လံာ်သိၣ်လီၤသီလီၤတၢ် 32:15 - Sgaw Karen Common Bible

¹⁵ ယွၤအပှၤဂီၢ်မုၢ်ထူးထီၣ်တီၤထီၣ်ဝဲ, ဘၣ်ဆၣ်ထီဒုၣ်ထီဒါတၢ်, အဝဲသ့ၣ်ဘီၣ်ထီၣ်သိထီၣ်ဒီးပှဲၤလုာ်ကွံာ်ဒီးတၢ်အီၣ်တၢ်အီ လီၤ. အဝဲသ့ၣ်လဲၤသဒၣ်ကွံာ်ကစၢ်ယွၤအဝဲသ့ၣ်အတၢ်ဘၣ်တ့အကစၢ် ဒီးစူးကွံာ်ညိကွံာ်အတၢ်အုၣ်က့ၤခီၣ်က့ၤကစၢ်လၢအဒိၣ်ဝဲမုၢ်ဝဲန့ၣ်လီၤ.

လံာ်သိၣ်လီၤသီလီၤတၢ် 32:15 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 22:47

ယွၤမူဝဲ, မ်ပှၤလၢအကဟုကယာ်ယၤဘၣ်တၢ်စံးထီၣ်ပတြၢၤ အီၤတက့ၢ်. ဘိးဘၣ်သ့ၣ်ညါကစၢ်ယွၤလၢအဆူၣ်ဝဲ, ယွၤလၢအအုၣ်က့ၤခီၣ်က့ၤယၤတဂၤအတၢ်ဒိၣ်တၢ်မုၢ် န့ၣ်တက့ၢ်.

လံာ်ကွဲးနီၣ်တၢ်အခီၣ်ထံးတဘ့ၣ် 5:25

ဘၣ်ဆၣ်, ပှၤမုၢ်ထီၣ်တဖၣ်တတီဒီးအပၢ်ဖးဒိၣ်လၢပျၢၤတဖၣ်အကစၢ် ယွၤဘၣ်. ဒီးဟးသဒၣ်ကွံာ်အီၤ, ဒ်သိးကဘူၣ်ထီၣ်ဘါထီၣ်ပှၤကလုာ်လၢကစၢ်ယွၤဟီထီၣ်ကွံာ်အီၤလၢ ကီၢ်ပူၤတဖၣ်အကစၢ်တဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 12:1

တဘျီဖဲစီၤရဃၤဘၣ်မၤဂၢၢ်ထီၣ်မၤကျၢၤထီၣ်ဝဲအဝဲအတၢ်စိ တၢ်ကမီၤဒ်စီၤပၤအသိးဝံၤအလီၢ်ခံန့ၣ်, အဝဲဒီးကယဲၢ်ပှၤဂီၢ်မုၢ်ခဲလၢာ်လဲၤသဒၣ်ကွံာ်ယူဒၤအတၢ်သိၣ်တၢ် သီလၢယွၤဟ့ၣ်လီၤဝဲန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 26:16

ဘၣ်ဆၣ်, တုၤစီၤပၤစီၤဧူးစံယါအဂံၢ်အဘါဆူၣ်ထီၣ်ဝဲန့ၣ်, အဝဲအတၢ်သးထီၣ်ထီဒိၣ်ထီၣ်ဝဲ, ဒီးတၢ်န့ၣ်ဆှၢဃီၤအီၤဆူ အတၢ်ဟးဂီၤအပူၤန့ၣ်လီၤ. အဝဲခီၣ်ဆၢယွၤ, ကစၢ်ယွၤ, ခီဖျိအတၢ်လဲၤနုာ်ဆူယွၤအတၢ်လုၢ်ဟံၣ်လၢအကဆူးကဲၤ တၢ်နၢမူဖဲတၢ်လုၢ်လီၢ်လၢတၢ်ဆူးကဲၤတၢ်နၢမူန့ၣ်လီၤ.

