လံာ်သိၣ်လီၤသီလီၤတၢ် 32:10 - Sgaw Karen Common Bible

¹⁰ အဝဲထံၣ်ဘၣ်အဝဲသ့ၣ်ဟးဝ့ၤဝီၤတၢ်ခီဖျိပှၢ်မုၢ်ကနၢ, တၢ်အိၣ်သယုၢ်အလီၢ်တပူၤ, ပှၢ်မုၢ်ကနၢဖဲကလံၤအူတၢ်န့ၣ်လီၤ. အဝဲဒီဒၣ်အိၣ်ပှိၤတ့ၢ်အဝဲသ့ၣ်ဒီးကဟုကယာ်အံးထွဲကွၢ်ထွဲ အဝဲသ့ၣ်, ဒ်အဝဲကဒီဒၣ်အိၣ်ပှိၤလီၤက့ၤအသးဒၣ်ဝဲအသိးန့ၣ်လီၤ.

လံာ်သိၣ်လီၤသီလီၤတၢ် 32:10 Iomraidhean Croise

လံာ်နီၢ်အ့ၤစတၢ် 6:13

အဝဲတဲဘၣ်အမါနီၢ်စ့ရ့ၣ်ဒီးအသကိးခဲလၢာ်လၢတၢ် ကိးမံၤဒဲးလၢအမၤအသးဒီးအီၤန့ၣ်လီၤ. အန့ၣ်တစု, အမါဒီးအတံၤသကိးလၢအကူၣ်တၢ်သ့တဖၣ်စံးဘၣ်အီၤ, “နတၢ်စိတၢ်ကမီၤစးထီၣ်လီၤမၢ်ကွံာ်ဆူစီၤမၢ်ဒကဲၤအအိၣ်လံ. အဝဲမ့ၢ်ပှၤယူဒၤဖိတဂၤဒီးနမၤနၢၤအီၤတသ့ဘၣ်. အဝဲကမၤနၢၤကွံာ်နၤသပှၢ်ကတၢၢ်န့ၣ်လီၤ.”

စံးထီၣ်ပတြၢၤ 107:40

အဝဲဒုးနဲၣ်အတၢ်သးဘၣ်အၢလၢ ပှၤလၢအမၤအၢမၤနးအဝဲသ့ၣ်, ဒီးဒုးလဲၤဝ့ၤဝီၤအဝဲသ့ၣ်လၢမဲးမုၢ်ခိၣ် လၢကျဲတအိၣ်ဘၣ်အပူၤန့ၣ်လီၤ.

စံးထီၣ်ပတြၢၤ 17:8

ကဟုကယာ်ယၤဒ်နမဲာ်ပှၤဖိအသိးန့ၣ်တက့ၢ်. ပာ်ခူသူၣ်ယၤလၢနဒံးဆ့အကဒုဖီလာ်,

တၢ်ကတိၤဒိ. 7:2

မၤဒ်ယတဲနၤဒီးနကမူလီၤ. ဒီးပာ်သူၣ်ပာ်သးလၢနကမၤထွဲယတၢ် သိၣ်လိထဲသိးသိးဒီးနကဟုကယာ်နမဲာ်ပှၤဖိအသိးန့ၣ်တက့ၢ်.

လံာ်တၢ်သးဝံၣ်တဖၣ်အတၢ်သးဝံၣ် 8:5

ပှၤလၢအဟဲလၢပှၢ်လၢ်ကျါဒီးဟံးဃာ်လိာ်အစုဒီးအတၢ်အဲၣ်န့ၣ် မ့ၢ်မတၤတဂၤလဲၣ်. ယထိၣ်ဂဲၤထၢၣ်နၤလၢသ့ၣ်ဖီသၣ်အဖီလာ်, တၢ်လီၢ်လၢနအိၣ်ဖျဲၣ်တ့ၢ်န့ၣ်လီၤ.

လံာ်ယၡါယၤ 63:9

လၢအတၢ်နးတၢ်ဖှီၣ်ခဲလၢာ်အပူၤလီၤ. တၢ်န့ၣ်တမ့ၢ်ဘၣ်မူခိၣ် ကလူးတဂၤလၢအအုၣ်က့ၤခီၣ်က့ၤတ့ၢ်အဝဲသ့ၣ်ဘၣ်. မ့မ့ၢ်, မ့ၢ်ယွၤအကစၢ်ဒၣ်ဝဲလီၤ. လၢအတၢ်အဲၣ်ဒီးအတၢ် သးကညီၤအပူၤ, အဝဲဒၣ်မၤပူၤမၤဖျဲးအဝဲသ့ၣ်လီၤ. ထီဘိန့ၣ်, အဝဲကဟုကယာ်တ့ၢ်အဝဲသ့ၣ်လၢဆၢကတီၢ်အပူၤကွံာ်,

