လံာ်သိၣ်လီၤသီလီၤတၢ် 32:51 - Sgaw Karen Common Bible

⁵¹ မ့ၢ်လၢသုဝဲခံဂၤလိာ်သုတသူၣ်တီသးရၤဘၣ်ဒီးယၤလၢကီၢ်အံၣ် စရ့လးအပှၤဂီၢ်မုၢ်အမဲာ်ညါအဃိန့ၣ်လီၤ. ဖဲသုအိၣ်လၢထံမရံၤဘါ, ဘူးဒီးဝ့ၢ်ကၤဒ့ၣ်လၢပှၢ်မုၢ်ကနၢ စံၣ်အခါန့ၣ်, သုတမၤလၤကပီၤဘၣ်ယၤလၢပှၤဂီၢ်မုၢ်အမဲာ်ညါဘၣ်လီၤ.

လံာ်သိၣ်လီၤသီလီၤတၢ် 32:51 Iomraidhean Croise

လံာ်ယၡါယၤ 8:13

သ့ၣ်နီၣ်ထီၣ်က့ၤလၢယၤ, ယွၤသ့တၢ်လၢာ်ကစၢ်အံၤစီဆှံဝဲန့ၣ်တက့ၢ်. ယမ့ၢ်ပှၤတဂၤလၢနကဘၣ်ပျံၤအီၤန့ၣ်လီၤ.

လံာ်ယဃ့းစက့လး 47:19

ကလံၤထံးအကီၢ်ဆၢန့ၣ်လဲၤဝဲဆူကလံၤထံးမုၢ်နုာ်တကပၤစးထီၣ် လၢဝ့ၢ်တၤမၣ်ပၢၢ်တုၤဆူကၤဒ့ၣ်မရံဘါအမဲးမုၢ်ခိၣ်ထံအိၣ်အလီၢ် ဒီးလဲၤကဒီးဆူကလံၤစိးမုၢ်နုာ်လၢကီၢ်အဲၤကူပတူးအကီၢ်ဆၢ တကျိၤဆူပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 10:3

တုၤနုၤတစု, စီၤမိၤၡ့စံးဘၣ်စီၤအၤဟရိၣ်, “အအံၤမ့ၢ်တၢ်လၢယွၤကတိၤတၢ်ဒီးစံး, ကယဲၢ်ပှၤခဲလၢာ်လၢအမၤယတၢ်မၤန့ၣ်ကဘၣ်ယူးယီၣ်ပာ်ကဲယတၢ်စီတၢ်ဆှံလီၤ. ဒီးယကလီၣ်ဖျါထီၣ်ယလၤကပီၤဆူယပှၤဂီၢ်မုၢ်အအိၣ်လီၤ.” မ့မ့ၢ်စီၤအၤဟရိၣ်အိၣ်ဘှီၣ်ကလာ်ဝဲဒၣ်လီၤ.

လံာ်တၢ်ဂံၢ် 20:24

“စီၤအၤဟရိၣ်န့ၣ်တဘၣ်လဲၤနုာ်ဆူကီၢ်တဘ့ၣ်လၢယအၢၣ်လီၤတ့ၢ် လၢယကဟ့ၣ်ပှၤအံၣ်စရ့လးဖိတဖၣ်န့ၣ်ဘၣ်လီၤ. အဝဲကသံလီၤ. အဂ့ၢ်ဒ်အံၤ, သုဝဲခံဂၤလိာ်သုပူထီၣ်ထီဒါယတၢ်မၤလိာ်ဖဲမရံၤဘါန့ၣ်လီၤ.

လံာ်တၢ်ဂံၢ် 27:14

မ့ၢ်လၢသုဝဲခံဂၤလိာ်သုပူထီၣ်ထီဒါယတၢ်မၤလိာ်လၢပှၢ်မုၢ် ကနၢစံၣ်အပူၤအဃိန့ၣ်လီၤ. ဖဲပှၤဂီၢ်မုၢ်ဒီကရူၢ်ကဒူးကဒ့ၣ်ထီဒါယၤလၢမရံၤဘါန့ၣ်, သုဂ့ၢ်လိာ်သ့ၣ်ညါပာ်ကဲယစိကမီၤစီဆှံလၢအဝဲသ့ၣ်အမဲာ်ညါ လီၤ.” (မရံၤဘါမ့ၢ်ထံထီၣ်ပၢၢ်လၢဝ့ၢ်ကၤဒ့ၣ်, လၢပှၢ်မုၢ်ကနၢစံၣ်အပူၤန့ၣ်လီၤ.)

လံာ်စီၤယိၤၡူ 15:1

ယူဒၤအဒူၣ်, အဒူၣ်ဖိထၢဖိတဖၣ်ဒိးန့ၢ်ဘၣ်တၢ်လီၢ်တနီၤဒ် တၢ်ပာ်ဖျါလၢလာ်အံၤအသိးန့ၣ်လီၤ. အဝဲသ့ၣ်အကီၢ်လဲၤတုၤလၢကလံၤ ထံးလၢပှၢ်မုၢ်ကနၢစံၣ်အကလံၤထံးကတၢၢ်တတီၤဖဲကီၢ်အဒိၣ်အကီၢ် ဆၢန့ၣ်လီၤ.

၁ ပ့းတရူး 4:17

တၢ်ဆၢကတီၢ်ဟဲတုၤဝဲလၢတၢ်စံၣ်ညီၣ်အဂီၢ်လံ, ဒီးကစၢ်ယွၤအပှၤဂီၢ်မုၢ်ဒၣ်ဝဲတဖၣ်ကဘၣ်တၢ်စံၣ်ညီၣ်အီၤ အဆိကတၢၢ်န့ၣ်လီၤ. တၢ်မ့ၢ်ဘၣ်ဆိပဝဲဒီး, ပှၤလၢအတစူၢ်တနာ်ကစၢ်ယွၤအတၢ်သးခုကစီၣ်တဖၣ်န့ၣ် အကတၢၢ်ကမၤအသးဒ်လဲၣ်.