လံာ်သိၣ်လီၤသီလီၤတၢ် 4:23 - Sgaw Karen Common Bible

²³ မၤလီၤတံၢ်လၢသုတသးပ့ၤနီၣ်ဘၣ်တၢ်အၢၣ်လီၤအီလီၤလၢယွၤ, သုကစၢ်ယွၤမၤတ့ၢ်ဒီးသုဘၣ်န့ၣ်တက့ၢ်. စူၢ်အဝဲအကလုၢ်, လၢသုတမၤဘၣ်တၢ်ဂီၤတၢ်ဖီၣ်နီတမံၤမံၤလၢသုဂီၢ်ဒၣ်သုဝဲဘၣ်,

လံာ်သိၣ်လီၤသီလီၤတၢ် 4:23 Iomraidhean Croise

လံာ်စီၤပၤခံဘ့ၣ်တဘ့ၣ် 17:38

ဒီးသုတဘၣ်သးပ့ၤနီၣ်တၢ်အၢၣ်လီၤအီလီၤလၢယမၤတ့ၢ်ဒီးသု န့ၣ်ဘၣ်.

လံာ်ကွဲးနီၣ်တၢ်အခီၣ်ထံးတဘ့ၣ် 16:15

ကစၢ်ယွၤအတၢ်အၢၣ်လီၤအီလီၤလၢအမၤဝဲအထူအယိာ်န့ၣ်သးပ့ၤနီၣ် အီၤနီတစုတဂ့ၤ.

လံာ်တၢ်ဟးထီၣ်ကွံာ် 23:13

ဒိကနၣ်တၢ်ကိးမံၤဒဲးလၢယၤ, ယွၤ, စံးတ့ၢ်သုတက့ၢ်. ဘါထုကဖၣ်တၢ်ဆူကစၢ်အဂၤတဖၣ်အအိၣ်တဂ့ၤ. ယၢၤထီၣ်ဒၣ်လဲာ်အမံၤတဖၣ်တဂ့ၤ.

လံာ်ယၡါယၤ 24:5

ပှၤဂီၢ်မုၢ်မၤဘၣ်အၢတ့ၢ်ဟီၣ်ခိၣ်ခီဖျိတၢ်လုၣ်သ့ၣ်ခါပတာ် ကစၢ်ယွၤအတၢ်သိၣ်တၢ်သီတဖၣ်ဒီးတၢ်မၤဟးဂီၤကွံာ် တၢ်အၢၣ်လီၤလၢအမၤတ့ၢ်ဝဲလၢကဘၣ်အိၣ်လီၤ ထူလီၤယိာ်န့ၣ်လီၤ.

လံာ်ယံးရမံယၤ 31:22

သုကမၤယံာ်မၤနီၢ်သုသးဆံးယံာ်လဲၣ်, ပှၤဂီၢ်မုၢ်လၢ အတၢ်နာ်တအိၣ်ဘၣ်သ့ၣ်ဧၢ, ယတ့လီၤတ့ၢ်တၢ်အသီဒီး လီၤဆီတမံၤ, လီၤဆီဝဲဒ်သိးသိး ပိာ်မုၣ်တဂၤဒီ ဒၣ်အိၣ် ပှိၤပိာ်ခွါတဂၤန့ၣ်လီၤ.

လံာ်ယဃ့းစက့လး 16:59

ယွၤပၢဘၣ်တၢ်ခဲလၢာ်ကစၢ်စံးဝဲ, “ယကမၤနၤဒ်နကြၢးဘၣ်တၢ်မၤ နၤအသိး, မ့ၢ်လၢနတပာ်ကဲနတၢ်အၢၣ်လီၤတဖၣ်ဒီးမၤဟးဂီၤ တၢ်အၢၣ်လီၤအီလီၤအဃိန့ၣ်လီၤ.

