လံာ်သိၣ်လီၤသီလီၤတၢ် 32:18 - Sgaw Karen Common Bible

¹⁸ အဝဲသ့ၣ်သးပ့ၤနီၣ်ကွံာ်အကစၢ်ယွၤ, အတၢ်အုၣ်က့ၤခီၣ်က့ၤကစၢ်လၢအဒိၣ်ဝဲမုၢ်ဝဲ, ကစၢ်တဂၤလၢအဟ့ၣ်လီၤတ့ၢ်အဝဲသ့ၣ်တၢ်မူန့ၣ်လီၤ.

လံာ်သိၣ်လီၤသီလီၤတၢ် 32:18 Iomraidhean Croise

စံးထီၣ်ပတြၢၤ 106:21

အဝဲသ့ၣ်သးပ့ၤနီၣ်ကွံာ်ကစၢ်ယွၤ, ပှၤအုၣ်က့ၤခီၣ်က့ၤအီၤ, ပှၤလၢအမၤတ့ၢ်တၢ်အဒိၣ်တဖၣ်လၢ အဲၤကူပတူးအပူၤန့ၣ်လီၤ.

စံးထီၣ်ပတြၢၤ 18:2

ယွၤမ့ၢ်ယလၢၢ်, ဒီးယတိာ်, ဒီးယတၢ်ပူၤဖျဲးအလီၢ်, ယကစၢ်, ယွၤမ့ၢ်ယလၢၢ်, မ့ၢ်ယတၢ်အိၣ်တဒၢအလီၢ်, ယကတီၤတဘ့ၣ်, ဒီးယတၢ်အုၣ်က့ၤခီၣ်က့ၤအနၢၤ, ယတိာ်ဧိၤတာ်ဧိၤန့ၣ်လီၤ.

စံးထီၣ်ပတြၢၤ 9:17

ကယဲၢ်ပှၤကလုာ်တဖၣ်လၢအသးပ့ၤနီၣ်ကစၢ်ယွၤခဲလၢာ်, ပှၤတတီတလိၤန့ၣ်ကဘၣ်က့ၤဆူပျုၤပူၤလီၤ.

လံာ်ယၡါယၤ 17:10

ကီၢ်အံၣ်စရ့လးဧၢ, နသးပ့ၤနီၣ်ကစၢ်ယွၤလၢအအုၣ်က့ၤခီၣ် က့ၤနၤဒီးဒီဒၣ်အိၣ်ပှိၤနၤဒ်လၢၢ်မုၢ်လ့တီလၢအဂံၢ်ဆူၣ်ဘါဆူၣ် တဖျၢၣ်အသိးန့ၣ်လီၤ. အခိၣ်တလိာ်, နသူၣ်လီၤဖီကရၢၢ်စီဆှံ တဖၣ်လၢနကဘူၣ်ထီၣ်ဘါထီၣ်တခီဘီမုၢ်အကစၢ်အဂီၢ်လီၤ.

လံာ်ယၡါယၤ 27:11

သ့ၣ်အဒ့တဖၣ်ဃ့ထီဒီးကၢ်လီၤကွံာ်ဝဲ, ဒီးပိာ်မုၣ်တဖၣ်ထၢ ဖှိၣ်အီၤလၢသ့ၣ်မုၣ်ခံအဂီၢ်လီၤ. အဂ့ၢ်ဒ်အံၤ, ပှၤဂီၢ်မုၢ်တနၢ်ပၢၢ် တၢ်နီတမံၤဘၣ်. ကစၢ်ယွၤလၢအမ့ၢ်အဝဲသ့ၣ်အတၢ်ဘၣ် တ့ကစၢ်တသးကညီၤဘၣ်အဝဲသ့ၣ်မ့ၢ်ဂ့ၤတပာ်ဖျါအတၢ်ကွၢ်မဲာ် အဝဲသ့ၣ်မ့ၢ်ဂ့ၤဘၣ်.

လံာ်ယံးရမံယၤ 2:31

ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ဒိကနၣ်တၢ်လၢယစံးဘၣ် တဲဘၣ်သုတက့ၢ်. မ့ၢ်ယလီၤဂာ်ဒီးမဲးမုၢ်ခိၣ်တတီၤလၢသုဂီၢ်, လီၤဂာ်ဒီးကီၢ်တဘ့ၣ်လၢအခံးဒီးလီၤပျံၤန့ၣ်ဧါ. ဘၣ်မနုၤအဃိ သုစံးလၢသုကမၤဖဲဒၣ်သုသး, ဒီးတဟဲက့ၤကဒါက့ၤလၢၤဘၣ် ဆူယအိၣ်နီတစုဘၣ်န့ၣ်လဲၣ်.

