လံာ်သိၣ်လီၤသီလီၤတၢ် 32:25 - Sgaw Karen Common Bible

²⁵ တၢ်ဒုးတၢ်ယၤကဟဲစိာ်တၢ်သံလၢကျဲတဖၣ်အပူၤ, တၢ်လီၤပျံၤလီၤဖုးတဖၣ်ကမၤဒၢၣ်တၢ်လၢဟံၣ်တဖၣ်အပူၤလီၤ. ပိာ်ခွါသးစၢ်တဖၣ်ဒီးပိာ်မုၣ်သးစၢ်တဖၣ်ကသံဝဲ ဒီးဖိသၣ်ဆံးတဖၣ်မ့ၢ်ဂ့ၤ, ပှၤသးပှၢ်တဖၣ်မ့ၢ်ဂ့ၤဒၣ်လဲာ်, တၢ်တပာ်မူတ့ၢ်လၢၤအီၤဘၣ်.

လံာ်သိၣ်လီၤသီလီၤတၢ် 32:25 Iomraidhean Croise

လံာ်စီၤပၤခံဘ့ၣ်တဘ့ၣ် 7:5

တုၤနုၤတစု, ဖဲတၢ်စးထီၣ်ခံးလီၤဝဲန့ၣ်, အဝဲသ့ၣ်လဲၤဆူ ပှၤစူၤရံဖိသူၣ်ဒဲအလီၢ်, ဘၣ်ဆၣ်ဖဲအဝဲသ့ၣ်လဲၤတုၤဝဲန့ၣ်, ပှၤတအိၣ်ဖဲန့ၣ်နီတဂၤလၢၤဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 36:17

လၢတၢ်န့ၣ်အဃိယွၤဒုးဟဲတ့ၢ်ကီၢ်ဘၤဘူၤလိၣ်အစီၤပၤလၢကဒုး အဝဲသ့ၣ်အဂီၢ်န့ၣ်လီၤ. စီၤပၤမၤသံကွံာ်ကီၢ်ယူဒၤအပှၤသးစၢ်တဖၣ်လၢယွၤအတၢ်လုၢ်ဟံၣ် အပူၤဒၣ်လဲာ်န့ၣ်လီၤ. အဝဲတသးကညီဘၣ်ပှၤနီတဂၤ, ပှၤသးစၢ်မ့ၢ်ဂ့ၤ, ပှၤသးပှၢ်မ့ၢ်ဂ့ၤ, ပှၤပိာ်ခွါမ့ၢ်ဂ့ၤ, ပှၤပိာ်မုၣ်မ့ၢ်ဂ့ၤ, ပှၤဆူးပှၤဆါမ့ၢ်ဂ့ၤ, ပှၤအိၣ်ဆူၣ်အိၣ်ချ့မ့ၢ်ဂ့ၤန့ၣ်ဘၣ်. ကစၢ်ယွၤဟ့ၣ်လီၤကွံာ်အဝဲသ့ၣ်ခဲလၢာ်ဆူကီၢ်ဘၤဘူၤလိၣ်အစီၤ ပၤအစုပူၤန့ၣ်လီၤ.

လံာ်ယၡါယၤ 30:16

အခိၣ်တလိာ်, သုကူၣ်ကျဲၤလၢသုကဃ့ၢ်ပူၤဖျဲးကွံာ်လၢသုဒုၣ် သုဒါတဖၣ်ခီဖျိတၢ်ဒိးကသ့ၣ်လၢအဃ့ၢ်ချ့တဖၣ်လီၤ. ဒီးသုတၢ်န့ၣ်, ဘၣ်လီၤ. အဂ့ၢ်ဒ်အံၤ, တၢ်ဃ့ၢ်ပူၤဖျဲးကွံာ်န့ၣ်, သုကဘၣ်မၤအီၤလီၤ. သုဆိကမိၣ်လၢသုကသ့ၣ်တဖၣ်ချ့တ့ၢ်မးလံ. ဘၣ်ဆၣ်, ပှၤလၢအလူၤသုတဖၣ်ချ့န့ၢ်သုတက့ၢ်လီၤ.

လံာ်ယံးရမံယၤ 44:7

အဃိဒီးယၤ, ယွၤသ့တၢ်လၢာ်, အံၣ်စရ့လးအကစၢ်ယွၤ, သံကွၢ်သုခဲအံၤလၢ ဘၣ်မနုၤအဃိလၢ သုမၤတၢ်အၢတၢ်သီဒ်သိးအံၤ တမံၤထီဒါသုကစၢ်ဒၣ်သုဝဲန့ၣ်လဲၣ်. မ့ၢ်သုသးအိၣ်ဒုးလီၤဘၣ်တၢ်တတၢးတနါလၢ ပှၤပိာ်ခွါတဖၣ်, ပှၤပိာ်မုၣ်တဖၣ်, ဖိသၣ်တဖၣ်ဒီၤ ဖိသၣ်အီၣ်နုၢ်ထံ တဖၣ်အလိၤ, ဒ်သိးပှၤဂီၢ်မုၢ်အသုတအိၣ် တီၢ်လၢၤဘၣ် နီတဂၤအဂီၢ်န့ၣ်ဧါ.

