လံာ်သိၣ်လီၤသီလီၤတၢ် 4:19 - Sgaw Karen Common Bible

¹⁹ ပျဲသုဒိးဘၣ်တၢ်လ့ပစီသုလၢသုကဘူၣ်ထီၣ်ဘါထီၣ်ဒီးမၤတၢ် တဖၣ်လၢသုထံၣ်ဘၣ်အီၤလၢမူကပိာ်လိၤလၢအမ့ၢ်, မုၢ်, လါဒီးဆၣ်တဖၣ်, အတၢ်န့ၣ်တဂ့ၤ. ယွၤဟ့ၣ်လီၤတၢ်တဖၣ်အံၤ လၢကယဲၢ်ပှၤဂီၢ်မုၢ်အဂၤတဖၣ်အဂီၢ်ဒ်သိးကဘူၣ်ထီၣ်ဘါထီၣ်ဝဲန့ၣ်လီၤ.

လံာ်သိၣ်လီၤသီလီၤတၢ် 4:19 Iomraidhean Croise

လံာ်တၢ်ကဲထီၣ်အခီၣ်ထံး 1:14

ဒီးကစၢ်ယွၤခါလီၤအကလုၢ်, “မ်တၢ်ကပီၤတဖၣ်ဟဲအိၣ်ဖျါထီၣ် လၢမူခိၣ် ဒ်သိးကနီၤဖးမုၢ်နံၤလၢမုၢ်နၤ, ဒီးကဲထီၣ်တၢ်ပနီၣ်တဖၣ် လၢမုၢ်နံၤမုၢ်သီတဖၣ်, နံၣ်ဧိၤလါဧိၤတဖၣ်ဒီး တၢ်ဆၢကတီၢ်တဖၣ်အဂီၢ်တက့ၢ်.

လံာ်တၢ်ကဲထီၣ်အခီၣ်ထံး 2:1

မၤသးဒ်န့ၣ်ဒီးကယဲၢ်တၢ်ဘၣ်တ့လၢမူခိၣ်ဟီၣ်ခိၣ်ခဲလၢာ်ဝံၤဝဲဒၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 17:16

အဝဲသ့ၣ်ဘိးဃၣ်ကွံာ်ကယဲၢ်ယွၤ, အဝဲသ့ၣ်အကစၢ်ယွၤအတၢ်ဘူၣ်တၢ်ဘါ အတၢ်သိၣ်တၢ်သီခဲလၢာ်ဒီးသိန့ၢ်ဂီၤဖံးဖါခံဒုအဂီၤလၢ တိၢ်, စ့ဒီးထး, လၢကဘူၣ်ထီၣ်ဘါထီၣ်ဝဲအဂီၢ်န့ၣ်လီၤ. အဝဲသ့ၣ်မၤစ့ၢ်ကီးတၢ်ဂီၤတၢ်ဖီၣ်တခါလၢအမ့ၢ် ကစၢ်မုၣ်အၡ့ရၤအဂီၤ, ဘူၣ်ထီၣ်ဘါထီၣ်ဆၣ်ဧိၤဖီဧိၤတဖၣ်, ဒီးမၤကစၢ်ဘဧၤလးအတၢ်မၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 21:3

အဝဲဘှီထီၣ်ကဒါက့ၤပှၤတစူၢ်တနာ်ယွၤအတၢ်ဘူၣ်ထီၣ်ဘါထီၣ်အလီၢ် တဖၣ်လၢအဝဲအပၢ်စီၤဃံးစကံယၤမၤဟးဂီၤတ့ၢ်အီၤန့ၣ်လီၤ. အဝဲဘှီထီၣ်တၢ်လုၢ်လီၢ်တဖၣ်လၢတၢ်ဘူၣ်ထီၣ်ဘါထီၣ်ဘဧၤလးအဂီၢ် ဒီးမၤထီၣ်ကစၢ်မုၣ်အၡ့ရၤအဂီၤတခါ, ဒ်ကီၢ်အံၣ်စရ့လးအစီၤပၤအၤဃာ်မၤတ့ၢ်ဝဲအသိးန့ၣ်လီၤ. စီၤမနၤၡ့ၤဘါထီၣ်စ့ၢ်ကီးဆၣ်ဧိၤဖီဧိၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 23:11

