လံာ်သိၣ်လီၤသီလီၤတၢ် 4:16 - Sgaw Karen Common Bible

¹⁶ သုတမၤဘၣ်တၢ်ဒဲးဘးခီဖျိတၢ်မၤထီၣ်တၢ်ဂီၤတမံၤလၢသုကစၢ် ဒၣ်သုဝဲအဂီၢ်, တၢ်ဂီၤလၢအအိၣ်ဒီးက့ၢ်ဂီၤတခါခါလၢအမ့ၢ်, ပိာ်ခွါမ့ၢ်ဂ့ၤ, ပိာ်မုၣ်မ့ၢ်ဂ့ၤ,

လံာ်သိၣ်လီၤသီလီၤတၢ် 4:16 Iomraidhean Croise

လံာ်တၢ်ဟးထီၣ်ကွံာ် 32:7

ယွၤစံးဘၣ်စီၤမိၤၡ့, “က့ၤလီၤကဒါက့ၤတဘျီဃီတက့ၢ်. အဂ့ၢ်ဒ်အံၤ, နပှၤဂီၢ်မုၢ်လၢနဆှၢထီၣ်အီၤလၢကီၢ်အဲၤကူပတူး န့ၣ်မၤလံတၢ်ဒဲးဘးဒီးညိကွံာ်ယၤလံ.

လံာ်ယၡါယၤ 40:18

တၢ်ထိၣ်သတြီၤကစၢ်ယွၤဒီးမတၤကသ့လဲၣ်. အဝဲလီၤဂာ်ဒီးမတၤလဲၣ်န့ၣ်, နတဲလၢအဂ့ၢ်ကသ့ဒ်လဲၣ်.

လံာ်ယၡါယၤ 44:13

ပှၤစုသ့ထိၣ်နီၣ်တဲာ်နီၣ်သ့ၣ်လီၤ. အဝဲတ့တကွီၣ်တၢ်အက့ၢ်အဂီၤ တမံၤလၢထူၣ်ဝါ, စိးပျၤအီၤလၢအနီၣ်ပျၤတဖၣ်ဒီးဒုးကဲထီၣ်အီၤလၢပှၤကညီတဂၤ အဂီၤ, ပှၤကညီလၢအက့ၢ်အဂီၤဂ့ၤတဂၤ, လၢတၢ်ကပာ်အီၤလၢအဟံၣ်ပူၤအဂီၢ်လီၤ.

လံာ်ယဃ့းစက့လး 8:10

အန့ၣ်ဒီး, ယလဲၤနုာ်ဒီးကွၢ်တၢ်လီၤ. တၢ်အဒူၣ်တဖၣ်ဘၣ်တၢ်ကးဘၢ အီၤလၢပှၤတ့ဃာ်တၢ်ဂီၤလၢအမ့ၢ်ဂုၢ်သ့ၣ်တဖၣ်ဒီးဆၣ်ဖိကီၢ်ဖိလၢ အတကဆှီဘၣ်အဂၤတဖၣ်အဂီၤ, ဒီးတၢ်အဂၤတဖၣ်လၢပှၤအံၣ် စရ့လးဖိတဖၣ်ဘူၣ်ထီၣ်ဘါထီၣ်တ့ၢ်ဝဲန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:4

ဃၣ်ကွံာ်သုသးလၢယၤဒီးဘါထီၣ်တၢ်ဂီၤတၢ်ဖီၣ်တဂ့ၤ. တ့တၢ်ဂီၤလၢတိၢ်ဘီဃါဃုာ်ဒီးထူ, စ့ဒီးဘါထီၣ်အီၤတဂ့ၤ. ယမ့ၢ်ယွၤ, သုကစၢ်ယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:1

ဒီးယွၤစံးဝဲဒၣ်, “တၢ်ဂီၤတၢ်ဖီၣ်မ့ၢ်ဂ့ၤ, တၢ်ဂီၤစိးပျၤအသးမ့ၢ်ဂ့ၤသုတတ့လၢသုဂီၢ်တဂ့ၤ. ဒီးသုတပာ်ဆၢထၢၣ်တၢ်ဂီၤအထူၣ်တဂ့ၤ, ဒီးသုတပာ်လၢၢ်အိၣ်ဒီး တၢ်ဂီၤလၢအလိၤလၢသုကီၢ်ပူၤဒ်သိးသုကဘါအီၤန့ၣ်တဂ့ၤ.

