လံာ်သိၣ်လီၤသီလီၤတၢ် 33:16 - Sgaw Karen Common Bible

¹⁶ မ်အဝဲသ့ၣ်အကီၢ်ကပှဲၤဝဲဒီးကယဲၢ်တၢ်လၢအဂ့ၤခဲလၢာ်, ဘၣ်တၢ်ဆိၣ်ဂ့ၤလၢယွၤ လၢအကတိၤလီၤတၢ်လၢသ့ၣ်တၤဆှုၣ် လၢမ့ၣ်အူအီၣ်အီၤအပူၤတဂၤအတၢ်ဂ့ၤတၢ်ဝါတက့ၢ်. မ်တၢ်ဆိၣ်ဂ့ၤတဖၣ်အံၤကလီၤဘၣ်လၢယိၤသး အဒူၣ်အလိၤ, မ့ၢ်လၢအဝဲမ့ၢ်ပှၤခိၣ်ပှၤနၢ်လၢအဒီပုၢ်ဝဲၢ်ခွါတဖၣ်အကျါအဃိန့ၣ်တက့ၢ်.

လံာ်သိၣ်လီၤသီလီၤတၢ် 33:16 Iomraidhean Croise

လံာ်တၢ်ကဲထီၣ်အခီၣ်ထံး 37:28

ဒီးဖဲပှၤမံးဒယၣ်ဖိအပှၤကူၣ်တၢ်ကၤတၢ်တနီၤဟဲဘၣ်ကျဲန့ၣ်, စီၤယိၤသးအဒီပုၢ်ဝဲၢ်ခွါတဖၣ်ထုးထီၣ်အီၤလၢထံပူၤဒီးဆါ ကွံာ်အီၤလၢစ့ညၣ်အဘ့ၣ်ခံဆံ, ဆူပှၤယံးၡမၤဧ့လးဖိတဖၣ်အစုပူၤလၢအက့ၤစိာ်ကွံာ်အီၤဆူ ကီၢ်အဲၤကူပတူးအဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 37:36

အကတီၢ်ဖဲန့ၣ်, လၢကီၢ်အဲၤကူပတူးအပူၤ, ပှၤမံးဒယၣ်ဖိတဖၣ်ဆါလီၤကွံာ်လံစီၤယိၤသးဆူစီၤပိၤတံၤ ဖၢ်, ပှၤပၢၤနီအခိၣ်တဂၤလၢအမ့ၢ်စီၤပၤအပဒိၣ်ပပှၢ်တဖၣ်အကျါတဂၤအစု ပူၤလီၤ.

လံာ်တၢ်ကဲထီၣ်အခီၣ်ထံး 37:8

အဒီပုၢ်ဝဲၢ်ခွါတဖၣ်သံကွၢ်ဝဲ, “နဆိကမိၣ်လၢနကကဲထီၣ်စီၤ ပၤတဂၤဒီးပၢပှၤန့ၣ်ဧါ”. ဒီးအဝဲသ့ၣ်သးဟ့အီၤအါထီၣ်မ့ၢ်လၢအတၢ်မံမီၢ်တဖၣ်ဒီးတၢ်လၢ အဝဲစံးတ့ၢ်ဘၣ်ထွဲဒီးအဝဲသ့ၣ်အဂ့ၢ်အဃိလီၤ.

လံာ်တၢ်ကဲထီၣ်အခီၣ်ထံး 43:32

စီၤယိၤသးဘၣ်တၢ်ကတဲာ်ကတီၤန့ၢ်အီၤတၢ်အီၣ်လၢစီၢ်နီၤခိၣ် တဖျၢၣ်ဒီးအဒီပုၢ်ဝဲၢ်ခွါတဖၣ်တခီလၢစီၢ်နီၤခိၣ်အဂၤတဖျၢၣ် န့ၣ်လီၤ. ဒီးပှၤအဲၤကူပတူးဖိတဖၣ်အီၣ်စ့ၢ်ကီးတၢ်လၢစီၢ်နီၤခိၣ်အဂၤ တဖျၢၣ်, မ့ၢ်လၢအဝဲသ့ၣ်ဆိကမိၣ်ဝဲလၢတၢ်အီၣ်သကိးတၢ်ဒီးပှၤဧ့ၤဘြံၤ ဖိတဖၣ်န့ၣ်မၤဆံးလီၤစှၤလီၤအဝဲသ့ၣ်အသူးအသ့ၣ်အဃိလီၤ.