အဝဲသုးကွံာ်စ့ၢ်ကီးကသ့ၣ်တဖၣ်လၢကီၢ်ယူဒၤအစီၤပၤတဖၣ်ပာ်စီ ဆှံတ့ၢ်အီၤလၢတၢ်ဘူၣ်ထီၣ်ဘါထီၣ်မုၢ်အဂီၢ်, ဒီးအဝဲဒွဲၣ်အူကွံာ်လ့ၣ်ကဟၣ်တဖၣ်လၢတၢ်သူအီၤလၢတၢ်ဘူၣ်ထီၣ်ဘါ ထီၣ်အံၤအပူၤန့ၣ်လီၤ. (တၢ်သ့ၣ်တဖၣ်အံၤဘၣ်တၢ်ပာ်အီၤလၢတၢ်လုၢ်ဟံၣ်အဂၢၤပူၤ, ဘူးဒီးတြဲၤ, ဒီးတယံၤဘၣ်ဒီးပဒိၣ်ဖးဒိၣ်တဂၤလၢအမ့ၢ်စီၤနၤ သၣ်မ့လ့း, အတၢ်အိၣ်တၢ်ဆိးအလီၢ်ဘၣ်န့ၣ်လီၤ.)

လံာ်ကွဲးနီၣ်တၢ်ခံဘ့ၣ်တဘ့ၣ် 33:3

အဝဲဘှီထီၣ်ကဒါက့ၤပှၤတစူၢ်တနာ်ယွၤအတၢ်ဘူၣ်ထီၣ်ဘါထီၣ်အလီၢ် တဖၣ်လၢအပၢ်စီၤဃံးစကံယၤမၤဟးဂီၤတ့ၢ်ဝဲန့ၣ်လီၤ. အဝဲဘှီထီၣ်တၢ်လုၢ်လီၢ်တဖၣ်လၢတၢ်ဘူၣ်ထီၣ်ဘါထီၣ်ဘဧၤလးအဂီၢ်, ဒီးမၤကစၢ်မုၢ်အၡ့ရၤအဂီၤတဖၣ်ဒီးဘူၣ်ထီၣ်ဘါထီၣ်ဆၣ်ဧိၤဖီဧိၤ တဖၣ်န့ၣ်လီၤ.

လံာ်စီၤနဃ့မယၤ 9:6

ဒီးကီၢ်အံၣ်စရ့လးအပှၤဂီၢ်မုၢ်ဘါထုကဖၣ်ဝဲ, “နဲဒၣ်ယွၤဧၢ, နမ့ၢ်ယွၤထဲတဂၤဧိၤလီၤ. နတ့လီၤမူခိၣ်အလီၢ်တဖၣ်ဒီးဆၣ်တဖၣ်လၢမူခိၣ်ကပိၤလိၤန့ၣ်လီၤ. နတ့လီၤဟီၣ်ခိၣ်ဒီးပီၣ်လဲၣ်, ဒီးကယဲၢ်တၢ်လၢအအိၣ်လၢအပူၤခဲ လၢာ် ဒီးနဟ့ၣ်အဝဲသ့ၣ်ခဲလၢာ်လၢတၢ်မူန့ၣ်လီၤ. ဒီးမူခိၣ်အသုးမုၢ်ဂီၢ်မုၢ်တီၤလီၤဒီးဘူၣ်ထီၣ် ဘါထီၣ်နၤလီၤ.

