လံာ်သိၣ်လီၤသီလီၤတၢ် 32:16 - Sgaw Karen Common Bible

¹⁶ အဝဲသ့ၣ်အတၢ်ဘူၣ်ထီၣ်ဘါထီၣ်တၢ်ဂီၤတၢ်ဖီၣ်န့ၣ်ဒုးအိၣ်ထီၣ်ယွၤ အတၢ်သးက့ၣ်, တၢ်အၢတၢ်သီလၢအဝဲသ့ၣ်မၤတ့ၢ်န့ၣ်, မၤသးဒိၣ်ထီၣ်အီၤလီၤ.

လံာ်သိၣ်လီၤသီလီၤတၢ် 32:16 Iomraidhean Croise

လံာ်စီၤပၤအခီၣ်ထံးတဘ့ၣ် 14:22

ကီၢ်ယူဒၤအပှၤဂီၢ်မုၢ်မၤတ့ၢ်တၢ်ဒဲးဘးထီဒါယွၤဒီးထိၣ်ဂဲၤ ယွၤအတၢ်သးထီၣ်ဒိၣ်အါန့ၢ်ဒံးကယဲၢ်အဝဲသ့ၣ်အမိၢ်ပၢ်ဖံဖုလၢ ပျၢၤတဖၣ်မၤတ့ၢ်ဝဲဒၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 14:9

နမၤတ့ၢ်တၢ်ဒဲးဘးတဖၣ်ဒိၣ်အါန့ၢ်ဒံးပှၤပၢတ့ၢ်တၢ်လၢနမဲာ်ညါ တဖၣ်တက့ၢ်န့ၣ်လီၤ. နညိကွံာ်ယၤဒီးနထိၣ်ဂဲၤထီၣ်ယတၢ်သးထီၣ်ခီဖျိဘါထီၣ်ကစၢ် အဂၤတဖၣ်ဒီးမၤထီၣ်တၢ်ဂီၤတၢ်ဖီၣ်တဖၣ်လၢစ့, တိၢ်, ထး, ဒ်သိးနကဘါထီၣ်အီၤအဂီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 17:11

ဒီးအဝဲသ့ၣ်ဆိၣ်ကဲၤတၢ်နၢမူလၢကယဲၢ်ပှၤတစူၢ်တနာ်ယွၤအတၢ်လုၢ် လီၢ်ခဲလၢာ်အဖီခိၣ်, ပိာ်ထွဲတၢ်မၤလၢပှၤဂီၢ်မုၢ်လၢယွၤဟီထီၣ်တ့ၢ်အီၤလၢထံဧိၤ ကီၢ်ဧိၤအပူၤတဖၣ်မၤဝဲန့ၣ်လီၤ. အဝဲသ့ၣ်ထိၣ်ဂဲၤထီၣ်ယွၤအတၢ်သးထီၣ်လၢကယဲၢ်အဝဲသ့ၣ်အ တၢ်မၤအအၢအသီတဖၣ်,

လံာ်စီၤပၤခံဘ့ၣ်တဘ့ၣ် 17:17

အဝဲသ့ၣ်လုၢ်ထီၣ်ပာ်ထီၣ်အဖိခွါတဖၣ်ဒီးအဖိမုၣ်တဖၣ်ဒ်တၢ်ဆိၣ် ကဲၤနၢမူဆူပှၤတစူၢ်တနာ်ယွၤအကစၢ်တဖၣ်အအိၣ်လီၤ. အဝဲသ့ၣ်သံကွၢ်တၢ်လၢပှၤသံအကလၤဒီး, ပှၤဖးတၢ်ဟဲဝံဟဲစိာ် တဖၣ်အအိၣ်ဒီးအဝဲသ့ၣ်ဟ့ၣ်လီၤအသးလၢာ်လၢာ်ဆ့ဆ့ဆူတၢ်မၤတၢ် လၢအကမၣ်လၢယွၤအမဲာ်ညါ, သတးဒီးထိၣ်ဂဲၤအဝဲအတၢ်သးထီၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 21:6