လံာ်စီၤနဃ့မယၤ 9:25

နပှၤဂီၢ်မုၢ်မၤနၢၤကွံာ်ဝ့ၢ်အိၣ်ဒီးတိာ်ဧိၤတာ်ဧိၤတဖၣ်, ကီၢ်လၢဟီၣ်ခိၣ်ညၣ်ထ့ၣ်ဂ့ၤဝဲ, ဟံၣ်တဖၣ်လၢအပှဲၤဒီးတၢ်ထူးတၢ် တီၤ, ထံကမါအိၣ်ခူၣ်လီၤပာ်စၢၤအသးတဖၣ်, သ့ၣ်စၤယံးတဖၣ်သ့ၣ်အိၣ်ဒီးအသၣ်တဖၣ်ဒီးစပံးမုၢ်အလီၢ်တဖၣ်န့ၣ်လီၤ. အဝဲသ့ၣ်အီၣ်တၢ်လၢအအဲၣ်ဒိးအီၣ်ဝဲဒီးဘီၣ်ထီၣ်ညီထီၣ်မုာ်လၤ သးခုဒီးကယဲၢ်တၢ်ဂ့ၤတဖၣ်လၢနဟ့ၣ်အဝဲသ့ၣ်န့ၣ်လီၤ.

လံာ်စီၤနဃ့မယၤ 9:26

ဘၣ်ဆၣ်နပှၤဂီၢ်မုၢ်ထီဒါနၤဒီးတစူၢ်နၤဘၣ်. အဝဲသ့ၣ်ဃၣ်ဒူချၢကွံာ်အသးလၢနတၢ်သိၣ်တၢ်သီလၢနဟ့ၣ်လီၤပှၤ ယူဒၤဖိန့ၣ်လီၤ. အဝဲသ့ၣ်မၤသံကွံာ်ဝံတဖၣ်လၢအဟ့ၣ်ပလီၢ်အဝဲသ့ၣ်ဒ်သိးကဃၣ်က့ၤ အသးဆူနအိၣ်န့ၣ်လီၤ. အဝဲသ့ၣ်မၤတရီတပါနၤတဘျီဝံၤတဘျီန့ၣ်လီၤ.

လံာ်စီၤယိၤဘး 15:27

ယၤထီၣ်အကတီၤလၢတၢ်သးကိၤအပူၤဒီးဃ့ၢ်သဖှိဃီၤဒ် သိးအကဒုးတၢ်ထီဒါကစၢ်ယွၤလီၤ.

စံးထီၣ်ပတြၢၤ 100:3

သ့ၣ်ညါလၢယွၤမ့ၢ်ကစၢ်ယွၤတက့ၢ်. အဝဲဒၣ်န့ၣ်တ့ပှၤ ဒီးပမ့ၢ်အတၢ်လီၤ. ပမ့ၢ်အပှၤဂီၢ်မုၢ်ဒီး အတၢ်အီၣ်ဆၣ်အလီၢ် အသိတဖုလီၤ.

စံးထီၣ်ပတြၢၤ 119:70

ပှၤသ့ၣ်တဖၣ်အံၤတအိၣ်ဒီးတၢ်နၢ်ပၢၢ်ဘၣ်. ဘၣ်ဆၣ်ယထံၣ်န့ၢ်တၢ်မုာ်တၢ်လၤလၢ နတၢ်သိၣ်တၢ်သီအပူၤန့ၣ်လီၤ.

စံးထီၣ်ပတြၢၤ 17:10

အဝဲသ့ၣ်တအိၣ်ဒီးတၢ်သးကညီၤတၢ်ဘၣ်, ဒီးကတိၤတၢ်လၢတၢ်ပာ်ထီၣ်ထီသးအပူၤလီၤ.

စံးထီၣ်ပတြၢၤ 18:46

ယွၤမူဝဲ, မ်ယလၢၢ်ဘၣ်တၢ်စံးထီၣ်ပတြၢၤအီၤတက့ၢ်. ဒီးယတၢ်အုၣ်က့ၤခီၣ်က့ၤအကစၢ်ယွၤန့ၣ် မ်အဘၣ်တၢ်ပာ်ထီၣ်ထီအီၤတက့ၢ်.

