လံာ်သိၣ်လီၤသီလီၤတၢ် 33:17 - Sgaw Karen Common Bible

¹⁷ စီၤယိၤသးအိၣ်ဒီးဂီၤဖံးဖါတဒုအတၢ်ဂံၢ်တၢ်ဘါ, ဂီၤဖံးဖါလၢအရၢၢ်အစၢၢ်တစုအနၢၤတဖၣ်လီၤ. အဝဲအနၢၤတဖၣ်န့ၣ်မ့ၢ်ဒ်မနၤၡ့ၣ်အကထိတဖၣ် ဒီးအ့ဖရဲၣ်အကလးတဖၣ်အသိးန့ၣ်လီၤ. အဝဲဘျၢၣ်ပှၤကလုာ်တဖၣ်လၢနၢၤတဖၣ်န့ၣ်, ဒီးဆီၣ်လီၤကွံာ်အဝဲသ့ၣ်တုၤလၢဟီၣ်ခိၣ်အကတၢၢ်တဖၣ်န့ၣ်လီၤ.”

လံာ်သိၣ်လီၤသီလီၤတၢ် 33:17 Iomraidhean Croise

လံာ်တၢ်ကဲထီၣ်အခီၣ်ထံး 48:19

အပၢ်စီၤယၤကိာ်ဂ့ၢ်လိာ်တၢ်ဒီးစံးဝဲ, “ယသ့ၣ်ညါ, ယဖိခွါဧၢ, ယသ့ၣ်ညါကစီဒီလီၤ. စီၤမနၤၡ့ၤအစၢၤအသွဲၣ်တဖၣ်ကကဲထီၣ်စ့ၢ်ကီးပှၤဂီၢ်မုၢ်ဖးဒိၣ် တဖုန့ၣ်လီၤ. ဘၣ်ဆၣ်ဒီး, အပုၢ်ပိာ်ခွါကဒိၣ်ထီၣ်အါထီၣ်န့ၢ်ဒံးအီၤ, ဒီးအစၢၤအသွဲၣ်တဖၣ်ကကဲထီၣ်ပှၤကလုာ်ဖးဒိၣ်တဖၣ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 22:11

ဝံအကျါတဂၤလၢအမ့ၢ်စီၤကနၤနါအဖိခွါစီၤစံးဒကံယၤပိာ်တၢ် အနၢၤတဖၣ်လၢထးဒီးစံးဘၣ်စီၤအၤဃာ်, “တၢ်အံၤမ့ၢ်တၢ်လၢယွၤစံးဝဲ, လၢတၢ်သ့ၣ်တဖၣ်အံၤန့ၣ်, နကဒုးပှၤစူၤရံဖိတဖၣ်ဒီးမၤနၢၤမၤဃၣ်ကွံာ်အဝဲသ့ၣ်လၢာ်လၢာ် ဆ့ဆ့န့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 12:31

လၢမုၢ်နုာ်မနၤၡ့ၤအဒူၣ်ပူၤန့ၣ်ပှၤ တကလးဃိးကထိဂၤ, ဘၣ်တၢ်ဃုထၢအီၤဒ်သိးကလဲၤပာ်ထီၣ်စီၤဒၤဝံးလၢစီၤပၤန့ၣ် လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 12:32

လၢပှၤယံးစၣ်ကၢ်ဖိအဒူၣ်ပူၤန့ၣ်, ပှၤအခိၣ်အနၢ်ခံကယၤဂၤ, ဃုာ်ဒီးပှၤတဖၣ်လၢအအိၣ်လၢအဝဲသ့ၣ်အတၢ်ပၢအဖီလာ်န့ၣ်လီၤ. (ပှၤခိၣ်ပှၤနၢ်တဖၣ်အံၤသ့ၣ်ညါတ့ၢ်တၢ်လၢပှၤအံၣ်စရ့လးဖိ ကြၢးမၤဝဲဒီးတၢ်ဆၢကတီၢ်အဂ့ၤကတၢၢ်လၢကဘၣ်မၤဝဲ န့ၣ်လီၤ.)