လံာ်ယံးရမံယၤ 13:11

ဒ်ဖျီၣ်ခံအဖုၣ်တဖၣ်အံၤဘၣ်တၢ်ကူကျၢၤတံၢ်ဃးအီၤလၢပှၤအယီၢ်ဒ့ အလိၤအသိးန့ၣ်, ယပာ်လီၤတ့ၢ်လံယသးလၢပှၤဂီၢ်မုၢ်ခဲလၢာ်လၢ ကီၢ်အံၣ်စရ့လးဒီးကီၢ်ယူဒၤကဖီၣ်ဃံးတံၢ်ယၤန့ၣ်လီၤ. ယမၤတ့ၢ်တၢ်အံၤဒ်သိးအဝဲသ့ၣ်ကမ့ၢ်ယပှၤဂီၢ်မုၢ်ဒီးကဟဲ စိာ်တၢ်စံးထီၣ်ပတြၢၤဒီးတၢ်လၤကပီၤလၢယမံၤအဂီၢ်လီၤ. ဘၣ်ဆၣ်ဒီးအဝဲသ့ၣ်တစူၢ်ယၤဘၣ်.”

လံာ်ယံးရမံယၤ 2:17

ကီၢ်အံၣ်စရ့လးဧၢ, နဒုးဘၣ်လီၤဒၣ်နဲနသးလၢတၢ်အံၤလီၤ. နလဲၤသဒၣ်တ့ၢ်ယၤ, ယွၤနကစၢ်ယွၤ, ဖဲယဆှၢနၤလၢကျဲဒီဘိအဖၢမုၢ်လီၤ.

လံာ်ယံးရမံယၤ 2:6

ယမၤပူၤဖျဲးတ့ၢ်အဝဲသ့ၣ်လၢကီၢ်အဲၤကူပတူးဒီးဆှၢတ့ၢ်အဝဲသ့ၣ် ခီဖျိပှၢ်မုၢ်ကနၢ, တၢ်လီၢ်တတီၤလၢအမ့ၢ်မဲးမုၢ်ခိၣ်တဖၣ်ဒီး မဲးအကလိာ်တဖၣ်, တၢ်လီၢ်တတီၤလၢအဃ့ထီဒီးလီၤပျံၤလီၤဖုး ဖဲပှၤတအိၣ်နီတဂၤဘၣ်ဒီးပှၤတလဲၤတၢ်လၢအပူၤ နီတဂၤဘၣ်ဒၣ်လဲာ်န့ၣ်, အဝဲသ့ၣ်တပာ်လ့ၢ်ပာ်ကဲယၤဘၣ်.

လံာ်ယဃ့းစက့လး 16:5

ပှၤတသးကညီၤဘၣ်နၤတုၤလၢကမၤတၢ်သ့ၣ်တဖၣ်န့ၣ် တမံၤမံၤလၢနဂီၢ်နီတဂၤဘၣ်. ဖဲနအိၣ်ဖျဲၣ်ထီၣ်န့ၣ်, ပှၤတအဲၣ်နၤနီတဂၤဘၣ်. နဘၣ်တၢ်ကွံာ်တ့ၢ်ကွံာ်နၤလၢတၢ်ပျီပူၤန့ၣ်လီၤ.

လံာ်ယဃ့းစက့လး 20:36

ခဲကနံၣ်အံၤယကစံၣ်ညီၣ်ဃၣ်သု, ဒ်သိးဒၣ်ယစံၣ်ညီၣ်ဃၣ်တ့ၢ် သုပၢ်တဖၣ်လၢကစၢၢ်စံၤနါအပှၢ်မုၢ်ကနၢပူၤအသိးန့ၣ်လီၤ.” ယွၤ, ပၢဘၣ်တၢ်ခဲလၢာ်ကစၢ်စံးတၢ်န့ၣ်လီၤ.

လံာ်ဟိၤၡ့ 11:3

ယမ့ၢ်ဒၣ်လဲာ်ပှၤတဂၤလၢအသိၣ်လိတ့ၢ်ကီၢ်အံၣ်စရ့လးလၢကဘၣ်ဟးဒ် လဲၣ်န့ၣ်လီၤ. ယစိာ်ထီၣ်ယပှၤဂီၢ်မုၢ်လၢယစုတီၤတဖၣ်အလိၤ, ဘၣ်ဆၣ်အဝဲသ့ၣ်တအၢၣ်လီၤသ့ၣ်ညါဝဲလၢယအံးထွဲကွၢ် ထွဲတ့ၢ်အဝဲသ့ၣ်န့ၣ်ဘၣ်.