စံးထီၣ်ပတြၢၤ 73:7

အဝဲသ့ၣ်အသးတဖၣ်လူလီၤတၢ်အၢတၢ်သီ, ဒီးအသးအတၢ်ဆိကမိၣ်တဖၣ်အါဝဲဒၣ်လၢ တၢ်ကူၣ်ထီၣ်ဖးလီၤအအၢအသီတဖၣ်န့ၣ်လီၤ.

စံးထီၣ်ပတြၢၤ 81:11

“ဘၣ်ဆၣ်ယပှၤဂီၢ်မုၢ်တဒိကနၣ်ယကလုၢ်ဘၣ်. အံၣ်စရ့လးတစူၢ်ယၤဘၣ်.

စံးထီၣ်ပတြၢၤ 89:26

အဝဲဒၣ်ကကိးထီၣ်ဆူယအိၣ် “နဲဒၣ်အံၤနမ့ၢ်ယပၢ်, ယကစၢ်ယွၤ, ဒီးတၢ်အုၣ်က့ၤခီၣ်က့ၤယၤအလၢၢ်လီၤ.”

စံးထီၣ်ပတြၢၤ 89:27

ဒီးယကပာ်အီၤလၢယဖိခွါဝဲၢ်ကိ, ပှၤအဒိၣ်ကတၢၢ်လၢ စီၤပၤခဲလၢာ်အကျါန့ၣ်လီၤ.

စံးထီၣ်ပတြၢၤ 95:1

အိဟဲ, မ်ပသးဝံၣ်ထီၣ်ယွၤတက့ၢ်. မ်ပကိးထီၣ်လၢတၢ်သးခုဆူပကစၢ်ယွၤလၢအမ့ၢ် တၢ်အုၣ်က့ၤခီၣ်က့ၤအလၢၢ်တက့ၢ်.

လံာ်ယၡါယၤ 1:4

ပှၤတၢ်ဒဲးဘးဖိတကလုာ်, ပှၤဟးဂီၤဒီးပှၤအၢပှၤသီသ့ၣ်ဧၢ, သုဘၣ်တၢ်စံၣ်ညီၣ်ဃါမနၤလီၤ. သုတၢ်ဒဲးဘးတဖၣ်ထုး လီၤသုဒီးသုတတူၢ်လိာ်ကစၢ်, အံၣ်စရ့လးအကစၢ်ယွၤစီဆှံ ဘၣ်, ဒီးသုဒီသုချၢလၢအီၤလီၤ.

လံာ်ယၡါယၤ 43:1

ကီၢ်အံၣ်စရ့လးဧၢ, ယွၤလၢအတ့လီၤပာ်လီၤတ့ၢ်နၤစံးဝဲ, “ပျံၤတၢ်တဂ့ၤ. ယကအုၣ်က့ၤခီၣ်က့ၤနၤလီၤ. ယကိးတ့ၢ်နၤလၢနမံၤ, နမ့ၢ်ယတၢ်လီၤ.

လံာ်ယၡါယၤ 44:2

ယမ့ၢ်ယွၤလၢအတ့လီၤပာ်လီၤတ့ၢ်သု ဒီးစးထီၣ်မုၢ်တနံၤလၢသုအိၣ်ဖျဲၣ်ထီၣ်န့ၣ်, ယမၤစၢၤတ့ၢ်သုလီၤ. ပျံၤတၢ်တဂ့ၤ. သုမ့ၢ်ယခ့ယပှၤ, ယပှၤဂီၢ်မုၢ်လၢယဃုထၢတ့ၢ် အီၤဒီးအဲၣ်အီၤလီၤ.

