လံာ်သိၣ်လီၤသီလီၤတၢ် 32:31 - Sgaw Karen Common Bible

³¹ အဝဲသ့ၣ်အဒုၣ်အဒါတဖၣ်သ့ၣ်ညါဝဲလၢအဝဲသ့ၣ်အကစၢ်တဖၣ်လၢ အဘူၣ်ဝဲဘါဝဲန့ၣ်အဂံၢ်စၢ်ဘါစၢ်, ဒီးတဒိၣ်ဝဲမုၢ်ဝဲထဲသိးကီၢ်အံၣ်စရ့လးအကစၢ်ယွၤ ဘၣ်န့ၣ်လီၤ.

လံာ်သိၣ်လီၤသီလီၤတၢ် 32:31 Iomraidhean Croise

လံာ်စီၤဧ့စြၤ 1:3

မ်ကစၢ်ယွၤအိၣ်ဒီးသုဝဲခဲလၢာ်လၢအမ့ၢ်အပှၤဂီၢ်မုၢ်န့ၣ်တ က့ၢ်. သုကဘၣ်လဲၤဆူဝ့ၢ်ယရူၤၡလ့ၣ်ဒီးသူၣ်ထီၣ်ကဒါက့ၤယွၤ, အံၣ်စရ့လးအကစၢ်ယွၤလၢအဘၣ်တၢ်ဘူၣ်ထီၣ်ဘါထီၣ်အီၤလၢဝ့ၢ်ယရူၤ ၡလ့ၣ်အပူၤအတၢ်လုၢ်ဟံၣ်န့ၣ်လီၤ.

စံးထီၣ်ပတြၢၤ 18:31

အဂ့ၢ်ဒ်အံၤ, ယွၤမ့ၢ်ကစၢ်ယွၤထဲတဂၤဧိၤ, ကစၢ်ယွၤထဲတဂၤဧိၤ မ့ၢ်ပှၤတြီဆၢတၢ်အၢလၢပဂီၢ်န့ၣ်လီၤ.

လံာ်တၢ်ဟးထီၣ်ကွံာ် 14:25

ယွၤမၤကတံာ်ကွံာ်အဝဲသ့ၣ်အလ့ၣ်ကဟၣ်အပၣ်တဖၣ်ဒ်သိးကသုးအသးအိၣ် ဒီးတၢ်ကီတၢ်ခဲဖးဒိၣ်န့ၣ်လီၤ. ပှၤအဲၤကူပတူးဖိတဖၣ်စံးဝဲ, “ယွၤဒုးတၢ်လၢပှၤအံၣ်စရ့လးဖိတဖၣ်အဂီၢ်ထီဒါပှၤလီၤ. မ်ပဟးထီၣ်ကွံာ်လၢတၢ်လီၢ်ဖဲအံၤတက့ၢ်.”

လံာ်တၢ်ဟးထီၣ်ကွံာ် 8:6

လၢတၢ်န့ၣ်အဃိစီၤအၤဟရိၣ်ယူာ်ထီၣ်အနီၣ်ထိးဘိလၢထံတဖၣ်အဖီခိၣ်, ဒီးဒ့ၣ်တဖၣ်ဟဲထီၣ်ဝဲဒီးမၤပှဲၤကီၢ်အဲၤကူပတူး န့ၣ်လီၤ.

လံာ်ယၡါယၤ 31:9

အဝဲသ့ၣ်အစီၤပၤကဃ့ၢ်ကွံာ်လၢတၢ်ပျံၤတၢ်ဖုးအပူၤ, ဒီးအမူဒါလီၢ်လၤခိၣ်တဖၣ်ကပျံၤတၢ်တုၤဒၣ်လဲာ်ကပာ်လီၤတဲာ် ကွံာ်အတၢ်ဒုးအနီၣ်တယၢ်တဖၣ်လီၤ. ယွၤကတိၤလံတၢ်လံ. မ့ၢ်ယွၤလၢအဘၣ်တၢ်ဘူၣ်ထီၣ်ဘါ ထီၣ်အီၤလၢဝ့ၢ်ယရူၤၡလ့ၣ်အပူၤဒီးယွၤလၢအမ့ၣ်အူ အီၣ်တၢ်ဖဲန့ၣ်လၢတၢ်လုၢ်ထီၣ်ပာ်ထီၣ်အဂီၢ်န့ၣ်လီၤ.”

လံာ်ယံးရမံယၤ 40:3

ဒီးအခဲအံၤ, အဝဲမၤတ့ၢ်လံတၢ်လၢအစံးဘၣ်တ့ၢ်ဝဲလၢအကမၤဝဲ န့ၣ်လီၤ. တၢ်ခဲလၢာ်အံၤမၤအသးမ့ၢ်လၢနပှၤဂီၢ်မုၢ်မၤတ့ၢ်တၢ်ဒဲးဘးထီ ဒါယွၤဒီးတစူၢ်တ့ၢ်အီၤဘၣ်အဃိန့ၣ်လီၤ.

