လံာ်သိၣ်လီၤသီလီၤတၢ် 34:5 - Sgaw Karen Common Bible

⁵ လၢတၢ်န့ၣ်အဃိ, ဒ်ယွၤစံးတ့ၢ်ဝဲလၢအဝဲကသံအသိးန့ၣ်, ယွၤအခ့အပှၤစီၤမိၤၡ့သံဝဲဖဲန့ၣ်, လၢကီၢ်မိၤအးအပူၤန့ၣ် လီၤ.

လံာ်သိၣ်လီၤသီလီၤတၢ် 34:5 Iomraidhean Croise

လံာ်စီၤပၤခံဘ့ၣ်တဘ့ၣ် 1:17

စီၤပၤအဃၤစယၤသံဝဲဒ်ယွၤစံးတ့ၢ်ဝဲခီဖျိစီၤအ့ၤလံယၤန့ၣ်လီၤ. စီၤအဃၤစယၤအဖိခွါတအိၣ်နီတဂၤဘၣ်. လၢတၢ်န့ၣ်အဃိအဝဲအဒီပုၢ်ဝဲၢ်ခွါစီၤယဟိရၣ်ကဲထီၣ်စီၤပၤ လၢအဝဲအလီၢ်, ဖဲစီၤယဟိၡၤဖးအဖိခွါ, ကီၢ်ယူဒၤအစီၤပၤ, စီၤယဟိရၣ်ကဲစီၤပၤပှဲၤထီၣ်ခံနံၣ်တနံၣ်အကတီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 1:3

မၤလိာ်ဝဲလၢအဝဲသ့ၣ်ကလဲၤသကိးတၢ်ဒီးအီၤဆူတၢ်ဘူၣ်ထီၣ်ဘါ ထီၣ်ယွၤအလီၢ်လၢအအိၣ်လၢဝ့ၢ်ကံးဘိၣ်န့ၣ်လီၤ. အဝဲသ့ၣ်လဲၤတၢ်ဖဲန့ၣ်မ့ၢ်လၢတၢ်လီၢ်န့ၣ်မ့ၢ်တၢ်လီၢ်ဖဲယွၤအဒဲ စီဆှံလၢယွၤအိၣ်ဝဲ, အိၣ်သူၣ်လီၤတ့ၢ်အသးအဃိလီၤ. ဒဲန့ၣ်မ့ၢ်ဒဲတဖျၢၣ်လၢယွၤအခ့အပှၤစီၤမိၤၡ့သူၣ်ထီၣ်တ့ၢ် အီၤလၢပှၢ်မုၢ်ကနၢအပူၤန့ၣ်လီၤ.

လံာ်မၤလကံ 4:4

“သ့ၣ်နီၣ်ထီၣ်က့ၤယခ့ယပှၤစီၤမိၤၡ့အတၢ်သိၣ်လိ, တၢ်သိၣ်တၢ်သီဒီးတၢ်မၤလိာ်လၢယဟ့ၣ်တ့ၢ်အီၤလၢကစၢၢ်စံၤနါလၢ ပှၤအံၣ်စရ့လးဖိခဲလၢာ်ကစူၢ်ဝဲအဂီၢ်န့ၣ်တက့ၢ်.

လံာ်တၢ်ဂံၢ် 12:7

ဖဲယကတိၤတၢ်ဒီးယခ့ယပှၤစီၤမိၤၡ့န့ၣ်လီၤဆီဝဲဒၣ်လီၤ. ယပာ်အီၤလၢကယဲၢ်ယပှၤဂီၢ်မုၢ်အံၣ်စရ့လးခဲလၢာ်အခိၣ်န့ၣ်လီၤ.

