လံာ်သိၣ်လီၤသီလီၤတၢ် 33:7 - Sgaw Karen Common Bible

⁷ ဘၣ်ဃးဒီးယူဒၤအဒူၣ်အဂ့ၢ်န့ၣ်, အဝဲစံးဝဲ, “ယွၤဧၢ, ကနၣ်အဝဲသ့ၣ်အတၢ်ကိးထီၣ်လၢတၢ်မၤစၢၤအဂီၢ်, ပာ်ဖှိၣ်ကဒါက့ၤအဝဲသ့ၣ်တပူၤဃီဒီးဒူၣ်အဂၤ တဖၣ်တက့ၢ်. ဒုးတၢ်လၢအဝဲသ့ၣ်အဂီၢ်, ယွၤဧၢ, ဒီးမၤစၢၤအဝဲသ့ၣ်ထီဒါအဒုၣ်အဒါတဖၣ်န့ၣ်တက့ၢ်.”

လံာ်သိၣ်လီၤသီလီၤတၢ် 33:7 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 3:1

တၢ်ဒုးတၢ်ယၤလၢသုးဖိတဖၣ်လၢအဆီၣ်ထွဲမၤစၢၤစီၤစီလူး အဒူၣ်ဖိထၢဖိဒီးသုးဖိတဖၣ်လၢအဆီၣ်ထွဲစီၤဒၤဝံးအဘၢၣ်စၢၤ န့ၣ်မၤအသးဆူညါဖးယံာ်န့ၣ်လီၤ. ဒ်စီၤဒၤဝံးအဂံၢ်အဘါဆူၣ်ထီၣ်ဆူၣ်ထီၣ်ဝဲဒၣ်အသိးန့ၣ်ပှၤလၢအထီဒါအီၤတဖၣ် အဂံၢ်အဘါစၢ်လီၤဝဲဒၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 5:1

တုၤနုၤတစု, ကယဲၢ်ကီၢ်အံၣ်စရ့လးအဒူၣ်တဖၣ်လဲၤဆူစီၤဒၤဝံး အအိၣ်လၢဝ့ၢ်ဃ့ဘြိၣ်ဒီးစံးဘၣ်အီၤ, “ပမ့ၢ်နသွံၣ်နထံ, နဖံးနညၣ်ဒၣ်နဲလီၤ.

လံာ်စီၤၡမူၤအ့လးခံဘ့ၣ်တဘ့ၣ် 5:19

စီၤဒၤဝံးသံကွၢ်ယွၤ, “မ့ၢ်ယကဘၣ်ဒုးပှၤဖလ့ၡသးဖိတဖၣ်န့ၣ်ဧါ. မ့ၢ်နကဟ့ၣ်ယၤလၢတၢ်မၤနၢၤန့ၣ်ဧါ.” ယွၤစံးဆၢဝဲဒၣ်, “မ့ၢ်, လဲၤဒုးတက့ၢ်. ယကဟ့ၣ်နၤလၢတၢ်မၤနၢၤန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 5:24

ဖဲသုနၢ်ဟူတၢ်လဲၤထီၣ်ဒုးတၢ်အသီၣ်လၢသ့ၣ်တဖၣ်အစိးခံန့ၣ်, လဲၤထီၣ်ဒုးတၢ်တက့ၢ်. အဂ့ၢ်ဒ်အံၤ, ယကလဲၤထီၣ်ဆိ လၢသုမဲာ်ညါလၢတၢ်မၤနၢၤကွံာ်ပှၤဖလ့ၡသးဖိအသုးမုၢ်အဂီၢ် န့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 12:22

ကိးမုၢ်နံၤဒဲးဃၣ်ဃၣ်န့ၣ်, ပှၤအသီတဖၣ်ဟဲပာ်ဖှိၣ်အသးလၢစီၤ ဒၤဝံးအသုးမုၢ်တဖၣ်အပူၤ, တုၤဒၣ်လဲာ်အသုးမုၢ်ကဲထီၣ်ဒ်သုးမုၢ်လၢအဒိၣ်ဝဲဒီးဆူၣ်ဝဲ န့ၣ်လီၤ.