အဝဲလုၢ်ထီၣ်အဖိခွါဒ်တၢ်လုၢ်မ့ၣ်အူအသိးန့ၣ်လီၤ. အဝဲမၤတၢ်ဒုၣ်တၢ်အဆၢအကတီၢ်, ဒီးတၢ်မၤကဒါမဲာ်ဒီးသံကွၢ်တၢ် လၢပှၤဖးတၢ်ဟဲဝံဟဲစိာ်တဖၣ်ဒီးပှၤသံအကလၤတဖၣ်, န့ၣ်လီၤ. အဝဲမၤဒဲးဘးတၢ်ထီဒါယွၤဒိၣ်မးဒီးထိၣ်ဂဲၤထီၣ် ယွၤအတၢ်သးကဲၤထီၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 23:13

စီၤယိၤၡံယၤမၤဘၣ်အၢဘၣ်သီကွံာ်တၢ်လုၢ်လီၢ်တဖၣ်လၢစီၤပၤ စီၤၡလိၤမိၤဘှီထီၣ်တ့ၢ်ဝဲလၢအအိၣ်လၢဝ့ၢ်ယရူၤၡလ့ၣ်အမုၢ်ထီၣ်, ဒီးကစၢၢ်သ့ၣ်စၤယံးအကလံၤထံးလၢတၢ်ကဘူၣ်ထီၣ်ဘါထီၣ်တၢ်ဂီၤ တၢ်ဖီၣ်လီၤသးဘၣ်အၢတဖၣ်လၢအမ့ၢ်ပှၤစံဒိၣ်ဖိအကစၢ်မုၣ်ဧၤၡ တြိး, ပှၤမိၤအးဖိအကစၢ်ကမိၣ်, ဒီးပှၤဧၣ်မိၣ်ဖိအကစၢ်မိလးအဂီၢ်န့ၣ်လီၤ.

စံးထီၣ်ပတြၢၤ 106:29

အဝဲသ့ၣ်မၤသးထီၣ်ယွၤလၢအတၢ်မၤတဖၣ်အဃိ ဒီးတၢ်သံသတြိာ်အိၣ်ထီၣ်လၢအကျါလီၤ.

စံးထီၣ်ပတြၢၤ 78:58

အဂ့ၢ်ဒ်အံၤ, အဝဲသ့ၣ်မၤသးထီၣ်ယွၤလၢပှၤတဘူၣ်ထီၣ်ဘါထီၣ် ယွၤအတၢ်လီၢ်ထီၣ်ထီ ယွၤအတၢ်ဘူၣ်တၢ်ဘါအလီၢ်တဖၣ်, ဒီးထိၣ်ဂဲၤအတၢ်သးဒိၣ်လၢ အတၢ်ဂီၤတၢ်ဖီၣ်တဖၣ်န့ၣ်လီၤ.

လံာ်ယၡါယၤ 43:12

ယကတိၤဆိတ့ၢ်တၢ်လၢအကမၤအသးဝံၤဒီးယဟဲတ့ၢ်ယဲလၢတၢ်မၤစၢၤ သုအဂီၢ်လီၤ. တခီဘီမုၢ်အကစၢ်တမၤတ့ၢ်တၢ်အံၤနီတစုနီတဂၤဘၣ်. သုမ့ၢ်ယပှၤအုၣ်အသးတဖၣ်လီၤ.

လံာ်ယံးရမံယၤ 2:11

ပှၤကလုာ်အဂၤလၢအကစၢ်တဖၣ်တမ့ၢ်ဘၣ် ကစၢ်နီၢ်နီၢ်ဒၣ်လဲာ် တလဲလိာ်တ့ၢ်ဝဲဒ်သိးအံၤနီတကလုာ်နီတစုဘၣ်. ဘၣ်ဆၣ်ဒီးယပှၤဂီၢ်မုၢ်ခီလဲလိာ်ယၤ, ကစၢ်ယွၤတဂၤလၢအဟဲစိာ်န့ၢ်အဝဲသ့ၣ်တၢ်လၤကပီၤန့ၣ်, ဒီးကစၢ်တဖၣ်လၢအမၤတၢ်လၢအဝဲသ့ၣ်အဂီၢ် တသ့နီတမံၤဘၣ်န့ၣ်လီၤ.

