လံာ်သိၣ်လီၤသီလီၤတၢ် 32:41 - Sgaw Karen Common Bible

⁴¹ လၢကယကျ့အ့ၣ်ထီၣ်ယနးလၢအကတြ့ၣ်ကတြိၣ်တဘ့ၣ် ဒီးထံၣ်လၢတၢ်စံၣ်ညီၣ်တီမၤအသးန့ၣ်လီၤ. ယကဟ့ၣ်ကၣ်တၢ်လၢယဒုၣ်ယဒါတဖၣ်အလိၤ, ဒီးစံၣ်ညီၣ်ပှၤတဖၣ်လၢအသးဟ့ယၤန့ၣ်လီၤ.

လံာ်သိၣ်လီၤသီလီၤတၢ် 32:41 Iomraidhean Croise

စံးထီၣ်ပတြၢၤ 149:9

ဒ်သိးကစံၣ်ညီၣ်ပှၤကလုာ်တဖၣ်ဒ် ကစၢ်ယွၤမၤလိာ်တ့ၢ်ဝဲအသိးတက့ၢ်. တၢ်အံၤမ့ၢ်ကစၢ်ယွၤအပှၤဂီၢ်မုၢ် အတၢ်မၤနၢၤန့ၣ်လီၤ. စံးထီၣ်ပတြၢၤယွၤတက့ၢ်.

စံးထီၣ်ပတြၢၤ 31:23

အဲၣ်ယွၤ, အပှၤစီဆှံခဲလၢာ်သ့ၣ်ဧၢ, ယွၤအံးထွဲကွၢ်ထွဲပှၤလၢအသးတီဒီးအီၤ, ဘၣ်ဆၣ်ဟ့ၣ်ကၣ်ပှၤပာ်ထီၣ်ထီအသး အါအါကလဲာ်န့ၣ်လီၤ.

စံးထီၣ်ပတြၢၤ 7:12

ပှၤမ့ၢ်တပီၢ်ယၢ်လီၤက့ၤအသးဘၣ်ဒီး ကစၢ်ယွၤကကျ့ထီၣ်အနးလီၤ. ဖ့ၣ်ထီၣ်လံအချံၣ်ဒီးကတဲာ်ကတီၤလံအီၤလံ.

စံးထီၣ်ပတြၢၤ 7:13

ဒီးကတဲာ်ကတီၤလံအစုကဝဲၤလၢအမၤသံတၢ်န့ၣ်လံ. ပညိၣ်ထီၣ်အပျၢ်မ့ၣ်အူတဖၣ်လံ.

လံာ်တၢ်ဟးထီၣ်ကွံာ် 20:5

သကူးလီၤလၢတၢ်ဂီၤတၢ်ဖီၣ်တမံၤမံၤအမဲာ်ညါဒီးဘါထီၣ်အီၤတဂ့ၤ. အဂ့ၢ်ဒ်အံၤယမ့ၢ်ယွၤ, သုကစၢ်ယွၤလၢဝံသးစူၤပှၤပြၢလိာ်အသးဒီးအီၤတဖၣ်န့ၣ်တကဲဘၣ်န့ၣ်လီၤ. ယဒုးလီၤဘၣ်တၢ်စံၣ်ညီၣ်လၢပှၤတဖၣ်လၢအသးဟ့ယၤအလိၤဒီးလၢအစၢၤ အသွဲၣ်တဖၣ်အလိၤတုၤလၢပှၤသၢစိၤဒီးလွံၢ်စိၤတစိၤန့ၣ်လီၤ.

လံာ်ယၡါယၤ 1:24

မၤသးဒ်န့ၣ်ဒီး, ခဲကနံၣ်အံၤ, ဒိကနၣ်တၢ်လၢယွၤသ့တၢ်လၢာ်, အံၣ်စရ့လးအကစၢ်ယွၤလၢအ စိဒိၣ်ကမီၤဒိၣ်တဂၤစံးဝဲ, “ယဒုၣ်ယဒါသ့ၣ်ဧၢ, ယကဟ့ၣ်ကၣ်သုဒီးသုမၤကီမၤခဲယၤတသ့လၢၤနီတမံၤဘၣ်လီၤ.

လံာ်ယၡါယၤ 27:1

တၢ်လၢမုၢ်တနံၤန့ၣ်, ယွၤကသူအနးလၢအတဟီၣ်ဆူၣ်ဒီးမၤ သံတၢ်သ့တဘ့ၣ်လၢကစံၣ်ညီၣ်သမၣ်ဂုၢ်, လၢအစွါဒ်ထိးကလဲာ် ဒီးဝံာ်ပကံးအသးဒ်ပယိၤအသိးန့ၣ်, ဒီးကမၤသံတၢ်မုၢ်ဃၢ်ဖး ဒိၣ်လၢအအိၣ်လၢပီၣ်လဲၣ်ပူၤန့ၣ်လီၤ.