စံးထီၣ်ပတြၢၤ 146:5

ပှၤလၢစီၤယၤကိာ်အကစၢ်ယွၤမ့ၢ်အတၢ်မၤစၢၤအီၤ, ပှၤလၢအမုၢ်လၢ်တၢ်လၢယွၤ, အကစၢ်ယွၤန့ၣ် ဘၣ်ဆိၣ်ဂ့ၤဝဲလီၤ.

စံးထီၣ်ပတြၢၤ 20:2

မ်အဆှၢလီၤတၢ်မၤစၢၤနၤလၢတၢ်လီၢ်စီဆှံ ဒီးဟ့ၣ်လီၤနၤတၢ်မၤစၢၤ လၢကစၢၢ်စံယိၣ်န့ၣ်တက့ၢ်.

စံးထီၣ်ပတြၢၤ 21:1

ယွၤဧၢ, စီၤပၤသးခုဝဲလၢနဟ့ၣ်အီၤတၢ်ဂံၢ်တၢ်ဘါ, ဒီးသးဖှံဝဲလၢနဒုးမၤနၢၤအီၤတၢ်အဃိန့ၣ်လီၤ.

စံးထီၣ်ပတြၢၤ 21:8

စီၤပၤအစုကဖီၣ်န့ၢ်အဒုၣ်အဒါခဲလၢာ်, ဒီးအစုထွဲကဖီၣ်န့ၢ်ပှၤလၢ အသးဟ့အီၤခဲလၢာ်န့ၣ်လီၤ.

စံးထီၣ်ပတြၢၤ 78:68

အခိၣ်တလိာ်အဝဲဃုထၢဝဲယူဒၤအဒူၣ်, ဒီးကစၢၢ်စံယိၣ်လၢအအဲၣ်ဝဲဒိၣ်မးန့ၣ်လီၤ.

စံးထီၣ်ပတြၢၤ 78:70

အဝဲဃုထၢအခ့အပှၤစီၤဒၤဝံး, ဒီးဟံးန့ၢ်အီၤလၢသိကရၢၢ်အပူၤ,

စံးထီၣ်ပတြၢၤ 89:24

ယတၢ်သူၣ်တီသးလိၤ ဒီးယတၢ်အဲၣ်ဂၢၢ်ကျၢၤကအိၣ်ဒီးအီၤ ယကဟ့ၣ်အီၤတၢ်မၤနၢၤထီဘိလီၤ.

လံာ်ယၡါယၤ 9:17

လၢတၢ်န့ၣ်အဃိ, ယွၤတပျဲပူၤဖျဲးပှၤသးစၢ်ပိာ်ခွါနီတဂၤ ဘၣ်, ဒီးအဝဲတဒုးနဲၣ်တၢ်သးကညီၤလၢမုၣ် ကမဲဒီးဖိၣ်ဃဲနီတဂၤဘၣ်. အဂ့ၢ်ဒ်အံၤ, ပှၤခဲလၢာ်န့ၣ်အယွၤတအိၣ်ဘၣ်, အၢဝဲသီဝဲဒီးတၢ်ခဲလၢာ်လၢအစံးက တိၤဝဲန့ၣ်အၢဝဲသီဝဲလီၤ. အန့ၣ်ဒၣ်လဲာ်, ယွၤအတၢ်သးထီၣ်တဆိကတီၢ်ဝဲဘၣ်. အစုယူာ်ထီၣ်ဒံးအသးလၢက စံၣ်ညီၣ်တၢ်အဂီၢ်လီၤ.

လံာ်မံကၤ 5:2

ယွၤစံးဝဲဒၣ်, “ဘ့ၤသလ့ဃ့ၣ်အ့ဖရၤသးဧၢ, နမ့ၢ်ဝ့ၢ်အဆံးကတၢၢ်တဖၣ်အကျါတဝ့ၢ်လၢကီၢ်ယူဒၤအပူၤလီၤ. ဘၣ်ဆၣ်ယကဒုးဟဲထီၣ်ပှၤပၢတၢ်တဂၤလၢကီၢ်အံၣ်စရ့လးအဂီၢ်လၢ နပူၤလီၤ. အဝဲအဒူၣ်ဖိထၢဖိအခီၣ်ထံးခီၣ်ဘိန့ၣ်မ့ၢ်တၢ်လၢပျၢၤလၢကစၢၤ လံၤလံၤန့ၣ်လီၤ”.