လံာ်ယိၤဟၣ် 4:24

ကစၢ်ယွၤမ့ၢ်သူၣ်မ့ၢ်သးဒီးပှၤလၢအဘူၣ်ထီၣ်ဘါထီၣ်အီၤ တဖၣ်, ဘၣ်ဘူၣ်ထီၣ်ဘါထီၣ်အီၤလၢသူၣ်လၢသး ဒီးလၢတၢ်မ့ၢ်တၢ်တီလီၤ.”

မၤတၢ် 17:29

ဒ်ပမ့ၢ်ကစၢ်ယွၤအဖိတဖၣ်အသိး, ပတကြၢးဆိကမိၣ်လၢယွၤမ့ၢ်တၢ်လၢအလီၤဂာ်ဒီးထူ, စ့, မ့တမ့ၢ်လၢၢ်လၢအဘၣ်တၢ်စိးပျၤဒီးဒုးအိၣ်ထီၣ်အက့ၢ် အဂီၤခီဖျိပှၤကညီအတၢ်သ့တၢ်ဘၣ်န့ၣ်ဘၣ်.

လံာ်သိၣ်လီၤသီလီၤတၢ် 16:22

ဒီးပာ်လီၤလၢၢ်ထူၣ်လၢတၢ်ဘါထီၣ်တၢ်ဂီၤတၢ်ဖီၣ်အဂီၢ်နီတခါတဂ့ၤ. ယွၤသးဟ့အဝဲသ့ၣ်န့ၣ်လီၤ.

လံာ်သိၣ်လီၤသီလီၤတၢ် 27:15

ကစၢ်ယွၤအတၢ်ဆိၣ်အၢအိၣ်ဝဲလၢပှၤတဂၤလၢ်လၢ်အလိၤ, ပှၤလၢအမၤတၢ်ဂီၤတၢ်ဖီၣ်တခါလၢလၢၢ်မ့ၢ်ဂ့ၤ, သ့ၣ်မ့ၢ်ဂ့ၤ, ထးဒီးတိၢ်, စ့ဃါဃုာ်သးတဖၣ်မ့ၢ်ဂ့ၤဒီးဘါထီၣ် ခူသူၣ်အီၤန့ၣ်လီၤ. ယွၤသးဟ့တၢ်ဘါထီၣ်တၢ်ဂီၤတၢ်ဖီၣ်န့ၣ်လီၤ.” ဒီးကယဲၢ်ပှၤဂီၢ်မုၢ်ခဲလၢာ်ကစံးဆၢဝဲ, “မ်အလၢထီၣ်ပှဲၤထီၣ် တက့ၢ်.”

လံာ်သိၣ်လီၤသီလီၤတၢ် 31:29

ယသ့ၣ်ညါလၢဖဲယသံဝံၤအလီၢ်ခံန့ၣ်, ပှၤဂီၢ်မုၢ်ကကဲထီၣ်ပှၤတ တီတလိၤဒီးညိကွံာ်တၢ်လၢယသိၣ်လိတ့ၢ်အဝဲသ့ၣ်န့ၣ်လီၤ. ဒီးလၢတၢ်ဆၢကတီၢ်လၢအကဟဲအပူၤန့ၣ်, အဝဲသ့ၣ်ကဘၣ်သဂၢၢ်ဒီးတၢ်တတၢးတနါ, မ့ၢ်လၢအဝဲသ့ၣ်ကမၤသးထီၣ် ယွၤခီဖျိတၢ်လၢအဝဲတြီတ့ၢ်ဝဲတဖၣ်အဃိန့ၣ်လီၤ.”