လံာ်ယၡါယၤ 59:18

အဝဲကစံၣ်ညီၣ်အဒုၣ်အဒါတဖၣ်, တုၤပှၤလၢအအိၣ်လၢထံယံၤ ကီၢ်ယံၤတဖၣ်ဒၣ်လဲာ်, ဒ်တၢ်လၢအဝဲသ့ၣ်မၤတ့ၢ်ဝဲအသိးန့ၣ်လီၤ.

လံာ်ယၡါယၤ 66:16

လၢမ့ၣ်အူဒီးနးန့ၣ်အဝဲကစံၣ်ညီၣ်ပှၤဂီၢ်မုၢ်လၢဟီၣ်ခိၣ်ချၢခဲလၢာ် လၢအထံၣ်ဘၣ်ဝဲလၢအတၢ်ကမၣ်အိၣ်, ဒီးပှၤအါဂၤကဘၣ်တၢ်မၤသံအီၤန့ၣ်လီၤ.

လံာ်ယၡါယၤ 66:6

ဒိကနၣ်, တၢ်သီၣ်ဖးဒိၣ်လၢဝ့ၢ်အပူၤဒီးတၢ်အသီၣ်လၢတၢ် လုၢ်ဟံၣ်ပူၤန့ၣ်တက့ၢ်. မ့ၢ်ယွၤအတၢ်စံၣ်ညီၣ်အဒုၣ်အဒါတဖၣ် အတၢ်သီၣ်န့ၣ်လီၤ.

လံာ်ယံးရမံယၤ 44:26

ဘၣ်ဆၣ်ဒီး ခဲကနံၣ်အံၤ, ဒိကနၣ်တၢ်ဆိၣ်လၢယၤ, ယွၤအံၤမၤတ့ၢ်လံဝဲလၢယမံၤအစိကမီၤဒၣ်ဝဲအပူၤဆူကယဲၢ် သုဝဲပှၤအံၣ်စရ့လးဖိခဲလၢာ်လၢ အအိၣ်လၢကီၢ်အဲၤကူပတူး အပူၤန့ၣ်တက့ၢ်. ယတပျဲကဒီးသုဝဲတဂၤဂ့ၤတဂၤဂ့ၤလၢ ကသူယမံၤလၢ တၢ်ဆိၣ်တမံၤအဂီၢ်ဒီး စံးလၢ, ‘ယဆိၣ်တၢ် လၢယွၤပၢဘၣ်တၢ်ခဲလၢာ်ကစၢ်လၢအမူဝဲတဂၤအမံၤအပူၤလီၤ’ န့ၣ်နီတစုလၢၤဘၣ်.

လံာ်ယံးရမံယၤ 50:18

လၢတၢ်အံၤအဃိ, ယၤ, ယွၤသ့တၢ်လၢာ်, အံၣ်စရ့လးအကစၢ်ယွၤ, ကစံၣ်ညီၣ်စီၤပၤနဘူၤကးန့စၢ်ဒီး အထံအကီၢ်, ဒ်ယစံၣ်ညီၣ်တ့ၢ်ကီၢ် အၤၡူၢ်အစီၤပၤဖးဒိၣ်အသိးန့ၣ်လီၤ.

လံာ်ယံးရမံယၤ 50:28

(ပှၤတဖၣ်လၢ အဃ့ၢ်ထူၣ်ဖျဲးထီၣ်လၢ ကီၢ်ဘၤဘူၤလိၣ် န့ၣ်ဟဲဆူဝ့ၢ်ယရူၤၡလ့ၣ်ဒီး အဝဲသ့ၣ်စံးဘၣ်တဲဘၣ်တၢ်ဘၣ်ဃးဒီးယွၤ, ပကစၢ်ယွၤ, မၤကၣ်ဆၢက့ၤပှၤဘၤဘူၤလိၣ်ဖိတဖၣ်လၢ တၢ်လၢအဝဲသ့ၣ်မၤဘၣ်တ့ၢ်အဝဲ အတၢ်လုၢ်ဟံၣ်အဂီၢ်, ဒ်လဲၣ်အဂ့ၢ်န့ၣ်လီၤ.)

