လံာ်သိၣ်လီၤသီလီၤတၢ် 4:13 - Sgaw Karen Common Bible

¹³ အဝဲတဲဘၣ်သုတၢ်လၢသုဘၣ်မၤအီၤဒ်သိးသုကတိၢ်န့ၢ်ဖံးဃာ်တၢ် အၢၣ်လီၤအီလီၤလၢအဝဲမၤတ့ၢ်ဝဲဒီးသုလၢအမ့ၢ်သုကဘၣ်စူၢ်တၢ် မၤလိာ်အထံၣ်တဆံ, လၢအဝဲကွဲးလီၤတ့ၢ်ဝဲလၢလၢၢ်ဘ့ၣ်ဘၣ်ခံဘ့ၣ်အလိၤန့ၣ်လီၤ.

လံာ်သိၣ်လီၤသီလီၤတၢ် 4:13 Iomraidhean Croise

လံာ်စီၤပၤအခီၣ်ထံးတဘ့ၣ် 8:9

လၢယွၤအတလါစီဆှံအပူၤန့ၣ်, မ့တမ့ၢ်လၢလၢၢ်ဘ့ၣ်ဘၣ်ခံဘ့ၣ်လၢ စီၤမိၤၡ့ဒၢနုာ်အီၤဖဲကစၢၢ်စံၤနါအလိၤ, ဖဲယွၤမၤတၢ်အၢၣ်လီၤအီလီၤဒီးပှၤအံၣ်စရ့လးဖိဖဲအဝဲသ့ၣ် ဟဲထီၣ်လၢကီၢ်အဲၤကူပတူးအပူၤအခါဘၣ်န့ၣ်တၢ်အဂၤတအိၣ်နီတမံၤဘၣ်.

စံးထီၣ်ပတြၢၤ 119:4

နမၤလိာ်တ့ၢ်ပှၤလၢ ပဘၣ်တိၢ်န့ၢ်ဟံးဃာ် နတၢ်သိၣ်တၢ်သီထံထံဆးဆးလီၤ.

လံာ်တၢ်ဟးထီၣ်ကွံာ် 19:5

ခဲကနံၣ်အံၤ, သုမ့ၢ်စူၢ်ယၤဒီးတိၢ်န့ၢ်ဖံးဃာ်ယတၢ်အၢၣ်လီၤအီ လီၤန့ၣ်သုကကဲထီၣ်ယပှၤဂီၢ်မုၢ်ဒၣ်ယဲလီၤ. ဟီၣ်ခိၣ်ဒီဘ့ၣ်န့ၣ်မ့ၢ်ယတၢ်လီၤ. ဘၣ်ဆၣ်ဒီးသုကမ့ၢ်ယပှၤဃုထၢဖိတဖၣ်,

လံာ်တၢ်ဟးထီၣ်ကွံာ် 24:12

ယွၤစံးဘၣ်တ့ၢ်စီၤမိၤၡ့, “ဟဲထီၣ်ဆူကစၢၢ်လိၤဆူယအိၣ်တ က့ၢ်. ဒီးနအိၣ်ဖဲအံၤအကတီၢ်န့ၣ်ယကဟ့ၣ်နၤလၢၢ်ဘ့ၣ်ဘၣ်ခံဘ့ၣ်လၢ အအိၣ်ဒီးတၢ်သိၣ်တၢ်သီတဖၣ်လၢယကွဲးအီၤလၢတၢ်သိၣ်လိနဲၣ်ယုၤပှၤ ဂီၢ်မုၢ်အဂီၢ်န့ၣ်လီၤ.”