လံာ်သိၣ်လီၤသီလီၤတၢ် 4:23

မၤလီၤတံၢ်လၢသုတသးပ့ၤနီၣ်ဘၣ်တၢ်အၢၣ်လီၤအီလီၤလၢယွၤ, သုကစၢ်ယွၤမၤတ့ၢ်ဒီးသုဘၣ်န့ၣ်တက့ၢ်. စူၢ်အဝဲအကလုၢ်, လၢသုတမၤဘၣ်တၢ်ဂီၤတၢ်ဖီၣ်နီတမံၤမံၤလၢသုဂီၢ်ဒၣ်သုဝဲဘၣ်,

လံာ်သိၣ်လီၤသီလီၤတၢ် 4:25

ဖဲသုအိၣ်လၢကီၢ်န့ၣ်အပူၤဖးယံာ်ဒီးသုအိၣ်ဒီးသုဖိတဖၣ် ဒီးသုလံၤတဖၣ်လံဒၣ်လဲာ်န့ၣ်, မၤတၢ်ဒဲးဘၣ်ခီဖျိတၢ်မၤတၢ်ဂီၤတၢ်ဖီၣ်တခါလၢအိၣ်ဒီး အက့ၢ်အဂီၤတမံၤလၢသုဂီၢ်နီတစုတဂ့ၤ. အအံၤမ့ၢ်တၢ်အၢတၢ်သီလၢယွၤအမဲာ်ညါဒီးတၢ်န့ၣ်ကမၤဒိၣ်ထီၣ် အဝဲအသးန့ၣ်လီၤ.

လံာ်သိၣ်လီၤသီလီၤတၢ် 5:8

တၢ်တမံၤလၢ်လၢ်လၢအအိၣ်လၢမူခိၣ်မ့ၢ်ဂ့ၤ, လၢဟီၣ်ခိၣ်မ့ၢ်ဂ့ၤ, လၢထံကျါလၢဟီၣ်ခိၣ်လာ်မ့ၢ်ဂ့ၤအက့ၢ်အဂီၤတဖၣ်န့ၣ်, မၤထီၣ်အီၤလၢနဂီၢ်ဒၣ်နဲတဂ့ၤ.

လံာ်သိၣ်လီၤသီလီၤတၢ် 5:9

တီၤလီၤလၢတၢ်ဂီၤတၢ်ဖီၣ်တမံၤမံၤအမဲာ်ညါမ့ၢ်ဂ့ၤ, ဘါထီၣ်အီၤမ့ၢ်ဂ့ၤန့ၣ်တဂ့ၤ. အဂ့ၢ်ဒ်အံၤ, ယမ့ၢ်ယွၤ, သုကစၢ်ယွၤလၢအသးက့ၣ်တၢ်န့ၣ်လီၤ. ယဟဲစိာ်တၢ်စံၣ်ညီၣ်လၢကယဲၢ်ပှၤတဖၣ်လၢအသးဟ့ယၤအလိၤဒီးလၢ အဝဲသ့ၣ်အစၢၤအသွဲၣ်တဖၣ်အလိၤတုၤလီၤလၢပှၤသၢစိၤတစိၤဒီး လွံၢ်စိၤတစိၤန့ၣ်လီၤ.

လံာ်သိၣ်လီၤသီလီၤတၢ် 9:12

အန့ၣ်ဝံၤဒီး, ယွၤစံးဘၣ်ယၤ, က့ၤလီၤလၢကစၢၢ်အလိၤတဘျီဃီတက့ၢ်. အဂ့ၢ်ဒ်အံၤ, နပှၤဂီၢ်မုၢ်, လၢနဆှၢထီၣ်အီၤလၢကီၢ်အဲၤကူပတူးန့ၣ်, မၤသံၣ်သူမီၣ်ကျာ် လီၤအသးဒီးမၤတ့ၢ်တၢ်အၢတၢ်သီလံ. အဝဲသ့ၣ်ဃၣ်ကဒါကွံာ်လံအသးလၢတၢ်လၢယမၤလိာ်တ့ၢ်အဝဲသ့ၣ်လၢ ကဘၣ်မၤဝဲ, ဒီးအဝဲသ့ၣ်မၤထီၣ်တၢ်ဂီၤတၢ်ဖီၣ်တခါလၢအဂီၢ်န့ၣ်လီၤ.

၁ တံၤမသ့း 1:17

စီၤပၤလၢအပၢတၢ်လီၤထူလီၤယိာ်လၢအသံတသ့ ဒီးတၢ်ထံၣ်အီၤတသ့, ကစၢ်ယွၤထဲတဂၤဧိၤအံၤ, မ်တၢ်ယူးယီၣ်ဒီးတၢ်လၤကပီၤအိၣ်ဒီးအီၤအစိၤစိၤ အဃၣ်ဃၣ်တက့ၢ်. အၤမ့ၣ်.