လံာ်ကွဲးနီၣ်တၢ်အခီၣ်ထံးတဘ့ၣ် 5:1

အအံၤမ့ၢ်စီၤယၤကိာ်အဖိခွါဝဲၢ်ကိစီၤရူၤဘ့ၣ်အစၢၤအသွဲၣ် တဖၣ်န့ၣ်လီၤ. (မ့ၢ်လၢအဝဲအိၣ်ဃုာ်ဒီးအပၢ်အသံၣ်မါတဖၣ်အကျါတဂၤအဃိ, တၢ်ခွဲးတၢ်ယာ်တဖၣ်လၢအဘၣ်ဃးဒီးဖိဝဲၢ်ကိလီၤမၢ်ကွံာ်န့ၢ် အီၤ, ဒီးတၢ်ခွဲးတၢ်ယာ်တဖၣ်န့ၣ်ဘၣ်တၢ်ဟ့ၣ်လီၤကွံာ်အီၤဆူစီၤယိၤ သးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 5:2

မ့ၢ်နာ်သက့ဒီး, ယူဒၤမ့ၢ်ဒူၣ်တဒူၣ်လၢအကဲထီၣ်ပှၤဂံၢ်ဆူၣ်ဘါ ဆူၣ်ကတၢၢ်ဒီးဒုးအိၣ်ထီၣ်ပှၤပၢတၢ်တဂၤလၢကယဲၢ်ပှၤအဒူၣ်ခဲလၢာ် အဂီၢ်န့ၣ်လီၤ.)

လံာ်ကွဲးနီၣ်တၢ်အခီၣ်ထံးတဘ့ၣ် 5:23

ပှၤမုၢ်ထီၣ်မနၤၡ့ၤဖိတဖၣ်အိၣ်ဝဲဆိးဝဲလၢကီၢ်ဘၤၡၣ်အလီၢ် ကဝီၤတဖၣ်ဒီးယံၤဝဲတုၤလၢဘဧၤလးဃ့ရမိၣ်, စနံၢ်, ကစၢၢ်ဃ့ရမိၣ်လၢကလံၤစိးတကပၤဒီးအနီၣ်ဂံၢ်အါထီၣ်ဝဲ ဒိၣ်ဒိၣ်ကလဲာ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 18:10

လၢအဝဲသ့ၣ်အကျါတဂၤလၢအမ့ၢ်စီၤကနၤနါအဖိခွါစီၤစံးဒကံ ယၤပိာ်န့ၢ်နၢၤထးတဖၣ်ဒီးစံးဘၣ်စီၤအၤဃာ်, “အအံၤမ့ၢ်တၢ်လၢယွၤစံးဝဲဒၣ်န့ၣ်လီၤ. နကဒုးပှၤစူၤရံဖိ တဖၣ်လၢတၢ်တဖၣ်အံၤဒီးနကမၤနၢၤအဝဲသ့ၣ်လၢာ်လၢာ်ဆ့ဆ့န့ၣ် လီၤ.”

စံးထီၣ်ပတြၢၤ 22:21

မၤပူၤဖျဲးယၤလၢခ့ယုၢ်သ့ၣ်တဖၣ်အံၤ, လၢဂီၤဖံးဖါအအၢသ့ၣ်တဖၣ်အံၤအမဲာ်ညါန့ၣ်, ပှၤလၢအမၤစၢၤယၤတအိၣ်ဘၣ်.

စံးထီၣ်ပတြၢၤ 29:6

အဝဲဒုးစံၣ်လဘၤနိၣ်အကစၢၢ်ဒ်ဂီၤဖံးဖိအသိး ဒီးကစၢၢ်ဃ့ရမိၣ်ဒ်ဂီၤဖံးဖါလၢအရၢတဒုအသိးန့ၣ်လီၤ.

စံးထီၣ်ပတြၢၤ 44:5

ဒီးလၢနတၢ်စိတၢ်ကမီၤန့ၣ်, ပမၤနၢၤပဒုၣ်ပဒါတဖၣ်န့ၣ်လီၤ.

စံးထီၣ်ပတြၢၤ 60:7

ကံးလဧးမ့ၢ်ယတၢ်, မနၤၡ့ၤမ့ၢ်ယတၢ်, အ့ဖရဲၣ်မ့ၢ် ယခိၣ်သလုးထး, ဒီးယူဒၤမ့ၢ်ယစီၤပၤအနီၣ်ထိးလီၤ.

စံးထီၣ်ပတြၢၤ 92:10

နဒုးဂံၢ်ဆူၣ်ဘါဆူၣ်ယၤထဲသိးတၤဖးရံၣ်တဒု နဆိၣ်ဂ့ၤယၤဒီးတၢ်သူၣ်ဖှံသးညီလီၤ.