လံာ်ယဃ့းစက့လး 8:10

အန့ၣ်ဒီး, ယလဲၤနုာ်ဒီးကွၢ်တၢ်လီၤ. တၢ်အဒူၣ်တဖၣ်ဘၣ်တၢ်ကးဘၢ အီၤလၢပှၤတ့ဃာ်တၢ်ဂီၤလၢအမ့ၢ်ဂုၢ်သ့ၣ်တဖၣ်ဒီးဆၣ်ဖိကီၢ်ဖိလၢ အတကဆှီဘၣ်အဂၤတဖၣ်အဂီၤ, ဒီးတၢ်အဂၤတဖၣ်လၢပှၤအံၣ် စရ့လးဖိတဖၣ်ဘူၣ်ထီၣ်ဘါထီၣ်တ့ၢ်ဝဲန့ၣ်လီၤ.

လံာ်မၤလကံ 4:4

“သ့ၣ်နီၣ်ထီၣ်က့ၤယခ့ယပှၤစီၤမိၤၡ့အတၢ်သိၣ်လိ, တၢ်သိၣ်တၢ်သီဒီးတၢ်မၤလိာ်လၢယဟ့ၣ်တ့ၢ်အီၤလၢကစၢၢ်စံၤနါလၢ ပှၤအံၣ်စရ့လးဖိခဲလၢာ်ကစူၢ်ဝဲအဂီၢ်န့ၣ်တက့ၢ်.

လံာ်တၢ်ဂံၢ် 15:39

တၢ်အနွံတဖၣ်အံၤကကဲထီၣ်တၢ်ဒုးသ့ၣ်နီၣ်တဖၣ်ဒီးဖဲသုထံၣ်အီၤ တဘျီလၢ်လၢ်န့ၣ်သုကသ့ၣ်နီၣ်ထီၣ်ကယဲၢ်ယတၢ်မၤလိာ်တဖၣ်ဒီးစူၢ် အီၤန့ၣ်လီၤ. အန့ၣ်ဒီးသုတဃၣ်ကွံာ်ဘၣ်သုသးလၢယၤဒီးတပိာ်သုတၢ်အဲၣ်ဒိး တဖၣ်ဒီးတၢ်မိၢ်န့ၢ်သးလီတဖၣ်အခံန့ၣ်ဘၣ်.

လံာ်မးသဲ 24:4

ယ့ၣ်ၡူးစံးဆၢအဝဲသ့ၣ်, “ပလီၢ်သုသးဒ်သိးပှၤသုတလီန့ၢ်သုနီတဂၤတဂ့ၤ.

လံာ်လူၤကၣ် 12:15

ဒီးအဝဲဒၣ်ကတိၤတၢ်ဒီးစံးဘၣ်အဝဲသ့ၣ်ကိးဂၤဒဲး, “ပလီၢ်သူၣ်ပလီၢ်သး, ဒီးဟးဆှဲးတၢ်သးကွံကိးကလုာ်ဒဲးတက့ၢ်. အဂ့ၢ်ဒ်အံၤ, ပှၤကညီတဂၤမ့ၢ်ထူးဝဲတီၤဝဲဆံးအါဆံးအါသနာ်က့ အဝဲအတၢ်အိၣ်မူနီၢ်နီၢ်န့ၣ်, တဘၣ်ဃးဘၣ်ဒီးတၢ်လၢအအိၣ်ဒီးအီၤသ့ၣ်တဖၣ်န့ၣ်ဘၣ်.”

လံာ်လူၤကၣ် 21:8

ယ့ၣ်ၡူးစံးဝဲ, “အိၣ်ပလီၢ်သူၣ်ပလီၢ်သးတက့ၢ်. တဘၣ်ပျဲပှၤလီန့ၢ်သုတဂ့ၤ. အဂ့ၢ်ဒ်အံၤ, ပှၤအါဒံအါဂၤကဟဲလၢယမံၤဒီးစံးဝဲ, ‘ယမ့ၢ်အဝဲဒၣ်လီၤ.’ ဒီး ‘တၢ်ဆၢကတီၢ်ဟဲတုၤလံ’ န့ၣ်လီၤ. ဘၣ်ဆၣ်ဒီးတဘၣ်ပိာ်အဝဲသ့ၣ်အခံတဂ့ၤ.

လံာ်သိၣ်လီၤသီလီၤတၢ် 16:22

ဒီးပာ်လီၤလၢၢ်ထူၣ်လၢတၢ်ဘါထီၣ်တၢ်ဂီၤတၢ်ဖီၣ်အဂီၢ်နီတခါတဂ့ၤ. ယွၤသးဟ့အဝဲသ့ၣ်န့ၣ်လီၤ.

