လံာ်သိၣ်လီၤသီလီၤတၢ် 34:3 - Sgaw Karen Common Bible

³ ယူဒၤအတၢ်လီၢ်လၢကလံၤထံးတကပၤ, ဒီးတၢ်ပၢၤခိၣ်လၢအစးထီၣ် အသးလၢဝ့ၢ်စိၤဧၢ်တုၤဃီၤဆူသ့ၣ်စူၣ်ပလူၣ်တဖၣ်အဝ့ၢ်, ဝ့ၢ်ယရံၤဃိန့ၣ်လီၤ.

လံာ်သိၣ်လီၤသီလီၤတၢ် 34:3 Iomraidhean Croise

လံာ်တၢ်ကဲထီၣ်အခီၣ်ထံး 13:10

စီၤလိာ်ကွၢ်တၢ်ဝးဝးဒီးထံၣ်ဝဲဒၣ်လၢထံကျိယၢ်ဒ့ၣ်အတၢ်ပၢၤ ခိၣ်ဒီဘ့ၣ်ညါကျဲတရဲာ်ဃီဆူဝ့ၢ်စိၤဧၢ်န့ၣ်ထံအိၣ်လၢလၢလီၣ် လီၣ်လီၤဂာ်ဒ်ယွၤအတၤသၣ်လီၢ်အသိးမ့ၢ်ဂ့ၤ, လီၤဂာ်ဒ်ကီၢ်အဲၤကူပတူးအသိးမ့ၢ်ဂ့ၤန့ၣ်လီၤ. (အအံၤမ့ၢ်တၢ်အကတီၢ်လၢယွၤတချုးမၤဟးဂီၤဝ့ၢ်စဒိၣ်ဒီးဂမိၤ ရၤဒံးဘၣ်န့ၣ်လီၤ.)

လံာ်တၢ်ကဲထီၣ်အခီၣ်ထံး 14:2

အိၣ်ဒီးအတၢ်ဒုးလိာ်ယၤလိာ်အသးဒီးစီၤပၤအဂၤယဲၢ်ဂၤလၢအမ့ၢ် ပှၤစဒိၣ်အစီၤပၤစီၤဘ့ရၤ, ပှၤဂမိရၤအစီၤပၤစီၤဘံးရၡၤ, ပှၤအၤဒမၤအစီၤပၤစီၤၡံးနာ်, ပှၤစဘိအံၣ်အစီၤပၤစီၤၡ့မ့ ဘ့ၢ်ဒီးပှၤဘ့လၤ (မ့တမ့ၢ်ပှၤစိၤဧၢ်) အစီၤပၤန့ၣ်လီၤ.

လံာ်တၢ်ကဲထီၣ်အခီၣ်ထံး 14:8

ဒီးစဒိၣ်အစီၤပၤ, ဂမိရၤအစီၤပၤ, အၤဒမၤအစီၤပၤ, စဘိအံၣ်အစီၤပၤဒီးဘ့လၤအစီၤပၤသ့ၣ်တဖၣ်ပာ်ဖှိၣ်ထီၣ်အသုး မုၢ်လၢတၢ်ဒုးအဂီၢ်ဖဲစံးဒံၣ်အတၢ်တြီၤပူၤဒီးဒုးတၢ်ထီဒါ,

လံာ်တၢ်ကဲထီၣ်အခီၣ်ထံး 19:22

မၤချ့ချ့. ဃ့ၢ်တက့ၢ်. တချုးနလဲၤတုၤဖဲန့ၣ်ဘၣ်ဒီး, ယမၤတၢ်တသ့နီတမံၤဘၣ်. မ့ၢ်လၢစီၤလိာ်ကိးအီၤလၢတၢ်အဆံးအဃိ ဝ့ၢ်အံၤဘၣ်တၢ်ကိးအီၤလၢဝ့ၢ်စိၤဧၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 28:15