လံာ်တၢ်ဟးထီၣ်ကွံာ် 31:18

ဖဲကစၢ်ယွၤကတိၤတၢ်ဒီးစီၤမိၤၡ့လၢကစၢၢ်စံၤနါအလိၤဝံၤဝဲန့ၣ်, အဝဲဟ့ၣ်လီၤအီၤလၢလၢၢ်ဘ့ၣ်ဘၣ်ခံဘ့ၣ်လၢကစၢ်ယွၤအနီၢ်ကစၢ်ဒၣ်ဝဲ ကွဲးလီၤတၢ်မၤလိာ်တဖၣ်န့ၣ်လီၤ.

လံာ်တၢ်ဟးထီၣ်ကွံာ် 34:1

ယွၤစံးဘၣ်စီၤမိၤၡ့, “ကူးတဲာ်န့ၢ်လၢၢ်ဘ့ၣ်ဘၣ်ခံဘ့ၣ်ဒ်လၢ အခီၣ်ထံးတဖၣ်အသိးဒီးလၢအလိၤန့ၣ်ယကကွဲးလီၤတၢ်ကတိၤတဖၣ်လၢ အဘၣ်တၢ်ကွဲးတ့ၢ်အီၤလၢလၢၢ်ဘ့ၣ်ဘၣ်အခီၣ်ထံးလၢနမၤသဘှံးကွံာ် အီၤအလိၤန့ၣ်လီၤ.

လံာ်တၢ်ဟးထီၣ်ကွံာ် 34:28

စီၤမိၤၡ့အိၣ်ဖဲန့ၣ်ဒီးယွၤ, အနံၤလွံၢ်ဆံဒီးအနၤလွံၢ်ဆံလီၤ. တအီၣ်တအိတၢ်နီတမံၤဘၣ်. အဝဲကွဲးလီၤတၢ်အၢၣ်လီၤအီလီၤအတၢ်ကတိၤတဖၣ်လၢလၢၢ်ဘ့ၣ်ဘၣ်တဖၣ်အလိၤ, လၢအမ့ၢ်တၢ်မၤလိာ်အထံၣ်တဆံန့ၣ်လီၤ.

ရိမ့ၤ 9:4

အဝဲသ့ၣ်မ့ၢ်ကစၢ်ယွၤအပှၤဂီၢ်မုၢ်ဒီးအဝဲဒၣ်ဒုးကဲထီၣ် အီၤလၢအဖိတဖၣ်ဒီးလီၣ်ဖျါထီၣ်အလၤကပီၤလၢအီၤ န့ၣ်လီၤ. အဝဲဒၣ်မၤအတၢ်အၢၣ်လီၤအီလီၤဒီးအဝဲ သ့ၣ်, ဒီးဟ့ၣ်လီၤအီၤလၢတၢ်သိၣ်တၢ်သီလီၤ. အဝဲသ့ၣ်အိၣ်ဒီးတၢ်ဘူၣ်ထီၣ်ဘါထီၣ်အမ့ၢ်အတီဒီးဒိးန့ၢ် ကစၢ်ယွၤအတၢ်အၢၣ်လီၤအီလီၤတဖၣ်န့ၣ်လီၤ.

၂ ကရံၣ်သူး 3:7

တၢ်သိၣ်တၢ်သီန့ၣ်ဘၣ်တၢ်ဆဲးကွဲးအီၤလၢလံာ်မဲာ်ဖျၢၣ်, လၢလၢၢ်ဘ့ၣ်ဘၣ်အလိၤ, ဒီးကစၢ်ယွၤအလၤကပီၤအိၣ်ဖျါထီၣ်ဖဲတၢ်ဟ့ၣ်လီၤအီၤအဆၢ ကတီၢ်န့ၣ်လီၤ. ဖဲတၢ်ကပြုၢ်ကပြီၤလၢစီၤမိၤၡ့အမဲာ်သၣ် အလိၤလီၤစၢ်ကွံာ်အဆၢကတီၢ်ဒၣ်လဲာ်န့ၣ်, အသဟီၣ်ဆူၣ်မးဝဲတုၤဒၣ်လဲာ်ပှၤအံၣ်စရ့လးဖိတဖၣ်ကွၢ်ထံကွၢ် ဆးအီၤတန့ၢ်ဘၣ်လီၤ. တၢ်သိၣ်တၢ်သီလၢအဒုးအိၣ်ထီၣ် တၢ်သံန့ၣ်, ဖဲအသဟီၣ်ဆူၣ်အဆၢကတီၢ်မ့ၢ်ဟဲဝဲအိၣ်ဒီးတၢ်လၤ ကပီၤထဲထဲန့ၣ်ဒီး,