လံာ်ယံးရမံယၤ 2:25

ကီၢ်အံၣ်စရ့လးဧၢ, မၤဘှံးမၤတီၤနခီၣ်မ့ၢ်ဂ့ၤ, ပျဲနကိာ်ယူၢ်ဃ့ထီ မ့ၢ်ဂ့ၤ, လၢတၢ်လူၤထွဲကစၢ်အဂၤတဖၣ်အခံအဃိတဂ့ၤ. ဘၣ်ဆၣ် နစံး, တမ့ၢ်ဘၣ်. ယဃၣ်ကဒါက့ၤယသးတသ့လၢၤဘၣ်. ယအဲၣ်ဘၣ်တ့ၢ်တခီဘီမုၢ်အကစၢ်တဖၣ်ဒီးယကလူၤပိာ်ထွဲအဝဲသ့ၣ် အခံန့ၣ်လီၤ.”

လံာ်ယံးရမံယၤ 7:18

ဖိသၣ်တဖၣ်ထၢဖှိၣ်သ့ၣ်မုၣ်, ပိာ်ခွါတဖၣ်မၤကဲၤထီၣ်မ့ၣ်အူ, ဒီးပိာ်မုၣ်တဖၣ်စံၢ်ကျဲၣ်ကျီကိၣ်ကမူၣ်ဒီးထံလၢကကုၢ်ကိၣ်လၢ ကစၢ်မုၣ်လၢအဝဲသ့ၣ်ကိးဝဲလၢမူခိၣ်အနီၢ်ပၤမုၣ်အဂီၢ်န့ၣ်လီၤ. အဝဲသ့ၣ်လူလီၤဂၢ်လီၤစ့ၢ်ကီးတၢ်လုၢ်စပံးထံတဖၣ်ဆူကစၢ်အဂၤ တဖၣ်အအိၣ်လၢကမၤဘၣ်ဒိဘၣ်ထံးယၤအဂီၢ်န့ၣ်လီၤ.

လံာ်ယံးရမံယၤ 8:19

ဒိကနၣ်တက့ၢ်. ယနၢ်ဟူယပှၤဂီၢ်မုၢ်ကိးပသူထီၣ်လၢထံကီၢ် ဒီဘ့ၣ်ညါလီၤ. “မ့ၢ်ယွၤတအိၣ်လၢၤလၢဝ့ၢ်စံယိၣ်ဘၣ်ဧါ မ့ၢ်ဝ့ၢ်စံယိၣ်အစီၤပၤတအိၣ်လၢၤဖဲန့ၣ်ဘၣ်ဧါ.” ယွၤ, အဝဲသ့ၣ်အစီၤပၤ, စံးဆၢတၢ်ဒီးစံးဝဲ, “ဘၣ်မနုၤအဃိသုမၤသးဒိၣ်ထီၣ်ယၤခီ ဖျိသုဘူၣ်ထီၣ်ဘါထီၣ်သုတၢ်ဂီၤတၢ်ဖီၣ် ဒီးသကူးလီၤသုသးလၢသုပှၤတခီဘီမုၢ်ဖိအကစၢ်တဖၣ်လၢအဘျုး တအိၣ်ဘၣ်အမဲာ်ညါန့ၣ်လဲၣ်.”

လံာ်ယဃ့းစက့လး 8:3

အဝဲယူာ်ထီၣ်တၢ်လၢအလီၤဂာ်ဖျါဒ်စုတခီအသိးဒီးစှီၤယၤဖဲ ယခိၣ်သူန့ၣ်လီၤ. ဒီးလၢတၢ်ထံၣ်လၢညါခီအံၤအပူၤန့ၣ်, ကစၢ်ယွၤအသးစိာ်ထီၣ်ယၤလၢကလံၤအကျါဒီးဆှၢယၤဆူ ဝ့ၢ်ယရူၤၡလ့ၣ်န့ၣ်လီၤ. အဝဲလဲၤစိာ်ယၤဆူယွၤအတၢ်လုၢ်ဟံၣ် အကလံၤစိးအတြဲၤဆူတၢ်အိပူၤအကျဲစၢၤဖဲတၢ်ဂီၤတၢ်ဖီၣ်အိၣ် ဝဲတခါလၢအမၤသးကဲၤထီၣ်ကစၢ်ယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 18:27