လံာ်သိၣ်လီၤသီလီၤတၢ် 27:15

ကစၢ်ယွၤအတၢ်ဆိၣ်အၢအိၣ်ဝဲလၢပှၤတဂၤလၢ်လၢ်အလိၤ, ပှၤလၢအမၤတၢ်ဂီၤတၢ်ဖီၣ်တခါလၢလၢၢ်မ့ၢ်ဂ့ၤ, သ့ၣ်မ့ၢ်ဂ့ၤ, ထးဒီးတိၢ်, စ့ဃါဃုာ်သးတဖၣ်မ့ၢ်ဂ့ၤဒီးဘါထီၣ် ခူသူၣ်အီၤန့ၣ်လီၤ. ယွၤသးဟ့တၢ်ဘါထီၣ်တၢ်ဂီၤတၢ်ဖီၣ်န့ၣ်လီၤ.” ဒီးကယဲၢ်ပှၤဂီၢ်မုၢ်ခဲလၢာ်ကစံးဆၢဝဲ, “မ်အလၢထီၣ်ပှဲၤထီၣ် တက့ၢ်.”

လံာ်သိၣ်လီၤသီလီၤတၢ် 27:9

အန့ၣ်ဝံၤဒီး, စီၤမိၤၡ့ဃုာ်ဒီးပှၤလ့ၤဝံဖိပှၤလုၢ်တၢ်အခိၣ် တဖၣ်စံးဘၣ်ကယဲၢ်ကီၢ်အံၣ်စရ့လးအပှၤဂီၢ်မုၢ်, “ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ပာ်သူၣ်ပာ်သးစီၣ်ဝဲၤ ကဲၤဒီးဒိကနၣ်ယၤလီၤတံၢ်လီၤဆဲးတက့ၢ်. တနံၤအံၤသုကဲထီၣ်လံယွၤ, သုကစၢ်ယွၤအပှၤဂီၢ်မုၢ်လံ,

လံာ်သိၣ်လီၤသီလီၤတၢ် 29:25

ဒီးတၢ်စံးဆၢကမ့ၢ်ဝဲ, တၢ်န့ၣ်မ့ၢ်လၢယွၤအပှၤဂီၢ်မုၢ်မၤဟးဂီၤကွံာ်တၢ်အၢၣ်လီၤအီလီၤဒီးအီၤ, ယွၤ, လၢအမ့ၢ်အဝဲသ့ၣ်အမိၢ်ပၢ်ဖံဖုလၢပျၢၤတဖၣ်အကစၢ်ယွၤဖဲ အဝဲထုးထီၣ်ကွံာ်အဝဲသ့ၣ်လၢကီၢ်အဲၤကူပတူးအခါအဃိန့ၣ်လီၤ.

လံာ်သိၣ်လီၤသီလီၤတၢ် 31:20

ယကဆှၢနုာ်အဝဲသ့ၣ်ဆူကီၢ်လၢအထူးဝဲတီၤဝဲဒီးအဟီၣ်ခိၣ်ညၣ် ထ့ၣ်ဂ့ၤတဘ့ၣ်အံၤအပူၤ, ဒ်ယအၢၣ်လီၤတ့ၢ်အဝဲသ့ၣ်အမိၢ်ပၢ်ဖံဖုလၢပျၢၤတဖၣ်အသိးန့ၣ် လီၤ. ဖဲန့ၣ်အဝဲသ့ၣ်ကအိၣ်ဒီး ကယဲၢ်တၢ်အီၣ်လၢအအဲၣ်ဒိးအီၣ်ဝဲ, အဝဲ သ့ၣ်ကအိၣ်ဘၣ်ဆိးဘၣ်ဘီၣ်ဘီၣ်ညီညီန့ၣ်လီၤ. ဘၣ်ဆၣ်အဝဲသ့ၣ်ကဃၣ်ကွံာ်အသးဒီးဘူၣ်ထီၣ်ဘါထီၣ်ကစၢ်အဂၤတဖၣ် န့ၣ်လီၤ. အဝဲသ့ၣ်ကစူးကွံာ်ညိကွံာ်ယၤဒီးမၤဟးဂီၤကွံာ်ယတၢ်အၢၣ်လီၤ အီလီၤ,