လံာ်ယၡါယၤ 6:10

ဝံၤဒီးအဝဲစံးဘၣ်ယၤ, “မၤဃၢပှၤတဖၣ်အံၤအသး, မၤတအၢအနၢ်တဖၣ်, ဒီးမၤဘျီၣ်အမဲာ်ချံတဖၣ်ဒ်သိးအဝဲသ့ၣ် အသုတထံၣ်တၢ်, နၢ်ဟူတၢ်, ဒီးနၢ်ပၢၢ်တၢ်တဂ့ၤန့ၣ်တက့ၢ်. အဝဲသ့ၣ်မ့ၢ်ထံၣ်တၢ်, နၢ်ဟူတၢ်, ဒီးနၢ်ပၢၢ်ဘၣ်ဖုးတၢ်ဒီး, အဝဲသ့ၣ်ကဃၣ်ကဒါက့ၤဘၣ်ဖုးအသးဆူယ အိၣ်ဒီးကန့ၢ်ဘၣ်ဖုးတၢ်မၤဘျါက့ၤန့ၣ်လီၤ.”

လံာ်ယံးရမံယၤ 2:31

ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ဒိကနၣ်တၢ်လၢယစံးဘၣ် တဲဘၣ်သုတက့ၢ်. မ့ၢ်ယလီၤဂာ်ဒီးမဲးမုၢ်ခိၣ်တတီၤလၢသုဂီၢ်, လီၤဂာ်ဒီးကီၢ်တဘ့ၣ်လၢအခံးဒီးလီၤပျံၤန့ၣ်ဧါ. ဘၣ်မနုၤအဃိ သုစံးလၢသုကမၤဖဲဒၣ်သုသး, ဒီးတဟဲက့ၤကဒါက့ၤလၢၤဘၣ် ဆူယအိၣ်နီတစုဘၣ်န့ၣ်လဲၣ်.

လံာ်ယံးရမံယၤ 2:32

ပိာ်မုၣ်သးစၢ်တဂၤသးပ့ၤနီၣ်အတၢ်မျၢ်ပလဲမ့ၢ်ဂ့ၤ, တလးမူးပိာ်မုၣ် တဂၤသးပ့ၤနီၣ်အတၢ်တ့တၢ်ဖျီအတၢ်ကူတၢ်ကၤမ့ၢ်ဂ့ၤကသ့ဧါ. ဘၣ်ဆၣ်ဒီး, ယပှၤဂီၢ်မုၢ်သးပ့ၤနီၣ်တ့ၢ်ယၤလၢမုၢ်နံၤတဖၣ်လၢ တၢ်ဂံၢ်အီၤတသ့ဘၣ်ဒၣ်လဲာ်အပူၤန့ၣ်လီၤ.

လံာ်ယံးရမံယၤ 2:5

ယွၤစံးဝဲ, “သုမိၢ်ပၢ်ဖံဖုလၢပျၢၤတဖၣ်ပာ်တၢ်ကမၣ်ထီဒါ ယၤလၢမနုၤတမံၤအဃိန့ၣ်လဲၣ်. တၢ်မနုၤဒုးဃၣ်ကွံာ်အဝဲသ့ၣ်အသးလၢယၤန့ၣ်လဲၣ်. အဝဲသ့ၣ်ဘူၣ်ထီၣ်ဘါထီၣ်တ့ၢ်တၢ်ဂီၤတၢ်ဖှီၣ်လၢအမ့ၢ်တၢ် ကလီကလီတဖၣ် ဒီးအဝဲသ့ၣ်အကစၢ်ဒၣ်ဝဲကဲထီၣ်ပှၤကလီကလီတဖၣ်န့ၣ်လီၤ.

လံာ်ယံးရမံယၤ 5:28

မ့ၢ်တၢ်လၢအမၤဘီၣ်ထီၣ်ညီထီၣ်အဝဲ သ့ၣ်ဒီးဒုးအီၣ်ဘျဲးအီၣ်ဘျဲးအီအီၤန့ၣ်လီၤ. အတၢ်မၤအၢမၤသီတၢ်တဖၣ်အကတၢၢ်ကတာ်တအိၣ်ဘၣ်. အဝဲသ့ၣ်တဟ့ၣ်ဘၣ်ပှၤဖိၣ်ဃဲတဖၣ်လၢ အတၢ်ခွဲးတၢ်ယာ်တဖၣ်မ့ၢ်ဂ့ၤတဒုးနဲၣ် ဘၣ်တၢ်စံၣ်ညီၣ်တီလၢပှၤလၢအဘၣ်တၢ် မၤနးမၤဖှီၣ်တဖၣ်မ့ၢ်ဂ့ၤအဂီၢ်ဘၣ်.

