လံာ်သိၣ်လီၤသီလီၤတၢ် 32:26 - Sgaw Karen Common Bible

²⁶ ယကမၤဟးဂီၤကွံာ်အဝဲသ့ၣ်လၢာ်လၢာ်ဆ့ဆ့တုၤဒၣ်လဲာ်ပှၤတသ့ၣ် နီၣ်ထီၣ်က့ၤဘၣ်အဝဲသ့ၣ်နီတဂၤဘၣ်.

လံာ်သိၣ်လီၤသီလီၤတၢ် 32:26 Iomraidhean Croise

စံးထီၣ်ပတြၢၤ 34:16

ဘၣ်ဆၣ်, ယွၤထီဒါပှၤလၢအမၤတၢ်အၢ, ဒ်သိးအဝဲသ့ၣ်ကဘၣ်တၢ်သးပ့ၤနီၣ်ကွံာ်အီၤလၢ ဟီၣ်ခိၣ်ချၢအဂီၢ်န့ၣ်လီၤ.

စံးထီၣ်ပတြၢၤ 34:17

ဖဲပှၤတီပှၤလိၤကိးထီၣ်ယွၤလၢတၢ်မၤစၢၤအဂီၢ်န့ၣ် ဒီးယွၤဒိကနၣ်အီၤလီၤ. ယွၤမၤပူၤဖျဲးအီၤလၢ အတၢ်ကိၢ်တၢ်ဂီၤခဲလၢာ်န့ၣ်လီၤ.

လံာ်တၢ်ဟးထီၣ်ကွံာ် 32:12

ဘၣ်မနုၤလၢပှၤအဲၤကူပတူးဖိတဖၣ်စံးဝဲကသ့လၢနဆှၢထီၣ်နပှၤ ဂီၢ်မုၢ်လၢကီၢ်အဲၤကူပတူးဒီးကူၣ်ထီၣ်လၢနကမၤသံကွံာ်အီၤ လၢကစၢၢ်တဖၣ်အကျါဒီးမၤဟးဂီၤကွံာ်အီၤလၢာ်လၢာ်ဆ့ဆ့ အဂီၢ်န့ၣ်လဲၣ်. ဆိကတီၢ်တၢ်သးထီၣ်တက့ၢ်. လဲလိာ်ကွံာ်နတၢ်ပာ်လီၤသးဒီးဒုးလီၤဘၣ်တၢ်တတၢးတနါအံၤလၢ နပှၤဂီၢ်မုၢ်အလိၤတဂ့ၤ.

လံာ်ယၡါယၤ 48:11

တၢ်လၢယမၤအီၤန့ၣ်, ယမၤတ့ၢ်အီၤလၢယကစၢ်ဒၣ်ယဲအဃိလီၤ. ယတပျဲယမံၤအလၤကပီၤဟးဂီၤမ့ၢ်ဂ့ၤပှၤအဂၤတဂၤဂၤနီၤဟံးန့ၢ် တၢ်လၤကပီၤအဝဲန့ၣ်မ့ၢ်ဂ့ၤဘၣ်. အဝဲန့ၣ်ကြၢးမ့ၢ်ဒၣ်ယတၢ်, ထဲယၤတဂၤဧိၤအတၢ်န့ၣ်လီၤ.”

လံာ်ယၡါယၤ 63:16

နမ့ၢ်ပပၢ်လီၤ. ပပၢ်သ့ၣ်လၢပျၢၤတဖၣ်စီၤအၤဘြၤဟၣ်ဒီး စီၤယၤကိာ်တအၢၣ်လီၤအီလီၤလၢအသ့ၣ်ညါပှၤဘၣ်. မ့မ့ၢ်နၤ, ယွၤ, နမ့ၢ်ပပၢ်, ပှၤတဂၤလၢထီဘိမၤ ပူၤမၤဖျဲးတ့ၢ်ပှၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:33

ဒီးယကဟဲစိာ်တၢ်ဒုးတၢ်ယၤဒီးသုကလီၤပြ လီၤပြါဆူပှၤကလုာ်ဂၤအကျါလီၤ. သုထံဧိၤကီၢ်ဧိၤကအိၣ်သယုၢ်ဒီးသုဝ့ၢ်တဖၣ်ကအိၣ်လၢတၢ်ဟးဂီၤ အပူၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:38

သုကသံလၢသုဒုၣ်သုဒါအကီၢ်ပူၤ ဒီးသုကဘၣ်တၢ်ခူၣ်လီၤကွံာ်သုလၢသုဒုၣ်သုဒါအကီၢ်ပူၤန့ၣ်လီၤ.