လံာ်ယၡါယၤ 34:7

ပှၤဂီၢ်မုၢ်တဖၣ်ကလီၤဃံၤသံဝဲဒ်ကျီၢ်ဖါမံၤတဖၣ်ဒီးဂီၤဖံးဖါဖိ တဖၣ်အသိး, ဒီးဟီၣ်ခိၣ်ကဂီၤဝဲဒီးတၢ်သွံၣ်ဒီးဘၣ်အၢပှဲၤဒီး တၢ်အသိလီၤ.

လံာ်ယဃ့းစက့လး 34:21

သုဆီၣ်ကပၤကွံာ်သိလၢအဆူးအဆါတဖၣ်ဒီးဘျၢၣ်ဖျိးကွံာ် အဝဲသ့ၣ်လၢသိတဖုအအိၣ်န့ၣ်လီၤ.

လံာ်ဒၤနံးယ့လး 8:4

ယအိၣ်ခိးကွၢ်တ့ၢ်သိဖါတဒုန့ၣ်ဘျၢၣ်တၢ်လၢအနၢၤဆူမုၢ်နုာ်, ကလံၤစိးဒီးကလံၤထံးတကပၤန့ၣ်လီၤ. တၢ်မံၤလာ်လၢအတြီအီၤန့ၢ်မ့ၢ်ဂ့ၤ, ဃ့ၢ်ပူၤဖျဲးလၢအစိကမီၤမ့ၢ်ဂ့ၤတအိၣ်ဘၣ်နီတဒုဘၣ်. မၤဝဲဖဲဒၣ်အသးဒီးမၤဒိၣ်မၤဆူၣ်ထီၣ်အသးန့ၣ်လီၤ.

လံာ်ဟိၤၡ့ 5:3

ကီၢ်အံၣ်စရ့လးမ့ၢ်တၢ်ဒ်လဲၣ်န့ၣ်ယသ့ၣ်ညါယဲလီၤ. အဝဲအိၣ်သဒၢလၢယၤတသ့ဘၣ်. အဝဲအသးတတီတ့ၢ်ဒီးယၤဘၣ်ဒီးအပှၤ ဂီၢ်မုၢ်တဖၣ်တကြၢးလၢကဘူၣ်ထီၣ်ဘါထီၣ်ယၤဘၣ်.

လံာ်ဟိၤၡ့ 6:4

ဘၣ်ဆၣ်ယွၤစံးဝဲဒၣ်, ကီၢ်အံၣ်စရ့လးဒီးကီၢ်ယူဒၤဧၢ, ယကမၤတၢ်မနုၤဒီးသုန့ၣ်လဲၣ်. သုတၢ်အဲၣ်ယၤအံၤဟါမၢ်ကွံာ်ချ့ချ့ ကလဲာ်ဒ်မုၢ်ဂီၤအဘှ့ၣ်အသိး, လီၤဂာ်ဒ်ပစီၤထံလၢအလီၤမၢ် ကွံာ်လၢဂီၤထၢၣ်သၢတဂီၤအဆၢကတီၢ်အသိးန့ၣ်လီၤ.

လံာ်ဟိၤၡ့ 7:1

တဘျီလၢ်လၢ်ဖဲယအဲၣ်ဒိးမၤဘျါက့ၤယပှၤဂီၢ်မုၢ်အံၣ်စရ့လးဒီး ဒုးဘီၣ်ထီၣ်ညီထီၣ်ကဒီးအီၤန့ၣ်, တၢ်လၢယထံၣ်ဘၣ်တဖၣ်ခဲလၢာ်န့ၣ်မ့ၢ်ဒၣ်အဝဲသ့ၣ်အတၢ်တတီတလိၤဒီး တၢ်အၢတၢ်သီလၢအဝဲသ့ၣ်မၤန့ၣ်လီၤ. အဝဲသ့ၣ်လီန့ၢ်လိာ်အသးတဂၤဒီး တဂၤ, ဘၢၣ်ဖျိနုာ်ဆူဟံၣ်တဖၣ်အပူၤဒီးဟုၣ်တၢ်, အဝဲသ့ၣ်တမျာ်ပှၤဂီၢ် မုၢ်လၢကျဲမုၢ်တဖၣ်အပူၤန့ၣ်လီၤ.