ဒီးပှၤတူၢ်ဒိၣ်ကီၤဒိၣ်လွံၢ်ဂၤလၢတၢ်ယၢၤထီၣ်တ့ၢ်အမံၤန့ၣ်, ဘၣ်တၢ်ဃုထၢပာ်လီၤအီၤ, လၢကနီၤဟ့ၣ်ပှၤဘၣ်စၢဃာ်တဖၣ်လၢတၢ်ကူ တၢ်သိး, လၢတၢ်ဂုာ်န့ၢ်အကျါန့ၣ်လီၤ. အဝဲသ့ၣ်ဟ့ၣ်လီၤပှၤဘၣ်စၢဃာ်တဖၣ်န့ၣ်လၢတၢ်ကူတၢ်သိးဒီးခီၣ် ဖံးတဖၣ်လၢကကူဝဲသိးဝဲဒီးဒိးဝဲအဂီၢ်, ဟ့ၣ်အီၤတၢ်အီၣ်တၢ်အီလၢလၢပှဲၤပှဲၤလၢကအီၣ်ကအီဝဲအဂီၢ်ဒီး လူလီၤန့ၢ်အဝဲသ့ၣ်အပူၤလီၢ်တဖၣ်လၢသ့ၣ်စၤယံးအသိန့ၣ်လီၤ. ပှၤတဖၣ်လၢအဂံၢ်ဘါစၢ်ကဲၣ်ဆိးလၢကဟးဝဲအဂီၢ်န့ၣ်, ဘၣ်တၢ်ဒုးဒိးအီၤလၢကသ့ၣ်ယီၤတဖၣ်ဒီးကယဲၢ်ပှၤဘၣ်စၢဃာ်ခဲ လၢာ်န့ၣ်ဘၣ်တၢ်ဆှၢကဒါက့ၤအီၤဆူကီၢ်ယူဒၤအလီၢ်ကဝီၤဖဲဝ့ၢ် ယရံၤဃိ, သ့ၣ်စူၣ်ပလိၣ်အဝ့ၢ်န့ၣ်လီၤ. အန့ၣ်ဒီး, ပှၤအံၣ်စရ့လးဖိတဖၣ်က့ၤကဒါဝဲဆူအဟံၣ်အိၣ်လၢကီၢ် ၡၤမရံန့ၣ်လီၤ.

လံာ်တၢ်ဂံၢ် 34:3

ကလံၤစိးကီၢ်ဆၢကစးထီၣ်လၢပှၢ်မုၢ်ကနၢစံၣ်ယံၤတုၤလၢကီၢ် အဒိၣ်အကီၢ်ဆၢန့ၣ်လီၤ. တၢ်န့ၣ်ကစးထီၣ်လၢမုၢ်ထီၣ်တခီဖဲပီၣ်လဲၣ်သံအကလံၤထံး အကတၢၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 1:16

ဒီးပှၤက့ၣ်ဖိ, စီၤမိၤၡ့အမံၤပှၢ်အစၢၤအသွဲၣ်တဖၣ်လဲၤဃုာ်တၢ် ဒီးယူဒၤအပှၤဂီၢ်မုၢ်စးထီၣ်လၢဝ့ၢ်ယရံၤဃိ, ဝ့ၢ်လၢအအိၣ်ဒီးသ့ၣ်စူၣ်ပလူၣ်တဖၣ်ဒီးပၢၢ်တုၤဆူကီၢ်ယူဒၤ အဝ့ၢ်ဧရးအကလံၤထံးဖဲတၢ်မုၢ်တၢ်ဘိတကဲထီၣ်ဘၣ်အလီၢ်န့ၣ်လီၤ. ဒီးဖဲန့ၣ်အဝဲသ့ၣ်အိၣ်ဆိးဃုာ်ဒီးပှၤဧမၤလ့းဖိတဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 3:13

ဒီးစီၤပၤဧ့းကလိၣ်ပာ်ဖှိၣ်အသးဒီးပှၤအမိၢ်ဖိ, ဒီးပှၤဧမၤလ့းဖိ, ဒီးမၤနၢၤပှၤအံၣ်စရ့လးဖိဒီးမၤန့ၢ်ဝ့ၢ်ယရံၤဃိလၢအမ့ၢ် သ့ၣ်စူၣ်ပလိၣ်အဝ့ၢ်န့ၣ်လီၤ.