စံးထီၣ်ပတြၢၤ 19:3

တၢ်စံးတၢ်ကတိၤတအိၣ်, တၢ်အကလုၢ်တအိၣ်, တၢ်အသီၣ်တဘၣ်တၢ်နၢ်ဟူအီၤဘၣ်,

လံာ်ယံးရမံယၤ 19:13

ဝ့ၢ်ယရူၤၡလ့ၣ်အဟံၣ်တဖၣ်, ကီၢ်ယူဒၤအစီၤပၤတဖၣ်အဟံၣ်တဖၣ်, ဒီးသပှၢ်ကတၢၢ်ကယဲၢ်ဟံၣ်တဖၣ်လၢပှၤဆိၣ်ကဲၤတ့ၢ်တၢ်နၢမူလၢ အခိၣ်ဒုးအလိၤဆူဆၣ်တဖၣ်အအိၣ်, ဒီးတၢ်လီၢ်ဖဲစပံးထံဘၣ်တၢ် လူလီၤအီၤဒ်တၢ်လုၢ်တၢ်ပာ်တမံၤဆူကစၢ်အဂၤတဖၣ်အအိၣ်, အဝဲသ့ၣ်ခဲလၢာ်ကကဲထီၣ်တၢ်တကဆှီဘၣ်ဒ်တိဖ့းအသိးန့ၣ်လီၤ.”

လံာ်ယံးရမံယၤ 31:35

ယွၤဟ့ၣ်မုၢ်လၢကကပီၤထီၣ်လၢ မုၢ်ဆါခီ, ဒီးလါဒီး ဆၣ်တဖၣ်လၢ ကကပီၤထီၣ်လၢ မုၢ်နၤန့ၣ်လီၤ. အဝဲထိၣ်ဂဲၤထီၣ်ပီၣ်လဲၣ်ဒီး ဒုးသီၣ်ထီၣ်အလပီတဖၣ်ရုၢ်ရုၢ်လီၤ. အဝဲအမံၤမ့ၢ်ဝဲ ယွၤသ့တၢ်လၢာ်န့ၣ်လီၤ.

လံာ်ယံးရမံယၤ 33:25

ဘၣ်ဆၣ်ဒီး, ယၤ, ယွၤအံၤ, ယအိၣ်ဒီးတၢ်အၢၣ် လီၤအီလီၤ ဘၣ်ထွဲဒီး မုၢ်နံၤဒီးမုၢ်နၤ, ဒီးယ ဒုးအိၣ်ထီၣ်တၢ်သိၣ်တၢ်သီတဖၣ်လၢ အပၢၤဟီၣ်ခိၣ်ဒီး မူကပိာ်လိၤန့ၣ်လီၤ.

လံာ်ယံးရမံယၤ 8:2

လၢတၢ်ကပာ်ဖှိၣ်ဒီးခူၣ်လီၤကွံာ်အီၤအလီၢ်န့ၣ်, အဝဲသ့ၣ်အဃံတဖၣ် ကအိၣ်ဒါလီၤအသးလၢဟီၣ်ခိၣ်အလိၤဒ်တၢ်အ့ၣ်တၢ်ဆံၣ်အသိး န့ၣ်လီၤ. ကအိၣ်ပြၤလီၤအသးလၢမုၢ်, လါ, ဒီးဆၣ်တဖၣ်, လၢပှၤဂီၢ်မုၢ်တဖၣ်အံၤအဲၣ်အီၤဒီးမၤအတၢ်မၤ, ဒီးမ့ၢ်တၢ်သ့ၣ်တဖၣ်လၢအဝဲသ့ၣ်ဃ့တၢ်ဟ့ၣ်ကူၣ်ဒီး ဘူၣ်ထီၣ်ဘါထီၣ်အီၤအမဲာ်ညါန့ၣ်လီၤ.

