လံာ်သိၣ်လီၤသီလီၤတၢ် 33:18 - Sgaw Karen Common Bible

¹⁸ ဘၣ်ဃးဒီးစဘူလိၣ်ဒီးယံးစၣ်ကၣ်အဒူၣ်တဖၣ်အဂ့ၢ်န့ၣ်, အဝဲစံးဝဲ, “မ်စဘူလိၣ်ထူးထီၣ်တီၤထီၣ်လၢအတၢ်မၤကူၣ်မၤကၤလၢပီၣ်လဲၣ်ပူၤ, ဒီးမ်ယံးစၣ်ကၣ်အတၢ်ထူးတၢ်တီၤအါထီၣ်ဝဲလၢ ဟံၣ်တက့ၢ်.

လံာ်သိၣ်လီၤသီလီၤတၢ် 33:18 Iomraidhean Croise

လံာ်တၢ်ကဲထီၣ်အခီၣ်ထံး 30:18

ဒီးနီၢ်လ့ၤအၤစံးဝဲ, “ကစၢ်ယွၤဟ့ၣ်လီၤယၤလၢယတၢ်န့ၢ်ဘျုး လီၤ. အဂ့ၢ်ဒ်အံၤ, ယဟ့ၣ်ယကုၢ်ပိာ်မုၣ်လၢယဝၤအဃိန့ၣ်လီၤ.” ဒီးယုၢ်ဝဲအမံၤလၢစီၤယံးစၣ်ကၢ်လီၤ.

လံာ်စီၤယိၤၡူ 19:11

ဝံၤဒီးအကီၢ်ဆၢလဲၤဆူမုၢ်နုာ်တုၤလၢဝ့ၢ်မရၤလၤ, ဒီးထိးဘၣ်ဝ့ၢ်ဒးဘးၡ့းဒီးထံကျိဖိလၢ ဝ့ၢ်ယၤကနၣ်အမုၢ်ထီၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 5:14

အဝဲသ့ၣ်ဟဲဝဲလၢအ့ဖရဲၣ်, ပှၤတဖၣ်လၢအိၣ်ဆိးဝဲလၢကီၢ်ဧမၤလ့း, လၢဘံၣ်ယၤမံၣ်အဒူၣ်ဒီးအပှၤဂီၢ်မုၢ်အလီၢ်ခံလီၤ. သုးခိၣ်ဖးဒိၣ်တဖၣ်ဟဲဝဲလၢကီၢ်မၤကံၢ်, ဒီးသုးခိၣ်သုးနၢ်တဖၣ်ဟဲဝဲလၢကီၢ်စဘူလိၣ်လီၤ.