လံာ်သိၣ်လီၤသီလီၤတၢ် 31:18 - Sgaw Karen Common Bible

¹⁸ ဒီးအန့ၣ်တစုယကဂ့ၢ်လိာ်လၢတၢ်မၤစၢၤအဝဲသ့ၣ်အဂီၢ်, မ့ၢ်လၢအဝဲသ့ၣ်မၤတ့ၢ်တၢ်အၢတၢ်သီဒီးဘူၣ်ထီၣ်ဘါထီၣ်ကစၢ်အဂၤ တဖၣ်အဃိန့ၣ်လီၤ.

လံာ်သိၣ်လီၤသီလီၤတၢ် 31:18 Iomraidhean Croise

လံာ်စီၤပၤခံဘ့ၣ်တဘ့ၣ် 22:13

“လဲၤဒီးသံကွၢ်တၢ်လၢယွၤ, လၢယဂီၢ်ဒီးလၢကယဲၢ်ကီၢ်ယူဒၤ အပှၤဂီၢ်မုၢ်အဂီၢ်ဘၣ်ဃးဒီးလံာ်အံၤအတၢ်သိၣ်တၢ်သီ တဖၣ်အဂ့ၢ်န့ၣ်တက့ၢ်. ယွၤအသးထီၣ်ဘၣ်ပှၤ, မ့ၢ်လၢပမိၢ်ပၢ်ဖံဖုလၢပျၢၤတဖၣ်တမၤတ့ၢ်တၢ်လၢလံာ်အံၤပာ် ဖျါဝဲလၢပကဘၣ်မၤဝဲတဖၣ်အဃိန့ၣ်လီၤ.”

လံာ်တၢ်ဟးထီၣ်ကွံာ် 34:15

မၤတၢ်အၢၣ်လီၤအီလီၤဒီးပှၤဂီၢ်မုၢ်လၢသုလဲၤနုာ်လီၤဆူအထံ အကီၢ်န့ၣ်နီတမံၤတဂ့ၤ. အဂ့ၢ်ဒ်အံၤ, ဖဲအဝဲသ့ၣ်ဘါထီၣ်အပှၤ တစူၢ်တနာ်တၢ်အယွၤတဖၣ်ဒီးလုၢ်တၢ်ပာ်တၢ်ဆူအအိၣ်န့ၣ်, ကကွဲသုလၢသုကမၤဃုာ်သကိးတၢ်ဒီးအီၤ, ဒီးသုကဘၣ်တၢ်လ့ပစီလၢသုကအီၣ်တၢ်အီၣ်တဖၣ်လၢအလုၢ် ထီၣ်ဝဲဆူအကစၢ်တဖၣ်အအိၣ်န့ၣ်လီၤ.

လံာ်ယၡါယၤ 48:8

ယသ့ၣ်ညါတ့ၢ်လၢတၢ်နာ်န့ၢ်သုတသ့ဘၣ်. သုဘၣ်တၢ်သ့ၣ်ညါတ့ၢ်သုထီဘိဒ်ပှၤပူထီၣ် တၢ်အသိးလီၤ. တၢ်န့ၣ်မ့ၢ်လၢသုတနၢ်ဟူတ့ၢ်တၢ်ဂ့ၢ်အံၤနီတဘျီနီတစုဘၣ်အဃိ ဒီး မ့ၢ်လၢတၢ်ကတိၤတတုၤအိၣ်သုနၢ်တဖၣ်နီတဖျၢၣ်နီတဘျီဘၣ်အဃိ န့ၣ်လီၤ.

လံာ်ယၡါယၤ 5:25

ယွၤသးဒိၣ်အပှၤဂီၢ်မုၢ်ဒီးယူာ်ထီၣ်အစုလၢကစံၣ်ညီၣ်အဝဲသ့ၣ်အဂီၢ်လီၤ. ကစၢၢ်ကလိတဖၣ်ကဟူးဝးဝဲဒီးပှၤလၢအသံတဖၣ်အစိၣ်ကဘၣ်တၢ် ပာ်တ့ၢ်အီၤလၢကျဲခိၣ်ဒ်တၢ်တပှီာ်တပှာ်တဖၣ်အသိးလီၤ. အန့ၣ်ဒၣ်လဲာ်, ယွၤအတၢ်သးဒိၣ်ထီၣ်တကတၢၢ်ဒံးဘၣ်, ဒီးအစုကယၤထီၣ်ဒံးအ သးလၢကစံၣ်ညီၣ်တၢ်အဂီၢ်လီၤ.