လံာ်ယံးရမံယၤ 50:29

“တဲဘၣ်ပှၤခးချံၣ်ဖိတဖၣ်လၢ ကလဲၤထီၣ်ဒုးကီၢ်ဘၤဘူၤလိၣ်တက့ၢ်. ဆှၢထီၣ်ပှၤကိးဂၤဒဲးလၢ အသူချံၣ်ခးချံၣ်သ့န့ၣ်တက့ၢ်. ကဝီၤဃာ်ဝ့ၢ်န့ၣ်ဒီး ပျဲပှၤဃ့ၢ်ထူၣ်ဖျဲးနီတဂၤတဂ့ၤ. ဟ့ၣ်ကၣ်ဆၢက့ၤအီၤ, လၢတၢ်လၢအမၤတ့ၢ်ဝဲခဲလၢာ်အဃိ, ဒီးမၤအီၤဒ်အမၤဘၣ်တ့ၢ်ပှၤအဂၤတဖၣ်အသိးန့ၣ်, အဂ့ၢ်ဒ်အံၤ, မၤတ့ၢ်တၢ်လၢ တၢ်ထီဒါယၤ, အံၣ်စရ့လးအပှၤစီဆှံတဂၤန့ၣ် လၢတၢ်ပာ်ကဖၢလၢသးအပူၤအဃိလီၤ.

လံာ်ယဃ့းစက့လး 21:20

တၢ်ပနီၣ်တမံၤန့ၣ်ကဒုးနဲၣ်စီၤပၤအကျဲဆူပှၤဧၤမိၣ်ဖိအဝ့ၢ် ရးဘးအပူၤ, ဒီးအဂၤတမံၤန့ၣ်မ့ၢ်ဆူကီၢ်ယူဒၤ, ဆူဝ့ၢ်အိၣ်ဒီးအတိာ်ခၢၣ်သနၢၣ်ယရူၤၡလ့ၣ်န့ၣ်လီၤ.

လံာ်ယဃ့းစက့လး 25:14

ယပှၤဂီၢ်မုၢ်အံၣ်စရ့လးကမၤဟ့ၣ်ကၣ်တၢ်လၢကီၢ်အဒိၣ်အဖီခိၣ်လၢ ယဂီၢ်, ဒီးအဝဲသ့ၣ်ကဒုးကလၢၢ်ဘၣ်ကီၢ်အဒိၣ်လၢယတၢ်သးကဲၤထီၣ်ဒိၣ်နး နးကလဲာ်န့ၣ်လီၤ. ကီၢ်အဒိၣ်ကသ့ၣ်ညါဝဲလၢယတၢ်ဟ့ၣ်ကၣ်အတၢ် ပညိၣ်, အခီပညီမ့ၢ်တၢ်မနုၤလဲၣ်န့ၣ်လီၤ.” ယွၤပၢဘၣ်တၢ်ခဲလၢာ်ကစၢ် ကတိၤလံတၢ်လံ.

လံာ်ယဃ့းစက့လး 32:10

တၢ်လၢယမၤဘၣ်နၤတဖၣ်န့ၣ်ကမၤဖုးမၤပျီၢ်ပှၤကလုာ်တဖၣ် န့ၣ်လီၤ. ဖဲယမၤဟူးဝးထီၣ်ယနးန့ၣ်စီၤပၤတဖၣ်ကကနိးကစုာ် လၢတၢ်ပျံၤတၢ်ဖုးအပူၤန့ၣ်လီၤ. မုၢ်တနံၤလၢနလီၤကွံာ်န့ၣ်, အဝဲသ့ၣ်ခဲလၢာ်ကကနိးကစုာ်လၢတၢ်ပျံၤတၢ်ဖုးအပူၤလၢ အသးသမူဒၣ်ဝဲအဂီၢ်န့ၣ်လီၤ.”

လံာ်နၤဃူၣ် 1:2

ယွၤ, ကစၢ်ယွၤအသးတစူၤဘၣ်ပှၤပြၢလိာ်အသးဒီးအီၤတဖၣ် နီတဂၤဘၣ်, အဝဲစံၣ်ညီၣ်ဃၣ်ပှၤလၢအထီဒါအီၤတဖၣ်ဒီး လၢအတၢ်သးကဲၤထီၣ်အပူၤန့ၣ်ဟ့ၣ်ကၣ်က့ၤ အဝဲသ့ၣ်န့ၣ်လီၤ.

လံာ်စဖါနယၤ 2:12

ယွၤကမၤသံကွံာ်စ့ၢ်ကီးပှၤကူၤၡးဖိတဖၣ်န့ၣ်လီၤ.

လံာ်တၢ်ဂံၢ် 10:35

ဖဲတၢ်အၢၣ်လီၤအီလီၤအတလါစးထီၣ်လဲၤတၢ်တဘျီလၢ်လၢ်န့ၣ်စီၤ မိၤၡ့ကစံးဝဲဒၣ်, “ယွၤဧၢ, ဂဲၤထၢၣ်, မၤလီၤမုၢ်ပြံ ပြါနဒုၣ်နဒါတဖၣ်, ဒုးတၢ်ထီဒါပှၤလၢအသးဟ့နၤတဖၣ်တက့ၢ်” န့ၣ်လီၤ.