လံာ်ယံးရမံယၤ 2:32

ပိာ်မုၣ်သးစၢ်တဂၤသးပ့ၤနီၣ်အတၢ်မျၢ်ပလဲမ့ၢ်ဂ့ၤ, တလးမူးပိာ်မုၣ် တဂၤသးပ့ၤနီၣ်အတၢ်တ့တၢ်ဖျီအတၢ်ကူတၢ်ကၤမ့ၢ်ဂ့ၤကသ့ဧါ. ဘၣ်ဆၣ်ဒီး, ယပှၤဂီၢ်မုၢ်သးပ့ၤနီၣ်တ့ၢ်ယၤလၢမုၢ်နံၤတဖၣ်လၢ တၢ်ဂံၢ်အီၤတသ့ဘၣ်ဒၣ်လဲာ်အပူၤန့ၣ်လီၤ.

လံာ်ယံးရမံယၤ 3:21

တၢ်ကလုၢ်တမံၤဘၣ်တၢ်နၢ်ဟူတ့ၢ်အီၤ လၢတၢ်လူၢ်တဖၣ်အဒီခိၣ်လီၤ. မ့ၢ်ကီၢ်အံၣ်စရ့လးအပှၤဂီၢ်မုၢ်အတၢ်ဟီၣ်တၢ်ယၢၤဒီးအတၢ်ဃ့သ ကွံၢ်ကညးတၢ်, မ့ၢ်လၢအဝဲသ့ၣ်အိၣ်မူတ့ၢ်လၢတၢ်ဒဲးဘးအပူၤ, ဒီးသးပ့ၤနီၣ်တ့ၢ်ယွၤ, အဝဲသ့ၣ်အကစၢ်ယွၤ အဃိန့ၣ်လီၤ.

လံာ်ယဃ့းစက့လး 22:12

သုပှၤဂီၢ်မုၢ်တနီၤမၤသံတၢ်လၢတၢ်အဘူးအလဲအဂီၢ်လီၤ. တနီၤဟံးန့ၢ်စ့အအ့ၣ်လၢစ့လၢအဟ့ၣ်လိၢ်လီၤဝဲဆူအဝဲသ့ၣ် အပှၤအံၣ်စရ့လးဖိကဒဲကဒဲအဖီခိၣ်ဒီးကဲဒိၣ်ထီၣ်ဝဲလၢတၢ် အခွဲးအယာ်လၢအမၤန့ၢ်ဝဲလၢအဝဲသ့ၣ်အဖီခိၣ်အဃိန့ၣ်လီၤ. အဝဲသ့ၣ်သးပ့ၤနီၣ်ကွံာ်လံယၤလံ. ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ဟိၤၡ့ 8:14

ကီၢ်အံၣ်စရ့လးအပှၤဂီၢ်မုၢ်သူၣ်ထီၣ်နူၢ်ဧိၤစီၤဧိၤတဖၣ်ဘၣ်ဆၣ် အဝဲသ့ၣ်သးပ့ၤနီၣ်ကွံာ်ပှၤတဂၤလၢအတ့အဝဲသ့ၣ်လၢအနီၢ် ကစၢ်ဒၣ်ဝဲန့ၣ်လီၤ. ကီၢ်ယူဒၤအပှၤဂီၢ်မုၢ်သူၣ်ထီၣ်ဝ့ၢ်တဖၣ်လၢ အအိၣ်ဒီးအတိာ်ခၢၣ်သနၢၣ်န့ၣ်လီၤ. ဘၣ်ဆၣ်ယကဆှၢလီၤမ့ၣ်အူ လၢကအီၣ်ကွံာ်အဝဲသ့ၣ်အနူၢ်ဧိၤစီၤဧိၤဒီးအဝဲသ့ၣ်အဝ့ၢ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 32:15

ယွၤအပှၤဂီၢ်မုၢ်ထူးထီၣ်တီၤထီၣ်ဝဲ, ဘၣ်ဆၣ်ထီဒုၣ်ထီဒါတၢ်, အဝဲသ့ၣ်ဘီၣ်ထီၣ်သိထီၣ်ဒီးပှဲၤလုာ်ကွံာ်ဒီးတၢ်အီၣ်တၢ်အီ လီၤ. အဝဲသ့ၣ်လဲၤသဒၣ်ကွံာ်ကစၢ်ယွၤအဝဲသ့ၣ်အတၢ်ဘၣ်တ့အကစၢ် ဒီးစူးကွံာ်ညိကွံာ်အတၢ်အုၣ်က့ၤခီၣ်က့ၤကစၢ်လၢအဒိၣ်ဝဲမုၢ်ဝဲန့ၣ်လီၤ.