လံာ်တၢ်ဂံၢ် 23:22

ကစၢ်ယွၤထုးထီၣ်တ့ၢ်အဝဲသ့ၣ်လၢကီၢ်အဲၤကူပတူးအပူၤလီၤ. အဝဲဒုးတၢ်လၢအဝဲသ့ၣ်အဂီၢ်ဒ်ကျီၢ်ဖါအမံၤတဒုအသိးန့ၣ်လီၤ.

လံာ်တၢ်ဂံၢ် 24:8

ကစၢ်ယွၤထုးထီၣ်တ့ၢ်အဝဲသ့ၣ်လၢကီၢ်အဲၤကူပတူးဒီးအဝဲဒုး တၢ်လၢအဂီၢ်ဒ်ကျီၢ်ဖါတံၢ်အမံၤတဒုအသိးန့ၣ်လီၤ. အဝဲသ့ၣ်အ့ၣ်ဖှီကွံာ်အဒုၣ်အဒါတဖၣ်, မၤကၢ်ကွံာ်အဃံအကွဲ တဖၣ်, ဒီးတီၢ်သဘှံးအပျၢ်တဖၣ်န့ၣ်လီၤ.

လံာ်တၢ်ဂံၢ် 26:34

ဒူၣ်ထၢတဖၣ်အံၤအပှၤပိာ်ခွါအနီၣ်ဂံၢ်အိၣ်ဝဲ, ယဲၢ်ကလးခံကထိနွံကယၤ ဂၤန့ၣ်လီၤ.

လံာ်တၢ်ဂံၢ် 26:37

ဒူၣ်ထၢတဖၣ်အံၤအပှၤပိာ်ခွါအနီၣ်ဂံၢ်အိၣ်ဝဲ, သၢကလးခံကထိ ယဲၢ်ကယၤဂၤန့ၣ်လီၤ. အဝဲသ့ၣ်တဖၣ်အံၤမ့ၢ်ဒူၣ်ထၢတဖၣ်လၢအဟဲလီၤစၢၤလၢစီၤယိၤသး န့ၣ်လီၤ.

လံာ်စီၤယိၤၡူ 17:14

စီၤယိၤသးအစၢၤအသွဲၣ်တဖၣ်စံးဘၣ်စီၤယိၤၡူ, “ဘၣ်မနုၤအဃိနဟ့ၣ်ပှၤကီၢ်ထဲတပူဧိၤလၢပတၢ်န့ၢ်သါအဂီၢ်န့ၣ်လဲၣ်. ပမ့ၢ်ပှၤအအါတဖုမ့ၢ်လၢယွၤဆိၣ်ဂ့ၤပှၤအဃိလီၤ.”

လံာ်စီၤယိၤၡူ 17:18

ကစၢၢ်ကလိအကီၢ်ကမ့ၢ်သုတၢ်လီၤ. မ့မ့ၢ်ဒၣ်လဲာ်သ့ၣ်ပှၢ်တပှၢ်န့ၣ်, သုကမၤပျီအီၤဒီးဟံးန့ၢ်အီၤတုၤလၢကီၢ်ဆၢအယံၤကတၢၢ်န့ၣ်လီၤ. မ့မ့ၢ်ပှၤကနၤဧၣ်ဖိတဖၣ်န့ၣ်, မ့ၢ်အိၣ်ဒီးအလ့ၣ်ကဟၣ်ထးဒီးအဂံၢ်အဘါမ့ၢ်ဆူၣ်ဒၣ်လဲာ်န့ၣ်, သုကဟီထီၣ်ကွံာ်အီၤန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 2:1

နီၢ်ဃးနၤဘါထုကဖၣ်ဝဲ, “ယွၤမၤပှဲၤတ့ၢ်ယသးဒီးတၢ်သူၣ်ခုသးခု လၢတၢ်လၢအမၤတ့ၢ်ဝဲအဃိန့ၣ်ယသူၣ်ဖှံသးညီ ဆံးဒိၣ်လဲၣ်. ယနံၤဘၣ်ယဒုၣ်ယဒါတဖၣ်, ယသူၣ်ခုသးခုဒိၣ်မးလဲၣ်. အဂ့ၢ်ဒ်အံၤ, ကစၢ်ယွၤမၤစၢၤတ့ၢ်ယၤလီၤ.