လံာ်ယံးရမံယၤ 5:7

ယွၤသံကွၢ်တၢ်ဒီးစံးဝဲ, “ဘၣ်မနုၤအဃိယဘၣ်ပျၢ် ယပှၤဂီၢ်မုၢ်အတၢ်ဒဲးဘးတဖၣ်န့ၣ်လဲၣ်. အဝဲသ့ၣ်ပာ်လီၤတဲာ်ကွံာ်ယၤ ဒီးဘူၣ်ထီၣ်ဘါထီၣ်ကစၢ်တဖၣ်လၢ အတမ့ၢ်တတီန့ၣ်လီၤ. ယလုၢ်အီၣ်တ့ၢ်ယပှၤဂီၢ်မုၢ်တုၤအဘျဲးအီၣ်ဝဲဘၣ်ဆၣ်, အဝဲသ့ၣ်မၤတ့ၢ်တၢ်မၤကမၣ်မုၣ်ကမၣ်ခွါ ဒီးမၤလၢာ်တ့ၢ်အဆၢကတီၢ်ဒီး ပှၤဃဲသဲမုၣ်တဖၣ်န့ၣ်လီၤ.

လံာ်ယဃ့းစက့လး 14:5

တၢ်ဂီၤတၢ်ဖီၣ်တဖၣ်န့ၣ်ဃၣ်ကွံာ်လံပှၤအံၣ်စရ့လးဖိလၢ ယအိၣ်လံဘၣ်ဆၣ်ခီဖျိယတၢ်စံးဆၢန့ၣ်, ယမုၢ်လၢ်လၢယကမၤန့ၢ်က့ၤအဝဲသ့ၣ်အတၢ်သးတီဒီးယၤန့ၣ်လီၤ.

လံာ်ဟိၤၡ့ 13:6

ဘၣ်ဆၣ်ဖဲနနုာ်လီၤဆူကီၢ်လၢအဂ့ၤဝဲအပူၤန့ၣ်, နဘျဲးအီၣ်ဘျဲးအီဒီးသးမံနဲဒၣ်, ဒီးနသးထီၣ်ထီနဲဒီးသးပ့ၤနီၣ်ကွံာ်ယၤန့ၣ်လီၤ.

လံာ်ဟိၤၡ့ 4:7

ထဲသိးဒီးသုပှၤလုၢ်တၢ်အခိၣ်တဖၣ်အါထီၣ်ဝဲအသိးန့ၣ်သုတၢ် ဒဲးဘးထီဒါယၤအါထီၣ်ဝဲလီၤ. ဒီးလၢတၢ်န့ၣ်အဃိ ယကဘိးကဒါကွံာ်သုလၤကပီၤဆူတၢ်မဲာ်ဆှးန့ၣ်လီၤ.

မၤတၢ် 28:27

အဂ့ၢ်ဒ်အံၤ, ပှၤတကလုာ်အံၤအသးခံးဝဲလီၤ. အဝဲသ့ၣ်ကးတံာ်အနၢ်ပူၤ, ဒီးကးတံာ်အမဲာ်ချံလီၤ. မ့တမ့ၢ်ဘၣ်ဒီး, အဝဲသ့ၣ်ကထံၣ်တၢ်လၢအမဲာ်ချံ, နၢ်ဟူတၢ်လၢအနၢ်, နၢ်ပၢၢ်တၢ်လၢအသး, ဒီးကဃၣ်က့ၤအသးဆူယအိၣ်, ကစၢ်ယွၤစံးဝဲ, ဒီးယကမၤဘျါက့ၤအဝဲသ့ၣ်န့ၣ်လီၤ.’