သုဝဲသ့ၣ်ခဲလၢာ်ပှၤအံၣ်စရ့လးဖိမ့ၢ်ဂ့ၤပှၤတခီဘီမုၢ်ဖိအိၣ်လၢ သုကျါမ့ၢ်ဂ့ၤကဘၣ်စူၢ်ယွၤအတၢ်သိၣ်တၢ်သီဒီးအတၢ်မၤလိာ် တဖၣ်န့ၣ်လီၤ.

1 ကရံၣ်သူး 10:22

မ့တမ့ၢ်ဘၣ်ဒီး, မ့ၢ်ပအဲၣ်ဒိးမၤသးက့ၣ်ကစၢ်ဧါ. မ့ၢ်ပဆိကမိၣ်လၢပဂံၢ်ပဘါဆူၣ်န့ၢ်ဒံးအီၤတက့ၢ်ဧါ.

လံာ်သိၣ်လီၤသီလီၤတၢ် 32:21

အဝဲသ့ၣ်မၤသးဒိၣ်ထီၣ်ယၤဒီးအတၢ်ဂီၤတၢ်ဖီၣ်တဖၣ်လၢအဘှီဝဲ, မၤသးက့ၣ်ယၤလၢကစၢ်ဒ်န့ၣ်အသိးတဖၣ်, ကစၢ်တဖၣ်လၢတမ့ၢ်ဘၣ်ကစၢ်အမ့ၢ်အတီတဖၣ်ဘၣ်န့ၣ်လီၤ. လၢတၢ်န့ၣ်အဃိ, ယကသူပှၤဒ်န့ၣ်အသိးတကလုာ်လၢကမၤသးဒိၣ်ထီၣ် အဝဲသ့ၣ်, ယကဒုးသးက့ၣ်အဝဲသ့ၣ်လၢပှၤကလုာ်လၢအမ့ၢ်ပှၤဟးဂီၤဖိတဖၣ်န့ၣ်လီၤ.

လံာ်သိၣ်လီၤသီလီၤတၢ် 5:9

တီၤလီၤလၢတၢ်ဂီၤတၢ်ဖီၣ်တမံၤမံၤအမဲာ်ညါမ့ၢ်ဂ့ၤ, ဘါထီၣ်အီၤမ့ၢ်ဂ့ၤန့ၣ်တဂ့ၤ. အဂ့ၢ်ဒ်အံၤ, ယမ့ၢ်ယွၤ, သုကစၢ်ယွၤလၢအသးက့ၣ်တၢ်န့ၣ်လီၤ. ယဟဲစိာ်တၢ်စံၣ်ညီၣ်လၢကယဲၢ်ပှၤတဖၣ်လၢအသးဟ့ယၤအလိၤဒီးလၢ အဝဲသ့ၣ်အစၢၤအသွဲၣ်တဖၣ်အလိၤတုၤလီၤလၢပှၤသၢစိၤတစိၤဒီး လွံၢ်စိၤတစိၤန့ၣ်လီၤ.

လံာ်သိၣ်လီၤသီလီၤတၢ် 7:25

ဒွဲၣ်အူကွံာ်တၢ်ဂီၤတၢ်ဖီၣ်တဖၣ်တက့ၢ်. သးကွံထူမ့ၢ်ဂ့ၤ, စ့မ့ၢ်ဂ့ၤလၢအအိၣ်လၢအဝဲသ့ၣ်အလိၤန့ၣ်တဂ့ၤ, ဒီးဟံးန့ၢ်အီၤလၢသုဂီၢ်တဂ့ၤ. သုမ့ၢ်မၤဒီးတၢ်န့ၣ်မ့ၢ် တၢ်လၢအမၤသံသုသ့န့ၣ်လီၤ. အဂ့ၢ်ဒ်အံၤယွၤသးဟ့တၢ်ဘါထီၣ်တၢ်ဂီၤတၢ်ဖီၣ်န့ၣ်လီၤ.