လံာ်တၢ်ကဲထီၣ်အခီၣ်ထံး 49:26

တၢ်ဆိၣ်ဂ့ၤတဖၣ်လၢဘုဧိၤဟုဧိၤဒီးဖီတဖၣ်, တၢ်ဆိၣ်ဂ့ၤတဖၣ်ဟဲလၢကစၢၢ်ကလိလၢပျၢၤတဖၣ်, တၢ်လၢအဘၣ်သူၣ်ဘၣ်သးပှၤတဖၣ်လၢအဟဲလၢတၢ်လူၢ် အထူအယိာ်တဖၣ်န့ၣ်လီၤ. မ်တၢ်ဆိၣ်ဂ့ၤတဖၣ်အံၤလီၤဘၣ်လၢစီၤယိၤသး, ပှၤတဂၤလၢအဘၣ်တၢ်ပာ်လီၤဆီအီၤဒီးအဒီပုၢ်ဝဲၢ်ခွါတဖၣ်, အခိၣ်ဖီခိၣ်အမဲာ်တူၢ်ခိၣ်တက့ၢ်.

စံးထီၣ်ပတြၢၤ 24:1

ဟီၣ်ခိၣ်ဒီးတၢ်လၢအအိၣ်လၢအပူၤ ခဲလၢာ်အံၤ မ့ၢ်ယွၤအတၢ်လီၤ. ဟီၣ်ခိၣ်ဒီးပှၤလၢအအိၣ်ဝဲဆိးဝဲလၢအပူၤ ခဲလၢာ်အံၤ မ့ၢ်အတၢ်လီၤ.

စံးထီၣ်ပတြၢၤ 50:12

တၢ်မ့ၢ်သၣ်ဝံၤယသးဒီးယတစံးဘၣ်နၤဘၣ်. အဂ့ၢ်ဒ်အံၤ, ဟီၣ်ခိၣ်ဒီးတၢ်ခဲလၢာ်လၢအပူၤန့ၣ် မ့ၢ်ယတၢ်လီၤ.

စံးထီၣ်ပတြၢၤ 89:11

မူခိၣ်မ့ၢ်နတၢ်, ဟီၣ်ခိၣ်စ့ၢ်ကီးမ့ၢ်နတၢ်, ဟီၣ်ခိၣ်ဒီးတၢ်လၢအအိၣ်လၢအပူၤခဲလၢာ်န့ၣ် နပာ်လီၤအခီၣ်ထံးလီၤ.

လံာ်တၢ်ဟးထီၣ်ကွံာ် 2:2

ဒီးပိာ်မုၣ်န့ၣ်ဆံးစၢ်န့ၢ်အီၤလၢအဖိပိာ်ခွါဖိတဂၤ, ဒီးဖဲအထံၣ်န့ၢ်ဝဲလၢဖိသၣ်အံၤအက့ၢ်အဂီၤဂ့ၤန့ၣ်ပာ်ခူသူၣ် အီၤသၢလါန့ၣ်လီၤ.

လံာ်ယံးရမံယၤ 8:16

ပဒုၣ်ပဒါတဖၣ်အိၣ်လံဝဲလၢဝ့ၢ်ဒၣ်အပူၤလံ. ပနၢ်ဟူဘၣ်အဝဲသ့ၣ်အကသ့ၣ်တဖၣ်သါ သဖှိထီၣ်အသီၣ်လီၤ. ထံကီၢ်ဒီဘ့ၣ်ကနိးကစုာ် ဝဲဖဲအဝဲသ့ၣ်အကသ့ၣ်တဖၣ်ကဟံကဟဲးထီၣ်ဝဲန့ၣ်လီၤ. ပဒုၣ်ပဒါတဖၣ်ဟဲဝဲလၢကမၤဟးဂီၤကွံာ်ပထံပကီၢ်ဒီးက ယဲၢ်တၢ်ခဲလၢာ်လၢအအိၣ်လၢအပူၤ, ပဝ့ၢ်ဒီးပပှၤဂီၢ်မုၢ်ခဲလၢာ် န့ၣ်လီၤ.”

လံာ်တၢ်ဂံၢ် 26:28

ဒူၣ်တဖၣ်လၢအဘၣ်ထွဲဒီးစီၤယိၤသးလၢအမ့ၢ်ဖိခွါခံဂၤအပၢ် န့ၣ်မ့ၢ်မနၤၡ့ၤအဒူၣ်ဒီးအ့ဖရဲၣ်အဒူၣ်န့ၣ်လီၤ.

လံာ်မၢ်ကူး 12:26

မ့မ့ၢ်တခီန့ၣ်, ပှၤကအိၣ်မူဒ်မူခိၣ်ကလူးတဖၣ်အသိးန့ၣ်လီၤ. တၢ်ဂ့ၢ်ဘၣ်ဃးပှၤသံတဖၣ်ဘၣ်တၢ်ဒုးဂဲၤဆၢထၢၣ်က့ၤအီၤန့ၣ်, မ့ၢ်သုတဖးဘၣ်လၢလံာ်မိၤၡ့အပူၤတၢ်ကွဲးတတီၤလၢအစံး တၢ်ဘၣ်ဃးတၤဆှုၣ်တပှီာ်တလိၣ် လၢမ့ၣ်အူအီၣ်အီၤအဂ့ၢ်န့ၣ်နီတဘျီဘၣ်ဧါ. လၢတၢ်ကွဲးဖဲန့ၣ်အပူၤကစၢ်ယွၤစံးဘၣ်စီၤမိၤၡ့, ‘ယမ့ၢ်စီၤအၤဘြၤဟၣ်အကစၢ်ယွၤ, စီၤအံၤစဲး အကစၢ်ယွၤဒီးစီၤယၤကိာ်အကစၢ်ယွၤလီၤ.’