လံာ်ယဃ့းစက့လး 18:6

အဝဲတဘူၣ်ထီၣ်ဘါထီၣ်ပှၤအံၣ်စရ့လးဖိတဖၣ်အတၢ်ဂီၤတၢ်ဖီၣ် တဖၣ်မ့ၢ်ဂ့ၤ, တအီၣ်တၢ်လုၢ်တၢ်ပာ်တဖၣ်လၢအဘၣ်တၢ်လုၢ်ထီၣ်အီၤလၢတၢ်လုၢ်လီၢ်လၢ တၢ်တြီအီၤတဖၣ်မ့ၢ်ဂ့ၤန့ၣ်ဘၣ်. အဝဲတကလံာ်န့ၢ်ဘၣ်ပှၤအဂၤတဂၤ အမါမ့ၢ်ဂ့ၤ, မံဃုာ်ဂဲၤဃုာ်ဒီးပိာ်မုၣ်တဂၤဖဲအလုၢ် အလၢ်ဟဲဝဲအဆၢကတီၢ်မ့ၢ်ဂ့ၤန့ၣ်ဘၣ်.

လံာ်ယဃ့းစက့လး 8:16

လၢတၢ်န့ၣ်အဃိ, အဝဲဆှၢယၤဆူယွၤအတၢ်လုၢ်ဟံၣ်အဂၢၤလၢတၢ်အိ ပူၤတခီလီၤ. ဖဲန့ၣ်, ဘူးဒီးတၢ်လီၢ်စီဆှံအကျဲစၢၤ, လၢတၢ်လုၢ်လီၢ်ဒီးတၢ်ခိၣ်ဒုးထီၣ်ဘးအဘၢၣ်စၢၤန့ၣ်ပှၤကအိၣ်ဝဲ ခံဆံယဲၢ်ဂၤဃၣ်ဃၣ်န့ၣ်လီၤ. အဝဲသ့ၣ်ဒီအချၢလၢတၢ်လီၢ်စီ ဆှံတခီဒီးသကူးလီၤအသးဆူမုၢ်ထီၣ်တခီဒီးဘူၣ်ထီၣ်ဘါထီၣ်မုၢ် လၢအဟဲထီၣ်န့ၣ်လီၤ.

လံာ်စဖါနယၤ 1:5

ယကမၤဟးဂီၤကွံာ်ကယဲၢ်ပှၤတဂၤလၢ်လၢ်လၢအလဲၤ ထီၣ်ဆူဟံၣ်ခိၣ်ဒီးဘူၣ်ထီၣ်ဘါထီၣ်မုၢ်, လါဒီးဆၣ်တဖၣ်န့ၣ်လီၤ. ယကမၤဟးဂီၤကွံာ်စ့ၢ်ကီးပှၤလၢအဘူၣ်ထီၣ်ဘါထီၣ်ယၤဒီးပှၤ တဖၣ်လၢအအၢၣ်လီၤအီလီၤအသးလၢကတီဒီးယၤဘၣ်ဆၣ်ဒီး မၤတၢ်ဆိၣ်လီၤအသးတဖၣ်လၢကစၢ်မိလးအမံၤအပူၤန့ၣ်လီၤ.

လံာ်မးသဲ 5:45

မၤတၢ်အံၤဒ်သိးဒီးသုကကဲထီၣ်သုပၢ်အိၣ်လၢမူခိၣ်အဖိတဖၣ် န့ၣ်တက့ၢ်. အဂ့ၢ်ဒ်အံၤ, အဝဲဒုးကပီၤထီၣ်အမုၢ်လၢပှၤအအၢဒီးပှၤအဂ့ၤတဖၣ်အဂီၢ်ဒီး ဒုးစူၤလီၤတၢ်လၢပှၤလၢအအိၣ်မူတီတီလိၤလိၤဒီးပှၤလၢ အအိၣ်မူတတီတလိၤဘၣ်တဖၣ်အဂီၢ်ဒ်သိးသိးလီၤ.

မၤတၢ် 7:42

အန့ၣ်ဒီးကစၢ်ယွၤဃၣ်ကွံာ်အသးလၢအဝဲသ့ၣ်ဒီးဟ့ၣ်လီၤ ကွံာ်အီၤဆူတၢ်ဘူၣ်ထီၣ်ဘါထီၣ်ဆၣ်တဖၣ်လၢမူကပိာ်လိၤန့ၣ် အပူၤ, ဒ်တၢ်အိၣ်ကွဲးအသးလၢဝံတဖၣ်အလံာ်အပူၤအသိး, ‘ပှၤအံၣ်စရ့လးဖိသ့ၣ်ဧၢ, လၢအနံၣ်လွံၢ်ဆံအတီၢ်ပူၤ, ဖဲသုအိၣ်လၢပှၢ်မုၢ်ကနၢအကတီၢ်န့ၣ်, မ့ၢ်သုမၤသံဆၣ်ဖိကီၢ်ဖိ, ဒီးလုၢ်ထီၣ်ပာ်ထီၣ်အီၤဆူယအိၣ်စ့ၢ်ကီးဧါ.