လံာ်မၢ်ကူး 1:2

ဒ်တၢ်ကွဲးတ့ၢ်အသးလၢလံာ်ဝံယၡါယၤအပူၤအသိး, “ကစၢ်ယွၤစံးဝဲဒၣ်, ကွၢ်ကွၢ်ယကဆှၢလီၤယပှၤစိာ်တၢ်ကစီၣ် လၢနမဲာ်ညါတဂၤ, ဒီးအဝဲဒၣ်ကကတဲာ်ကတီၤန့ၢ်နကျဲလီၤ.

ရိမ့ၤ 1:30

အဝဲသ့ၣ်သီၣ်ဝံသဲကလၤ, ကတိၤအၢကတိၤသီလိာ်သးတဂၤဒီးတဂၤ န့ၣ်လီၤ. အဝဲသ့ၣ်သူၣ်ဟ့သးဟ့ကစၢ်ယွၤ, တယူးယီၣ်ပာ်ကဲတၢ်ဘၣ်, ပာ်ကဖၢလၢအသးဒီးတဲဒိၣ်တဲသွါလီၤအသးန့ၣ်လီၤ. အဝဲသ့ၣ်ဃုဆိကမိၣ်အါထီၣ်ကျဲလၢအကမၤတၢ်အၢတၢ်သီဒီး တဒိကနၣ်အမိၢ်အပၢ်တဖၣ်အကလုၢ်န့ၣ်ဘၣ်.

ရိမ့ၤ 8:7

လၢတၢ်န့ၣ်အဃိ, ပှၤဟီၣ်ခိၣ်ဖိတဂၤကဲထီၣ်ကစၢ်ယွၤ အဒုၣ်အဒါဖဲအဝဲအတၢ်ဆိကမိၣ်ဆိကမးဘၣ်တၢ်ပၢ ဆှၢအီၤလၢပှၤဟီၣ်ခိၣ်ဖိအန့ဆၢၣ်န့ၣ်လီၤ. အဂ့ၢ်ဒ်လဲၣ်န့ၣ် အဝဲတကစၢ်ယွၤအတၢ်သိၣ်တၢ်သီဘၣ်. နီၢ်နီၢ်န့ၣ်စူၢ်ဝဲ တကဲဘၣ်န့ၣ်လီၤ.

လံာ်သိၣ်လီၤသီလီၤတၢ် 32:35

ယွၤကဟ့ၣ်ကၣ်တၢ်ဒီးစံၣ်ညီၣ်အဝဲသ့ၣ်, တၢ်ဆၢကတီၢ်ကတုၤဝဲဖဲအဝဲသ့ၣ်ကဟးဂီၤကွံာ်, အဝဲသ့ၣ်အတၢ်ဘၣ်စံၣ်ညီၣ်ဃါမနၤအမုၢ်နံၤန့ၣ် ဘူးထီၣ်ဝဲလံ.

လံာ်သိၣ်လီၤသီလီၤတၢ် 5:9

တီၤလီၤလၢတၢ်ဂီၤတၢ်ဖီၣ်တမံၤမံၤအမဲာ်ညါမ့ၢ်ဂ့ၤ, ဘါထီၣ်အီၤမ့ၢ်ဂ့ၤန့ၣ်တဂ့ၤ. အဂ့ၢ်ဒ်အံၤ, ယမ့ၢ်ယွၤ, သုကစၢ်ယွၤလၢအသးက့ၣ်တၢ်န့ၣ်လီၤ. ယဟဲစိာ်တၢ်စံၣ်ညီၣ်လၢကယဲၢ်ပှၤတဖၣ်လၢအသးဟ့ယၤအလိၤဒီးလၢ အဝဲသ့ၣ်အစၢၤအသွဲၣ်တဖၣ်အလိၤတုၤလီၤလၢပှၤသၢစိၤတစိၤဒီး လွံၢ်စိၤတစိၤန့ၣ်လီၤ.

လံာ်သိၣ်လီၤသီလီၤတၢ် 7:10

ဘၣ်ဆၣ်ဒီးအဝဲတမၤယံာ်မၤနီၣ်ဘၣ်အသးလၢကစံၣ်ညီၣ်ပှၤတဖၣ်လၢ အသးဟ့အီၤန့ၣ်ဘၣ်.

၂ တံၤမသ့း 3:4

အဝဲသ့ၣ်ကကူၣ်အၢတၢ်, ကမၤကြီတၢ်, ဒီးကပာ်ကဖၢလၢ အသး, ကအဲၣ်တၢ်မုာ်တၢ်လၤဒိၣ်န့ၢ်ဒံးတၢ်အဲၣ်ကစၢ်ယွၤ တက့ၢ်လီၤ.