လံာ်လူၤကၣ် 2:14

“တၢ်လၤကပီၤမ်အဘၣ်ကစၢ်ယွၤလၢ တၢ်လီၢ်အထီကတၢၢ်, လၢမူခိၣ်န့ၣ်တက့ၢ်. ဒီးမ်တၢ်ဃူတၢ်ဖိးအိၣ်ထီၣ်လၢဟီၣ်ခိၣ်ချၢ လၢပှၤလၢအဝဲဒၣ်ဘၣ်အသးတဖၣ် အသိးအကျါတက့ၢ်.”

မၤတၢ် 7:35

စီၤမိၤၡ့မ့ၢ်ပှၤတဂၤဃီလၢအဘၣ်တၢ်ညိကွံာ်အီၤလၢပှၤ အံၣ်စရ့လးဖိခီဖျိတၢ်ကတိၤလၢအစံးဝဲ, ‘မ့ၢ်မတၤတဂၤဟ့ၣ်စိဟ့ၣ်ကမီၤနၤလၢနကပၢဘၣ်ဒီးစံၣ်ညီၣ်ပဝဲ ဒၣ်အံၤန့ၣ်လဲၣ်’ လီၤ. အဝဲမ့ၢ်ပှၤတဂၤဃီလၢကစၢ်ယွၤမၢလီၤအီၤလၢအကပၢဘၣ်ပှၤဂီၢ် မုၢ်ဒီးမၤထူၣ်ဖျဲးထီၣ်အီၤခီဖျိကလူးလၢအလီၣ်ဖျါထီၣ်အသး လၢတပှီာ်လၢမ့ၣ်အူအီၣ်အီၤတလိၣ်အပူၤတဂၤအတၢ်မၤစၢၤအီၤန့ၣ် လီၤ.

1 ကရံၣ်သူး 10:26

အဂ့ၢ်ဒ်အံၤ, ဒ်တၢ်ကွဲးအသးစံးဝဲအသိးန့ၣ်, “ဟီၣ်ခိၣ်ဒီးတၢ်ခဲလၢာ်ခဲဆ့လၢအအိၣ်လၢအပူၤန့ၣ်, ဘၣ်ထွဲလၢကစၢ်လီၤ.”

1 ကရံၣ်သူး 10:28

ဘၣ်ဆၣ်ဒီး, ပှၤတဂၤဂၤမ့ၢ်စံးဘၣ်နၤ, “တၢ်အီၣ်အဝဲအံၤဘၣ်တၢ်လုၢ်ထီၣ်တ့ၢ်အီၤဆူတၢ်ဂီၤ တၢ်ဖီၣ်အအိၣ်” န့ၣ်တဘၣ်အီၣ်တၢ်အီၣ်အဝဲန့ၣ်တဂ့ၤ. မ့ၢ်တၢ်ကွၢ်တၢ်လၢပှၤလၢအစံးဘၣ်တဲဘၣ်နၤတၢ်ဂ့ၢ်တဂၤန့ၣ် အဂီၢ်, ဒီးမ့ၢ်လၢသးလၢအသ့ၣ်ညါဒၣ်တၢ်အဃိ,

ဧ့ၤဘြံၤ 7:26

မ့မ့ၢ်ဒ်န့ၣ်ဒီး, ဂ့ၤဝဲဘၣ်ဝဲလၢပကအိၣ်ဒီးပှၤလုၢ်တၢ်အခိၣ်အဒိၣ် ကတၢၢ်ဒ်န့ၣ်အသိးတဂၤလၢအမၤပှဲၤကယဲၢ်ပတၢ်လိၣ်, လၢ အစီဝဲဆှံဝဲ, လၢပှၤပာ်တၢ်ကမၣ်လၢအလိၤအလီၢ်တအိၣ် ဘၣ်, လၢအတဘၣ်အၢဘၣ်သီဘၣ်, လၢအဘၣ်တၢ်ပာ် လီၤဆီအီၤဒီးပှၤတၢ်ဒဲးဘးဖိတဖၣ်အအိၣ်, ဒီးလၢအဘၣ်တၢ်ပာ်ထီၣ်ထီအီၤထီန့ၢ်မူခိၣ်တက့ၢ် န့ၣ်လီၤ.