လံာ်ဟိၤၡ့ 13:5

ယအံးထွဲကွၢ်ထွဲနၤလၢတၢ်ဃ့ထီအလီၢ်တတီၤ, ပှၢ်မုၢ်ကနၢအပူၤလီၤ.

လံာ်စကၤရယၤ 2:12

ကီၢ်ယူဒၤကမ့ၢ်ကဒီးယွၤအတၢ်လီၢ်လီၤဆီလၢအကီၢ်စီဆှံအပူၤ, ဒီးဝ့ၢ်ယရူၤၡလ့ၣ်ကမ့ၢ်ဝ့ၢ်လၢအဝဲအဲၣ်ဝဲအဒိၣ်ကတၢၢ်လီၤ.

လံာ်စကၤရယၤ 2:8

ပှၤတဂၤဂ့ၤတဂၤဂ့ၤလၢအတီၢ်သုန့ၣ်မ့ၢ်အတီၢ်တၢ်လၢ အလုၢ်ဒိၣ်ပှ့ၤဒိၣ်ကတၢၢ်လၢယဂီၢ်န့ၣ်လီၤ.” လၢတၢ်န့ၣ်အဃိယွၤသ့တၢ်လၢာ်မၢလီၤ ယၤအိၣ်ဒီးတၢ်ကစီၣ်အံၤလၢပှၤကလုာ်တဖၣ်လၢအဂုာ်ဆူၣ် ပျီဆူၣ်အပှၤဂီၢ်မုၢ်အဂီၢ်ဒ်အံၤ,

ရိမ့ၤ 2:18

နသ့ၣ်ညါတၢ်လၢကစၢ်ယွၤသးအိၣ်လၢနကမၤအီၤ, ဒီးနမၤတ့ၢ်လံတၢ်လၢတၢ်သိၣ်တၢ်သီအပူၤလၢနကဃုထၢတၢ်လၢ အဘၣ်အဂီၢ်န့ၣ်လီၤ.

ရိမ့ၤ 3:2

အိၣ်အါဝဲနီၢ်နီၢ်လၢကျဲကိးဘိဒဲးန့ၣ်လီၤ. အခီၣ်ထံးကတၢၢ်တမံၤန့ၣ်, ကစၢ်ယွၤဟ့ၣ်လီၤအးလီၤအတၢ်ကစီၣ်လၢပှၤယူဒၤဖိတဖၣ်န့ၣ်လီၤ.

လံာ်သိၣ်လီၤသီလီၤတၢ် 1:19

ပမၤတၢ်လၢယွၤ, ပကစၢ်ယွၤမၤလိာ်တ့ၢ်ပှၤန့ၣ်လီၤ. ပဟးထီၣ်ကွံာ်လၢကစၢၢ်စံၤနါ, ဒီးလဲၤခီဖျိပှၢ်မုၢ်ကနၢဖး ဒိၣ်ဖးလဲၣ်ဒီးလီၤပျံၤလီၤဖုး, လၢပတၢ်လဲၤကျဲဆူပှၤဧၣ်မိၣ်ဖိတဖၣ်အကီၢ်လၢအပှဲၤဒီးတၢ်လူၢ်တၢ်တြီၤန့ၣ်လီၤ. ဖဲပလဲၤတုၤလၢဝ့ၢ်ကၤဒ့ၣ်ဘၢ်န့န့ၣ်,

လံာ်သိၣ်လီၤသီလီၤတၢ် 1:31

ဒီးလၢပှၢ်မုၢ်ကနၢအပူၤအသိးန့ၣ်လီၤ. သုထံၣ်ဘၣ်တ့ၢ်လၢအဝဲ ဟဲစိာ်သုလၢကျဲဒီဘိညါတုၤဆူတၢ်လီၢ်အံၤပူၤပူၤဖျဲး ဖျဲးဒ်လဲၣ်, ဒ်ပၢ်တဂၤစိာ်အဖိအသိးန့ၣ်လီၤ.

လံာ်သိၣ်လီၤသီလီၤတၢ် 4:36

အဝဲပျဲသုနၢ်ဟူဘၣ်အကလုၢ်လၢမူခိၣ်ဒ်သိးအဝဲသိၣ်သီနဲၣ်ယုၤ သုကသ့ဝဲန့ၣ်လီၤ. ဒီးဖဲအံၤလၢဟီၣ်ခိၣ်ချၢအံၤန့ၣ်အဝဲပျဲသုထံၣ်ဘၣ်အမ့ၣ်အူ စီဆှံ, ဒီးအဝဲကတိၤတၢ်ဒီးသုလၢတၢ်န့ၣ်အပူၤလီၤ.