၤ 44:11

ပှၤတဂၤလၢ်လၢ်လၢအဘူၣ်ထီၣ်ဘါထီၣ်အီၤန့ၣ်ကဘၣ်တၢ်မၤမဲာ်ဆှး အီၤလီၤ. ပှၤလၢအမၤထီၣ်တၢ်ဂီၤတၢ်ဖီၣ်တဖၣ်န့ၣ်မ့ၢ်ဒၣ်ပှၤကညီ တဖၣ်ဒီးတအါန့ၢ်တၢ်န့ၣ်ဘၣ်. ပျဲအဝဲသ့ၣ်ဟဲလၢတၢ်ကသမံသမိးအီၤအဂီၢ်တက့ၢ်. အဝဲသ့ၣ်ကပျံၤတၢ်ဖုးတၢ်ဒီးကတူၢ်ဘၣ်တၢ်မဲာ်ဆှးလီၤ.

လံာ်ယၡါယၤ 44:12

ပှၤပိာ်တိၢ်ထးတဂၤဟံးန့ၢ်ထးတလိၣ်ဒီးပိာ်အီၤလၢမ့ၣ်အူအဖီခိၣ်လီၤ. အစုဒုၣ်လၢအဂံၢ်ဆူၣ်ဘါဆူၣ်န့ၣ်ဝံၢ်ထီၣ်ယၤထီၣ် ခံၣ်ခူၣ်တခါဒီးဒိတီၢ်ထးကိၢ်လိၣ်ဒ်သိးကမၤဖျါထီၣ်ဝဲတၢ် အက့ၢ်အဂီၤလီၤ. ဖဲအမၤတၢ်အခါန့ၣ်, တၢ်သၣ်ဝံၤအသး, တၢ်သူအသးလၢထံဒီးလီၤဘှံးလီၤတီၤဝဲလီၤ.

လံာ်ယၡါယၤ 44:9

ပှၤလၢအတ့တၢ်ဂီၤတၢ်ဖီၣ်တဖၣ်န့ၣ်တဂိာ်တသီၣ်ဘၣ်တၢ်ဘၣ်. ဒီးကစၢ်လၢအဝဲသ့ၣ်ပာ်အပှ့ၤကလံၤဒိၣ်ဒိၣ်ကလဲာ်တဖၣ်အဘျုး တအိၣ်ဘၣ်. ပှၤလၢအဘူၣ်ထီၣ်ဘါထီၣ်ကစၢ်တဖၣ်အံၤအမဲာ်ဘျီၣ် ဒီးအတၢ်သ့ၣ်ညါတအိၣ်ဘၣ်, ဒီးအဝဲသ့ၣ်ကဘၣ်တၢ်မၤမဲာ်ဆှးအီၤလီၤ.

လံာ်ယၡါယၤ 45:20

ယွၤစံးဝဲ, “ပှၤကလုာ်တဖၣ်အပှၤဂီၢ်မုၢ်သ့ၣ်ဧၢ, ဟဲပာ်ဖှိၣ်ထီၣ်သုသး, ပှၤလၢအအိၣ်မူတ့ၢ်လၢဘီမုၢ် အတၢ်လီၤပှီၢ်အပူၤသ့ၣ်ဧၢ, ဟဲပာ်ဖျါထီၣ်သုသးလၢတၢ်သမံသမိးအဂီၢ်တက့ၢ်. ပှၤဂီၢ်မုၢ်လၢအလဲၤထီၣ်က့ၤလီၤဃုာ်ဒီး အတၢ်ဂီၤတၢ်ဖီၣ်တဖၣ် ဒီးဃ့ထုကဖၣ်ဆူကစၢ်တဖၣ်လၢအအုၣ်က့ၤခီၣ်က့ၤအဝဲ သ့ၣ်တသ့ဘၣ်တဖၣ်, ပှၤတဖၣ်အံၤတသ့ၣ်ညါတၢ်နီတမံၤဘၣ်.