လံာ်သိၣ်လီၤသီလီၤတၢ် 31:14

အန့ၣ်ဝံၤဒီးယွၤစံးဘၣ်စီၤမိၤၡ့, “နတအိၣ်မူဘၣ်ယံာ်ယံာ်လၢၤဘၣ်. ဟဲကိးစီၤယိၤၡူဆူယွၤအဒဲစီဆှံ, လၢယကဟ့ၣ်လီၤအီၤအတၢ် သိၣ်လိနဲၣ်ယုၤတဖၣ်အဂီၢ်တက့ၢ်.” စီၤမိၤၡ့ဒီးစီၤယိၤၡူလဲၤဃီၤဆူဒဲစီဆှံ,

လံာ်သိၣ်လီၤသီလီၤတၢ် 31:16

ယွၤစံးဘၣ်စီၤမိၤၡ့, “တယံာ်ဘၣ်န့ၣ်နကသံ, ဒီးဖဲနသံဝံၤအလီၢ်ခံန့ၣ်, ပှၤဂီၢ်မုၢ်ကကဲထီၣ်ပှၤလၢအသူၣ်တ တီသးတရၤဒီးယၤဘၣ်ဒီးကမၤဟးဂီၤကွံာ်တၢ်အၢၣ်လီၤအီလီၤလၢ ယကမၤတ့ၢ်ဒီးအဝဲသ့ၣ်န့ၣ်လီၤ. အဝဲသ့ၣ်ကလဲၤသဒၣ်ကွံာ်ယၤဒီးဘူၣ်ထီၣ်ဘါထီၣ်ပှၤတစူၢ်တနာ်ယွၤ တဖၣ်အကစၢ်တဖၣ်လၢအအိၣ်ဝဲလၢကီၢ်လၢအဝဲသ့ၣ်ကဘၣ်လဲၤနုာ်လီၤဝဲ တဘ့ၣ်အပူၤန့ၣ်လီၤ.

လံာ်သိၣ်လီၤသီလီၤတၢ် 32:50

ဒ်နဒီပုၢ်ဝဲၢ်ခွါစီၤအၤဟရိၣ်သံဝဲလၢကစၢၢ်ဃိၢ်အဒီခိၣ်အသိးန့ၣ်, နကသံလၢကစၢၢ်န့ၣ်အဒီခိၣ်,

၂ တံၤမသ့း 2:25

လၢအသိၣ်က့ၤသီက့ၤပှၤလၢအထီဒါအီၤတဖၣ်လၢတၢ်သးစူၤ အပူၤန့ၣ်လီၤ. မ့ၢ်မၤဝဲဒ်န့ၣ်ဒီး, ဘၣ်တဘၣ်ကစၢ်ယွၤကဟ့ၣ်လီၤအဝဲသ့ၣ်တၢ်အခွဲးအယာ်လၢ ကပီၢ်ယၢ်လီၤက့ၤအသးဒီးကတုၤလၢတၢ်သ့ၣ်ညါတၢ်မ့ၢ်တၢ်တီ အဂီၢ်န့ၣ်လီၤ.

၂ ပ့းတရူး 1:1

လၢစီၤၡံမိၣ်ပ့းတရူး, ယ့ၣ်ၡူးခရံာ်အခ့အပှၤ ဒီးအတၢ်မၢဖိ, ဆူပှၤတဖၣ်လၢခီဖျိကစၢ်ယွၤဒီးပှၤ အုၣ်က့ၤခီၣ်က့ၤတၢ်ယ့ၣ်ၡူးခရံာ်အတၢ်တီတၢ်လိၤန့ၣ်, ဘၣ်တၢ်ဟ့ၣ်လီၤအီၤလၢတၢ်စူၢ်တၢ်နာ်လၢအလုၢ်ဒိၣ် ပှ့ၤဒိၣ်ဒ်ပတၢ်စူၢ်တၢ်နာ်လၢအလုၢ်ဒိၣ်ပှ့ၤဒိၣ်အသိးအအိၣ်,

လံာ်လီၣ်ဖျါ 15:3

ဒီးသးဝံၣ်ယွၤအခ့အပှၤ, စီၤမိၤၡ့အတၢ်သးဝံၣ်, ဒီးသိဖိ အတၢ်သးဝံၣ်ဒီးစံးဝဲ, “သ့တၢ်လၢာ်ကစၢ်ယွၤဧၢ, နတၢ်ဖံးတၢ်မၤတဖၣ်ဒိၣ်ဝဲသွါဝဲ, ဒီးလီၤလိၢ်လီၤလးမးလဲၣ်. ထံဧိၤကီၢ်ဧိၤတဖၣ်အစီၤပၤဧၢ, နကျဲဧိၤကပူၤဧိၤတဖၣ်လိၤဝဲဘၣ်ဝဲ, ဒီးမ့ၢ်ဝဲတီဝဲဆံးဒိၣ်လဲၣ်.