လံာ်ယၡါယၤ 64:7

ပှၤတဃၣ်ဃီၤအသးဆူနအိၣ်လၢတၢ်ထုကဖၣ်အပူၤနီတဂၤ, ပှၤတလဲၤဆူနအိၣ်လၢတၢ်မၤစၢၤအဂီၢ်နီတဂၤဘၣ်. နပာ်ခူသူၣ်ကွံာ်နသးလၢပှၤဒီးစူးကွံာ်ညိကွံာ်တ့ၢ်ပှၤလၢပတၢ် ဒဲးဘးတဖၣ်အဃိလီၤ.

လံာ်ယံးရမံယၤ 33:5

ပှၤတနီၤန့ၣ် ကဒုးတၢ်ထီဒါ ပှၤဘၤဘူၤလိၣ်ဖိတဖၣ်, လၢအမ့ၢ်ပှၤလၢ အမၤပှဲၤဟံၣ်ဃီတဖၣ်ဒီး ပှၤအစိၣ်တဖၣ်လၢ ယကမၤသံအီၤလၢ ယတၢ်သးထီၣ်ဒီး တၢ်သးကဲၤထီၣ် အပူၤန့ၣ်လီၤ. ယဃၣ်ယံၤကွံာ်လံ ယသးလၢ ဝ့ၢ်အံၤမ့ၢ်လၢ တၢ်အၢတၢ်သီတဖၣ် လၢဝ့ၢ်အံၤ အပှၤဂီၢ်မုၢ်မၤတ့ၢ်ဝဲ အဃိန့ၣ်လီၤ.

လံာ်ယဃ့းစက့လး 39:23

ဒီးပှၤကလုာ်တဖၣ်ကသ့ၣ်ညါဝဲလၢ, ပှၤအံၣ်စရ့လးဖိတဖၣ်ဘၣ် လဲၤဆူတၢ်စိာ်မၢကဲကုၢ်အလီၢ်, မ့ၢ်လၢတၢ်ဒဲးဘးတဖၣ်လၢ အဝဲသ့ၣ်မၤတ့ၢ်ထီဒါယၤအဃိန့ၣ်လီၤ. ယကဃၣ်ကွံာ်ယသးလၢ အဝဲသ့ၣ်အအိၣ်ဒီးပျဲအဝဲသ့ၣ်အဒုၣ်အဒါတဖၣ်မၤနၢၤမၤဃၣ်အဝဲသ့ၣ် ဒီးမၤသံကွံာ်အဝဲသ့ၣ်လၢတၢ်ဒုးအပျီပူၤန့ၣ်လီၤ.

လံာ်သိၣ်လီၤသီလီၤတၢ် 31:19

ခဲအံၤကွဲးလီၤတၢ်သးဝံၣ်အံၤတက့ၢ်. သိၣ်လိန့ၢ်ကီၢ်အံၣ်စရ့ လးအပှၤဂီၢ်မုၢ်တၢ်အံၤဒ်သိးတၢ်န့ၣ်ကအိၣ်ဂၢၢ်ကျၢၤဝဲဒ်တၢ်အုၣ် အသးထီဒါအဝဲသ့ၣ်အဂီၢ်န့ၣ်တက့ၢ်.

လံာ်သိၣ်လီၤသီလီၤတၢ် 32:20

အဝဲစံးဝဲ, “ယတမၤစၢၤလၢၤအဝဲသ့ၣ်ဘၣ်. အန့ၣ်ဒီး, ယကထံၣ်တၢ်လၢအမၤအသးဒီးအဝဲသ့ၣ်, လၢအမ့ၢ်ပှၤလၢအခိၣ်ကိၤ, ပှၤဂီၢ်မုၢ်လၢအသူၣ်တတီသးတရၤဘၣ်အဃိ န့ၣ်လီၤ.

လံာ်ပှၤစံၣ်ညီၣ်ကွီၢ် 2:17

ဘၣ်ဆၣ်ဒီးပှၤအံၣ်စရ့လးဖိတဖၣ်တကနၣ်ဃုာ်အခိၣ်အနၢ်တဖၣ်ဘၣ်. ကီၢ်အံၣ်စရ့လးဖိအသးတတီဒီးယွၤဘၣ်ဒီးဘူၣ်ထီၣ်ဘါထီၣ်ကစၢ်အဂၤတဖၣ်န့ၣ်လီၤ. အဝဲသ့ၣ်အပၢ်တဖၣ်ဒိကနၣ်ယွၤအတၢ်မၤလိာ်တဖၣ်ဘၣ်ဆၣ်ဒီး ပှၤအသီတစိၤအံၤတမၤဘၣ်ဝဲဒ်န့ၣ်ဘၣ်လီၤ.