မၤတၢ် 9:5

အဝဲဒၣ်သံကွၢ်ဝဲ, “ကစၢ်ဧၢ, နမ့ၢ်မတၤတဂၤလဲၣ်.” ဒီးတၢ်ကလုၢ်န့ၣ်စံးဆၢက့ၤအီၤ, “ယမ့ၢ်ယ့ၣ်ၡူးလၢနမၤအၢမၤနးအီၤတဂၤန့ၣ်လီၤ.

လံာ်သိၣ်လီၤသီလီၤတၢ် 31:16

ယွၤစံးဘၣ်စီၤမိၤၡ့, “တယံာ်ဘၣ်န့ၣ်နကသံ, ဒီးဖဲနသံဝံၤအလီၢ်ခံန့ၣ်, ပှၤဂီၢ်မုၢ်ကကဲထီၣ်ပှၤလၢအသူၣ်တ တီသးတရၤဒီးယၤဘၣ်ဒီးကမၤဟးဂီၤကွံာ်တၢ်အၢၣ်လီၤအီလီၤလၢ ယကမၤတ့ၢ်ဒီးအဝဲသ့ၣ်န့ၣ်လီၤ. အဝဲသ့ၣ်ကလဲၤသဒၣ်ကွံာ်ယၤဒီးဘူၣ်ထီၣ်ဘါထီၣ်ပှၤတစူၢ်တနာ်ယွၤ တဖၣ်အကစၢ်တဖၣ်လၢအအိၣ်ဝဲလၢကီၢ်လၢအဝဲသ့ၣ်ကဘၣ်လဲၤနုာ်လီၤဝဲ တဘ့ၣ်အပူၤန့ၣ်လီၤ.

လံာ်သိၣ်လီၤသီလီၤတၢ် 31:20

ယကဆှၢနုာ်အဝဲသ့ၣ်ဆူကီၢ်လၢအထူးဝဲတီၤဝဲဒီးအဟီၣ်ခိၣ်ညၣ် ထ့ၣ်ဂ့ၤတဘ့ၣ်အံၤအပူၤ, ဒ်ယအၢၣ်လီၤတ့ၢ်အဝဲသ့ၣ်အမိၢ်ပၢ်ဖံဖုလၢပျၢၤတဖၣ်အသိးန့ၣ် လီၤ. ဖဲန့ၣ်အဝဲသ့ၣ်ကအိၣ်ဒီး ကယဲၢ်တၢ်အီၣ်လၢအအဲၣ်ဒိးအီၣ်ဝဲ, အဝဲ သ့ၣ်ကအိၣ်ဘၣ်ဆိးဘၣ်ဘီၣ်ဘီၣ်ညီညီန့ၣ်လီၤ. ဘၣ်ဆၣ်အဝဲသ့ၣ်ကဃၣ်ကွံာ်အသးဒီးဘူၣ်ထီၣ်ဘါထီၣ်ကစၢ်အဂၤတဖၣ် န့ၣ်လီၤ. အဝဲသ့ၣ်ကစူးကွံာ်ညိကွံာ်ယၤဒီးမၤဟးဂီၤကွံာ်ယတၢ်အၢၣ်လီၤ အီလီၤ,

လံာ်သိၣ်လီၤသီလီၤတၢ် 32:4

ယွၤမ့ၢ်သုပှၤကဟုကယာ်သုလၢအဂံၢ်ဆူၣ်ဘါဆူၣ်, လၢဝဲပှဲၤဝဲဒီးတီဝဲလိၤဝဲလၢကယဲၢ်အကျဲခဲလၢာ်အပူၤန့ၣ်လီၤ. သုကစၢ်ယွၤမ့ၢ်ပှၤလၢအသူၣ်တီသးရၤဒီးမ့ၢ်ဝဲတီဝဲ, အဝဲမၤတၢ်လၢအဘၣ်ဒီးအတီန့ၣ်လီၤ.