လံာ်လူၤကၣ် 21:24

အဝဲသ့ၣ်တနီၤကဘၣ်တၢ်မၤသံအီၤလၢနး, ဒီးပှၤအဂၤတဖၣ်ကဘၣ်တၢ်စိာ်ထီၣ်ကွံာ်အီၤဒ် ပှၤဃိာ်ဖိတဖၣ်အသိးဆူထံကီၢ်ကိးဘ့ၣ်ဒဲး, ဒီးပှၤကလုာ်ဂၤတဖၣ်ကယီၢ်တံၢ်ဝ့ၢ်ယရူၤၡလ့ၣ်တုၤလၢ အဝဲသ့ၣ်အဆၢကတီၢ်ပှဲၤထီၣ်တစုလီၤ.

လံာ်သိၣ်လီၤသီလီၤတၢ် 28:25

ယွၤကဟ့ၣ်သုဒုၣ်သုဒါတဖၣ်အတၢ်မၤနၢၤလၢသုဖီခိၣ်လီၤ. သုကလဲၤထီၣ်ဒုးအဝဲသ့ၣ်လၢကျိၤကျဲတကျိၤ, ဘၣ်ဆၣ်သုကဘၣ်ဃ့ၢ်ကွံာ်လၢအဝဲသ့ၣ်အအိၣ်လၢကျိၤကျဲခဲလၢာ်အပူၤ, ဒီးကယဲၢ်ပှၤဂီၢ်မုၢ်ခဲလၢာ်လၢဟီၣ်ခိၣ်ချၢကပျံၤဘၣ်ဖုးဘၣ်တၢ် ဖဲအဝဲသ့ၣ်ထံၣ်တၢ်လၢအမၤအသးဒီးသုန့ၣ်လီၤ.

လံာ်သိၣ်လီၤသီလီၤတၢ် 28:37

လၢထံကီၢ်တဖၣ်ဖဲယွၤကမၤလီၤပြံလီၤပြါသုအပူၤန့ၣ်, ပှၤဂီၢ်မုၢ်တဖၣ်ကဖုးဘၣ်အသးလၢတၢ်လၢအမၤအသးဒီးသု အဃိန့ၣ်လီၤ. အဝဲသ့ၣ်ကလိာ်လ့သုဒီးနံၤဘၣ်ဖၣ်လဲသုန့ၣ်လီၤ.

လံာ်သိၣ်လီၤသီလီၤတၢ် 28:64

ယွၤကမၤလီၤပြံလီၤပြါကွံာ်သုဆူကယဲၢ်ပှၤကလုာ်တဖၣ်အကျါ, လၢဟီၣ်ခိၣ်အကတၢၢ်အံၤတခီဆူအကတၢၢ်န့ၣ်တခီ, ဒီးဖဲန့ၣ်သုကမၤကစၢ်တဖၣ်လၢတၢ်ဘှီအီၤဒီးသ့ၣ်ဒီးလၢၢ်အတၢ်, ကစၢ်တဖၣ်လၢသုဝဲမ့ၢ်ဂ့ၤ, သုမိၢ်ပၢ်ဖံဖုလၢပျၢၤတဖၣ်မ့ၢ် ဂ့ၤတဘူၣ်ထီၣ်ဘါထီၣ်တ့ၢ်အီၤလၢအပူၤကွံာ်နီတဘျီဘၣ်န့ၣ်လီၤ.

လံာ်သိၣ်လီၤသီလီၤတၢ် 4:27

ယွၤကမၤလီၤပြံလီၤပြါသုဆူပှၤကလုာ်ဂၤတဖၣ်အကျါ, ဖဲထဲဒၣ်ပှၤစှၤဂၤဧိၤလၢသုကျါကအိၣ်မူလီၤတဲာ်တ့ၢ်ဝဲဒၣ် န့ၣ်လီၤ.

လံာ်သိၣ်လီၤသီလီၤတၢ် 9:14

ကျဲးစၢးတြီယၤတဂ့ၤ, ယပာ်လီၤယသးလၢယကမၤဟးဂီၤကွံာ်အဝဲ သ့ၣ်ဒ်သိးပှၤသုတသ့ၣ်နီၣ်ထီၣ်အဝဲသ့ၣ်နီတဂၤနီတစု လၢၤတဂ့ၤအဂီၢ်န့ၣ်လီၤ. ဒီးယကဒုးကဲထီၣ်နၤလၢပှၤတကလုာ်အပၢ်, ပှၤတကလုာ်လၢအဒိၣ်န့ၢ်, ဒီးအစိကမီၤဆူၣ်န့ၢ်ဒံးအဝဲသ့ၣ်တက့ၢ်န့ၣ်လီၤ.