လံာ်ယၡါယၤ 46:7

အဝဲသ့ၣ်ယိးထီၣ်ဝဲလၢအဖံဘၣ်ခိၣ်ဒီးစိာ်အီၤလီၤ. အဝဲသ့ၣ်ပာ်လီၤအီၤလၢအလီၢ်ဒၣ်ဝဲ, ဒီးအိၣ်ဆၢထၢၣ်ဖဲန့ၣ် ဒီးသုးအသးလၢအအိၣ်ဆၢထၢၣ်အလီၢ်န့ၣ် တသ့ဘၣ်ဝဲဘၣ်. ပှၤတဂၤဂၤမ့ၢ်ဃ့ထုကဖၣ်ဆူအအိၣ်ဒီး, စံးဆၢတၢ်တသ့, ဒီးအုၣ်က့ၤခီၣ်က့ၤအီၤလၢ တၢ်တတၢးတနါတသ့ဘၣ်.

လံာ်ယံးရမံယၤ 10:3

ပှၤဂီၢ်မုၢ်တဖၣ်အံၤအတၢ်ဘူၣ်တၢ်ဘါန့ၣ်အလုၢ်အပှ့ၤတအိၣ်ဘၣ်. သ့ၣ်တထူၣ်ဘၣ်တၢ်ကူာ်လီၤအီၤလၢသ့ၣ်ပှၢ်အပူၤ, ဒီးသ့ၣ်န့ၣ်ဘၣ်တၢ်စိးပျၤအီၤလၢပှၤစိးပျၤသ့ၣ် အတၢ်ပီးတၢ်လီတဖၣ်,

လံာ်ယံးရမံယၤ 10:5

တၢ်ဂီၤတၢ်ဖီၣ်ဒ်န့ၣ်အသိးတဖၣ်လီၤဂာ်ဒီးတၢ်ဂီၤတဖၣ်လၢအမၤပျံၤ ထိၣ်ဧိၤလံၣ်ဧိၤလၢတၢ်ပာ်လီၤအီၤလၢဒံမုၣ်သၣ်အပျီပူၤန့ၣ်လီၤ. အဝဲသ့ၣ်ကတိၤတၢ်တသ့ဘၣ်. အဝဲသ့ၣ်ဘၣ်တၢ်စိာ်ဆှၢအီၤ မ့ၢ်လၢဟးတသ့ဘၣ်အဃိလီၤ. ပျံၤအဝဲသ့ၣ်တဂ့ၤ, အဝဲသ့ၣ်မၤဘၣ်ဒိဘၣ်ထံးသုတသ့နီတမံၤဘၣ်. ဒီးအဝဲသ့ၣ်မၤဂ့ၤသုတသ့စ့ၢ်ကီးနီတမံၤဘၣ်.”

လံာ်ယံးရမံယၤ 10:9

အဝဲသ့ၣ်အတၢ်ဂီၤတၢ်ဖီၣ်ဘၣ်တၢ်ကးဘၢအီၤလၢစ့လၢအဟဲလၢ ကီၢ်စပၤနံ ဒီးထူလၢအဟဲလၢအူဖစးလၢအမ့ၢ်ပှၤသိတၢ်ဖိ တဖၣ်အတၢ်မၤန့ၣ်လီၤ. အဝဲသ့ၣ်ဘၣ်တၢ်ဒုးကူဒုးသိးအီၤလၢတၢ်လါ ဒီးတၢ်လုးတကုာ် လၢပှၤထါတၢ်အသ့အဘၣ်တဖၣ်ထါဝဲန့ၣ်လီၤ.

လံာ်ယံးရမံယၤ 16:13

လၢတၢ်န့ၣ်အဃိဒီး, ယကဟီထီၣ်ကွံာ်သုလၢကီၢ်တဘ့ၣ်အံၤအပူၤ, ဆူကီၢ်တဘ့ၣ်လၢသုဝဲမ့ၢ်ဂ့ၤ, သုမိၢ်ပၢ်ဖံဖုလၢပျၢၤမ့ၢ်ဂ့ၤတသ့ၣ်ညါ တ့ၢ်အီၤနီတစုဘၣ်န့ၣ်လီၤ. ဒီးဖဲန့ၣ်, သုကမၤကစၢ်အဂၤတဖၣ် အတၢ်လၢမုၢ်ဆါဆဲးလၢမုၢ်နၤဒီးယတဒုးနဲၣ်သုတၢ်သးကညီၤ နီတစဲးဘၣ်လီၤ.”

