လံာ်သိၣ်လီၤသီလီၤတၢ် 31:3 - Sgaw Karen Common Bible

³ ယွၤ, သုကစၢ်ယွၤအကစၢ်ဒၣ်ဝဲကလဲၤတၢ်လၢသုမဲာ်ညါဒီးမၤဟး ဂီၤကွံာ်ပှၤကလုာ်တဖၣ်လၢအအိၣ်ဆိးဖဲန့ၣ်, ဒ်သိးသုမၤန့ၢ်အဝဲသ့ၣ်အထံအကီၢ်ကသ့ဝဲ, ဒီးဒ်ယွၤစံးတ့ၢ် ဝဲအသိးန့ၣ်, စီၤယိၤၡူကကဲထီၣ်သုခိၣ်သုနၢ်န့ၣ်လီၤ.

လံာ်သိၣ်လီၤသီလီၤတၢ် 31:3 Iomraidhean Croise

လံာ်တၢ်ကဲထီၣ်အခီၣ်ထံး 48:21

အန့ၣ်ဒီး, စီၤယၤကိာ်စံးဘၣ်စီၤယိၤသး, “ဒ်နထံၣ်အသိး, ယကသံဘူးထီၣ်လံ. ဘၣ်ဆၣ်ဒီး, ကစၢ်ယွၤကအိၣ်ဒီးနၤ, ဒီးကဆှၢကဒါက့ၤနၤဆူနမိၢ်ပၢ်ဖံဖုလၢပျၢၤတဖၣ်အကီၢ်န့ၣ် လီၤ.

မၤတၢ် 7:45

ဒဲန့ၣ်ဘၣ်တၢ်ဟ့ၣ်လီၤအီၤဆူပမိၢ်ပၢ်ဖံဖုလၢပျၢၤတဖၣ် အစုပူၤတဆီဘၣ်တဆီ, ဒီးအဝဲသ့ၣ်စိာ်ဃုာ်ဝဲဖဲအလဲၤတၢ်ဒီး စီၤယိၤၡူဒီးမၤန့ၢ်ဝဲပှၤကလုာ်လၢကစၢ်ယွၤဟီထီၣ်ကွံာ်အီၤတဖၣ် အထံအကီၢ်န့ၣ်လီၤ. ဒီးဒဲန့ၣ်အိၣ်ဝဲဖဲကီၢ်န့ၣ်အပူၤတုၤလီၤလၢ စီၤဒၤဝံးအစိၤတစုလီၤ.

လံာ်သိၣ်လီၤသီလီၤတၢ် 1:30

ယွၤ, သုကစၢ်ယွၤကဆှၢသုဒီးအဝဲကဒုးတၢ်လၢသုဂီၢ်, ဒ်သိးဒၣ်သုထံၣ်အဝဲမၤတ့ၢ်ဝဲလၢကီၢ်အဲၤကူပတူးအပူၤအသိး,

လံာ်သိၣ်လီၤသီလီၤတၢ် 3:28

မၤလိာ်ဒီးဟ့ၣ်စိၤဟ့ၣ်ကမီၤစီၤယိၤၡူ, တက့ၢ်. ဒုးဆူၣ်ထီၣ်အဂံၢ်အဘါဒီးဒုးတံးသဟီၣ်ထီၣ်အဂံၢ်အဘါတက့ၢ်. အဂ့ၢ်ဒ်အံၤ, အဝဲကဆှၢပှၤဂီၢ်မုၢ်ဆူဘးခီလၢနထံၣ်ဘၣ်အီၤန့ၣ်လီၤ.

