လံာ်သိၣ်လီၤသီလီၤတၢ် 33:14 - Sgaw Karen Common Bible

¹⁴ မ်အဝဲသ့ၣ်အကီၢ်ကဘၣ်ဆိၣ်ဂ့ၤဝဲဒီးတၤသၣ်တဖၣ်လၢမုၢ်ဒုးမံထီၣ်အီၤ, ထူးတီၤဝဲဒီးတၢ်အကတီၢ်တကတီၢ်စုာ်စုာ်အတၤသၣ်အဂ့ၤကတၢၢ်တဖၣ် န့ၣ်တက့ၢ်.

လံာ်သိၣ်လီၤသီလီၤတၢ် 33:14 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 23:4

လီၤဂာ်ဒ်မုၢ်လၢအကပီၤထီၣ်ဝဲဖဲမုၢ်ဆ့ၣ်ထီၣ်သီတဂီၤလၢတၢ်အၢၣ်တအိၣ်ဘၣ်အသိး, မုၢ်တဘ့ၣ်လၢအဒုးကပြုၢ်ကပြီၤထီၣ်တပံၢ်တမါဖဲတၢ်စူၤလီၤဝံၤအလီၢ်ခံန့ၣ်လီၤ.

စံးထီၣ်ပတြၢၤ 104:19

နတ့လီၤတ့ၢ်လံလါလၢတၢ်မၤနီၣ်တၢ်အခ့အခါအဂီၢ် ဒီးမုၢ်န့ၣ်သ့ၣ်ညါတၢ် လီၤနုာ်အဆၢကတီၢ်န့ၣ်လီၤ.

စံးထီၣ်ပတြၢၤ 74:16

နတ့လီၤမုၢ်ဆါဒီးမုၢ်နၤ, ဒီးနပာ်လီၤမုၢ်ဒီးလါလၢအလီၢ်ဒၣ်ဝဲန့ၣ်လီၤ.

စံးထီၣ်ပတြၢၤ 8:3

တုၤယကွၢ်ထီၣ်မူခိၣ်လၢနတ့အီၤ, လါဒီးဆၣ်ဧိၤဖီဧိၤ လၢနပာ်လီၤလၢအလီၢ်ဒၣ်ဝဲန့ၣ်ဒီး,

စံးထီၣ်ပတြၢၤ 84:11

အဂ့ၢ်ဒ်အံၤ, ယွၤ, ကစၢ်ယွၤန့ၣ်မ့ၢ်မုၢ်, ဒီးကတီၤတဘ့ၣ်လီၤ. အဝဲဟ့ၣ်လီၤတၢ်ဘျုးတၢ်ဖှိၣ်ဒီး တၢ်လၤတၢ်ကပီၤလီၤ. တတြီဘၣ်တၢ်ဂ့ၤလၢပှၤလဲၤတၢ် တီတီလိၤလိၤတဖၣ်န့ၣ်နီတမံၤဘၣ်.

လံာ်တၢ်ဘူၣ်ထီၣ်ဘါထီၣ် 26:4

ယကဟ့ၣ်လီၤသုလၢတၢ်စူၤလၢအကတီၢ်ဒၣ်ဝဲဒ်သိးဟီၣ်ခိၣ်ကဟ့ၣ်ထီၣ် အတၢ်အါထီၣ်ဒီးသ့ၣ်ကသၣ်ထီၣ်အဂီၢ်လီၤ.

လံာ်မၤလကံ 4:2

မ့မ့ၢ်သုဝဲ, ပှၤလၢအစူၢ်ယၤန့ၣ်, ယတၢ်အုၣ်က့ၤခီၣ်က့ၤအစိကမီၤ ကအိၣ်ထီၣ်လၢသုဖီခိၣ်ဒ်မုၢ်အသိးဒီးကဟဲစိာ်တၢ်မၤဘျါ က့ၤဒ်မုၢ်အတၢ်ကပီၤအယဲၤတဖၣ်အသိးန့ၣ်လီၤ. ဒီးသုကထူၣ်ဖျဲးဒီးသးဖှံဒ်ဂီၤ ဖံးဖိတဖၣ်လၢအဘၣ်တၢ်ပျၢ်ကွံာ်အီၤလၢအကရၢၢ်အသိးန့ၣ်လီၤ.