လံာ်သိၣ်လီၤသီလီၤတၢ် 32:4

ယွၤမ့ၢ်သုပှၤကဟုကယာ်သုလၢအဂံၢ်ဆူၣ်ဘါဆူၣ်, လၢဝဲပှဲၤဝဲဒီးတီဝဲလိၤဝဲလၢကယဲၢ်အကျဲခဲလၢာ်အပူၤန့ၣ်လီၤ. သုကစၢ်ယွၤမ့ၢ်ပှၤလၢအသူၣ်တီသးရၤဒီးမ့ၢ်ဝဲတီဝဲ, အဝဲမၤတၢ်လၢအဘၣ်ဒီးအတီန့ၣ်လီၤ.

လံာ်သိၣ်လီၤသီလီၤတၢ် 6:12

ပာ်သူၣ်ပာ်သးသပှၢ်ပှၢ်လၢသုတသးပ့ၤနီၣ်ဘၣ်ယွၤလၢအအုၣ်က့ၤခီၣ် က့ၤသုလၢကီၢ်အဲၤကူပတူးအပူၤ, ဖဲသုမ့ၢ်တ့ၢ်ကုၢ်တဖၣ်ဘၣ်န့ၣ်တဂ့ၤ.

လံာ်သိၣ်လီၤသီလီၤတၢ် 8:11

မၤလီၤတံၢ်လၢ, သုတသးပ့ၤနီၣ်ဘၣ်ယွၤ, သုကစၢ်ယွၤဘၣ်န့ၣ်တ က့ၢ်. လီၤတိၢ်ကွံာ်လၢတၢ်စူၢ်ကယဲၢ်အဝဲအတၢ်ဘူၣ်တၢ်ဘါအတၢ်သိၣ်တၢ်သီ လၢယဟ့ၣ်လီၤသုလၢမုၢ်မဆါတနံၤအံၤန့ၣ်တဂ့ၤ.

လံာ်သိၣ်လီၤသီလီၤတၢ် 8:14

ဒ်သိးသုသုတပာ်ထီၣ်ထီသုသးတဂ့ၤ, ဒီးသုတသးပ့ၤနီၣ်ကွံာ် ယွၤသုကစၢ်ယွၤလၢအမၤပူၤမၤဖျဲးသုလၢကီၢ်အဲၤကူပတူးဖဲ သုမ့ၢ်ကုၢ်တဖၣ်တဂ့ၤအဂီၢ်န့ၣ်မၤလီၤတံၢ်သုသးတက့ၢ်.

လံာ်သိၣ်လီၤသီလီၤတၢ် 8:19

သးပ့ၤနီၣ်ကွံာ်ယွၤ, သုကစၢ်မ့ၢ်ဂ့ၤ, ဃၣ်ကွံာ်သုသးဆူ ကစၢ်အဂၤတဖၣ်အအိၣ်လၢတၢ်ဘူၣ်ထီၣ်ဘါထီၣ်အီၤဒီးမၤအတၢ်အဂီၢ် မ့ၢ်ဂ့ၤန့ၣ်နီတစုတဂ့ၤ. သုမ့ၢ်မၤဒီး, အန့ၣ်တစု, ယဟ့ၣ်ပလီၢ်သုမုၢ်မဆါတနံၤအံၤလၢသုကဘၣ်တၢ်မၤဟးဂီၤကွံာ်သု သပှၢ်ကတၢၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:9

ဘၣ်ဆၣ်ဒီးပှၤဂီၢ်မုၢ်သးပ့ၤနီၣ်ယွၤ, အဝဲသ့ၣ်အကစၢ်ယွၤလီၤ. မၤသးဒ်န့ၣ်ဒီးအဝဲပျဲပှၤဖလ့ၡသးဖိတဖၣ် ဒီးကီၢ်မိၤအးအစီၤပၤဒီးဝ့ၢ်ဃါစိၢ် အသုးမုၢ်အခိၣ်စီၤစံစရၤလၢကဒုးတၢ်ထီဒါ သုမိၢ်ပၢ်ဖံဖုလၢပျၢၤတဖၣ်ဒီးမၤနၢၤအဝဲသ့ၣ်လီၤ.