လံာ်မၤလကံ 3:1

ယွၤသ့တၢ်လၢာ်စံးဆၢဝဲ, “ယကဆှၢလီၤယပှၤစိာ်တၢ်ကစီၣ်ဒ်သိးကကတဲာ်ကတီၤကျဲလၢယဂီၢ် လီၤ. တုၤနုၤတစု, ယွၤလၢသုဃုအီၤန့ၣ်ကဟဲသတူၢ်ကလာ်ဆူအတၢ်လုၢ် ဟံၣ်လီၤ. ပှၤစိာ်တၢ်ကစီၣ်လၢသုဆၢထံၣ်ဘၣ်အီၤန့ၣ်ကဟဲဒီးစံးဘၣ်တဲ ဘၣ်ယတၢ်အၢၣ်လီၤအီလီၤန့ၣ်လီၤ.”

လံာ်တၢ်ဂံၢ် 34:19

ဒီးအအံၤမ့ၢ်ပှၤတဖၣ်လၢယွၤဃုထၢထီၣ်အီၤန့ၣ်လီၤ. ပှၤအဒူၣ် ခိၣ်နၢ် ယူဒၤ စီၤယဖူန့ၤအဖိခွါစီၤကၤလ့း စူၤမ့းအိၣ် စီၤဧးမံၤဟူးအဖိခွါစီၤၡံမူၤအ့လး ဘံၣ်ယၤမံၣ် စီၤကံးစလိၣ်အဖိခွါစီၤအလံဒး ဒၣ် စီၤယၤကလံၤအဖိခွါစီၤဘူးကံၤ မနၤၡ့ၤ စီၤအ့ဖိးအဖိခွါစီၤဃနံၤအ့လး အ့ဖရဲၣ် စီၤၡံးဖတၣ်အဖိခွါစီၤကမူၤအ့လး စဘူလိၣ် စီၤပၢ်နးအဖိခွါစီၤအလံစဖၣ် ယံးစၣ်ကၣ် စီၤဧးစၣ်အဖိခွါစီၤပးလတံၤအ့လး အၤၡ့ၢ် စီၤၡလိၤမံအဖိခွါစီၤအဃံဟူး နးသၤလံ စီၤဧးမံဟူးအဖိခွါစီၤပဒၤအ့လး

လံာ်လူၤကၣ် 19:27

မ့မ့ၢ်, ယဒုၣ်ယဒါတဖၣ်အံၤလၢအတအဲၣ်ဒိးယကဲအစီၤပၤန့ၣ်, ဆှၢအဝဲသ့ၣ်တဖၣ်ဆူအံၤ, ဒီးမၤသံအီၤလၢယမဲာ်ညါတက့ၢ်.’ ”

1 ကရံၣ်သူး 15:25

အဂ့ၢ်ဒ်အံၤ, ခရံာ်ကဘၣ်ပၢတၢ်တုၤလီၤလၢကစၢ်ယွၤမၤနၢၤ ကွံာ်ဒုၣ်ဒါခဲလၢာ်ဒီးပာ်အဝဲသ့ၣ်လၢအဝဲဒၣ်အခီၣ်ဖီလာ်တစုန့ၣ်လီၤ.

ဧ့ၤဘြံၤ 7:14

ပှၤသ့ၣ်ညါလီၤတံၢ်လီၤဆဲးလၢပကစၢ်ဟဲလီၤစၢၤဝဲလၢ စီၤယူဒၤအဒူၣ်ဒီးဖဲအဘၣ်ဃးဒီးဒူၣ်အံၤအဂ့ၢ်န့ၣ်, စီၤမိၤၡ့တယၢၤထီၣ်ပှၤလုၢ်တၢ်အခိၣ်တဖၣ်အဂ့ၢ်နီတမံၤဘၣ်.

လံာ်စီၤယိၤၡူ 15:20

အဝဲအံၤမ့ၢ်ပှၤယူဒၤဖိအဒူၣ်အတၢ်န့ၢ်သါဒ်အဒူၣ်ဖိထၢဖိတဖၣ် အိၣ်ဝဲအသိးန့ၣ်လီၤ.