လံာ်သိၣ်လီၤသီလီၤတၢ် 4:25

ဖဲသုအိၣ်လၢကီၢ်န့ၣ်အပူၤဖးယံာ်ဒီးသုအိၣ်ဒီးသုဖိတဖၣ် ဒီးသုလံၤတဖၣ်လံဒၣ်လဲာ်န့ၣ်, မၤတၢ်ဒဲးဘၣ်ခီဖျိတၢ်မၤတၢ်ဂီၤတၢ်ဖီၣ်တခါလၢအိၣ်ဒီး အက့ၢ်အဂီၤတမံၤလၢသုဂီၢ်နီတစုတဂ့ၤ. အအံၤမ့ၢ်တၢ်အၢတၢ်သီလၢယွၤအမဲာ်ညါဒီးတၢ်န့ၣ်ကမၤဒိၣ်ထီၣ် အဝဲအသးန့ၣ်လီၤ.

လံာ်သိၣ်လီၤသီလီၤတၢ် 4:9

အိၣ်ဒီးတၢ်ပလီၢ်သူၣ်ပလီၢ်သးတက့ၢ်. လၢသးသမူဒီတစိၤညါ န့ၣ်, တၢ်လၢသုထံၣ်ဘၣ်အီၤလၢသုမဲာ်ချံဒၣ်သုအံၤမၤလီၤတံၢ်လၢသု တသးပ့ၤနီၣ်ကွံာ်အီၤဘၣ်န့ၣ်တက့ၢ်. တဲဘၣ်သုဖိသုလံၤတဖၣ်,

လံာ်သိၣ်လီၤသီလီၤတၢ် 5:2

လၢကစၢၢ်စံၤနါန့ၣ်, ယွၤပကစၢ်ယွၤမၤတၢ်အၢၣ်လီၤအီလီၤတမံၤ,

လံာ်သိၣ်လီၤသီလီၤတၢ် 6:12

ပာ်သူၣ်ပာ်သးသပှၢ်ပှၢ်လၢသုတသးပ့ၤနီၣ်ဘၣ်ယွၤလၢအအုၣ်က့ၤခီၣ် က့ၤသုလၢကီၢ်အဲၤကူပတူးအပူၤ, ဖဲသုမ့ၢ်တ့ၢ်ကုၢ်တဖၣ်ဘၣ်န့ၣ်တဂ့ၤ.

ဧ့ၤဘြံၤ 3:12

ယဒီပုၢ်ဝဲၢ်သ့ၣ်ဧၢ, ပလီၢ်သုသးဒ်သိးပှၤလၢသုကျါအသုတအိၣ်ဒီးသးလၢ အအၢဝဲဒီးအတစူၢ်တနာ်ဘၣ်တၢ်တုၤအကဃၣ်ကွံာ်အသး လၢကစၢ်ယွၤလၢအမူဝဲဒီးဟ့ၣ်တၢ်မူတဂၤအအိၣ်နီတဂၤ တဂ့ၤအဂီၢ်န့ၣ်တက့ၢ်.

လံာ်စီၤယိၤၡူ 23:11

လၢတၢ်န့ၣ်အဃိပလီၢ်သုသးဒ်သိးသုကအဲၣ်ယွၤသုကစၢ်ယွၤတက့ၢ်.

လံာ်စီၤယိၤၡူ 23:16

သုမ့ၢ်လုၣ်သ့ၣ်ခါပတာ်ယွၤသုကစၢ်ယွၤအတၢ် အၢၣ်လီၤအီလီၤလၢအမၤလိာ်တ့ၢ်သုဒီးလဲၤ ဘူၣ်ထီၣ်ဘါထီၣ်ဒီးမၤကစၢ်အဂၤတဖၣ်အတၢ်န့ၣ်, လၢအတၢ်သးဒိၣ်အပူၤကစံၣ်ညီၣ်သု, ဒီးတယံာ်ဘၣ်ဒီးလၢကီၢ်အဂ့ၤလၢအဟ့ၣ်လီၤ တ့ၢ်သုတဘ့ၣ်အံၤအပူၤန့ၣ်, သုကဟးဂီၤကွံာ်ကိးဂၤန့ၣ်လီၤ.