လံာ်ယံးရမံယၤ 44:8

ဘၣ်မနုၤအဃိ သုမၤသးဒိၣ်ထီၣ်ယၤ ခီဖျိသုဘူၣ်ထီၣ်ဘါထီၣ် တၢ်ဂီၤတၢ်ဖီၣ်တဖၣ်ဒီး ခီဖျိသုလုၢ်ထီၣ်တၢ်ဆူကစၢ်အဂၤတဖၣ် ဖဲ ကီၢ်အဲၤကူပတူးအံၤအပူၤ, တၢ်လီၢ်ဖဲ သုဟဲအိၣ်ဟဲ ဆိးအံၤန့ၣ်လဲၣ်. မ့ၢ်သုမၤတၢ်အံၤ ထဲဒၣ်သုကမၤဟးဂီၤ လီၤသုသးအဂီၢ်ဧိၤ, ဒ်သိးပှၤကလုာ်ကိးကလုာ်ဒဲးလၢ ဟီၣ်ခိၣ်အံၤကနံၤဘၣ်ဖၣ်လဲ သုဒီး ပာ်သုမံၤဒ်တၢ်ဆိၣ်အၢတမံၤအသိးအဂီၢ်ဧိၤန့ၣ်ဧါ.

လံာ်ယံးရမံယၤ 9:21

တၢ်သံဟဲဝဲခီဖျိပပဲတြီဖိတဖၣ် ဒီးဟဲနုာ်လီၤလၢပနူၢ်ဧိၤစီၤဧိၤတဖၣ်အပူၤန့ၣ်လီၤ. ဒီၣ်တဲာ်ကွံာ်လံဖိသၣ်တဖၣ်လၢကျဲဘိတဖၣ်အပူၤ ဒီးပိာ်ခွါသးစၢ်တဖၣ်လၢတၢ်ဆါတၢ်ပှ့ၤ အလီၢ်တဖၣ်လံ.

လံာ်သးသယုၢ်တၢ် 1:20

ယွၤဧၢ, ကွၢ်ဃီၤယတၢ်ကိၢ်တၢ်ဂီၤ, ဒီးယသးအတၢ်နးတၢ်ဖှီၣ်တ က့ၢ်. ယသးသ့ၣ်ဖးတ့ၢ်လၢတၢ်သူၣ်အုးသးအုးလၢယတၢ်ဒဲးဘးတဖၣ် အဃိလီၤ. တၢ်မၤသံမၤဝီအိၣ်လၢကျဲတဖၣ်အပူၤ, ဒီးလၢဟံၣ်ပူၤဒၣ်လဲာ်တၢ်သံအိၣ်ဝဲလီၤ.

လံာ်သးသယုၢ်တၢ် 4:4

အဝဲသ့ၣ်ပျဲအဖိတဖၣ်သံဝဲလၢတၢ်သၣ်ဝံၤလီၤဒိဒီးတၢ်သူအသး လၢထံလီၤ. ဖိသၣ်တဖၣ်ဃ့အီၣ်တၢ်အီၣ်ဒီးပှၤဟ့ၣ်အီၤတအိၣ်ဘၣ်နီတဂၤဘၣ်.

လံာ်ယဃ့းစက့လး 7:15

တၢ်ဒုးတၢ်ယၤအိၣ်ဝဲလၢကျဲဘိတဖၣ်အပူၤ, ဒီးတၢ်ဆူးတၢ်ဆါ ဒီးတၢ်သၣ်ဝံၤလီၤဒိလၢဟံၣ်ဃီတဖၣ်အပူၤလီၤ. ပှၤတဂၤဂ့ၤတဂၤ ဂ့ၤလၢအအိၣ်လၢခိန့ၣ်, ကသံဝဲလၢတၢ်ဒုးတၢ်ယၤအပူၤ, ဒီးပှၤတဂၤဂ့ၤတဂၤဂ့ၤလၢအအိၣ်လၢဝ့ၢ်ပူၤန့ၣ်, တၢ်ဆူးတၢ်ဆါဒီးတၢ်သၣ်ဝံၤလီၤဒိကမၤန့ၢ်မၤနၢၤအီၤလီၤ.