ရိမ့ၤ 1:25

အဝဲသ့ၣ်ဆီတလဲကစၢ်ယွၤအတၢ်မ့ၢ်တၢ်တီလၢတၢ်ကဘျံးကဘျၣ်, ဒီးလၢအဝဲသ့ၣ်ကဘူၣ်ထီၣ်ဘါထီၣ်တၢ်ဘၣ်တ့ကစၢ်လၢအကြၢး ဒီးတၢ်စံးထီၣ်ပတြၢၤအီၤလီၤစိၤလီၤထီတဂၤအလီၢ်န့ၣ်, အဝဲသ့ၣ်ဘူၣ်ထီၣ်ဘါထီၣ်တၢ်ဘၣ်တ့တဖၣ်ဒီးမၤအတၢ်မၤန့ၣ်လီၤ.

လံာ်သိၣ်လီၤသီလီၤတၢ် 13:10

ကွံာ်သံအီၤလၢလၢၢ်တက့ၢ်. အဝဲကျဲးစၢးဆှၢယံၤကွံာ်သု လၢယွၤသုကစၢ်ယွၤအအိၣ်, ယွၤတဂၤလၢအမၤပူၤဖျဲးသု လၢကီၢ်အဲၤကူပတူး, ဖဲသုမ့ၢ်တ့ၢ်ကုၢ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 13:5

မ့မ့ၢ်မၤသံကွံာ်ပှၤဖးတၢ်မံမီၢ်တဖၣ်အခီပညီတဂၤလၢ်လၢ်မ့ တမ့ၢ်ဝံတဂၤလၢအတဲဘၣ်သုလၢသုကပူထီၣ်ထီဒါယွၤ, လၢအမၤပူၤဖျဲးသုလၢကီၢ်အဲၤကူပတူးအပူၤတၢ်လီၢ်ဖဲသုမ့ၢ်တ့ၢ်ကုၢ်တဖၣ်န့ၣ်တက့ၢ်. ပှၤဒ်အံၤတဂၤန့ၣ်အၢဝဲသီဝဲဒီးကျဲးစၢးဆှၢကွံာ်သုလၢတၢ် အိၣ်မူလၢယွၤမၤလိာ်တ့ၢ်သုလၢသုကအိၣ်မူအီၤန့ၣ်လီၤ. အဝဲကြၢးဘၣ်တၢ်မၤသံအီၤဒ်သိးသုကမၤပူၤဖျဲးသုသးလၢတၢ် အၢတၢ်သီအံၤန့ၣ်လီၤ.

လံာ်သိၣ်လီၤသီလီၤတၢ် 17:3

ခီဖျိတၢ်ဘူၣ်ထီၣ်ဘါထီၣ်ဒီးမၤကစၢ်အဂၤတဖၣ်အတၢ်မ့ၢ်ဂ့ၤ, မုၢ်မ့ၢ်ဂ့ၤ, လါမ့ၢ်ဂ့ၤ, ဆၣ်တဖၣ်မ့ၢ်ဂ့ၤအတၢ်, တၢ်လၢအထီဒါလိာ်အသးဒီးယွၤအတၢ်မၤလိာ်န့ၣ်လီၤ.

လံာ်သိၣ်လီၤသီလီၤတၢ် 4:18

တၢ်အစွါအစွဲမ့ၢ်ဂ့ၤ, ညၣ်မ့ၢ်ဂ့ၤ, အဂီၤန့ၣ်ဘၣ်တက့ၢ်.