လံာ်သိၣ်လီၤသီလီၤတၢ် 4:12

တဲဘၣ်အဝဲသ့ၣ်လၢယွၤကတိၤတ့ၢ်တၢ်ဒီးသုလၢမ့ၣ်အူအကျါဒ်လဲၣ်, သုနၢ်ဟူဘၣ်အဝဲကတိၤတၢ်ဒ်လဲၣ်, ဘၣ်ဆၣ်ဒီးသုတထံၣ်ဘၣ်အက့ၢ် အဂီၤနီတမံၤဘၣ်အဂ့ၢ်န့ၣ်တက့ၢ်.

လံာ်သိၣ်လီၤသီလီၤတၢ် 4:14

ယွၤတဲဘၣ်ယၤလၢယကဘၣ်သိၣ်လိသုကယဲၢ်တၢ်ဘူၣ်တၢ်ဘါတၢ်သိၣ်တၢ် သီခဲလၢာ်လၢသုကဘၣ်စူၢ်အီၤ, လၢကီၢ်တဘ့ၣ်လၢသုကလဲၤနုာ်ဒုးအီၤဒီးမၤန့ၢ်အီၤအပူၤန့ၣ်လီၤ.

လံာ်သိၣ်လီၤသီလီၤတၢ် 5:22

တၢ်တဖၣ်အံၤမ့ၢ်တၢ်မၤလိာ်တဖၣ်လၢယွၤဟ့ၣ်လီၤသုဝဲကိးဂၤဒဲး, ဖဲသုပာ်ဖှိၣ်ထီၣ်သုသးလၢကစၢၢ်အခါန့ၣ်လီၤ. ဖဲအဝဲကတိၤတၢ်လၢအကလုၢ်ဖးဒိၣ်လၢမ့ၣ်အူအကျါဒီးလၢတၢ်အၢၣ် အတီၢ်အကျါန့ၣ်, အဝဲဟ့ၣ်လီၤတၢ်မၤလိာ်တဖၣ်အံၤဒီးအဂၤတအိၣ်ဘၣ်. အန့ၣ်ဝံၤဒီးအဝဲကွဲးလီၤဝဲလၢလၢၢ်ဘ့ၣ်ဘၣ်ခံဘ့ၣ်အလိၤ, ဒီးဟ့ၣ်လီၤအီၤလၢယၤန့ၣ်လီၤ.

ဧ့ၤဘြံၤ 9:4

လၢဒဲအံၤအပူၤတၢ်လုၢ်လီၢ်လၢအဘၣ်တၢ်မၤအီၤအိၣ်ဝဲလၢထူ ဖဲပှၤဆူးကဲၤတၢ်နၢမူဒီးတၢ်အၢၣ်လီၤအီလီၤအတလါစီဆှံ လၢအကပၤဘၣ်တၢ်ဖှူအီၤလၢထူန့ၣ်လီၤ. လၢတလါစီဆှံအံၤအပူၤတၢ်တ့ၢ်နုာ်ဝဲသပၢၤထူပှဲၤဒီးကိၣ်မၤ နၤ, ဒီးစီၤအၤဟရိၣ်အနီၣ်ထိးဘိလၢအလၣ်ဒိးထီၣ်တဘိ, ဒီးတၢ်မၤလိာ်အလၢၢ်ဘ့ၣ်ဘၣ်ခံဘ့ၣ်န့ၣ်လီၤ.