လံာ်မးသဲ 5:45

မၤတၢ်အံၤဒ်သိးဒီးသုကကဲထီၣ်သုပၢ်အိၣ်လၢမူခိၣ်အဖိတဖၣ် န့ၣ်တက့ၢ်. အဂ့ၢ်ဒ်အံၤ, အဝဲဒုးကပီၤထီၣ်အမုၢ်လၢပှၤအအၢဒီးပှၤအဂ့ၤတဖၣ်အဂီၢ်ဒီး ဒုးစူၤလီၤတၢ်လၢပှၤလၢအအိၣ်မူတီတီလိၤလိၤဒီးပှၤလၢ အအိၣ်မူတတီတလိၤဘၣ်တဖၣ်အဂီၢ်ဒ်သိးသိးလီၤ.

မၤတၢ် 14:17

ဘၣ်ဆၣ်ဒီးအဝဲဟ့ၣ်တ့ၢ်လံတၢ်အုၣ်အသးထီဘိဘၣ်ဃးအနီၢ် ကစၢ်ဒၣ်ဝဲအဂ့ၢ်ခီဖျိတၢ်မၤအဂ့ၤအဝါလၢအမၤဝဲတဖၣ်န့ၣ်လီၤ. အဝဲဒၣ်ဒုးစူၤလီၤတၢ်လၢမူခိၣ်လၢသုဂီၢ်, ဒီးဒုးသၣ်ထီၣ်ဘုဟုတၤသူတၤသၣ်ဘၣ်ဆၢဘၣ်ကတီၢ်, အဝဲဒၣ်ဟ့ၣ်သုတၢ်အီၣ်တၢ်အီ, ဒီးမၤပှဲၤသုသးလၢတၢ်သူၣ် ဖှံသးညီန့ၣ်လီၤ.”

လံာ်သိၣ်လီၤသီလီၤတၢ် 28:8

ယွၤ, သုကစၢ်ယွၤကဆိၣ်ဂ့ၤသုတၢ်မၤဒီးမၤပှဲၤသုသိၣ်ဧိၤဖီ ဧိၤဒီးသုဘုသၣ်ဘုချံဒီးအဝဲကဆိၣ်ဂ့ၤသုလၢကီၢ်လၢအဝဲ ဟ့ၣ်လီၤသုအပူၤန့ၣ်လီၤ.

လံာ်သိၣ်လီၤသီလီၤတၢ် 33:13

ဘၣ်ဃးဒီးယိၤသးအဒူၣ်အဂ့ၢ်န့ၣ်, အဝဲစံးဝဲ, “မ်ယွၤဆိၣ်ဂ့ၤအဝဲသ့ၣ်အထံအကီၢ်ဒီးတၢ်ဟဲစူၤလၢထးခီ, အိၣ်ဃုာ်ဒီးထံတဖၣ်လၢဟီၣ်ခိၣ်လာ်န့ၣ်တက့ၢ်.

လံာ်သိၣ်လီၤသီလီၤတၢ် 33:15

မ်အဝဲသ့ၣ်အတၢ်လူၢ်လၢပျၢၤတဖၣ်ကပှဲၤလုၣ်ကွံာ်ဒီးတၤသၣ်အဂ့ၤကတၢၢ်တဖၣ်တက့ၢ်.

၁ တံၤမသ့း 6:17

မၤလိာ်ပှၤအထူးအတီၤတဖၣ်လၢဟီၣ်ခိၣ်ချၢအံၤလၢအသုတပာ် ကဖၢလၢအသးတဂ့ၤ. မ့မ့ၢ်ကပာ်အတၢ်မုၢ်လၢ်, တမ့ၢ်လၢတၢ်ထူးတၢ်တီၤလၢအတဂၢၢ်တကျၢၤတဖၣ်အပူၤ ဘၣ်. မ့မ့ၢ်, ကမ့ၢ်ဒၣ်ဝဲလၢကစၢ်ယွၤလၢအဟ့ၣ်ပှၤတၢ်ခဲလၢာ် ထူးထူးတီၤတီၤလၢပတၢ်မုာ်လၤသးခုအဂီၢ်, တဂၤအပူၤန့ၣ် တက့ၢ်.

လံာ်လီၣ်ဖျါ 22:2

ဒီးယွၤလီၤလၢဝ့ၢ်အကျဲမုၢ်ခိၣ်အခၢၣ်သးလီၤ. ဖဲထံကျိကၢၢ်ခိၣ် တခီတကပၤန့ၣ်, သ့ၣ်မူအိၣ်ဝဲတထူၣ်စုာ်စုာ်, လၢအသၣ်ထီၣ်တၤသၣ်တနံၣ်တဆံခံဘျီ, တလါတဘျီ, ဒီးအလၣ်သ့ၣ်တဖၣ်န့ၣ်မ့ၢ်ဝဲလၢတၢ်ကမၤ ဘျါက့ၤထံဧိၤကီၢ်ဧိၤတဖၣ်အဂီၢ်လီၤ.