လံာ်သိၣ်လီၤသီလီၤတၢ် 31:14

အန့ၣ်ဝံၤဒီးယွၤစံးဘၣ်စီၤမိၤၡ့, “နတအိၣ်မူဘၣ်ယံာ်ယံာ်လၢၤဘၣ်. ဟဲကိးစီၤယိၤၡူဆူယွၤအဒဲစီဆှံ, လၢယကဟ့ၣ်လီၤအီၤအတၢ် သိၣ်လိနဲၣ်ယုၤတဖၣ်အဂီၢ်တက့ၢ်.” စီၤမိၤၡ့ဒီးစီၤယိၤၡူလဲၤဃီၤဆူဒဲစီဆှံ,

လံာ်သိၣ်လီၤသီလီၤတၢ် 31:23

အန့ၣ်ဝံၤဒီးယွၤကတိၤဃီၤတၢ်ဆူစီၤနိၣ်အဖိခွါစီၤယိၤၡူ အအိၣ်ဒီးစံးဘၣ်အီၤ, “အိၣ်ဒီးတၢ်နာ်အဂၢၢ်အကျၢၤဒီးပာ်လီၤနသးကျၢၤမုဆှုတက့ၢ်. နကဘၣ်ဆှၢနုာ်ကီၢ်အံၣ်စရ့လးအပှၤဂီၢ်မုၢ်ဆူကီၢ်တဘ့ၣ်လၢယအၢၣ် လီၤတ့ၢ်အဝဲသ့ၣ်လၢယကဟ့ၣ်အီၤအပူၤ, ဒီးယကအိၣ်ဒီးနၤန့ၣ်လီၤ.”

လံာ်သိၣ်လီၤသီလီၤတၢ် 31:4

ယွၤကမၤဟးဂီၤကွံာ်ပှၤဂီၢ်မုၢ်တဖၣ်န့ၣ်, ဒ်သိးဒၣ်အဝဲမၤနၢၤ ကွံာ်ပှၤဧၣ်မိၣ်ဖိအစီၤပၤတဖၣ်လၢအမ့ၢ်, စီၤစံဃိၣ်ဒီးစီၤဧိာ်တဖၣ်, ဒီးမၤဟးဂီၤကွံာ်အဝဲသ့ၣ်အထံအကီၢ်အသိးန့ၣ်လီၤ.

လံာ်သိၣ်လီၤသီလီၤတၢ် 34:9

စီၤနိၣ်အဖိခွါစီၤယိၤၡူဘၣ်တၢ်မၤပှဲၤအီၤဒီးတၢ်ကူၣ်သ့, မ့ၢ်လၢစီၤမိၤၡ့ဃုထၢပာ်လီၤတ့ၢ်အီၤဒ်ပှၤလၢကထီၣ်က့ၤအဝဲ အလီၢ်အသိးအဃိန့ၣ်လီၤ. ကီၢ်အံၣ်စရ့လးအပှၤဂီၢ်မုၢ်စူၢ်စီၤ ယိၤၡူဒီးတိၢ်န့ၢ်ဖံးဃာ်တၢ်မၤလိာ်တဖၣ်လၢယွၤဟ့ၣ်လီၤတ့ၢ် အဝဲသ့ၣ်ခီဖျိစီၤမိၤၡ့န့ၣ်လီၤ.

လံာ်သိၣ်လီၤသီလီၤတၢ် 7:1

ယွၤ, သုကစၢ်ယွၤကဆှၢနုာ်သုဆူကီၢ်လၢသုကလဲၤနုာ်မၤန့ၢ် အီၤအပူၤ, ဒီးအဝဲဒၣ်ကနီၣ်ထီၣ်ကွံာ်ပှၤအါကလုာ်လၢကီၢ်န့ၣ်အပူၤလီၤ. တုၤသုလဲၤထီၣ်ဒုးတၢ်န့ၣ်, အဝဲကနီၣ်ထီၣ်ကွံာ်ပှၤကလုာ်နွံ ကလုာ်လၢအဒိၣ်န့ၢ်သုဒီးအဂံၢ်အဘါဆူၣ်န့ၢ်သုလၢအမ့ၢ်ပှၤဃ့ၤ သးဖိတဖၣ်, ပှၤကံၣ်ကၣ်ဖိတဖၣ်, ပှၤအမိၢ်ဖိတဖၣ်, ပှၤကနၤဧၣ်ဖိတဖၣ်, ပှၤပရးစၤဖိတဖၣ်, ပှၤဃံၤဝံဖိတဖၣ်ဒီး ပှၤယဘူၣ်ဖိတဖၣ်န့ၣ်လီၤ.