လံာ်ဒၤနံးယ့လး 2:47

စီၤပၤစံးဘၣ်စီၤဒၤနံးယ့လး, “မ့ၢ်မးနကစၢ်ယွၤန့ၣ်မ့ၢ် ဝဲကစၢ်တဖၣ်အကစၢ်ယွၤဒီးစီၤပၤတဖၣ်အယွၤ, ဒီးမ့ၢ်ပှၤလၢအမၤဖျါ ထီၣ်တၢ်ခူသူၣ်အဒိၣ်အယိာ်တဖၣ်လီၤ. ယသ့ၣ်ညါတၢ်အံၤ မ့ၢ်လၢနမၤဖျါထီၣ်တၢ်ခူသူၣ်အဒိၣ်အယိာ်အံၤသ့ဝဲဒၣ်အဃိ န့ၣ်လီၤ.”

လံာ်ဒၤနံးယ့လး 3:29

ဒီးခဲကနံၣ်အံၤ, ယခါလီၤယကလုၢ်လၢကယဲၢ်ပှၤတဂၤလၢ်လၢ် လၢထံကီၢ်တဘ့ၣ်လၢ်လၢ်အကျါမ့ၢ်ဂ့ၤ, ပှၤတကလုာ်လၢ်လၢ်အကျါမ့ၢ်ဂ့ၤ, ပှၤကတိၤကျိာ်တကျိာ်လၢ်လၢ်အကျါမ့ၢ်ဂ့ၤ, မ့ၢ်ကတိၤထီဒါစီၤၡၤဒရး, စီၤမ့ၤၡးဒီးစီၤဧဘ့ၤဒနကိၤအကစၢ်ယွၤလၢတၢ်တယူးတယီၣ်ဘၣ် အပူၤန့ၣ်ကဘၣ်တၢ်ဒီၣ်တဲာ်ကွံာ်အီၤတကူာ်တကူာ်, ဒီးအ ဟံၣ်ကကဲထီၣ်တၢ်ဟးဂီၤတဖၣ်အတၢ်ပာ်ဖှိၣ်န့ၣ်လီၤ. အဂ့ၢ်ဒ်အံၤ, ကစၢ်အဂၤလၢအကမၤပူၤဖျဲးတၢ်ဒ်သိးအံၤတအိၣ် ဘၣ်နီတဂၤဘၣ်.”

လံာ်တၢ်ဂံၢ် 23:23

တၢ်မၤကဒါမဲာ်အတၢ်သမူပယၢ်, ဒီးတၢ်ဝံတၢ်နါအတၢ်ဟိၣ်တၢ်ယိတအိၣ်ဘၣ်နီတမံၤလၢတၢ်သူအီၤ ထီဒါကီၢ်အံၣ်စရ့လးအပှၤကလုာ်ကသ့ဝဲန့ၣ်ဘၣ်. ခဲအံၤ, ပှၤဂီၢ်မုၢ်ကစံးကတိၤတၢ်လၢကီၢ်အံၣ်စရ့လးအဂ့ၢ်ဒီး စံး, ‘ကွၢ်တၢ်လၢကစၢ်ယွၤမၤတ့ၢ်ဝဲတက့ၢ်.’

လံာ်တၢ်ဂံၢ် 23:8

ပှၤလၢကစၢ်ယွၤတဆိၣ်အၢတ့ၢ်အီၤန့ၣ် ယကဆိၣ်အၢအီၤဒ်လဲၣ်. ဒီးပှၤလၢယွၤတဆိၣ်ဃီၣ်အီၤန့ၣ်ယကဆိၣ်ဃီၣ်အီၤ ဒ်လဲၣ်.

လံာ်စီၤၡမူၤအ့လးအခီၣ်ထံးတဘ့ၣ် 2:2

ပှၤစီဆှံဒ်ယွၤတအိၣ်ဝဲနီတဂၤဘၣ်. ပှၤလီၤဂာ်ဒီးအီၤတအိၣ်နီတဂၤဘၣ်. ပှၤဒီဒၣ်အိၣ်ပှိၤပှၤဒ်ပကစၢ်ယွၤတအိၣ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 4:8

အဝဲသ့ၣ်မ့ၢ်ကစၢ်တဖၣ်လၢအမၤသံတ့ၢ်ပှၤအဲၤကူပတူးဖိတဖၣ်လၢ မဲးမုၢ်ခိၣ်န့ၣ်လီၤ.