လံာ်ယဃ့းစက့လး 20:32

သုပာ်လီၤတ့ၢ်သုသးလၢသုကအဲၣ်ဒိးလီၤဂာ်ဒ်ပှၤကလုာ်တဖၣ်, ဒ်ပှၤဂီၢ်မုၢ်လၢအိၣ်ဝဲဆိးဝဲလၢထံကီၢ်အဂၤတဖၣ်အပူၤ, ဒီးဘူၣ်ထီၣ်ဘါထီၣ်သ့ၣ်တဖၣ်ဒီးလၢၢ်တဖၣ်န့ၣ်လီၤ. ဘၣ်ဆၣ်တၢ်န့ၣ်တမ့ၢ်ကမၤအသးနီတဘျီဘၣ်.

လံာ်ယဃ့းစက့လး 20:39

ယွၤပၢဘၣ်တၢ်ခဲလၢာ်ကစၢ်, ကစၢ်စံးဝဲ, “ဒီးခဲကနံၣ်အံၤသုဝဲ ပှၤအံၣ်စရ့လးဖိခဲလၢာ်သ့ၣ်သုဧၢ, မၤဖဲသုသးတက့ၢ်. လဲၤဆၣ်ခီ ဒီးမၤသုတၢ်ဂီၤတၢ်ဖီၣ်တဖၣ်အတၢ်မၤတက့ၢ်. ဘၣ်ဆၣ်ယဟ့ၣ်ပလီၢ်သုလၢ, တၢ်အံၤဝံၤအလီၢ်ခံန့ၣ်သုကဘၣ်စူၢ်ယၤ ဒီးသုတၢ်မၤဘၣ်အၢယမံၤစီဆှံအလၤကပီၤခီဖျိတၢ်လုၢ်ထီၣ်တၢ် ဟ့ၣ်တဖၣ်ဆူသုတၢ်ဂီၤတၢ်ဖီၣ်တဖၣ်အအိၣ်န့ၣ်သုကဘၣ်ဆိ ကတီၢ်အီၤန့ၣ်လီၤ.

မၤတၢ် 19:26

သုကထံၣ်ဘၣ်ဒီးနၢ်ဟူဘၣ်လၢသုနီၢ်ကစၢ်ဒၣ်သုဝဲတၢ်လၢ စီၤပီလူးမၤဝဲန့ၣ်လီၤ. အဝဲဒၣ်စံးလၢယွၤတဖၣ်လၢပှၤကညီဘှီလၢအစုန့ၣ်, တမ့ၢ်ယွၤနီၢ်နီၢ်ဘၣ်. ဒီးပှၤအါဒံအါဂၤဖဲအံၤလၢဝ့ၢ်အ့းဖ့းစူးဒီး လၢကီၢ်အၤစံဒီဘ့ၣ်ဃၣ်ဃၣ်အပူၤစ့ၢ်ကီးနာ်အဝဲအတၢ်ကတိၤလံ.

မၤတၢ် 7:42

အန့ၣ်ဒီးကစၢ်ယွၤဃၣ်ကွံာ်အသးလၢအဝဲသ့ၣ်ဒီးဟ့ၣ်လီၤ ကွံာ်အီၤဆူတၢ်ဘူၣ်ထီၣ်ဘါထီၣ်ဆၣ်တဖၣ်လၢမူကပိာ်လိၤန့ၣ် အပူၤ, ဒ်တၢ်အိၣ်ကွဲးအသးလၢဝံတဖၣ်အလံာ်အပူၤအသိး, ‘ပှၤအံၣ်စရ့လးဖိသ့ၣ်ဧၢ, လၢအနံၣ်လွံၢ်ဆံအတီၢ်ပူၤ, ဖဲသုအိၣ်လၢပှၢ်မုၢ်ကနၢအကတီၢ်န့ၣ်, မ့ၢ်သုမၤသံဆၣ်ဖိကီၢ်ဖိ, ဒီးလုၢ်ထီၣ်ပာ်ထီၣ်အီၤဆူယအိၣ်စ့ၢ်ကီးဧါ.

လံာ်သိၣ်လီၤသီလီၤတၢ် 28:36

ယွၤကစိာ်ယံၤကွံာ်သုဒီးသုစီၤပၤဆူထံကီၢ်အဂၤတဘ့ၣ်, ဖဲသုဝဲမ့ၢ်ဂ့ၤ, သုမိၢ်ပၢ်ဖံဖုလၢပျၢၤမ့ၢ်ဂ့ၤတအိၣ်ဆိး တ့ၢ်ဘၣ်လၢအပူၤကွံာ်နီတဘျီဘၣ်န့ၣ်လီၤ. ဖဲန့ၣ်သုကမၤကစၢ်တဖၣ်လၢတၢ်ဘှီအီၤလၢသ့ၣ်ဒီးလၢၢ်အတၢ်န့ၣ် လီၤ.