လံာ်သိၣ်လီၤသီလီၤတၢ် 9:3

မ့မ့ၢ်ခဲကနံၣ်အံၤ, သုကထံၣ်ဘၣ်လၢသုနီၢ်ကစၢ်ဒၣ်သုဝဲလၢ ယွၤ, သုကစၢ်ယွၤကလဲၤဆိတၢ်လၢသုမဲာ်ညါလီၤဂာ်ဒ်မ့ၣ်အူအီၣ်တၢ် တပျုာ်တပျီၤအသိးန့ၣ်လီၤ. ယွၤကမၤနၢၤကွံာ်အဝဲသ့ၣ်, ဖဲသုလဲၤထီၣ်ဒုးတၢ်အခါ, ဒ်သိးသုကနီၣ်ထီၣ်ကွံာ်အဝဲသ့ၣ် ဒီးမၤဟးဂီၤကွံာ်အီၤချ့သဒံးဒ်အဝဲအၢၣ်လီၤတ့ၢ်ဝဲအသိး န့ၣ်လီၤ.

ဧ့ၤဘြံၤ 4:8

စီၤယိၤၡူမ့ၢ်ဟ့ၣ်တ့ၢ်လံအဝဲသ့ၣ်လၢတၢ်အိၣ်ဘှံးလၢ ကစၢ်ယွၤစံးပာ်တ့ၢ်လၢအဂ့ၢ်ဒီး, တမ့ၢ်လၢကစၢ်ယွၤကစံးကဒီးဘၣ်ထွဲဒီးမုၢ်နံၤအဂၤတနံၤ အဂ့ၢ်လၢၤဘၣ်လီၤ.

လံာ်စီၤယိၤၡူ 1:2

အဝဲစံးဝဲ, “ယခ့ယပှၤစီၤမိၤၡ့သံလံ. အိၣ်ကတဲာ်ကတီၤသုသးခဲအံၤ, နၤဒီးပှၤအံၣ်စရ့လးဖိခဲလၢာ်, ဒီးလဲၤခီဂာ်ထံကျိယၢ်ဒ့ၣ်ဒီးလဲၤနုာ်ဆူကီၢ်လၢယဟ့ၣ်လီၤ အဝဲသ့ၣ်န့ၣ်တက့ၢ်.

လံာ်စီၤယိၤၡူ 11:15

ဒ်ယွၤမၤလိာ်တ့ၢ်အခ့အပှၤစီၤမိၤၡ့အသိး, စီၤမိၤၡ့မၤလိာ်တ့ၢ်စီၤယိၤၡူဒီးစီၤယိၤၡူမၤဝဲဒ်န့ၣ်အသိးလီၤ. တၢ်လၢယွၤမၤလိာ်တ့ၢ်စီၤမိၤၡ့ခဲလၢာ်န့ၣ်, အဝဲတပာ်လီၤတဲာ်ဝဲနီတမံၤဘၣ်.

လံာ်စီၤယိၤၡူ 3:7

ယွၤစံးဘၣ်စီၤယိၤၡူ, “တနံၤအံၤယကမၤလၤကပီၤနၤဒ်ပှၤဖးဒိၣ်တဂၤအသိးလၢပှၤအံၣ် စရ့လးဖိခဲလၢာ်အမဲာ်ညါ, ဒီးအဝဲသ့ၣ်ကသ့ၣ်ညါဝဲလၢယ အိၣ်ဒီးနၤဒ်ယအိၣ်တ့ၢ်ဒီးစီၤမိၤၡ့ အသိးန့ၣ်လီၤ.

လံာ်စီၤယိၤၡူ 4:14

ဒီးလၢနံၤအဝဲန့ၣ်, ယွၤယူာ်ထီၣ်ထီစီၤယိၤၡူလၢအံၣ်စရ့လးခဲလၢာ်အမဲာ်ညါဒီးဒ် အဝဲသ့ၣ်, ပျံၤစီၤမိၤၡ့အသိးန့ၣ်, ပျံၤစ့ၢ်ကီးစီၤယိၤၡူတစိၤဒၣ်အီၤန့ၣ်လီၤ.