လံာ်ဟိၤၡ့ 11:6

တၢ်ဒုးတၢ်ယၤကအိၣ်ထီၣ်သကုၤအဝ့ၢ်တဖၣ်ဒီးမၤလီၤပှီၢ်ကွံာ်ဝ့ၢ် အတြဲၤဖးဒိၣ်တဖၣ်န့ၣ်လီၤ. တၢ်န့ၣ်ကမၤဟးဂီၤယပှၤဂီၢ်မုၢ်, မ့ၢ်လၢအဝဲသ့ၣ်မၤတၢ်လၢအဆိကမိၣ်ဝဲအမ့ၢ်တၢ်အဂ့ၤကတၢၢ် အဃိန့ၣ်လီၤ.

လံာ်ဟိၤၡ့ 9:12

ဘၣ်ဆၣ်အဝဲသ့ၣ်မ့ၢ်ဒုးဒိၣ်ထီၣ်ဖိသၣ်တဖၣ်ဒၣ်လဲာ်န့ၣ်, ယကဟံးန့ၢ်ကွံာ်အီၤဒီးတပာ်တ့ၢ်မူဒံးအီၤနီတဂၤဘၣ်. တုၤယစူးကွံာ်ညိကွံာ်ပှၤဂီၢ်မုၢ်အံၤန့ၣ်, တၢ်လီၤပျံၤလီၤဖုးတဖၣ်ကမၤအသးဒီးအဝဲသ့ၣ်န့ၣ်လီၤ.

လံာ်ဟိၤၡ့ 9:16

ကီၢ်အံၣ်စရ့လးအပှၤဂီၢ်မုၢ်အံၤလီၤဂာ်ဒ်တၢ်မုၢ်တမုၢ်လၢ အဂံၢ်တဖၣ်ဃ့ထီကွံာ်ဝဲဒီးတသၣ်ထီၣ်နီတဖျၢၣ်ဘၣ်အသိး န့ၣ်လီၤ. အဝဲသ့ၣ်တအိၣ်ဒီးအဖိတဖၣ်ဘၣ်. ဒီးမ့ၢ်အိၣ်ဒၣ်လဲာ်န့ၣ်ယကမၤသံကွံာ်အဖိတဖၣ်လၢအအဲၣ်ဝဲဒိၣ် မးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:25

ဒီးယကဟဲစိာ်တၢ်ဒုးတၢ်ယၤလၢအမ့ၢ်တၢ်စံၣ်ညီၣ်သုလၢသု လုၢ်သ့ၣ်ခါပတာ်ယတၢ်အၢၣ်လီၤအီလီၤအဃိန့ၣ်လီၤ. ဒီးသုမ့ၢ်ပာ်ဖှိၣ်ထီၣ်သုသးလၢသုဝ့ၢ်တဖၣ်အပူၤလၢ တၢ်ပူၤဖျဲးအဂီၢ်ဒီးယကဆှၢလီၤတၢ်ဆါသံသတြိာ်လၢသုကျါဒီး သုကဘၣ်တၢ်မၤဆူၣ်သုဒီးဟ့ၣ်လီၤကွံာ်သုဆူသုဒုၣ်သုဒါအစုပူၤန့ၣ်လီၤ.

လံာ်မံကၤ 6:14

သုကအီၣ်တၢ်ဒီးတဘျဲးအီၣ်ဘၣ်. တၢ်ကသၣ်ဝံၤသုသးသပှၢ်တၢၢ်လီၤ. သုကဂုာ်န့ၢ်ဆူၣ်တၢ်တဖၣ်ဘၣ်ဆၣ်ဒီးသုပၢၤဃာ်အီၤတန့ၢ်ဘၣ်. တၢ်တမံၤလၢ်လၢ်လၢသုပာ်ဖှိၣ်အီၤန့ၣ်ယကမၤဟးဂီၤအီၤလၢတၢ် ဒုးတၢ်ယၤအပူၤလီၤ.

၂ ကရံၣ်သူး 7:5

ဖဲပဟဲတုၤလၢကီၢ်မၤက့းဒနံဝံၤအလီၢ်ခံဒၣ်လဲာ်န့ၣ်, ပတအိၣ်ဒီးတၢ်အိၣ်ဘှံးအိၣ်သါနီတစဲးဘၣ်. တၢ်ကီတၢ်ခဲအိၣ်ဝဲဒၣ်လၢတၢ်လီၢ်ကိးပူၤဒဲး, တၢ်ထီဒုၣ်ထီဒါလိာ်ပသးဒီးပှၤဂၤ, ဒီးတၢ်ပျံၤတၢ်ဖုးလၢ ပသးပူၤန့ၣ်လီၤ.