လံာ်သိၣ်လီၤသီလီၤတၢ် 32:6

သုဝဲပှၤဟးဂီၤဖိ, ပှၤဂီၢ်မုၢ်လၢတဂိာ်တသီၣ်ဘၣ်တၢ်ဧၢ, တၢ်အံၤမ့ၢ်အမ့ၢ်ကျဲလၢသုကဘၣ်မၤဘၣ် ယွၤန့ၣ်ဧါ. အဝဲမ့ၢ်သုပၢ်, သုတၢ်တ့အကစၢ်, အဝဲဒုးကဲထီၣ်တ့သုလၢပှၤ တကလုာ်န့ၣ်လီၤ.

လံာ်သိၣ်လီၤသီလီၤတၢ် 33:26

ကီၢ်အံၣ်စရ့လးအပှၤဂီၢ်မုၢ်ဧၢ, ယွၤအဂၤတဒ်သိးဘၣ်သုကစၢ်ယွၤဘၣ်. အဝဲဒိးတၢ်ခီဖျိကွံာ်မူကပိာ်လိၤလၢတၢ်ကဟုကညီၢ်အပူၤ, ဒိးတၢ်ခီဖျိကွံာ်တၢ်အၢၣ်တဖၣ်လၢကဟဲမၤစၢၤသုအဂီၢ်န့ၣ်လီၤ.

လံာ်သိၣ်လီၤသီလီၤတၢ် 33:5

ယွၤကဲထီၣ်က့ၤအဝဲအပှၤဂီၢ်မုၢ်အံၣ်စရ့လးအစီၤပၤ, ဖဲအဝဲသ့ၣ်အဒူၣ်တဖၣ်ဒီးအခိၣ်အနၢ်တဖၣ်ပာ်ဖှိၣ်ထီၣ်အသးတပူၤဃီ န့ၣ်လီၤ.

လံာ်ပှၤစံၣ်ညီၣ်ကွီၢ် 10:6

မၤကဒီးတစု, ပှၤအံၣ်စရ့လးဖိတဖၣ်မၤတၢ်ဒဲးဘးထီဒါယွၤ ခီဖျိတၢ်ဘူၣ်ထီၣ်ဘါထီၣ်ဘဧၤလးတဖၣ်ဒီးဧၤၡကြိးတဖၣ်ဃုာ်ဒီး ကစၢ်တဖၣ်လၢကီၢ်စူၤရံ, ကီၢ်စံဒိၣ်, ကီၢ်မိၤအး, ကီၢ်ဧၣ်မိၣ်ဒီးကီၢ်ဖလ့ၡသးန့ၣ်လီၤ. အဝဲသ့ၣ်ညိကွံာ်ယွၤဒီးဆိကတီၢ်တၢ်ဘူၣ်ထီၣ်ဘါထီၣ်အီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:29

မၤသးဒ်န့ၣ်ဒီး, ဘၣ်မနုၤအဃိသုကွၢ်ဃီၤတၢ်လုၢ်တၢ်ပာ်တဖၣ်ဒီး တၢ်လုၢ်မၤဘူၣ်တဖၣ်လၢယဃ့အီၤလၢယပှၤဂီၢ်မုၢ်အအိၣ်န့ၣ် လၢတၢ်သူၣ်လီသးကွံအပူၤန့ၣ်လဲၣ်. စီၤဧ့လံၤဧၢ, နမၤလၤကပီၤနဖိခွါတဖၣ်ဒိၣ်န့ၢ်အါန့ၢ်ယၤခီဖျိနပျဲ အဝဲသ့ၣ်မၤဘီၣ်ထီၣ်အသးလၢတၢ်အဂ့ၤကတၢၢ်တဖၣ်လၢတၢ်လုၢ်တၢ် ပာ်လၢယပှၤဂီၢ်မုၢ်မၤဘူၣ်ဆူယအိၣ်န့ၣ်မ့ၢ်အဘၣ်မနုၤလဲၣ်.