လံာ်သိၣ်လီၤသီလီၤတၢ် 32:12 - Sgaw Karen Common Bible

¹² ထဲယွၤတဂၤဧိၤဆှၢအပှၤဂီၢ်မုၢ် တအိၣ်ဘၣ်ဒီးကလုာ်ဂၤအကစၢ်တဂၤအတၢ်မၤစၢၤအီၤဘၣ်န့ၣ်လီၤ.

လံာ်သိၣ်လီၤသီလီၤတၢ် 32:12 Iomraidhean Croise

လံာ်စီၤနဃ့မယၤ 9:12

ဒီးလၢမုၢ်ဆါန့ၣ်နဆှၢအဝဲသ့ၣ်လၢတၢ်အၢၣ်ဒီးလၢမုၢ်နၤန့ၣ် နမၤကပီၤထီၣ်အကျဲဒီးမ့ၣ်အူန့ၣ်လီၤ.

လံာ်စီၤယိၤဘး 15:19

အထံအကီၢ်ပူၤဖျဲးဝဲဒီးပှၤတခီဘီမုၢ်ဖိသ့ၣ်တဖၣ်အတၢ်မၤတံာ် တာ်, ဒီးပှၤကဆှၢယံၤကွံာ်အဝဲသ့ၣ်လၢကစၢ်ယွၤတအိၣ်ဘၣ်နီ တဂၤဘၣ်.

စံးထီၣ်ပတြၢၤ 136:16

ဆှၢခီဖျိအပှၤဂီၢ်မုၢ်လၢပှၢ်မုၢ်ကနၢအပူၤလီၤ. အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ အိၣ်ဝဲလီၤစိၤလီၤထီလီၤ.

စံးထီၣ်ပတြၢၤ 27:11

ယွၤဧၢ, တၢ်လၢနဆၢလၢယကမၤန့ၣ်, သိၣ်လိယၤတက့ၢ်. ဒီးဆှၢယၤလၢကျဲအမုာ်အပၢၤအပူၤ, အဂ့ၢ်မ့ၢ်လၢယအိၣ်ဒီးဒုၣ်ဒါအါဂၤအဃိန့ၣ်လီၤ.

စံးထီၣ်ပတြၢၤ 78:14

လၢမုၢ်ဆါယွၤဆှၢအဝဲသ့ၣ်လၢတၢ်အၢၣ်, ဒီးသီတနၤကျၢၤလၢမ့ၣ်အူအတၢ်ကပီၤန့ၣ်လီၤ.

စံးထီၣ်ပတြၢၤ 80:1

အံၣ်စရ့လးအပှၤကွၢ်သိဧၢ, ဒိကနၣ်ပှၤတက့ၢ်. နဲဒၣ်ပှၤလၢအဆှၢယိၤသးဒ်သိတဖုအသိး, လၢအဆ့ၣ်နီၤကဲစီၤပၤလၢ ခ့ရူာ်တဖၣ်အဘၢၣ်စၢၤတဂၤဧၢ,

စံးထီၣ်ပတြၢၤ 81:9

သုတဘၣ်ဘူၣ်ထီၣ်ဘါထီၣ်ကစၢ်အဂၤနီတစုဘၣ်.

လံာ်ယၡါယၤ 46:4

ယမ့ၢ်သုကစၢ်ယွၤဒီးယကသူၣ်အိၣ်သးအိၣ်သု တုၤသုသးပှၢ်ထီၣ်ဒီးသုခိၣ်ဝါလီၤ. ယတ့လီၤသုဒီးယကအံးထွဲကွၢ်ထွဲသုလီၤ. ယကဟ့ၣ်သုတၢ်မၤစၢၤဒီးမၤပူၤမၤဖျဲးသုလီၤ.