လံာ်သိၣ်လီၤသီလီၤတၢ် 28:64

ယွၤကမၤလီၤပြံလီၤပြါကွံာ်သုဆူကယဲၢ်ပှၤကလုာ်တဖၣ်အကျါ, လၢဟီၣ်ခိၣ်အကတၢၢ်အံၤတခီဆူအကတၢၢ်န့ၣ်တခီ, ဒီးဖဲန့ၣ်သုကမၤကစၢ်တဖၣ်လၢတၢ်ဘှီအီၤဒီးသ့ၣ်ဒီးလၢၢ်အတၢ်, ကစၢ်တဖၣ်လၢသုဝဲမ့ၢ်ဂ့ၤ, သုမိၢ်ပၢ်ဖံဖုလၢပျၢၤတဖၣ်မ့ၢ် ဂ့ၤတဘူၣ်ထီၣ်ဘါထီၣ်တ့ၢ်အီၤလၢအပူၤကွံာ်နီတဘျီဘၣ်န့ၣ်လီၤ.

လံာ်သိၣ်လီၤသီလီၤတၢ် 29:17

သုထံၣ်ဘၣ်တ့ၢ်အဝဲသ့ၣ်အတၢ်ဂီၤတၢ်ဖီၣ်လီၤသးဘၣ်အၢတဖၣ်လၢအဘၣ်တၢ်ဘှီအီၤလၢသ့ၣ်, လၢၢ်, စ့ဒီးထူန့ၣ်လီၤ.

လံာ်လီၣ်ဖျါ 9:20

ပှၤဟီၣ်ခိၣ်ဖိလၢအအိၣ်လီၤတဲာ်တ့ၢ်တဖၣ်ဒီးကယဲၢ်ပှၤလၢ အတဘၣ်တၢ်မၤသံအီၤလၢတၢ်သံသတြိာ်တဖၣ်န့ၣ်, တပီၢ်ယၢ်လီၤအသးလၢတၢ်လၢအဝဲသ့ၣ်အနီၢ်ကစၢ်ဒၣ်ဝဲမၤတ့ၢ်ဝဲ တဖၣ်အဃိန့ၣ်ဘၣ်. အဝဲသ့ၣ်တဆိကတီၢ်ကွံာ်အတၢ်ဘူၣ်ထီၣ် ဘါထီၣ်တၢ်ဝံတၢ်နါတဖၣ်မ့ၢ်ဂ့ၤ, တၢ်ဂီၤထူ, တၢ်ဂီၤစ့, တၢ်ဂီၤတိၢ်, တၢ်ဂီၤလၢၢ်, တၢ်ဂီၤသ့ၣ်လၢအထံၣ်တၢ်တသ့, အနၢ်ဟူတၢ်တသ့, ဟးတသ့တဖၣ်မ့ၢ်ဂ့ၤန့ၣ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 26:19

စီၤပၤဖးဒိၣ်ဧၢ, ဒိကနၣ်တၢ်လၢယဘၣ်ကတိၤအီၤန့ၣ်တက့ၢ်. ယွၤမ့မ့ၢ်ပှၤလၢအဒုးဃၣ်နသးထီဒါယၤဒီးတၢ်လုၢ်မၤဘူၣ်တမံၤ ကဒုးလဲလိာ်ကွံာ်အသးလီၤ. ဘၣ်ဆၣ်ဒီးမ့မ့ၢ်တၢ်လၢပှၤကညီ တဖၣ်မၤတ့ၢ်အီၤဒီးမ်ယွၤအတၢ်ဆိၣ်အၢလီၤလၢအဝဲသ့ၣ်အဖီခိၣ်တက့ၢ်. အဂ့ၢ်ဒ်အံၤ, အဝဲသ့ၣ်နီၣ်ထုးထီၣ်ကွံာ်ယၤလၢယွၤအကီၢ်ပူၤ, ဆူကီၢ်တဘ့ၣ်လၢယဘါထီၣ်သ့ထဲပှၤတခီဘီမုၢ်ဖိအကစၢ်တဖၣ်ဧိၤန့ၣ်လီၤ.