လံာ်ယၡါယၤ 63:14

ဒ်ဂီၤဘုၣ်ဂီၤဖံးတဖၣ်ဘၣ်တၢ်ဆှၢနုာ်အီၤဆူဟီၣ်ခိၣ်ညၣ်ထ့ၣ် အတြီၤတပူၤအသိး, ယွၤဟ့ၣ်တ့ၢ်အပှၤဂီၢ်မုၢ်လၢတၢ်အိၣ်ဘှံးလီၤ. အဝဲဆှၢတ့ၢ်အပှၤဂီၢ်မုၢ်ဒီးဟဲစိာ်ဃီၤတၢ်လၤကပီၤလၢအမံၤအဂီၢ်လီၤ.

လံာ်ဟိၤၡ့ 11:4

ယထုးဃီၤအဝဲသ့ၣ်ဆူယအိၣ်လၢတၢ်သးအိၣ်ဒီးတၢ်အဲၣ်လီၤ. ယထၢထီၣ်အဝဲသ့ၣ်ဒီးစိာ်ထီၣ်အီၤလၢယဘိးပၤ, ယသကူးလီၤယသးဆူအဝဲသ့ၣ်အအိၣ်ဒီးဒုးအီၣ်အဝဲသ့ၣ်အတၢ်လီၤ.

လံာ်သိၣ်လီၤသီလီၤတၢ် 1:31

ဒီးလၢပှၢ်မုၢ်ကနၢအပူၤအသိးန့ၣ်လီၤ. သုထံၣ်ဘၣ်တ့ၢ်လၢအဝဲ ဟဲစိာ်သုလၢကျဲဒီဘိညါတုၤဆူတၢ်လီၢ်အံၤပူၤပူၤဖျဲး ဖျဲးဒ်လဲၣ်, ဒ်ပၢ်တဂၤစိာ်အဖိအသိးန့ၣ်လီၤ.

လံာ်သိၣ်လီၤသီလီၤတၢ် 32:39

ယၤ, ဒီးထဲယၤတဂၤဧိၤ, မ့ၢ်ကစၢ်ယွၤန့ၣ်လီၤ. ကစၢ်အဂၤန့ၣ်တမ့ၢ်တတီနီတဂၤဘၣ်. ယမၤသံတၢ်ဒီးယဟ့ၣ်တၢ်မူ, ယမၤဘၣ်ဒိတၢ်ဒီးယမၤဘျါက့ၤတၢ်, ဒီးတၢ်လၢယမၤအီၤန့ၣ်ပှၤထီဒါတသ့နီတဂၤဘၣ်.

လံာ်သိၣ်လီၤသီလီၤတၢ် 4:35

ယွၤဒုးနဲၣ်တ့ၢ်တၢ်အံၤမ့ၢ်ဒ်သိးကအုၣ်အသးလၢသုမဲာ်ညါလၢထဲ အဝဲတဂၤဧိၤမ့ၢ်ကစၢ်ယွၤဒီးကစၢ်အဂၤတအိၣ်ဘၣ်အဂ့ၢ်န့ၣ်လီၤ.

လံာ်သိၣ်လီၤသီလီၤတၢ် 4:39

မၤသးဒ်န့ၣ်ဒီး, သ့ၣ်နီၣ်ထီၣ်မုၢ်တနံၤအံၤဒီးသးပ့ၤနီၣ်အီၤ နီတစုတဂ့ၤ. ယွၤန့ၣ်မ့ၢ်ကစၢ်ယွၤလၢမူခိၣ်ဒီးလၢဟီၣ်ခိၣ်အံၤန့ၣ်လီၤ. ကစၢ်အဂၤတအိၣ်ဘၣ်.

လံာ်စီၤယိၤၡူ 24:17

ယွၤပကစၢ်ယွၤမ့ၢ်ပှၤလၢအဒုးဟဲထီၣ်ပှၤလၢတၢ်ကဲကုၢ်လၢကီၢ်အဲၤကူပတူးအပူၤ, ဒီးပထံၣ်ဘၣ်တၢ်လီၤလးတဖၣ်လၢအမၤဝဲန့ၣ်လီၤ. အဝဲကဟုဘံၣ်ကယာ်ဘၢပှၤဖဲပလဲၤခီဖျိတၢ်လၢပှၤကလုာ်ခဲ လၢာ်အကျါန့ၣ်လီၤ.